XIII. Li emperères retorne en Constantinoble et

, 9 o DE LA GONQUESTE

mande ses barons , et leur prie que il li doinaentconsel se il séjournera ou chevauchera cest y ver. Que tous diroi-jou par alonges? si baron li loèrent que il alast à Salenyque por consellier la terre, et por séjorner illuec , et por chou que li Lombart qui gardien en estaient li féissent hommage et fëauté pour la fille dou marchis , et por chou que il ne peust estre mis arrière de son droit par défaute de segnor; et por chou que li baron, qui sevent les atirances de la terre et comment elle doit aler, en rangent à l'empereour son droit et à l'enfant ausi* Et quant l'emperères oï chou, il dist à ses hommes que bien leur otrioit ensi. « Mais il convient, » fait-il, (c que nous atirons avant liquel de nos barons re- « manront ichi pour la terre garder, car toutes voies jou « en voel remanoir sans souspeçou. » Dont esgardèrent que li mareschausremanroit. et Païens d'Orliens et Miles li Braibans , et laissièrent avoec eus chevaliers et serjans, por chou que se aucuns leur vausist méfaire par aventure , que il s'en péussent defiendre. Après a lait garnir Salembrie de chevaliers et de siergans , et tous les autres castiaus ausi. Et si envoia Lyenart à Yerisse et Herbier t al Visoi. Et a tant est li emperères meus pour aler de Constantinoble à Salenyque, por s aoir se li Lombart seroient envers lui chou que il dévoient. Mais il ne sera pas ensi comme il cuide; car il dient que il ont la terre conquise, si le voelent garder avoec l'enfant au marchis. Mais se il en ceste espérance le féissent , che fust auques priés de rayson : mais il n'y entendoient point de droit; ançois le voloient retenir pour eus.

DE GONSTANTINOBLE. 191

XIV. Li emperères vint à Rodestoc, si assembla sa gent illuec. Et sachiés que il negoit et gieloit à celui point que il se parti de la ville tant asprement que à paines que la langhe n'engieloit en la bouche de cascun; à l'un engieloit li pié, à l'autre les mains; au tier li doit, et li nés au quart, et au quint crevoit la bouche par destrece. Que vaut chou? Assés i en ot de mors , or voelle Dex que la paine de chascun y soit enploie , si comme il set que mestier lor est , et que li emperères en soit honouré si comme il doit! Mais avant que che soit , il ara enduré maint grant travail et si homme avoec lui. Car li flumaire estoient si roit, si grant, si parfont et si anious, que se par les miraclesdeDiu n'i passoit-on, nus hom n'en péust venir à chief. Touz li mons qui l'empereour véoit errer par tel tans s'esmervelloit où il aloit, né que il queroit et quele chose il pensoit à faire. Car bien sachiés nus ne le savoit se chil non qui de son consel estoient. Que vaut chou? Qui vous raconterait ses gestes jusques à Salenyque, che se roit uns grans anuis. Mais celle nuit qu'il fit si grant froit, comme je vous ai dit, il gut à Naples. L'en demain par matin il mut de Naples; mais chil qui les hosteus dévoient prendre murent avant , si comme ne sais quel escuier qui se levèrent plus matin. Chil chevauchièrent tout désarmé comme chil qui ne doutoient que nus encombriers leur déust avenir, lors regardèrent oui tre M ege charrée, et virent à leur encontre venir bien jusques à trois cent Blas qui de toutes pars les fourclosent. Il emprisent aucuns et les autres occisent , et li autre s'en rafuirent à notre se-

iga DE LA CONQUESTE

gnor l'empereour, et li contèrent ces nouvieles, et Ii emperères en fut moult courechiés , et dist que il l'amendera s'il puet. Dont s'arma de tout fors que de hyaume , et monta sor un cheval et les prist à enchaucier; et chil qui cure n'avoient de lui attendre, s'en prendent à fuir , et quant li emperères voit que il n'en pourra nul ataindre , por chou ne remaint mie que il par traches ne les face sivir jusques au soir. Mais toutevoies en la fin n'en put -il nul ataindre. Celle nuit se herbregea à la Rousse , et i séjorna l'en demain toute jor por a tendre chels qui venoient d'errer. Au tier jour s'est li emperères meus de la Rousse et vint à l'Esquipesale, et i fist logier sa gent. Dont envoia savoir à un flum qui là estoit se il i poroit passer sans encombrier. Et nostre Sires démonstra bien que il vouloit aidier a nostre gent, car on trouva l'aighe si durement engielée que on pooit bien charier sus. Dont passèrent tout oultre Sans damage rechevoir; et de chou furent Grifon moult dolent. Car il avoient sorti que chil qui passeroit cest flum sans moillier seroit trente ans sires de la tierre. Né il ne cuidoient mie que che peust estre se vérité non, et d'autre part il n'avoient oncques oï dire que chil grans fluns fust engielée au montant de l'espesse d'un seul denier. Car à mervelles estoit grans et parfons, et couroit trop radement, et si avoit bien une grant archie de lé. Et por chou disoient li Grifon entre els que nostre Sires amoit cest empereour, et que ce ne fust mie legière chose de lui chacier hors de la tierre ; ains le dévoient siervir, si comme il disoient , et, d'autre part, il ne lor faisoit

