III. i

pu, sinon grandement louer et approuver le sainct zèle et louable désir et intention que mesdicts seigneurs les estatz monstrent d'avoir à remectre une fois nostre pauvre et affligée patrie à. ung repos et tranquillité si longtemps désirée « et se sont persuadez bien fermement que lesdicts seigneurs estatz ne se soyent en cela proposé nul aultre but , sinon de délivrer une fois ce pauvre peuple , affligé de tant de misères et calamitezy desquelz ilz sont desjà presque du tout accablez par la cruelle et insupportable tirannye de la superbe nation espaignole , et de la forme illégitime du gouvernement par eulx introduict, et, quant et quant, de donner à Tadvenir bon ordre et remède asseuré , pour ne tomber d'ores en avant en semblables înconvéniens , par une ferme et inviolable manutention des privilèges, droictz et libériez anchiennes du pays , et singulièrement que leur intention ait esté, par lesdicts articles, maintenir en tout et partout la dernière pacification, faicte et conclue en la ville de Gand le viij** du mois de novembre dernièrement passé , ainsy que , en toutes leurs lettres , actes et protestations , ilz ont tousjours promis et asseuré : chose certes digne de louenge étemèle , mesme envers toute la postérité.

Mais toutesfois, après que lesdicts seigneurs prince et estatz d'Hollande et Zélande euissent bien particulièrement et par le menu rapporté lesdicts articles , de poinct en poinct, tant à la présente disposition des af&ires , et à la nécessité qui les constrainct de bien peser toutes circonstances ^ comme aussy au temps passé de noz ancestres, lesquelz n'ont jamais , en semblables occurences , obmis de requérir et obtenir privilèges nouveaulx et bien louables de leurs princes, il leur estoit advis que par iceulx articles n'estoit encoire enthièrement ny du tout satisfaict au zèle et désir dessus mentionné desdicts seigneurs estatz.

Car, premièrement, il sembloit que lesdicts privilèges

anchiens du pays , que eulx désirent par toules voyes establir, â*y trouvoient par voye indirecte fort intéressez, tant en ce que la liberté de convocquer les estatz généraulx y estoit obliquement ostée à ceulx à quy ^ de tout droict, d^ancliienneté elle appartient , comme en ce que les estatz du pays sont astrainctz à obligations et sermens nouveaulx et inusitez. Puis roeisme Ton y pouvoit remarcquer infraction manifeste d*iceulx, en la détention innicque du comte de Buren , que tout le monde sçait avoir esté enlevé , contre tout droicl , raison et privilèges diceulx pays : ce qui sambloil d'aultant plus ù considérer que, iceulx privilèges se trouvans enfrainctz ainsy, du beau commenchement, en ung acte qui debvoit expressément tendre au restablissement et conservation d'iceulx, mesmes au regard d'une personne particulière et qui ne avoit mesfaict en chose quelconoque, donnoit bien peu d*occasion d'espérer qu'ilz seroient entrelcnuz, par cy-après, envers le peuple et villes en général , contre lesquelz on ne fauldra de trouver matière pour les charger de crimes de rébellion et de lèsemajesté : joinct que, par le faict susdict, est contrevenu manifestement à ladicte pacification de Gand , combien que le préjudice que l'on faict à icelle, et la totalle annichilation à laquelle pourrait sembler que lesdiets articles tendent , appert plus évidemment en ce que l'approbation et aggréalion d'icelle n'est aulcunement simple ny cathégoricque , ainsy que la raison cl rimportance d'ung tel faict requéroit , mais dépendant entliiè* rement de certaines astrictions et relations limitées et subjectes à une infinité de cavillations, et de tout semblables à celles qui, du temps de madame de Parma , ont esté cause d'uDgne horrible effusion de sang ; contre lesquelles meismes avoit esté, par les députez desdicts seigneurs prince et estatz d'Hollande et Zélande, protesté et obtenu acte publieq , sur l'aggréation faicte par le conseil d'Estat, presque en termes semblables. Puis aussy y trouvoient lesdiets seigneurs prince et estatz

d*Hollande et Zélandcanicuns poinctz tellement préjudiciables^ selon leur jugement, à la réputation et honneur de la patrie, qu'il sembloit qu'à jamais en eust peu demeurer engravé une lâche de déshonneur h la mémoire et au nom de nostre posté* rite , de ce que nous aurions mis en composition avecq ceulx que nous avons , par édict publicq et par auctorité du Roy et des estatz , déclarez | rebelles] , et particulièrement, par une instruction , faict accuser devant les estatz du Sainct-Empire, comme schelms , meschans et rebelles , et qui ont faict ligues et conspirations avec les Espaignolz ; meisme , que plus est , que nous aurions souffert, et à nostre eschient, laissé emporter noz bagues, joyauk, argent , denrées, marchandises et brantschatz hors de nostre patrie, sans aulcune contradiction.

