PETER

quent pour l'honneur, prouffict et advencement, tant de leurs dites excellences que de ceste dicte ville et pays, en considération de la grande vieillesse et faiblesse dudit messire Toussainct, que iceulx messeigneurs Daniel Toussainct et Andrey Floret, soient icy retenus au ministère de ladite Eglise, comme ïilz ont commencez en ayant estez requis de la part des messeigneurs du conseil, des aultres ministres et aussi desditz supplians, lesquelx desjà par cydevant ont heuz présentez ausditz seigneurs du conseil leur humble supplication et requeste à l’effect d'obtenir ce que dessus touchant ledict sieur Daniel Tossaincet, ne se doubtant ny meffiant en auculne sorte que leurs dictes pétition, supplication et requeste, tant juste et raisonnable, leur peut -estre aulcunement reffusée ou desirée, puisqu'elle leur seroit promptement accordée, ce qu'ils espèrent encores et de quoy ils vous supplient très affectueusement et d’austant plus que lesdictz supplians sont contrainctz vous déclairer ‘ (comme ils font par la présente) par le serement qu'ils ont prestez à leurs excellences, qu'ils tiennent et croient fermement que cela, leur estant octroyé, redondera non seullement à l'honneur de Dieu et advancemenet de l'Eglise, mais aussi au grand honneur et proffict de leurs excellences, et tranquillité de toute ladicte ville et pays. Quoy faisant voz seigneuries mettront lesditz supplians et tous ceulx de ceste ville, en grand repos et tranquilité d'esprit et les rendront tousjiours tant plus obligez à prier le Tout-Puissant pour l’heureux entretennement de vos nobles estats et seigneuries.

Faict audict Montbéliard le XXIe jour du mois d'août 1571.

(Suivent une centaine de signatures).

S'ensuyvent les noms et surnoms des particuliers bourgeois habitans au dit Monthéliart, n'ayant soubsigner pour n'être leterez lesquelx et chacun d’eulx ont requis à messieurs Perrenon et Loys Febvre, notaires publiques et bourgeois du dit Montbéliart de soubsigner à leurs requestes et

pour ce à leurs noms.

{Suivent environ deux cents noms).

Copie et translation (A) de la sentence qui fut lue le mercredi 22 août 1571, par Monsieur le Chancelier en présence de Monsieur le Gouverneur, Messieurs Commis d'Arcourt,

tabellion, trésorier et greffier.

Monsieur Toussain: le Seigneur Gouverneur et Messieurs les Commis sont bien informés et assurés de la clémence et. faveur par laquelle les très illustres princes du Wirtemberg vousontavancé jusquesà présent: carily a plusieurs exemples qui en font foi : et sçavent bien aussi que le Sénat de Stuttgard ne vous à porté, moindre affection et n'eussent jamais pensé que deussiez faire difficulté de vous représenter devant icelui Sénat. Mais vous estant pour la seconde fois mandé ces mois derniers et ne paraissant point, nos très illustres Seigneurs Curateurs n'ont pour cela voulu obmettre de faire communiquer avec vous les théologiens en présence du Gouverneur et des Commis-

saires et ce bénignement et humainement : esquels

(1) Du latin.