LE PRINCE D'ORANGE A CEUX DE TERMONDE

Il les exhorte à se ranger de son parti, suivant I^exemple de ceux de Hollande, de Zélande, de Malines et d*autres villes et provinces» et à accepter, pour leur défense, la garnison qu*il leur envoie.

MaLIUBS, i^f SBPTBMBBK f K72.

Messieurs^ vous aurez entendu en quel équipaige je me suis mis, avecq mes alliez, tant par Tassistence de ceulx d'Hollande et Zéiande, que d*aultres noz amis, pour délivrer la patrie de la tyrannie du duc d'Albe^ depuis la venue duquel avecq les siens (comme sçavez), tout bien et bonheur, justice et police ont esté déchassez, et les subgeclz réduictz à tels termes et extrémitez, que povreté, voires servitude, les menace de près^ dont le Roy, nostre sire, est indubitablement du tout ignorant, estant comme ensorcelé ou mieux détenu en tutèle de cedictduc,. avecq ceulx de Tinquisilion d*Espaigne, et qu'ainsy soit, iceulx, abusahs de la bonté nayve de Sa Majesté, par le samblant de pieulx zèle et intégrité foincte, ne font que charger continuellement les bons subgectz par faulx rapportZ; si bien que, sans

plus s*informer, ou les oyr en leurs raisons , icelle Sa Majeslé en a mis le chastoy entre leurs mains et povoir tirannicque. Or, combien que moy et mes alliez sommes assez délibérez d'assaillir et, à Faide de Dieu, défaire ce commun ennemy de la patrie et oppresseur des vefves et orphelins, sans espargner corps ny biens, ce sera toutesfois à moindre péril et hasard , si vous aultres, messieurs, à l'exemple desdicts d'Hollande et Zélande, Malines et aultres villes et provinces, vous rengez à nostre assistence, en acceptant, pour la tuilion de la ville contre ces communs ennemys, la garnison que je vous envoyé, n'est que vous aymeriez mieulx de mesmes en faire et lever soubz mon auctorité, dont je me remectz à vostre discrétion : ce que causera finablement qu'ayans par ensamble rappelle d'exil les bonnes mœurs, justice, pollice, négociation, et l'an* cienne liberté en la patrie, Sa Majesté se pourra à l'advenir servir du moyen de ses féaulx subgectz , comme ont faict les bons princes, ses devanciers : protestant, en cas que, au contraire, et à faulte d'assislence mutuelle, la patrie vient à estre dépopulée, dévastée, voires par telle occasion réduicte (que Dieu ne veulle) au povoir de prince estrangier, que ceste semonce me servira de tesmoingnaige, devant Dieu et ses anges, que la faulte sera à imputer aux seulz refusans et rejectans au loing le bien à eulx présenté. Et, sur l'espoir que ne vouldriez estre du nombre de telz , ains trop bien du nombre de ceulx estans délibérez d'aider leurs voisins et patriotes en ce que l'obligation à la patrie vous commande, je prieray le Tout* Puissant à vous, messieurs, vouloir donner sa gr&ce. Do Malines, ce premier de septembre iS72.

Vostre plus seur et aflectionné amy,

GiiUe de Nassau.

Copies da temp», aoi Archives du Royaume : LHtrtt de et à GuUiaume de Naetau, I. V; et oux ArehiTca de Simancfts: Pa,feUM de JSiteido, liuse 550.

Dxniu.