SARMATIE D'EUROPE

peuples et prouinces : non que les Liuoniens ne soient bien de la iurisdiction du prince des Moscouites. Et sort le fleuue susdit d'vn lac, qu'on nomme Zutzko, et les Allemans Paijfnes, Après on vient à la ville de Plescouie , ayant vn fleuue de mesme nom , qui passe par le milieu d'icelle , et se va descharger dans le lac susdit de Zutzko. Ceste ville est seule entre toutes celles qui obéissent au Russien close de bonnes murailles : et estant diuisee en quatre parties, aucunes ont pensé qu'elle fust ceincte de quatre murailles. Elle viuoit iadis en liberté : mais l'an mil cinq cens neuf, le duc Basile laprint par la trahison de quelques prestres d'icelle, et enuoyant ailleurs les habitans et naturels du païs, y mit des Moscouites, auec garnison, pour la tenir contre les Polonnois.

POURSUYTE