NOMMÉMENT DE LA MOSCOVIE

a Sarmatie d'Europe est dVne merueilleuseestendue, elle comprend et embrasse comme en vn corps grand nombre de belles et spacieuses prouinces , s estendant d'vne mer à l'autre, et séparant le Scythe Asien d'auec celuy d'Europe, et eslongnees iusques au plus extrême de la cognoissance qu'on a de la terre vers le septentrion. Or les Pro^

2 SARMATIE D7EUROPË.

vinces qui sont en elle sont la Moscouie, Polongue, Russie, Prussie, Lituanie, Liuonie et Podolie, la pluspart desquelles sont fort subiectes au froid, et voisines de la mer Gelée , à cause qu'elles aboutissent au Danemarc, Gotthie, et autres païs voisins, qui sont le plus au nort : de sorte que ceste terre en son extrémité, s'estend iusques à dixhuict degrez de latitude. Or sont tels ses aboutissans. Du costé du Leuant , ou Est , elle con-^ fine au goulfe de Nigropoli , tirant vers le Paluz, nommé Sescan, iusques au fleuue Tanaïs ou Don , et auec le méridien de la source dudict fleuue iusques à la terre septentrionale incogneue. A l'Ouest luy gist la riuiere Vistule , qui la sépare d'Allemaigne , par le moyen des monts Sarmatiques, desquels sort la mesme riuiere, en degrez soixante quatre soixante six minutes de longitude, soixante quatre degrez cinquante buict minutes de latitude. Au Su luy sont les Valâches , vers le quartier de la mer Maiour, iusques aux sources du fleuue Borysthene , qu'à présent on nomme Neper. Et au Nort ,

est la mer Sarmatique, et la terre septentrionale , qu'on appelle incongneûe. Les peuples habitans ceste région sont Barbares naturels, durs d'esprit, et fort mal accostables, et de pareille complexion que sont les Scythes en Asie : aussi appelle Ion à présent tout ce costé Tartarie , et les habitans Tartares , qui sont souz l'obéissance du grand seigneur, iusques à tant qu'on entre en la Moscouie, à cause que ce païs est tresabondant en chevaux, tout ainsi que les Tartares de l'Asie. le vous fay ces distinctions, à fin qu'aucun ne s'abuse sur le mot de Sarmate , ny sur l'obéissance que les Sarmates font au Turc, veu que de cent parties , la moictié d'vne luy obéit : et neantmoins il peult entrer en la Polongne par Hongrie, et non par aucune partie Sarmatienne, qui luy soit subiecte. Laissant donc la Chersonese Taurique fault voir les peuples proprement nommez Sarmates, sans spécifier les parties et prouinces par moy mises en auant et comprinses souz le mot générique de Sarmatie européenne. Or ceux qui sont en leur distinction ainsi particulie-

SARMATIE D'EUROPE

rement nommez, s'estendent vers l'Océan Sarmatic : la ville principale desquels est près le fleuue Borystkene, ou Neper, qui fut iadis nommée Olbie , et à présent Strapenot , à cause qu'elle n'est guère loin de la mer, gisant à cinquante sept degrez O. de longitude, quarante neuf degrez O. de latitude. Et est ceste ville comme le marché de tout le païs , s'y exploictant de toutes sortes de marchandises. Le long de la mer et grandes riuieres se trouuent d'assez belles villes pour le païs, toutes palissées etbasties de bois, comme Chabardi, Cremin, Nigropoli, Nouogordet, et Toroque. Les vnes sont tirant à l'est sur la Tane, les autres à l'ouest sur le Neper, dans lequel s'escoule Boq , qui sort des mesmes sources du Borysthené, scauoir, du mont Peuca : mais des monts Riphees y abordent Occa, venant de la Moscouie, Pesne de la Tartarie Asiatique, Pselle, Arelleet Samor, lesquelles, venant toutes de l'est, font grandement croistre le cours du Borysthené, qui entre en mer en vn goulfe, dit de Pedie, vers les Paluz nommez Amado-