En oultre , il sembloit ausdicts seigneurs prince et estatz d'Hollande et Zélande que le respect , honneur et gratitude que devons , tant à la sérénissime royne d'Angleterre, comme à monseigneur le duc ('), frère du roy de France , lesquelz nous ont , à nostre besoing . monstre si bonne et entbière volunté et affection de nous assister de leurs moyens, pour nous tirer hors de l'oppression et servitude en laquelle nous noua trouvions, n'y estoit assez deuement poisé ny respecté, puisque la raison eust bien voulu que Ton les y eust comprins en termes plus exprès et honorables.

Et finalement, ne trouvoient que, par lesdicts articles, fusl pourveu d'aulcune asseurance aux habitans des pays d'HoU lande et Zélande, ausquelz , au traicté dernier de Breda, Ton a faict offres beaucop plus avantageuses et raisonnables d'asseurance ; et encoire dernièrement, au traicté de la pacification faicteà Gond, eust esté faict le semblable, n'estoitque leurs députez, déclairans, et de bouche et par escript, qu'ilz n'entendoient en sorte quelconcque traieter avecq aultrcs que avecq

(>) I«e duc d^ Anjou.

les estatz meismes, vouloient monstrer la bonne foy de laquelle iiz procédoient en leur endroiet : protesUins toutedfois que, si Ton eust esté dlntention de reeepvoir don Jehan, et qu'il eust fallu traîeter avecq luy en oeste façon comme Ton faiet main* tenant, qu'ils eussent demandé aultres asseurances, comme la raison ei disposition des affaires le requéroit. El touiesTois, par ees articles, non-seullement il ne se faict nulle mention d'asseurances, mais non pas meismes de restituer les particuliers en leur enthier louchant les biens, estatz et gouvernemens qu'ilz ont en pluisieurs lieux de par deçà, et pareillement en la France-Conté de Bourgoingne : ce que toutesfois , suivant le pied de la pacification { laquelle pour lors . ne se faisant qu'avec les estatz gcnéraulx des pays de par deçà, ne pouvoit spécifier ce poinct expressément), sembleroit, scion toute raison, devoir estre conditionné.

Et, qui plus est, ilz n'y pouvoient remarcquer aulcune asseurance meisme pour les aultres provinces et tout le pouvre peuple de par delà, considéré qu'il n'y avoit nulle mention de démolition des citadelles et chasteaulx, à l'occasion desquels sont sortis des mauli infiniz, comme à ung chascun est notoire, ny meismes aulcune particularité ny explication de ceste oubliaiicc dont il y est faicte mention : ce que ne peult estre sinon suspect audict peuple , lequel , ayant esté ouvertement menasse, encor mesme au dernier recés de Huy, auroit certes bon besoing d'estre bien asseuré pour l'advenir , lorsque , le pays estant désarmé, don Jehan sera estably en auctborité de gouverneur; mesme quand ce ne seroit que pour le regard des exemples du passé. Voire, au contraire, il semble que l'on veuille s'accommoder aux esiatz , en matière de gouverneurs qui soient à leur gré , tant seullement pour ce coup , comme sy, par cy-après, Ion estoit d'intention de leur rcarancher tous moyens de se tenir asseurés contre la mauvaise volunté de ceulx ciue Ion prétendroit de leur donner pour gouverneur».