DE CONSTÀWTINOBLE. i 9 3

chose qu'il lor anuiast. Toutesvoies erra tant li emperères que il Tint à Machre , et puis à Trahinople , et de là vint à Miessynople, et de là fist tant par ses j ornées que il vint à Ci istople > dont cuida entrer ou castiel à sa volenté, comme chius qui nul malisse n'i pensoit. Mais li castelains dist bien que il n'i meteroit le pié ; aius fist commander à ses hommes que on apportast en Post chose dont homme né bieste péust vivre.

XV. Or poés oïr la commençaille de la trahison. Et quant li emperères vit que il tenoient controJui son castiel, se il fust dolans et courechiés che ne fait pas à demander. Et d'autre part il fait deffendre que on n'assaille mie le castel , car s'il vit longuement il s'en pourra bien vengier. Celé nuit fu li emperères à moult grant meschief def ors Cr istople, et bien sachiés que il ne demoura mie ou castelain ne en cels dou castiel que il ne morust celle nuit de faim, de froid et de malaise. Et il démenèrent toute la nuit dedans le castiel grant joie et grant déduit, et au matin se parti li emperères de devant Cristople, et chevaucha vers Saleuyque parmi le val de Phelippe droitement; et là sist Macedone dont Phelippes fus trois ; et là fu nés Alixandres, si comme on treuve : et li rois Phelippes fist apieler le val, apriès son nom, le val de Phelippe , et la cités de Machedone sist des us. Et en che val se combatti Pompeus de Rome contre Julius César, et i fu Julius César desconfis. Que vous dirois-je plus? Li emperères vint en celé tierre, si comme en celé que il cuide de son droit avoir. Mais li cuens des Blans dras Tôt faite

194 DE LA CONQDESTE

garnir encontre lui. Li emperères li manda que il venist parler à lui , et il li manda que il n'i venroit pas ; car Lombart s'ahatissoient bien que il ne devoit de riens partira la terre, né jà n'i partira, si comme il dient. Et quant li emperères l'oï si en fust moult dolans. Dont vint la fieste de la Nativeté. Si séjorna li rois à Vigueri, et là vint Guillaumes de Blendel à l'empereour comme chil qui ne se voloit mie tenir deviers Lombars, ains voloit dou tout obéir à l'empereour comme à son seignour ; car hon che dist : Qui à son seignour [faut à son besoin ne doit avoir respons en court. Wistasses li frères à l'empereour vint à Dragmes un soir encontre son frère à tout vingt chevaliers que l'emperères avoit envoies avoec Esclas droit à Vigueri. Si comme je vous ai dit , tint li emperères sa court au Noël ; trois jors i séjorna ; et quant che vint au quart, il ala à la Ginge et puis s'en torna. Dont encontra-il celé matinée Aubretin, qui tout cel mauvais plait avoit basti. Et lues que li emperères le vit, si le salua , et Àubretins lui , et puis l'enclina et non mie de cuer. Petit Tôt convoie quant il retorna et vint à la Serre , et fist le chastiel garnir por chou que nus des hommes l'empereour n'i pot entrer, et puis s'en vint à Salenyque, et puis basti un tel plait dont Lombart se repentirent a la fin.

XVI. Li emperères chevaucha et passa un flun desous le Gige , et l'en demain en passa un autre plus grant : dont jut la nuit en un bois, et l'en demain jut al Corthiac : chou est une riche abbaye de moines gris. Il fust paralés jusques à Salenyque s'il peust; mais li

DE COHSTAlITUiOBLE. 195

cuens des Biens ciras l'ot foi te fremer encontre lui contre droit et contre raison. Et Àuhretins ot tant fait as Lombars, qu'ils misent hors de la ville tos les François qui en garnisons y estaient. Et lors manda li emperè-* res mon seigneur Qnenon de Biéthune, que il adiès avoit trové sage chevalier et loial, et Pierron de Douay et Nicholon de Mailly, et leur dit que il filassent à Salenyque parler au comte des Blans dras et aus autres Lombars. « Et lor montrés, » dist-il, a toute ci Faaiistié que vous porez de par nous, et lor dites bien « que il nemeresoingnentpas; car je n'ai hulevolenté « que jou jà fnal leur face, tant que jou puisse, en avant; « ançois leur voel faire bien et honnour s'il ne remaint a en eus. » Àtant se partent chil de lui et viennent à Salenyque, droit devant le conte. Mais je vous trespas le long anui que il oreftt avant que il fussent entré ens; car il estoit moult durement gielé et negié, et avoec tout chou il estoit nuis ; si péust-ou bien avoir aie deus grans lieues avant qu'il fussent ens entré. Bien eussent eu mestier à celui point que sains Juliens les éust hébrégiés. Quant il vinrent laiens, si se cou* cièrent et reposèrent jusques à l'en demain après la messe que il alèrent au castiel où li cuens estoit. Et lors a Quelles de Biéthune la parole monstrée si comme il li feust commandé de l'empereour. « Seigneur, » fait-il, « li emperères nostre maistres vos salue, et vous « fait à savoir et je de par lui le vous di que il est chi a venu à vous pour droit faire, et pour droit prendre si « avant comme il doit. Il n'a encore, che dist, de vous « eu seremens né hommages, et si avés jà tous les preus