MO SCO VIE. 5

%\ies. Tant que les chrestiens trafîquoient librement de ce costé, le païs en estoit plus riche que maintenant, là où ils viuent sans rien faire, que s'adonner à la chasse et au pasturage. Et pource que en toute ceste contrée ce ne sont que grandes et profondes fo- Tests, depuis que on a passé les Paluz Meotides, et que la mesme façon de vie, de laquelle vsent les Tartares, est aussi vsée de ces Sarmates, et que aussi ils sont si voisins des Moscouites, que rien ne les discerne, si ce n'est la riuiere Azach , ie suis content de traicter les mœurs de tous ensemble, lors que ie parleray des Moscouites, lesquels sont vrayement Sarmates : car ce qui estoit dit simplement Sarmatie est dit maintenant petite Tartarie, où le peuple est en partie mahometan, et tirant plus au nort est idolâtre, les vns suiets au Turc, sçauoir ceux qui sont 3e long de la marine, les autres aux Moscouites, qui estendent leur empire bien auant par delà le fleuue Tanaïs : qui a esté cause, que aucuns ont tout nommé du tiltre de Moscouie , de laquelle ie parleray à présent,

SARMATIE D'EUROPE

l'ai cy deuant parlé des Scythes ( lors que discourois de l'Asie), lesquels ont prins le nom de Tartare, et veu en quoy et comment s'estend le païs de Scythie, comprins et par l'Asie et par l'Europe, ainsi qu'il a esté veu par la diuision que en fait la Tane. Ce furent ces Scythes desquels les Romains ont eu cognoissance , et iusques auxquels ils ont estendu leurs armes , tesmoing le lieu qui en la Sarmatie s'appelle Cantel de César, à cause que iusques là Auguste César y planta ses trophées comme long temps déliant luy auoit fait le grand roy Alexandre, Ces Scythes aussi ont peuplé la plus part de l'Europe, s'espandans hostilement par icelle : comme lorsqu'ils passèrent en Ailemaigne et s'arresterent au païs de Saxe, vsans de toute espèce de cruauté, faisans tout passer au fil de l'espée , comme encor ils s'en glorifient et se vantent d'auoir subiugué presque tout le monde. Et à la vérité, ça esté vne braue nation , et de peu vaincue, et qui a eu le dessus de plusieurs. Les Celtes, d'où la Gaule Celtique prend son nom, ont

eu origine de Scythie, et les roys et monarques sont descenduz de ce sang. Les Scythes iadis, oultre la naturelle cruauté qui les ac~ compagnoit, estoient encor si superbes et orgueilleux que, guidez de ceste gloire, ou plutost ignorance, se desdaignoient de dire qu'ils fussent descenduz d'aucune race d'hommes , mais plustost tenoient que les abysmes et torrens des eauës estoient leurs progeniteurs. Or ont-ils prins le nom d'yne haulte montaigne, qui tire au nort, et se ioinct à la grand' riuiere Forfal, que aucuns Barbares du païs nomment Araxe, laquelle montaigne se nomme Scythit Boniphel Bec, qui signifie blanche montaigne : et de là vindrent ces Scythes se ruer sur les païs voisins au lac Meotide et dans la Sarmatie d'Europe, qui est à présent la Moscouie. Iaçoit que plusieurs empereurs de Rome ayent chastié ceste nation, si est-ce que Aurelian, qui succéda à Claude Flauie, leur donna plus d'estorce et fascherie que tout autre, après qu'il eut vaincu Zenobie, Roy ne des Palmireniens, quoy qu'il fust fils d'vn

S ARM ATI E D'EUROPE,

paisan. On dit que ce fut le premier d'entre les empereurs de Rome qui onc porta couronne impériale et qui se vestit de drap d'or. Il fut tué près de Constantinople par vn sien secrétaire, à cause de sa cruauté, en l'an sixième de son empire, et de nostre seigneur septante neuf. Encor furent affligez ces Scythes et Sarmates par Valentinian : mais à la fin ce fut sa grand' perte, car les Huns, et autres de ces régions, s'espandirent ès terres de l'empire, où ils exercèrent de telles cruaulez que ce Valentinian fut par eux bruslé dans vn village, l'an de grâce trois cens septante six, et perdit trois légions d'hommes, et le nombre de chaque légion estoit grand. Mais ie ne m'amuseray pas tant à ces discours, que ne vienne au nœud de la matière, et que ne sçache qui sont ceux que à présent on appelle Moscouites, et de quelle estendue sont leurs terres et seigneuries. C'est sans doubte près le Tanaïs, ou Don, que ont iadis habité les Eoxolans que à présent on nomme Russiens : le seigneur desquels est le grand duc de Moscouie, la iurisdiction duquel

