LES USAI6ES ET STILLES DU PAIS D^ANJOU

contient « commissaires en ceste partie » ; si les recors ne sont dignes de foy, demander delay de les reproucher et dire que on n'a point esté adjoumé ; si le seigneur n a telle justice qu'il puisse congnoistre de la cause ; si es deffaulx de terme jugié es actions simples, ou en celuy de jour simple es actions privillegiées n'est desclairé la demande et prins conclusions. Lesquelles actions privillegiées sont applegemens, requestes de lettres formées, cas d'appel, opposicion contre jugé de court quant l'opposition pend en court suzeraine, ou en celle dont est le juge, car en la voisine fault aller au long^ par quatre ediz. Si les héritiers ont esté adjournez simplement, oultre avoir recours aux delaiz et fins declinatoires dessusdiz ; si partie n'est adjourné en personne le jour qu'il a d'obéir par luy ou par procureur, ou à son aloué en celle cause ; si le procureur sans procuration nouvelle a occupé depuis que son maistre a envoyé exoine, ou qu'il a esté présent sans faire protestacion.

* Au long, ajouté en interligne.