CAPITULUM XXXIV

[DE TERRE DONÉE.]

[1. Se li frères done a son frère, ou la suer a sa suer, ou li cousins a son cosin, partie de terre et il em prant homage, se cil qui en a fet homage muert sanz oirs, li héritages ne revendra pas a la table au segneur dont il parti, mes a prochiens paranz ou cosins.

2. Se aucun sires done a aucun terre por son servise, et il en a son homage, et uns autres homs qui oit gregnor droiture en celle terre l'en emplede et l'en travaille, et il pert celle terre parplet, li sires qui li dona ne l'en respondra pas, ne ne li eschangera pas a autre terre ; qar li plez n'apartient pas a Fomme, mes au segneur qui doit garantir son don. Mes, se il fu requis devant le plet de garantir son don a son home, se il pert celle terre ou par plet ou par defaute, il est tenuz a eschangier a son home le don à la value.]