manque ici encore probablement quelques mots

[juillet 1542] M. DE MARILLAC 438

occasion par laquelle le dit seigneur vint entrer en deffidence de vous, Sire, ainsi que de vostre part je le pryois de faire le semblable. Et sur ce me departiz pour lors dudit seigneur qui feist desmonstration de demourer fort sattisfatct tant à la contenance qu'il tenoit que par ce que me fut après dict par ceulx de son conseil, èsquelz il avoit communicqué tous les propoz que avions euz ensemble après lesquelz il ne me vouUut laisser partir de sa court qui estoit à treize milz d'ycy pour venir escripre le contenu en cestes que je n'eusse esté toute la journée à la chasse avec luy et que je ra'allasse coucher à sa maison de Hault-en-Court (sic) qui estoit à trois milz près de là, où je fuz logé et traicté au mesme lieu et par les mesmes ministres qui «'.voient tenu compaignie audit ambassadeur de Tempereur, tant pour me monstrer qu'ilz ne vonlloient riens faire moings en mon endroîct que pour d'aultant plus me faire acroire que le voyage du dit ambassadeur en Flandres fut seullement [à] cause de ladite navigation, combien que ladite vérité, Sire, soit au contraire et que ceulx-cy eussent proposé au commencement de faire quelque descente de là [la] mer, dont depuys ilz monstrent avoir changé de propoz. A tout le moyngs il n*y a poinct d'apparence qu'ilz soient pour riens exécuter ceste année. Il est bien vray qu'ilz ont envoyé delà la mer quelque nombre de gens de guerre pour renforcer les garnisons, mays il n est pas si grant que on en doibve encores [avoir] doubte.

« Sire, ainsy que je prenoys congié de ce roy qui ne s'eslongera à tout ce progrez des environs de ceste ville à plus de quinze ou vingt milz, il me dist qu'il avoit sur l'heure receu lettres de son ambassadeur qui n'estoient encores du tout déchifférez, es quelles à ce qu'il en avoit desjà peu veoir estoit contenu comme monseigneur l'admirai avoit tenu propos à sondit ambassadeur qu'il désiroit quelque ouverture estre faicte de restraindre plus avant ceste amytyé, et là-dessus ayant pensé quelque peu il adjousta qu'on avoit cy-devant tenu propoz de mariaige dont il ne se parloit plus et qu'il ne veoit poinct quant à luy quelle autre chose se pourroit mettre en avant, sur quoy il ne me sembla lui debvoir aucunement respondre, tant pour ce qu'il disoit n'avoir achevé de veoir tout le contenu de ses lettres que pour ne monstrer avoir charge de reprendre * le propoz dudit mariaige, ains prins gratieusement congié, promettant de revenir bien tost devers luy avec la réponse de ce que présentement j'escriptz. Sire, je supplye au Créateur, etc. »

Vol. 5, fo 172 vo, copie du xvi« siècle, 6 p. 1/3 in-f*>.

MARILLAC AU ROI

429. — [Londres], 25 juillet. — M. de l'Aubespine, porteur de cette lettre, rendra compte au roi du retard que le roi d'Angle-