« de la terre recheus. Li marchis fut ses hom, si comme « vous savez bien et comme il le reconnut ; or est très- « passé de ce siècle, Diex lî pardoinst &es péchiés et « nous les nostres ! De chou que tous iestes acreu est-il « biel à monseigneur. Or soies pour Diu sage et courre tois , et prenés entre vous tel consel qui tourt à l'on- « nour de l'empereour no seigneur et de vous aussi; « que vous ne soies decheus. Cuens des Blans dras, « cuens des Blans dras , te deust ore avoir nus esoi- « gnes tenu, que tu ne fusses aies encontre ton droiturier « seigneur et que tu çaiens ne l'eusses hébrëgié et re- « cuelli? Âvoies-tu paour que il ne fust envers toi « trais tre? Or te dirai que tu feras : fais avant aporter « la chartre que li marchis ot de l'empereour Bauduin, (c qui faite fu par le commun assentement des haus ba- « rons qui por cet atirement furent esleu ; et quant « on aura pourveu par la chartre le droit de l'enfant , « tout ainsi que li marchis ses pères ot le royaume tenu, « nos sires li emperères i vaurra si bien garder le <( droit de l'enfant que il de riens n'en sera blasmés, ce né li enfès adamagiés. »

XVII. « Sire, » fait li cuens , « nous avons bien oï « ce que vous dites ; mais nous ne sommes mie encore ce à chou mené, séDiuplaist, que nos voellons encore « pierdre ce que nous avons conquesté. Que quiert chi « li emperères? Nous avons grant pièce esté ichi et nous « somes combattu souventes fois encontre nos anemis. « Par Diu , sire Quenes, qui vous vaurroit la terre tol- « lir, après si grans travaus que vous savez que nous y

« avons eus, trop vous en deveroit peser. Sache bien « li emperères que caiens ne mettra-il le pié , ne sôur (f nous n'aura-il ja seignorie né commandement. » Et quant Quenes de Biéthnne 01 eeste response , si fust moult courechiés, et nerespondi mie son penéé selonc le grant orgueil que il ot. Et se Quenes de Biéthune fu dolans, Nicholes dé Mailly et Hêtres de Dmjay ne furent mie mains , et bien voient que se 41; par sens ou par engien ou par treuage donnant , n'entrent en la cité , tos les i converra par force morir de faim et de froit et de mesaises ; à chou que li flan sont grant et li plouasse et les neges et les gielées; etpor chou, leur consentent- il à dire tos leur boins. Dont offrirent doubles drois de l'empereour, et lors devisèrent trois manières de pais. Mais onoques à offre qu'on leur fêsist de par l'empereour ne respondirent ; ains sr'escondisent tout adiès plus et plus. Dont lor rëdist arrière messire Quenes* et pria, por Dieu , que il se eonselr lassent, et que por Dieu île fesissent chose par quoy li honnours de Constantinoble fust abaissié c («Nous vos « partirons trois pais, ai verrew laquelle vous prends- « rez. Or ealisiez cleus sages honnnes e t preudemes et de « bonne renommée entre vous, ^et nous d'autre part « en eslirons aussi deus. Et cil quatre âftquierœnt « toutes les vérités; et quant il les artmt encuises, si « en doinsent à cascun son droit. Et oascunè partie se « tiegne à chou que il en diront, et se • voup tout chou « ne volez faire, si nous en meterona sor Je, dit, de le « court de Rome, ou sor celi de France, ou sor la, court « de l'empereour de Rome , ou sor la cbartre metsmes.

tg$ DE LA COftQUESTE

« Et en&i, ert faite laatkaace entre nous , et demoure- « ronsJ|>Qiu ami, Por Dieu, segnor, or tous hastés de « tost vespondre; car li emperères est là hors el Cor- « thi^cb, où il n'a mie quanques il vodroit. Et bien a sachiés* se Diex me saut, que moult est grant honte à « yostre oés , quant li emperères est là hors berbergiés « par vartre defaillement. Et s'il de mesaise moroi t par « auoune mésaventure, sire cuens, li péchîés en serait <( vos très; et si en sériés au moins reftés de traïson» Né « por destrece que vous saehiés en lui, ne le destraini< gniés onques de plait; maie por Diu estraignez vos- « tre consel entre vous, et faîtes si que li honneur de « L'empereour i soit , et que vous n'i soies pierdant. m

