Le texte porte : gueldins
poinet qu'il semble ce propos estre proeeddé plus de la pari dudit seigneur duc que de la myenne, car entre plusieurs et diverses choses dont nous parlions ensemble, me disant qu'il eust bien désiré que mon dit seigneur d'Orléans, qu'il appelle communément son petit maistre, eust espousé la princesse de Navarre, comme luy soubzhaictant ung party des plus advantaigeux qu'on pourroit trouver, et discourant après quelle aultre femme luy pourroit estre donnée, après plusieurs dames qui feurent nommées, je mys en avant si une des filles du roy son maistre ne viendroit point tant à propos que les aultres dont estoit faicte mention et que, pour ma part, je le soubhaictoys d'aultant plus qu'il me sembloit les choses pourroient estre plus aisées à conduire attendu la grande amityé qui estoit entre noz deux maistres avec désir et volenté que j'estois asseuré que tous deux avoient de l'entretenir indissoluble, en quoy je ne veoyois moyen plus propre pour la perpétuer et faire que leurs successeurs continuassent en l'afTection de leurs pères que à la reffraischir et confirmer par alliance de mariaige avec leurs enfians.
« Sur laquelle proposition, Sire,ledict seigneur duc me respondit quïl ne désiroit en son cueur riens tant que ce que j'avoys dict et qu'il luy souvenoit bien que telz propoz avoient esté mys en termes à Calays entre monseigneur l'admirai et luy, lesquels il vouldroit bien qu'on reprint. Par quoy, proceddant oultre, je le requis de me voulloir descouvrir comment ce pourroit estre et de laquelle des deux dames, filles dudit seigneur roy, on pourroit ouvrir le propoz, et s'il luy sembloit point qu'il fust grandement leur adventaige de collocquer une desdites dames si haultement comme à mondit seigneur d'Orléans, auquel pour appanaige l'on donnast la duché de Milan, et si pour leur regart ne seroit poinet chose bien aisée, d'aultant que pour la dot qu'on asseureroit à ladicte dame, l'on pourroit estaindre ceste vieille et ancienne querelle des pencions et establir une telle seureté entre France et Angleterre que tout le monde auroit à les révérer; et quant ausdites dames je le prioys de me dire son advis de laquelle se pourroit estre, et s'il seroit myeulx que ce bien fust procuré à la plus jeune que à l'aisnée Madame Marie, d'aultant qu'on pourroit faire difficulté à cause de ce que peult estre l'on ne la vouldroict donner comme légitime, et vous, Sire, ne seriez pour aulcunement l'accepter en aultre qualité.
« Sire, en responce de ce que cy dessus estoit proposé, ledit seigneur duc me teint les propoz cy après contenuz, qu'il me semble d'aultant plus les avoir dict en la sorte qu'il pensoit qu'il ne print aulcun delay pour desguiser la matière et qu'il y a quelque vérissimilitude à son dire. Premièrement, touchant la plus jeune dame des deux, il dist rondement qu'il ne vous vouloit poinet abuser et que n'en convenoit aulcunement parler, d'autant que, oultre ce qu'elle estoit en bas aaige comme n'ayant que sept ans, pour l'oppinion qu'on avoit eu de la royne Anne dont elle estoit fille, Ton avoit entièrement conclud de la tenir illégitime et que je
considérasse que par acte de leur parlement il estoit ainsi arresté, et davanlaige, pour aultant que ladite royne Anne estoit sa niepce, s'il en avoit entamé tel propos il seroit tousjours souspeçonné, non tant du maistre que de ses ministres, qui luy mettroient en avant que pour faire sa maison grande il auroit machiné une telle chose, contrevenant à ce que luy mesmes avoit oppiné en parlement. Mais pour le regard de Madame Marie, fille de la royne Catherine, qu'il estimoit les choses se pouvoir aisément conduire et que si Ton vouUoit il les enchemineroit en sorte qu'on en pourroit espérer bonne fin, mesmement qu'on s'estoit résolu de ne la donner point à l'empereur ; et pour autant, Sire, que je luy feiz mention de ce qu'on la tenoit pour illégitime, il me réplicqua que s'il ne tenoit que à ce point, l'alTaire se porteroit bien, me disant par grand secret et à la charge que je ne le révélasse aillieurs, que le roy son maistre avec son conseil avoient secrètement conclud que en defTault d'hoirs masles elle succederoit à la couronne d'Angleterre et puis, dict-il, ne congnoist-on pas le père et la mère et ne tenez- vous pas le mariaige bon et approuvé par l'Église? Et en tout événement il est au bon plaisir du roy son père de la légitimer et faire habille à succéder? De quoy donc se doibt on soulcyer? Car si l'on a mys obstacle, il n'y a riens faict qui ne se puisse delTaire. Car la substance, Sire, des propos que ledit seigneur duc me teint quasi en mesmes parolles, m'advertissant que si on y vouUoit entendre, que s'estoit mainctenant la vraye saison, se réservant au demourant à m'en parler plus avant après que serions en ceste ville, car ce que dessus me fut dict en ufhe maison du duc de SulToc qui est à dix milz d'icy.
