MARIE DE MÉDICIS
(Gravure de la collection de l'auteur)
d'Icelles en date du XXIX^ jour de juillet ondict an, signée : Mole, et coppie collationnée a l'original par les notaires soubzsignez, dudict contrat de vendition faict par ledict seigneur de Verdernne audict sieur de La Rivière desdicts lieux icelluy sieur de La Rivière a pour toute autre garentie que sesdicts faictz baillé et délivré audict sieur Zamet pour la majesté de ladicte dame Royne, en laquelle présente vendition n'est nullement compris ung petit corps de logis où est une petite escuirie deppendant desdictz lieux venduz estant assis audict lieu et joignant ladicte maison, séparé d'une muraille — que ledict sieur de La Rivière s'est réservé et reserve à luy, ses hoirs et aians cause pour en faire et disposer a sa volunté, lesdicts lieux venduz estans en la censive desdicts seigneur ou dame dont ilz sont tenuz et mouvans et chargez envers eulx de tel cens et charges foncières qu'ilz peuvent debvoir, que ledict sieur de La Rivière a dict et declairé ne pouvoir quant a présent dire ne declairer de ce enquis et interpellé par les notaires soubzsignez pour satisfaire a l'ordonnance pour toutes et sans autres charges, redebvances, debtes ne ypothecques quelzconques, pour ladicte maison et jardin dessus venduz joir et user par Sadicte Majesté, ses hoirs et aians cause et en faire et disposer a son plaisir et volunté; Cesdicts presens vente, cession et transport faictz a la charge desdicts cens et charges foncières et des arrérages, se aulcuns en sont deubz que Sadicte Majesté acquictera a la descharge dudict sieur de La Rivière, en oultre moyennant le pris et somme de neuf cens livres tournois, que pour ce ledict sieur de La Rivière en a confessé et confesse avoir eu et receu de
Sadicte Majesté par les mains de noble homme M^ Florent d'Argouges, conseiller trésorier et receveur gênerai des maison et finances de Sadicte Majesté, qui luy a icelle somme baillée, payée, comptée, nombrée et délivrée par lesdicts notaires soubzsignez en deux cens quatre vingtz deux et ung quart d'escu, le tout bon et aiant de présent cours, dont partant ledict sieur de La Rivière s'est tenu et tient pour contant, et en a quicté et quicte Sadicte Majesté ledict sieur d'Argouges et tous autres. Transportant et dessaisissant, voullant procureur le porteur et donnant pouvoir et promesse. Obligeant, Renonçant, Faict et passé, assavoir par ledict sieur de La Rivière es estudes des notaires, et par ledict sieur Zamet en son hostel siz a Paris, rue de la Cerizaie, le huictiesme jour de juing l'an mil six cens cinq avant midy.
Signé : J. de La Rivière
Sebastien Zamet
TuRGis De Briques.