XVIII. Adonc estrainst )i ouens son consel entre lui et ses Lombors. La fust Aubretins et li cuens de Travas , Rénrârset Pierres Vena, et si y ot autres Looftbrts que jou mie nû vous sai nommer* Gist parlèrent ensem*» blçsti disent ; « Segoor, il est ainsi que nous avomes ià «for* Ifèmpereour. Yéés ait obi totft le conseil : gardés (t que; nous ne' feciemoe nulle' pais , se nous n'avons k tonte '«astre demande entièrement, et à chou nous « tem>mes..^ Ëk il s'accordent tout à cest conseil, si s'en départent. .Lcprs forent rappelé- nos messages, et fi cum& ramante* tore4pondlc^ son

coaisel.'K fiegara^ » fait Ji cuens, « matre eonsaus nous » apporte que nous volons avoir toute la tieiTe de Duw ras, desohiià'la Maigre , et toute la terre Lsfrgut et « quanque il i .appent, et toute l'île de Grèce. 8i vou- « Ions avoir Ghorinthe, et que Michalis et tousses ha-

DE COHSTABTIWOBLE. 199

« rons nôtos fassent hommage : et si voulons avoir la « Verre et k Ferme et toute la terre jusquesàPhinepo- « pie. Se li emperères le nous ottrie ensi , bien le volons « çaiens recueillir, et autrement non. » Et quant Quenés de Biéthune ot cette response > moult li tourna à grant anui et ne se pot tenir que il au conte ne dësist : « Comment, sire cuens , ne devons-nous riens avoir ! m N'i venismes-nous mie ensemble comme compai- « gnon ? et i avons autresi bien endurées les paines et « les travaux por nostre Segnor comme vous avés. Par « Diu, sire cuens, il ne m'est pas avis que il ait en « vostre requeste raison , né que vous mie ne déussiez ce telle chose requierre à bregiers, que vous volés avoir « les cités et les castiaux et toute la seignorie de la « terre , sauf chou que nous n'i partons* Et si avons « esté en tout les plus grans besoins de la conques te, « tout adiès : par ma foi , dont n'i sai-jou autre chose , « mais que nous nous apparellons por labourer ainsi « comme vilains. Sire cuens, sire cuens, » fait soi Quenes de Biéthune, k se nous démenomes ensi li un les autres, « et alommes rancunant , bien voi que nous reperde- « rons toute la tiuerre , et nous-meismes seromes pierdu « se nous ainsi morons; car nous morerons en haine « mortel li uns viers l'autre ; et se nous nous entrecr guerrions, dont primes seront Grifon lié* Por Diu, « cuens, che n'a mestier. Nos vous prions mierchi de « par nostre seigneur l'empereour, que vous , por Diu, ce lui fachiés raison et si recevez encore assés de la soie « terre. Certes, moult est laide chose et vilaine que il « est de çaiens fourclos, et moult i est grans la mesproi-

« son 9 por vous , et li desraisons de che que il oncques « le fust. Que vaut chou ? Je Toi bien que nous ne fai- « sons rien chi. Sire cuens, or tous dirai-je encore cr que tous ferés, s'il tous plaist : Parlez encore à Tostre « consel, et faites si, por Dieu, s'il estre puet né doit, « que ceste pais viègne entre nous. Car se nous met- « tons arrières dos la paour de nostre Segneur en tel « manière que nous de mal faire ne le cremons, et nous « commenchommes guerre li uns Tiers l'autre , je tous « di que toute la tierre en sera pierdue et destruite et i « pierderons quanques nous i avons conquis. Et s'il est « ainsi toutesToies que nous nos entr'ocions en telle « manière, dont n'i a plus mais que nous, avant, re- (c noions nostre Seigneur. Tant mal que mal , encore ce nous vaurroit-il mius que nous nos enfuissions hors « du païs. Por Diu, sire cuens des Blans dras , ne suefre (( mie que nous ensi nos destruisions par ta coupe; « mais prens les biaus offres que nous iohi t'offrons , et « por Diu , por chou , se tu ne sœfires les grans mes- (( aises que nous sofirons là hors r por chou ne nous « destrains mie à che que nous faisons chose qui nous « tourt à honte né al décroissement de l'onnour de <( l'empire. — Sire Quene, » dist Aubretin, « or sachiés « bien que nous ne nos *assentirons à nul consel que « nous tous laissons point de la nostre terre né de la « demande que nous vos avons faite ; et se vous ainsi « ne le faites, assez poés là fors séjorner por nous; car « çaiens ne méterés-TOus les pies. -—Et se nous n'avons « nul très né aucube, » dist Pierres de Douay, « où nous « nous puissions hierbregier , girons-nous donc as

