Erskine, Laird de Dun, l'un des compagnons de John Knox

s'en retourner et part demain. Et m'est venu visitter céans deux foys et la dernière, il y a deux jours, luy ayant demandé s'il passoyt paz par France à son retour m'a dict qu'il ne sçavoyt encores s'il feroyt le chemin de France ou d'AUemaigne. Et depuis ayant mictz gentz après tant que j'ay peu pour sçavoyr quelle commission il avoyt icy, je n'en puis rien descouvrir. Toutefoys, Sire, pour ne vous rien celer de tout ce que j'ay sceu de luy, j'entendz qu'estant naguère en compagnie privée de -quelques italiens où il se parloyt de vous, Sire, et de l'union de vostre duché de Bretaigne à vostre couronne, ledict gentilhomme dict que ledict duché ne pouvoyt estre uny et que le vray droict en appartenoyt à Madame la duchesse de Ferrare sa maîtresse f, qui faict que je ne puys rien penser qui vaille de sa légation, attendu l'honneur que l'on luy faict icy, les longues et secrettes audiences qu'il a euez et le séjour qu'il y a faict, joinct que d'avoyr passé en venant par Paris à cinq lieues de Sainct- Gcrmain où vous, Sire, estiés, sans vous faire la révérence et saluer de la part de son maître, il est assés estrange. Et ne l'est guère moins ce qu'il m'a confessé de n'avoyr aussy veu monseigneur le cardinal de Ferrare * en passant sy prez de luy, combien il m'est dict qu'il luy portoyt des lettres lesquelles il n'avoit eu loysir luy bailler et les luy voulloyt envoyer ainsy qu'il disoyt, de quoy je me suis esbahy trouvant assés nouveau qu'il ayst porté des lettres jusques icy pour les renvoyer en France dont il ne faict que venir et où il doibt retourner comme il m'a mandé tout présentement envoyant sçavoir sy je y voulloys escripre et qu'il s'estoyt résolu de prendre son retour par là. Et pourroyt l'on penser, Sire, qui vouldroict prendre les choses au piz, que ceulx cy pourroint estre entrez en quelque capitulation avec le duc de Ferrare pour vous esmouvoyr quelque trouble en Piedmont et leur faire quelque ayde de ce costé là le caz advenant que vous entrassiez en guerre avec eulx suscitans ledict duc par l'espérance de faire quelque chose pour luy du costé de Bretaigne, ou bien que ledict duc mesme leur auroyt par adventure envoyé icy faire offre à bon marché de quelque maulvaise querelle pour tirer quelque chose d'eulx, dont toutesfoys je ne parle ny puis parler que par conjecture et souspesson avec par adventure assés débile fundement. » « De Londres, ce ix** may Ve xlvii. » Vol. 6, f° 474 v°, copie du xvif siècle, 4 p. 3/4 in-f».

SCLVE AU CONNÉTABLE.

167. — Londres, 9 mai. — La dépêche au roi terminée, Selve vient d'être averti par l'ambassadeur d'Ecosse « que les scellés doibvent estre d'aulcuns qui ne sont paz gentz de grande authorité en leur pays

1. Renée de Valois, fille de Louis XII et d'Anne de Bretagne, mariée en 1527 A Hercule d'Esté, dac de Ferrare.

2. Hippolyte d'Esté, archevêque de Milan, cardinal, dit le cardinal de Ferrare.

[mai 1547] M. DE SELVE 143

qui se sont retirez au chasteau de Sainct-André pour évitter la pugnition des oppinions nouvelles qu'ilz ont touchant la foy desquelles il m'a mandé que l'evesque de Rosse qui est en France et le frère du gouverneur d'Escosse ' sont fort entaschés et que pour cette raison ilz ont tousjours favorisé tant qu'ilz ont peu secrettement les dessusdicts personnaiges et les ont aydés à se saulver et garder d'estre pugnitz ».

Les fortifications du port de Boulogne sont continuées avec beaucoup d'activité. « Sy telles choses se font de la perfection et durée que j'ay ouy dire, » dit Selve, et c'est bien mauvais signe que ceulx cy nous veullent rendre Boulloigne comme ilz sont tenuz et nous veu lient faire croyre, car s 'ilz en avoint envye ilz n'y vouldroint consumer le temps ne la despence qu'ilz y employent. Et est l'oppinion de ceulx de deçà qui sont affectionnés au service du roy que jamais les angloys ne feront la restitution vouluntairement pour argent que l'on leur sache offrir quelque chose qu'ilz en proumectent s'ilz la peuvent mectre en estât de la pouvoyr garder et deffendre, ce qu'ilz ont presque faict et parachèverontaysémentsinonqueleroyfacefortiffierlapoincteàTentréedu port de Boulloigne qui est le seul moyen au jugement de ceulx de deçà de faire perdre ausdietz anglois l'espérance de garder et deffendre ladicte ville. »

Il rend compte d'une nouvelle visite du dieppois Jean Roze. « Et m'a dict qu'il avoyt ugne carte de tout cedict pays et ugne aultre d'Escosse très bien faictes lesquelles il m'a proumietz de porter au roy et à vous s'il s'en va en France. » Selve l'y a beaucoup exhorté et s'est enquis de la vérité de ses récits sur sa présence en Angleterre, qui lui a été confirmée. Ce personnage demande qu'il lui soit permis de rentrer en France chez son père, ce qu'il attendra l'autorisation du roi pour faire, bien que Selve lui ait dict qu'il n'y avait aucun inconvénient à ce qu'il passât dès maintenant en France pour porter au connétable les cartes qu'il possède.

Selve a fait entendre à l'espagnol don Michel, de Perpignan, que le roi n'avait aucun souvenir de services rendus par lui. « Néanlmoins », ajoute Selve, « il a esté encorez sy eshonté qu'il m'a envoyé par ung de mes gentz qu'il a trouvé par la ville ung pacquet pour vous faire tenir, ce que je n'ay voulu faire ne feray qu'il ne me soyt par vous commandé, vous pouvant bien certiffier, Monseigneur, qu'après les lettres que le roy m'a escriptes de luy je me fusse très bien gardé de recepvoyr ledict pacquet s'il me l'eust porté ou que je luy eusse peu faire rendre '. »

« De Londres y ce /x*« may vxlvil »

Vol. 6, f« 173 v°, copie du xvi» siècle, 4 p. in-f°.

1. John Hamilton, frère naturel du comte d'Arran, trésorier d'Ecosse et archevêque de Saint-André (?).

2. Le recueil intitulé : Calendar of State Papers, Foreign Séries, Edward VI, est interrompu de mai & décembre. La correspondance de Nicholas Wotton, en particulier, offre une lacune qui va du 16 mai 1547 au 6 mars 1548. Cette interruption empêche le contrôle des dépêches de Selve par celles de Wotton, qui ne pourra avoir lieu pendant toute cette période.