LA DISCIPLINE DES COLLÈGES

seront une bonne partie del'estude' ; la course, la liiicte-, la musique, la danse, la chasse, le maniement des chevaulx et des armes. Je veulx que la bienséance extérieure, et l'entregent^, et la disposition de la personne, se façonne quand et quand^ l'ame. Ce n'est pas une ame, ce n'est pas un corps, qu'on dresse; c'est un homme : il n'en f'ault pas faire à deux; et, comme dict Platon 5, il ne fault pas les dresser l'un sans l'aultre, mais les conduire ^gualement, comme une couple de chevaulx attelez à mesme timon; et, à rouyr'% semble il pas prester plus de temps et plus de solicitude aux exercices du corps, et estimer que l'esprit s'en exerce quand et quand, et non au contraire?