DB CONSTAlfTtaOBLE. 201

« chans ainsi comme mastins ? — Vous girez , » dit Aubretins , « au mi us que tous porez et que tous sarez ; « car s'il ne fait ensi comme tous avez 01 , jà çaiens ne « serez herbregiés. — À chou nous assentons-nous , » dist li cuens , « né jà de nous vous n'emporterez autre « chose. — Seigneur, » fait messire Quenes , « et nous « retornerons dont arrières por dire à nostre seigneur « che que nous ayons trové ; et che que il nous respon- « dra, nous le tous lairons à resçavoir çaiens , ou par « nous ou par autrui. » Dont montent, et reviennent à l'empereour, et li ont dit tos les respons et toutes les demandes que li Lombart li orent faites.

XIX. Quant li emperères 01 chou, s'il fust dolans che ne fait mie à demander. Dont dist as messages : ce Cier- « tes , segneur, il me requièrent si grant tort comme « vous-meismes le savez bien ; et jà se Diu plaist che ne « ferommes. Or est ensi que ils sont laiens en grant so- « las et en grant déduit; et por chou qu'ils sevent que « je sui à si grant meschief vœlent que je me déporte « de toute cette tierre. Por Diu , comment ferois-je « chou, né comment m'i porroie-jou accorder? — Sire , ce por Diu , si ferés , » dient si home, « ou se che non « véés-nous chi toz mors et honnis ; car il fait si fors « tanz et si cruel comme vous-meismes le véés et le « sentes ; et d'autre part nous ne r'avomes que men- « gier, et si n'attendons secours de nulle part. Se nous « sommes chi tant seulement cinq jours sans autre se- « cours de viande, grant mervelle iert se nous ne somu mes tous mors ; car nous n'arons nul confort d'eus ;

aoa D£ LA GOMQUESTK

« et, d'autre part, nous sommes chi ansi comme pri- « son. S'il nos font faire et otriier par force chose que « nous ne doions, en non Diu, la force paist le pré, « et on doit moult faire pour issir hors de prison* Né « jà por chou ne feriemes déloiauté de requerre après « nostre raison , fiist hui ou demain , se nous en poies- « mes venir en point. Mais porquerés messages hasté- « ment qui bien sacent cest message furnir. » Après tout che respondi li emperères , qui merveilleusement estoit dolans et courechiés, et disti « Segnor, » fait-il tout en plorant , « je puis avoir en moi-meismes moult ce grant duel et moult grant despit quant Lombart « m'ont emprisonné si comme vous poés véir, et pour « tout chou me requerront que je leur laisse Estives « tout quitement et Négrépont et toute la tierre qui est « de Duras jusques à Mascres ; et bien tient che qu'il ce me demandent vingt grant jornées ou plus; et por « chou que il m'ont ore en leur destroit si me conte venra par force et par la destrece que il me font que « je leur octroie leur volent é. Que vaut chou? Je leur « octroie por chou que je sui en leur prison; maisjà « por voir, se Diu plaist , ne le tenront. — Sire, » dient li archevesquçs et li evesques de l'ost, ce nous vos assaucc rons de tout ce méfait et emprenderohs le péchié sor « nous. » Lors aptela li emperères Quenon de Biéthune pour cest message furnir et Ansiel de Ghaeu , et lor enchargale message si comme il voloit que il fust dis, et lor dist : « Seigneur, je jurerai tous premiers et mi « baron apriès moi que toutes les convenances ainsi « comme il les ont devisées, que nous les tenrons

DE CONSTANTINOBLE. ao3

« sans noie défaute , por tant que il soit ensi que « l'empereris le lot, celé qui fut fille au marchis. » Et vëëz chi le point par coi li Lombart furent engignié. Dont s'en alèrent li message en Salenyque, si fisent tant au conte des Blans dras, et disent que il le ramèneraient au Corthiach avoec eus. Dont le baisa li emperères et li pardonna toute maie amour, et si jurèrent à maintenir le droit de la dame et de l'enfant. Et quant che vint apriès mengier, li cuens s'en râla à Salenyque et li emperères demoura celle nuit à Corthiach. Et quant che vint l'en demain matin, li emperères commanda à quarante chevaliers que il fussent appareillié d'aller o lui : nequedent bien en i ot autres soixante qui, avoec les quarante, entrèrent maugré chiaus qui les portes gardoient. Que voua dirois-jou? Tant en i ot que chil qui conter les dévoient en perdirent le conte,