« Depuis, Sire, ledit seigneur duc me trouvant hyer en ceste ville me teint plusieurs longs propos dont la substance, pour le faire court, est telle : Et premièrement, qu'il avoit exposé tout ce que dessus est dict au roy son maistre, lequel il avoit trouvé tant affectionné envers vous, Sire, et si bien disposé vouUoir entendre à tout qu'il n'estoit possible de plus; et pour me dooner cause de persévérer et pousser cest affaire de meilleur couraige, ledit seigneur roy me remercyoit de ce que, comme bon ministre, j'avoys inventé et my en avant moyen de vous entretenir amys et me sentoit {sic) ung merveilleux gré d'avoir si bien advisé ce qu'estoit expédient pour cest effect ; et au regard de luy, attendu que sans aultre charge ne instruction de vous. Sire, comme tousjours j'avoys protesté ce propos estre provenu de moy seullement et que l'affaire estoit de telle importance qu'il n'en povoit plus avant parler avec moy si je n'avoys pouvoir de négocier. La response qu'il me pouvoit donner estoit telle que si pour le passé vous. Sire, aviez eu quelques causes de vous douloir de ce que peult estre il n'avoit faict pour vostre regard tout ce que en pouviez espérer comme d'un meilleur frère et amy et pareillement si de sa part il avoit eu cause de se tenir pour mal traicté pour n'estre satisfaict des penssions qui estoient deues pour plu-
sieurs causes toutes très raisonnables, et que au moyen de ce Tung ce feust aulcunement refroidy en amityé et esiongné de Taultre, et que mainctenant Tonvoulsist oblyer le passé et entendre si bien à Tadvenir qu*on estaingnist toutes vieilles questions et querelles, qu'il estoit prest et disposé d'entendre à tout honneste party qu'on pourroit adviser, et monstrer par effect qu'il n*a désir si grant en ce monde que de vous demeurer très entier aroy et meilleur frère, adjoustant ad ce que dessus ledit seigneur de Norfolk que par le Saincl-Sacrement qu'ail veoit, d'autant que conférions ces propoz en une église^ et lequel serment il me répéta plus de vingt foys, qu'il ne vcit oncques le roy son maistre parler en démonstration de plus grande affection et k toutes ses parolles qu'il n'y avoil ung seul mot de [déjguysement ne dissimulation, lesquelles toutesfovs pour estre *....*. je mis quelques interrogatoires sur la particularité de mariaige dessus mentionné en quoy je ne tiray aultre responce sinon qae quant l'on vcrroit que vous, Sire, approuveriez ce que j'avoys mys en avant, qu'on me respondroit après sur tout ce que je proposero^'s et en sorte qu'on congnoistroit que de leur part ilz sont délibérez d'entendre à toute raison. Bien me dict ledit seigneur duc, comme de soy, que le vray cheniyn qu'on debvqit tenir pour restriction de cesle amitié estoit sur traictez de mariaige, mais il inféroit taisiblement que la proposition deast estre faicte de nostre costé.
« Sire, les termes qu'on me tient à ce commancement sont si honnestes et gralieux qu'on en peult espérer quelque bien. Toutesfoys, pour aultant qu'en semblables généralitez ceulx-cy souvent se sont montrez fort délibérez et après, quant c'est venu à joindre, l'on les a congneuz fort difficilles, je n'en ose encore riens promettre ny asseurer. Tant y a que, entre le doubte qu'on peult avoir pour la preuve qu'on a eu d'eulx au passé, et l'espérance au contraire qu'ilz soient pour faire myeulx à l'advenir, cesle menée, soubz correction. Sire, me semble au pys aller pouvoir servir d'une chose, c'est que tant que ces practicques seront en termes ilz ne peuvent demander ne se plaindre de leurs dites penssions qui est cependant asseurance qu'ilz ne sont pour attempter contre vous. Sire, aulcune chose de nouveau. Au demourant, il sera vostre bon plaisir, Sire, me faire donner instruction de ce qui se peult icy faire dextrement et sans monstrer qu'on y soit trop esehauffé jusques à tant que les choses soient ung peu plus encheminées. J'avoys proposé d'envoyer ceste dépesche par homme exprès, mais pour aultant qu'ilz m'ont demandé ceste particularité, j'ay contrepensé que par là ilz pourroient souspeçonncr que ces propoz feussent venuz de vous, Sire, et partant m'a semblé pour ce commancement vous faire tenir cestes par la voye ordinaire de voz chevaulcheurs.
« Ledict seigneur duc m'a dict ce jour d'huy que le in« de septembre
