Tout ce passage parait corrompu

342 NÉGOCIATIONS DE [SEPTEMBBS 1541]

les mesmes propos qu'il m'avoit auparavant tenuz excepté, à dire vérité, qu*il a parlé auleunement avec plus grand respect qu'il n'avoit faict et si a faict quelques difBcultez non tant sur la volonté du roy son maistre qui m*a tousjours dict et assuré sur son honneur estre plus affectioimé envers vous, Sire, que en aultre prince qui soit au monde, comme sur ceulx de son conseil, lesquelz il disoit qu'ilz entreroient en jalouzie contre luy, d'autant que je m'estoys adressé seuUement à luy, et empescheroient s'ilz pouvoîent que cest afTaire ne passast oultre, y adjoustant plusieurs longues et grandes discrétions {sic) et hors de ce propos, tendans toutes^ foys toutes à ce que par là il voulloit tousjours monstrer combien de souspeçon envers les autres luy avoil engendré l'affection qu'il porte en vostre service et pour me induire à ce que communicasse cest affaire aussi bien aux aultres comme à luy.

« Sur quoy, ayant contrepensé que par là ceulx-cy eussent peu avoir cause de dire et ce prévalloir de ce que appertement vous. Sire, les eussiez cherchez d'avoir ladite dame et partant que cest ouverture viot entièrement de vous, qui eust esté cause de les faire tenir plus roiddes, j'ay respondu au dit seigneur duc et me suis aresté sur ce poinct que ma charge ne portoit encores de me pouvoir adresser à aultre qae à luy, craingnant de contrevenir à ce dont voz lettres. Sire, faisoienl mention, c'est qu'il estoit convenable que cest affaire feust tenue le plus secret qu'on pourroit, et ayant réduict à ce poinct ledit seigneur pour conduire le tout par ordre, je me suis d'entrée fermé sur ce qu'il eust à me respondre clairement si le roy son maistre voulloit entendre à ce party et en quelle qualité il voulloit bailler ladite dame sa fille.

« Sur laquelle proposition l'espace de quatre jours il m'a faict attendre la response bien que d'heure à aultre il communicquast avec moy, mais c'estoit pour essayer s'il pourroit tirer de moy quel party Ton leur demanderoit. En quoy ne povant avoir aucune particularité sinon [que] en général je disois que entres autres choses il convenoit à ce traiclé estaindre toutes les vieilles querelles qui se pourroient causer à cause des pensions, et establyr une amytié pure et simple, finablement ledit seigneur duc m'est venu à dire qu'il avoit longtemps parlé, débaptu et examiné cest affaire avec ledit seigneur son maistre, lequel il m'asseuroit sur son honneur pour vous en advertyr, Sire, avoir trouvé très enclin et disposé d'entendre à ce party comme au plus hault, plus honnorable et plus agréable qu'il pourroit soubhaicter et que de sa part il ne tiendroit que les choses ne passassent oultre. Mais touchant la qualité de ladite dame, quant l'on seroit d'accord des conditions qui ^ présupposeroîent d'une part et d'aultre, c'est-à-dire de ce qu'elle porteroit pour la dot et au contraire de ce que luy seroit assigné pour douaire, qu'il déclaireroit Ihors son intencion en quel degré il vouldroict qu'elle fust habille à luy succedder, y adjoustant ledict seigneur duc comme de soy mesmes qu'il estimoit et pouvoit asseurer qu'on ne fcroit

[SBFTKMBRB 1841] M. DE MARILLAC 343

difficulté sur la légitimation, présupposant assez que sans cela Ton ne Youldroict riens accorder de vostre costé^ Sire, mais que son oppinion «stoit que en cas de succession à la couronne d'Angleterre, le jeune prince de Galles vivant, et les aultres hoirs tant masles que femelles qui viendroient à naistre seroient préférez à ladite dame, inférans que pour le regard de succédder elle seroit seuUement prefîérée à la Qlle de la royne Anne, dicte madame Ysabeau. Et quant au party qu'on luy vouldroit faire, il m'a dict clairement que ledit seigneur son maistre, avant que passer oultre, vouldroit que selon la coustume observée en semblable cas où il est question de traicter de nouveau et mesmement estant FalTaire de telle importance, j'eusse commission de vous, Sire, passée soubz vostre grant sceau, faisant mention spécialle et portant pouvoir exprès de parler et traicter sur ce party de mariaige de mondit seigneur d'Orléans et de ladite dame, sans lequel pouvoir ilz n'avoient coustume ne volunté de se déclairer plus avant, y adjoustant que s'ilz n'avoient délibéré d'y entendre qu'ils ne demanderoient point l'avoir.