XX. Au matin entra li emperères en Salenyque, et Hubiers li quens des Blans dras descendi à pié et mena l'empereour par le règne, jusques au moustier Saint* Domytre. Et quant il vint à l'entrée de la porte , il y ot si grant priesse que là où on feroit càscun de baston et de verghe sur la tieste juroient*il que tout i enterraient. Que vaut chou? Tant ont fait Lombart que il ont jettes ambes-as et le tierc d'uns dés dou plus. Et d'iltaec au tiers jor entrèrent nostre gent, qui remés estoient alCorthiac,dedans Salenyque. Et quant il vinrent as aises et as solas , si orent auques tost entroublie les paînes et les grans travaux que il orent eus. Lombart

ao4 DE LA G09QUESTE

disoient que il demandoient la tierce avec l'empereriset avoec l'enfant; mais il pensoient tout el, car il le voloient garder pour le marchis Guillaume de Montferrat, que il avqient mandé par tant de messages que à paine que il ne diervoient, por sa demeure. Et puis que il vers l'empereris et vers son fils ouvroient si vilainement , che n'estoit mie merveille se Dex votait consentir que il en eussent leur gueredon. A pries chou que li emperères ot demouré trois jours en Salenyque ou quatre , li mandoient cascun jor li Lombart que il lor tenist chou que il lor avoit en convent, par son sai» rement : et tant li mandèrent que il li en laissièrent le mander et li disent ; et il lor respondi que il en estait appareilliés, et dist au conte que il recordast tout chou que ildemandoit et en la présence de tous: crSire, » fait H cuens, « et je le vous recordferai, puis que il a vous plaist. Premièrement, je tous requiers por « l'enfant dou marchis , toute la terre qui est de Mo- « thon jusques à Macre , et toutes les apertenances « qui sont chi en dedans et qui estre i doivent. « Sire, che vous requiers-jou, pour la partie de l'ence fant. » Dont appela li emperères les princes et les barons qui laiens estaient, chascuns par son non. Premièrement , l'archevesque de Salenyque, qui delès lui séoit, le conte Biertoul et le seigneur del Cytre, et après tous les autres barons, et leur demanda s'il s'assentoient à la demande que li cuens faisoit pour lui. Et de tous cels que je vous ai chi nommés n'en i ot nul qui s'i assentesist, fors Aubretin qui sires estoit de Estives # etli chanceliers et Pierres Yens. Chil trois trahi-»

DE CONSTANTINOBLE. *o5

tour seulement furent devers le conte. Dont dist H emperères au cuens : « Sire cuens , or m'entendez un « pou , s'il vous plaist ; je ne vqel mie que vous né au- « très puissiez à droit dire que je vous faille de conve- « nânces. Voirs fu que je vous oi covent que toute la « terre que vous avés ichi recordée que je le vos oc- « triai , se li empereris s'i accordoit ; et jou encores le « vous reconnois bien et le vous tenrois , se elle « l'otroie. Et bien voel que toz li mons sace c'oncques « mais à nul segnor ne fut faite tele demande que il « doinst sa tierre par force né s'onnour. Et bien sai « que cbil qui telle requeste me fait n'est mie moult « desirans de m'onnour accroistre né de mon preu « avancier, etpoi m'aime plus que Blac ou Gomma in. »

XXL Adont apiela li emperères Quenon de Biéthime, etli dist que il alast à l'empererisét li demandast se c'iert par lui que li cuens des Blans dras li f ai soit tel demande. Lors ala Quenes de Biéthunfeà F empereris , et li demandast Vêle le looit, et elle dist qu'elle s'en conselleroit et lors en responderoit demain • Et Quenes li otroia, et revint arrières à l'empereour, et li dist chou qu'il avoit trouvé. Li emperères ala à F empereris, et li dist : « Dame, ne soies mie contre mon droit; car <c dont feriés-vous desloiauté viers moi et viers vous, « et de moi ne vous cremés oneques; car jà, si m'ait u Diex, viers vous ne feray vilonnie se vous avant « ne le faites enviers moi. — Sire , » dist la dame , « se u je m'osois fier en vous , je vous diroie bien pour- « quoi jou obeissoie à eus : il m'avoient si durement

*o6 DE LA CONQUESTE

« levé le pied que je n'osoie parler encontre els. U

« avoient fait sairement envi ers moi et enviers mon fils,

« et por chou n'est-il mie rentes que il n'aient mandé

« deux fois ou trois le marchis Guillaume de Montferrat

« que il venist à eus, por chou que il voloient moi et

« mon enfant de nostre terre deshériter por le marchis

« mettre ens ; et puis que je sai le malisse tant apiert en

« eus, et que il ainsi chacent mon desiretement, je re-

« manrai à vostre volenté, né jamais por chose que il me

« facent dire né faire ne promettre ne m'assentirai mais

w à leur consaus. » Ensi ordennèrent leur affaire entre

Fempereour et l'empereris , et quant Lombart surent

le deffiement de la dame , si en furent moult esbahi.