passe iusques en Asie, au fleime Volga, que on nomme en leur langue le Dit : et ce, tirant à l'est. Au nort, leur est la terre incongnue, et la mer glaciale, tirant à Finlandie, et vers la Gotthie et païs de Sueve : au su, la mer Maiour et Paluz Meotides : et à l'ouest, la Transsyluanie et Polongne. Ainsi iadis le païs de Lituanie estoit comprins soubz ceste iurisdiction, là où à présent il obéit au roy de Polongne, et a esté cause de plusieurs grandes guerres entre ces deux puissantes nations. Or iaçoit que les modernes tiennent que ce peuple Russien ayt prins son nom de la ville principale du païs, qu'ils appellent Mosquua, si est-ce qu'il me semble que ce nom vient de plus loin *, veu que le bastiment de ceste ville est d'assez fresche mémoire2, sça~ chant que les anciens ont eu cognoissance de certain peuple Scythique, et non esloigné de

l En effet, ce nom vient de retch {parole), de même que celui de slave a évidemment slovo pour racine synonyme, comme nous l'avons ailleurs observé. V. Hammer, Sur les origines russes, Saint-Pétersbourg, 1827.

% Moscou a été fondée par Iouri Dolgorouki en 1147,

SARMATIE D'EUROPE

Tana'ïs , qui s'appelloit Mosche , lequel habitoit la propre région qui à présent se nomme Moscouie , laquelle est fort voisine de l'Asie. Mais, pour en parler à la vérité, elle est ainsi nommée d'vn fleuue nommé Mosquua , lequel sort du duché Otvuer, non loin du lieu dit Oleschno , et de là vient iusques à la ville chef du païs : et, ayant receu plusieurs riuieres , se tourne vers l'Orient et se rend dans le grand fleuue l'Occa , et puis s'en va dans la mer -de Bacchu, ditte Caspie. le sçay bien que auparauant elle arrouee plusieurs contrées et prouinces, suiettes tant au chrestien Grecisant que au prince des Tartares: et quatre bonnes lieues auparauant qu'elle rende son tribut dans ceste mer se présente vn archipelague d'isles , qui sont dix-sept en nombre , la plus part peuplées de pauures gens qui ne viuent que de la pesche ; les autres sont du tout deshabitees , hors mis de quelques oiseaux qui y repairent. Ce fut en ces païs là où les Moscou ites perdirent tant d'hommes et donnèrent matière de gloire au roy Sigismond , et y demeurèrent sept à

huict mil hommes, qui furent desfaits par ce vaillant capitaine Iean Boratin : auquel conflict furent aussi occis plusieurs grands seigneurs de Lituanie, et quelques-vns des plus fauorits courtisans de la su y te du roy. Ceste victoire auoit esté predicte par vn certain Polonnois, homme de bonne vie, comme i'es» père vous dire ailleurs , discourant de la monarchie polonnoise. Mais celle cy n'est rien au pris de celle remarquable bataille que gaigna ledit Sigismond , soubz la conduite de Constantin Ostroge et Iean Suirzoue , en laquelle demeura sur le champ quelques trente deux mil Moscouites , sans les blessez, et ceux qui furent emmenez prisonniers : entre lesquels estoient les principaux chefs de leur armée. Le duc Basile , qui auoit auant obtenu plusieurs belles victoires contre les Tartares, fut si courroucé de telle perte que le reste des capitaines qui se sau Lièrent furent tous passez par le pendant. Or ceste riuiere Mosquua est fascheuse à nauiguer, à cause des plis et tours qu'elle fait , et principalement entre les villes de Moscouie et Colonne, là où auec ces