Le texte porte : « le semblant

[OGTOBRB 1540] M. DB MARILLAG 227

d'avoir la guerre, mectre en tel ordre et équipaige qui les faiet encore très bon veoir et singulièrement troys qui exceddent et en grandeur et équippaige toutes les autres, lesquelles sont communément sur ceste rivière, à sept milz de ceste ville en tirant à la mer, Tune est appelée le Grand Henry ^ estimée de mil cinq cens tonneaulx, les deux autres sont d'environ neuf cens ou mille, dictes Tune Marie Boze, Tautre Pomme Grenade, Le surplus des aultres n'est de si grande capacité. Toutesfoys elles sont foumyes de tout ce que leur fault et singulièrement d'artillerye et munition, beaucoup mieux que de bons pillotes et mariniers dont la pluspart sont estrangiers.

(c Au demourant, Sire, il ne se parle point que ce roy dresse avec diligence autres vaisseaulx, seuUement se dict qu'on en a commencé une ou deux qui se font tout à loisir pour substituer au lieu des autres qui se trouveront estre les plus vieilles et cassées. Môme à veoir besongner le peu des maîtres qui entendent à l'ouvraige, Ton peult aisément juger quelles ne seront de deux ans prestes à faire voile.

<c Oultre les navires de ce roy, Sire, il ne se peult affermer qu'il y ayt en Angleterre sept ou huîct navires qui passent quatre ou cinq cens tonneaulx, dont les troys sont à celuy qui est maintenant [seigneur du] Privé séel, qui naguères estoit admirai, et deux ou troys dont l'on faict estime, sont à quelques riches marchans de Londres. Le surplus sont petites naufz de cinquante, soixante et quatre-vingtz tonneaulx au plus, pour naviguer en ces destroictz, rades et avres qui ne passent point plus avant que la Rochelle et Bourdeaulx, qui sont plus propres à trajecter et porter victuailles que pour combatre, aussi bien n'en faict l'on grand cas quand il est question d'armer, ains mect l'on peine d'arrester les naufz des estrangiers qui viennent de la mer de Levant, singulièrement des Ragusiens et Geinevoys qui sont communément bien instruictes d'équippaige et de gens. L'on prent aussi celles des Vénitiens.

Toutesfoys, le tout comprins, à la dernière preuve que ceulx-cy voulloieat faire l'an passé de leurs forces, ilz ne peurent oncques assembler cinquante navires qui feussent bons à combatre, bien qu'ilz facent courir le bruyct d'en povoir tousjours aisément mectre cent. Et par conclusion, Sire, s^ilz faisoient jusques à soixante-dix ou quatre-vingtz voilles, ce seroit le plus grand effort qu'ilz pourroient faire en ung extrême besoing. Ce que après la relation de plusieurs honnestes gens qui ont hanté le pays et qui s'entendent au faict de la marine, desquelz je me suis le plus dilligemment informé qu'il m'a esté possible, il m'a semblé vous pouvoir escrire. Sire, congnoissant que la plus commune oppinion de tous ceulx qui ont quelque jugement et practique du pays est telle que

dessus est dict »

VoK 4, P 209 V», copie du xvi« siècle, B p. 1/4 in-f».

[octobre 1840]

MARILLAG AU CONNÉTABLE.