Àdônt se rapensèrent d'un autre baras; car il disent

que se la pais ne pooit en telle manière venir, il pren-

deroient deux homes et li emperères deux, et chil

quatre prendroient le cinquième , et chou que chil en

diroient entre els communément fust tenu por droit

jugement. Et che ne disoient-il fors por detriier. Et

quant li emperères oï chou , si dist que il s'i assentoit

bien : mais que tant que il voloit savoir qui li cin-

quiesmes serait; et li Lombart disent que che ne fe-

roient-il mie. Mais les deux li nommeroient-il volen-

tiers , si iert li uns li connétables , et li autres li sires

de Négrépont. Ensi remest adonc ceste chose en estrif.

Et li empereris vint à l'etnpereour et li pria por Diu, se

il lui plaisoit, que il couronnast son fils, et il dist que

il le couronnerait moult volentiers. Dont fist le jour

de la Thiephane li emperères chevalier l'enfant, k

moult grant honnour; puis le couronna voiant tous»

DE GONSTANTINOBLE. 207

Et si demoura encore li cuens en sa baillie , et fu ravies tus des roiaus gonfonons et refist nouviaux hommages et novieles seurtés jusques à la volenté de l'empereris et non plus. Si cuidoient ore nostre gent avoir ferme pais et boine accorde. Mais ore primes commence la guerre; car li cuens garni Chris tople et la Serre, et de telle gent qui n'avoient mie moult grant volenté d'accroistre l'onnour de l'enfant, si comme il fu puis seu par droite prouvance.

XXII. Il avint un jor que li cuens vint à parlement au caste! à Salenyque. Si i estoit li emperères , Quene* de Biéthune et autre baron assés. Dont commencha à parler li cuens et parla auques folement. Et Qnenes de Biéthune li dist que il se conseillast, se il voloit parler devant si preudome comme par devant l'empereour; et il dist que volentiers le ferait, mais non fist. Puis dist telle chose dont li emperères le tint à parole si comme vous orés. « Sire cuens , » dist li emperères, ce or m'entendes un poi s'il vous plaist : on « m'a fait savoir que vous avez garnis mes castiaux , si « comme Cristople et la Serre , et si les avés garnis de « tel gent qui moult n'aiment mie nostre honnour, né « oncques & moi ne firent seurté né sairement de par « mon fils. Àins l'ont en tel manière fait à vous que se ce li marchis Guillaumes de Monferrat, que vous et li u vostre avez mandé grant piecha , estoit passés chà ou- « tre, que vous, pour moi désire ter et mon enfant, li « devez rendre mes deux castiaux ; et por chou que « on m'a fait entendant ceste chose por voire, jou

ao8 DE LA CONQUESTE

« voel que tous me rendez ambes mes deus caser tiaux. » Et li cuens dist que che feroit-il volentiers, et l'emperères dist que il l'en donnast seurtés et il dist que il li donroit boines. Et de chou dist-il folie por soi; car li cours juga communément et dist por droit que li cuens devoit demourer deviers l'empereris jusques à tant que il ses castiaux li ot livrés et que il eust mises les soies garnisons dedens. Et li cuens dist à l'empereour que tout ensi comme il l'ont jugié l'otroie-il bien. « Et jou prie, » fait l'empereris, « à mou « seigneur l'empereour, si comme à mon droit avoué, « que il me tiegne à droict. — Dame, je voel volentiers, » fait li cuens, « que il, à vous droit tiegne et la vostre a baillie poés-vous ravoir à moi por assés petit. — Et je, » fait l'empereris, « le reprendrai volentiers se vous vouce lez.» Et li cuens, comme fols et mal enseigniés , trait un anelet de son doit, et rend à l'empereris le baillie de tout le roiaume de Salenyque , dont il es toit saisis par cet anelet, et puis est demourés par deviers lui en prisons por tant d'affaires comme vos avez oï. Dont fist tant l'empereris que elle ot chevaliers appareilliés dont cascuns e6 toi en t ses hom et fievés de son £11. Lors commanda que il alassent prendre les castiaux et les saisines : et avoec aus ala, de par l'empereour, Guillaumes de Sains , qui lors estoit marescaus de notre ost , Guillaumes de Blenduel et Hervius de Garet , et Guis de Dant-Ruel et plusieurs autre chevalier. Tous cest se sont mis au chemin por aller à la Serre ; et li cuens apiela endementiers Vivien , qui castelains estoit de Salenyque, et Rabe un trahi tour, et Engelier un au-

DE CONSTANTINOBLE. 20g

tre* « Alés-moi , » dist li cuens , « bientost à Serre , et « (listes au castelain de par moi que por nulle ense- « gne que je li mange né por nulle lettre, que il « ne renge lecastiel. »

