IL FAIT AVANT TOUT EXERCER LE JUGEMENT

...A la mode dequoy nous sommes instruicts, il n'est paa merveille, si ny les escholiers, ny les maistres, n'en deviennent pas plus habiles, quoy qu'ils s'y facent plus doctes. De vray, le soing et la despense de nos pères ne vise qu'à nous meubler la teste de science : du jugement et de la vertu, pe\i de nouvelles. Criez d'un passant à nostre peuple : « 0 le sçavant homme ! » et d'un aultre : « 0 le bon homme ! » il ne fauklra pas à destourner les yeulx et son respect vers le premier. Il y fauldroit un tiers crieur : « 0 les lourdes testes! » Nous nous enquerons voluntiers : « Sçait il du grec ou du latin? Escrit il en vers ou en prose? » Mais s'il est devenu meilleur ou plus advisé, c'estoit le principal, et c'est ce qui demeure derrière. II falloit s'enquérir qui est mieulx sçavant, non qui est plus sçavant.

Nous ne travaillons qu'à remplir la mémoire, et laissons l'entendement et la conscience vuides. Tout ainsi que les oyseaux vont quelquesfois à la queste du grain, et le portent au bec sans le laster, pour en faire bechee à leurs petits : ainsi nos pédantes vont pillotants la science dans les livres, et ne la logent qu'au bout de leurs lèvres, pour la dégorger seulement et meltie au vent....

.... Mais, qui pis est, leurs escholiers- et leurs petits ne s'en nourrissent et alimentent non plus ; ains elle passe de main en main, pour cette seule fin d'en faire parade, d'en enirelenir aultruy, et d'en faire des contes, comme une vaine monnoye inutile à tout aultre usage et