« Sur quoy j'ay remonstré froidement et simplement que telle commission portant pouvoir viendroit myeulx à point quant les choses seroient réduictes et débatues d'une part et d'aultre jusques à prendre arrest et conclusion et Ihors je me faisoys fort que non seullement serez, Sire, pour envoyer ledit pouvoir, mais aussi pour depputer personnaiges d'autorité, et de sçavoir ainsi que la conséquence de l'afTaire le mérite, et que je ne présumoys point tant de moy, estant jeune et seul icy, que je voulzisse respondre à contester avec tout le conseil d'Angleterre; mais jusques à tant que l'affaire fust plus esboché, il me sembloit n'empescher riens de requérir le party qu'on vouldroit faire; ce que je disoys affin de sçavoir à peu près si l'on seroit en terme de s'accorder.

<c Sur quoy ledit seigneur duc, après en avoir de rechief communiqué au roy son maistre, il m'a réplicqué qu'il n'empeschoit en riens d'avoir de vous, Sire, ledit pouvoir pour parler et mettre en avant les conditions de ce mariaige, réservant la conclusion estre faicte ainsi qu'il vous plairoit après y adviser et partant -voyant qu'ils s'obstinoient sur ce point sans en faire plus grande instance, j'ay diet que du tout j'en advertiroys vostre majesté, me remettant à la provision qu'il vous plairoit sur ce en ordonner.

« Sire, de ce que j'ay peu tirer et qui se peult inférer de tous les propoz que j'ay euz avec le duc de Norfolk, il me semble que en ce party ceulx-cy sont pour y faire aulcunes diffîcultez lesquelles pour le debvoir de vostre service je ne puys obmettre. La première il m'a spécifQé sur ce que remonstrant î'adventaige qu'ilz auroient de coUocquer si haultement ladite dame comme avecq monseigneur d'Orléans, il ne s'est contenu de dire que le party de mondit seigneur d'Orléans, n'estoit que trop grant pour eulx, car il présumoit bien que par là les aultres conseilliers de ce

344 NÉGOCIATIONS DE [SEPTEMBEE 1541]

roy viendroient à discourir que, advenant le cas qu'il succedast aux deux couronnes de France et d'Angleterre, il conviendroît que les Angloys eussent ung roy estrangier, ce qu'ilz porteroient trop enviz ; y adjoustant que semblable considération avoit esté cause princippale d'empescher que l'empereur ayt espouzé ladite dame, de peur que d'Angleterre il voulsist à Tadvenir faire comme de Naples, d'y tenir ung Vy-Roy, discourant, sur ce, et bien au long parla [de] la grandeur de ce party combien pourroit ung roy de France, et concluant taisiblement que vous, Sire, debvez requérir plus vifvement ce party et vous contenter de moindre adventaige soubz l'espérance qui peult estre de parvenir à si haulle succession:

« L'aultre difficulté se pourra faire sur ce qu'il semble que ceulx-cy vouldront premièrement accorder les conditions du party avant que ce roy déclaire son intencion en quelle. qualité il veult ladite dame sa fille estre habille à luy succéder, réservant par là une arrière porte pour eschapper et rompre tout ce qui auroit esté faict si le party ne leur semble estre adventaigeulx, car ils viendront à mettre condition sur la succession telle que pour vostre honneur, Sire, ne vouldriez l'accepter, car desjà ilz parlent qu'elle sera proposée {sic) au prince de Galles comme masle mais aussi aux aultres que ce roy à l'advenir pourroit avoir ainsi que dessus est dict.

« La tierce difficulté touchant la légitimation pourroit estre que encores qu'ilz sachent bien que ung filz de France ne fust pour espouzer une bastarde, ainsy que le duc de Norfolk m'a dict et répété souvent qu'il sçayt bien que sous * ceste qualité l'on n'est pour passer oultre et qu'il m'asseure que l'afTaire ne sera rompu ne retardé pour cest obstacle, tontesfoys. Sire, je ne sçay s'ilz vouldront la nommer fille de la royne Catherine et confesser que sa mère eust esté royne, car selon les actes de leur parlement, il est prohibé de l'appeler aultrement que Madame, pour ne cdnsentyr que le mariaige eust esté bon, ou bien, Sire, s'ils la vouldront désigner comme légitimée par grâce de son père, ou bien si Vostre Magesté se contenteroit qu'on la nommast simplement fille aisoée et légitime du roy d'Angleterre sans entrer plus avant en question sur ladite dame sa mère, congnoîssant que le mariaige est indubitablement approuvé par l'église.

« Dont il sera vostre bon plaisir, Sire, faire et dresser bonne et suffisante instruction sur le tout et veoir s'il sera myeulx que avec le povoir qu'ilz requièrent préalablement avoir je les taste sans riens conclurre du party qu'ilz nous vouldront faire et du douaire qu'on vouldroit assigner, ou bien pour donner réputation à l'affaire de telle conséquence qu'il est, envoyer tout d'une venue quelques personnaîges de grand auctorité envers vous, Sire, en quoy n'y veoy qu'ung dangier, que si d'entrée