REQUATE DES BOURGEOIS DE LA VILLE

Aux très nobles et prudens Seigneurs Messeigneurs les Gouverneur et Ambassadeurs des très illustres Princes et Seigneurs Messeigneurs les Princes curateurs de notre très illustre et redoubté Prince et Seigneur Monseigneur le

comte Frédérich.

Très nobles et très honnorés seigneurs, les neufz bourgeois jurez, dix-huict et notables, tant en leurs noms que, de tous les aultres bourgeois, manans et habitans de ceste ville de Montbéliard, voz humbles serviteurs vous remonstrent en toute humilité et dehue révérence, que puis peu de temps encea, la plupart d’eulx ont prestez serement à voz

seigneuries comme députez des dits très illustres princes et seigneurs et en même instant leur fut par vos seigneuries, promis et asseuré de la part de leurs Excellences, de les maintenir en leurs libertez, franchises, bonnes et laudables coustumes, comme ils avoient esté du passé entretenus par feuz de très laudable mémoire, leurs très redoubtez princes et seigneurs, ce que lesditz supplians se confient qu'il sera tant de vostre part que de leurs dites excellences (comme très bénings et vertueux princes et et seigneurs), observé et effectué. Et d'autant que ce n'est la moindre liberté desdits supplians, ains la première et principalle qu'ilz pourroient avoir en ce monde, d’estre maintenus en la tranquilité et liberté de leurs consciences par le moyen de la pure et vraie religion de laquelle eux et leurs prédécesseurs ont par ci-devant faict profession par l’espace de plus de trente et quarante ans, et en laquelle ilz sont tousjiours estez maintenus et entretenus paisiblement par feu de très laudables mémoires, messeigneurs les ducs Ulrich, duc Christophle, conte George, leurs naturels redoubtez prince et seigneurs, et depuis par les très illustres princes tuteurs et curateurs testamentaires de leur dit redoubté prince et seigneur monseigneur le conté Frédérich, en laquelle religion et pure doctrine conforme à la parole de Dieu, contenue ès escriptz des prophètes et apostres, lesditz supplians désirent et espèrent vivre et mourir. À ces raisons lesditz supplians conjoinctement supplient voz seigneuries très humblement qu'il vous plaise leur laisser les pasteurs et ministres, lesquelx par cy-devantleurs sont estés présentés el constituez de la part de feuz nosdits très clémens et redoubtez princes

et seigneurs et des messeigneurs leurs gonverneurs, con-

VA

DRE (ie

seillers et aultres ad ce depputez, de la part de leurs dites excellences, lequelx pasteurs et ministres, lesdits supplians ont tousjiours jusques à présent congneuz estre de bonne et saine doctrine et de vie irrépréhensible; et qu'avec cela il vous plaise les laisser aux cérémonies et manières de faire accoutumées en administrant les sainctz sacremens, katéchisme, mariage et par en ceste Eglise dès qu'on y à commencé à prescher la parolle de Dieu, comme il soit que le changement de ces choses ne se pourroit faire sans ung grand et merveilleux scandalle, non seullement au respect de plusieurs infirmes, mais aussi pour le regard des pays et lieux circumvoisins ; tiercement veu que oultre le bien que Dieu a faict ausditz supplians de leur avoir envoyé et constitué pour pasteur par feu monseigneur le duc Ulrich, de très laudable mémoire, :nessire Pierre Toussainct, pasteur et superintendant de ceste Église, pour les instituer en la saincte foy et religion chrétienne, en quoy il s’est fidèlement employé jusques à présent, au contentement de toute ladicte ville : queencore d'advantage ce grand Dieu leur a faict ceste grâce de leur envoyer Monsieur Daniel Tossainct fils dudit messire Pierre Tossainct, originel natifz de ceste dite ville, bourgeois de leurs dites excellences et avec lui messire Andrey Floret, aussi bourgeois dudit lieu, lesquelx jusques à oires, leurs ont preschez et desclairez la pure parolle de Dieu en telle rondeur dextérité et efficace, que tous ceulx qui les oyent, soient de la dicte ville ou de dehors, en sont grandement édifiez, instruictz, consolez et excitez à penser à leur salut. A ces raisons, iceulx supplians vous supplient et requièrent très humblement que pour l'honneur et la gloire de Dieu et édification de ceste Eglise, et par consé-