Bricfy il y avoit pluisieiirs semblables articles et aultres lesquelz sembloient ausdicts seigneurs prince et estatzil^HoIlandc et Zélande très-dignes d*estre bien poisés et reniarcqués, et pourtant estoient d'intention de les nicctre particulièrement par escript, pour les envoyer à mesdicts seigneurs les estatz, et leur déclarer, quant et quant, qu'à Tadvis desdicts seigneurs prince et estatz d'Hollande et Zélande , il estoit maintenant temps de demander et poursuyvre, à l'exemple de nos ances^ très, d'obtenir ampliation et extension des privilèges , droictz et libertez qu'avons receuz d'eulx , meismes en une telle conjoincture et opportunité qui se présente , pour ne tumber une aultre fois, par cy-après, en semblables inconvéniens. Mais, comme ilz estoient empescbez a déduire les poinciz susdicts et aultres semblables , et les mectre par escript, pour la un susdicte, voicy qu'on leur apporte copie des lettres que mesdicts seigneurs estatz avoient escript audict don Jehan, par lesquelles ilz ont veu que, sans attendre leur responce, il leur a pieu de conclure avecq ledict don Jehan , et le requérir de signer les articles susdicts, avecq promesse de les faire publier et de le recepvoir déans le pays. Dont certes lesdicts seigneurs prince et estatz d'Hollande et Zélande ont esté bien esbahys de veoir ung tel changement, considéré que la date desdictes lettres estoit presque du mesme temps (comme aussy elles leur furent délivrées après ung petit intervalle) que ledict S' de Willerval les estoit venu trouver : car, oultre la contrariété que trouvoient en ce faict, encoire leur sembloit ceste accélération d'une affaire de telle conséquence, et de laquelle dépend enthièrement le salut ou la ruine de tout le pays de par deçà, estre assez précipitée; et toutesfois, comme ilz estiment et croient fermement que cela ayt esté faict pour tant pluslost veoir le pays délivré des Espaignolz et aultres estrangiers oppresseurs de la patrie , ilz ne peuvent aultre chose , sinon de souhaiter, comme ilz souhaitent de tout leur cœur,

et prier Dieu que l'issue en puisse estrc telle connue tous les bons palriotz désirent.

De leur part , puisque maintenant il seroit superflu d'alléguer raisons au contraire, ou débattre sur une cliose faicie , ilz promectent et asseurent mesdicls seigneurs les estatz que , par tous moyens , ilx maintiendront la pacification faicte à Gand, comme ausay ilz espèrent que telle est l'intention d'iceulx dicts seigneurs : ce que ilz prient, en toutes occasions, vouloir monstrer par les effectz , ainsy que de leur costel ilz sont prestz de faire. Et toutesfois, afQn que Ton voye par l'effect qu'ilz ne désirent aultre chose que de procurer la retraicle desdicts Espaignolz et aultres estraingiers, et le restablissemcnt de la paix et tranquillité, ensemble et des ancbiens privilèges, droictz et libertez du pays, ilz sont contentz de approuver et signer les articles susdicts, moyennant et à condition que, préallablement, il plaise & mesdicts seigneurs les estatz résouldre fermement et irrévocablement, et de ce leur donner acte obligatoire, en forme deue, signé des gouverneurs des provinces, chiefz et coUonelz, que, en casque, après le terme prins et accordé audict don Jehan pour la sortie des Espaignolz estant expiré, lequel commencera à estre compté d'ung certain jour de ce mois présent, que eulx-meismes luy dénommeront, lesdicts Espaignolz ne soient sortiz réellement et de faict hors des pays de par deçà, que alors, pour une fois éviter les dilays et longueurs qui jusques à présent nous ont esté si dommageables, lesdicts seigneurs estatz rompront et retrancheront toute ultérieure communication avecq luy , et poorsuyveront ladicteretraicte par voye d'armes, sans jamais plus entendre à aulcun traicté ou communicaUon , quelle qu'elle puisse estre, et que aussy il leur plaise donner acte et obligation semblable, en forme de reversai, que, après ladicte retraicte des estraingiers, eulx, ny lesdicts gouverneurs, chiefz et collonelz ne recepvront, advoueront ne recognoistront ledict

don Jehan, ny aultre, pour gouverneur du pays, jusques à ce que, préallablement, il ayt restably et enthièrement satisfaict à tous les poinctz qui sont aulcunement répugnants et contraires . auxdicts privilèges, droictz et libertez du pays, ou aulcunement en préjudice de la pacification de Gand , en conformité de laquelle tous et ung chascun seront remis en la possession de leurs biens, tant de Bourgoingne que de par deçà; ains que tous lesdicts privilèges et libertez soient confirmez, ratifiez et establiz , selon ce que lesdicts seigneurs estatz ont solemnèlcment promis, au temps de ladicte pacification de Gand, par leur lettre eseripte a leurs députez , en date du xxviij* d'octobre dernier 1576 (').

Faictà Middelbourg« lexix* jourde febvricr 1577.

GuiHe de Nassau.

Par ordonnance des estatz d*Hollande et Zélande :