XXIII. A tant se meteut li trahi tour à la voie apriès nos chevaliers , et font tant que il les rataignent. « Segnor, » font li troi trahi tour à nos chevaliers, « or « nous attendez un poi ichi , et nous irons laiens au « castelain , et li dirons por quele chose vous iestes chi «venus. » Dont entrèrent li trahi tour el castel, et firent lor message au castelain ; et li castelains Hues lor dist qu'ôncques de chou ne feussent en doutance, que jà n'i meteroient les pies; et lors li disent li trahi tour que li cuens es toit en prison. Tout ensi fu la traïson ordenée. Dont montèrent amont en la tour li troi trahi tour, et disent à nos messages qui dehors le castel les attendoient que il allassent à Cristople ; et se on leur r en doit Cristople, on leur r en droit la Serre; mais autrement il n'i meteroient les pies. Et nostre message disent que il iraient* Dont vindrent à la Gige. Si prisent là un message que il envoièrent à l'empereour, et li mandèrent tout l'affaire, comment li troi trahi tour ièrent el castel demouré. Quant li emperères oï ces no vielles, mervelles \y anuièrent. Dont dist à l'emperéris qu'elle fust toute asseur; car il les iroit revider, et que jà ne l'en boiseraient, « Dame, « et vous-meismes venrez a voec ; et s'il ne vous lassent « ens , il me samble que il mesprenderont trop. — « Sire , je ferai vostre commandement; si vous pri, « por Diu, que vous m'aidiez de mon droit; et se che

ato DE LA CONQUESTE

« non , je sai certainement que il feront tous leur u pooirs de moi honnir. » Et H cuens, qui ces paroles ot, en est moult joians en son cuer; car bien se cuide toutesvoies délivrer et tant faire que li castel li remaignent. Et quant li emperères voit que il ne puet les castiaus avoir par messages , moult lui desplaist; dont dit que il meismes ira pour savoir que chou est; et menra avoec lui la Roïne pour savoir se on la laira en son castiel entrer ; et tant i menra gent que se on ne l'i laisse entrer volentiers, que il i enterra, che dist, par force, « Sire , » dist li cuens , « or ne vous caut ; jà mar « por chou vous mouverés né ma dame ausi ; car jou « irai se vous volés, et sarai por coi il ont chou fait. « Et s'il vous plaisoit que je réusse ma terre, et me « pardonnissiez vostre ire , je vous rendrai les castiaus « sans faille ; car je i menrai Pieron Vent , par qui je « les bée bien à ravoir. Dame, or ne vous esmaiés mie, » fait li cuens, « que vous ne raiez vos castiaus. Laissez « m'i aller, et entre vous et mon segneur i envoies teus « gens por me garder, dont vous me raiez sans souspe- « çon ; mais que je raie ma terre, et que vous me parte donnés vostre mautalent. — Et je voel bien, » fait li emperères , « que vous et tout li autre rayés ce que « vous devés , par si que vous a l'emperéris rendiés ses « castiaus. » Et lors fu li a fa ires ensi ordenés, que li cuens meismes devoit aler à la Serre por chou que vous avez oï. Si fut commandé à Quenon de Bié thune, à Ansiel de Chaeu, à Bauduin de Soriel et à Mahiu Bliaut que il alassent avoec le conte por lui garder; et tant menèrent avoec aus de chevaliers , que il furent jusque s à trente.

XXIV. Entre ces à-Deu-alés , a tant es vous venu à l'empereour un message qui le salua de pars es messages que il premièrement avoit ejivoiés à la Serre ; et li dist que li castiaus fut contre au6 tenus en telle manière que il n'i porent entrer. Dont s'en alèrent de là à la Gyge, et là se reposèrent et herbrégièrent au mius que il porent. Et cbil dou castiel avoient envoies messages au bailliu Burille, qui moult estoit outrageus, si manoit à Mendie, et disent au bailliu Burille qu'il venist à la Serre , et se il i amenoit force de gens , li castiaus li seroit rendus et délivrés; car il amoient mius que il Téust que li emperères. « Sire, or oiez comme li afaires « vint à point; car ensi comme il devoit entrer ou « castiel à toute la gent, et que il commençoit durece ment à approchier, li Grifon de la Serre avoient « mandé de plain jor, par le commun assentement, à « nostres messages qui eatoient à la Gyge , que il venis- « sent à la Serre lors que il seroit anuitié, et il le mete- « roient ou bourc. Que vous diroie-jou? Nostre mes» <c sage i vinrent, et li Grifon les misent dedens le bourc ce sans autre noise. Dont i ot assés pris des Lombars, et « de lor cbevaus gaegniés ; et la noise commencha dont « primes, et Lombart furent ou castiel amont, et li « nostre message les assiégèrent lassus et arsent la « maistre porte. Sire, là furent trois jours, et au « quart se rendirent, et puis lor usent li nostre jurer « sor sains que jamais, encontre vous, ne se mete- « roifent né en castiel né aillours. Sire, tout ensi « est avenu que je vous ai dit. » De ceste noviele fu li emperères moult liés. Et por chou ne remest-il mie

«i2 DE LA CONQUESTE

que Quenes de Biéthune et li autre qui avoec lui furent nommé, n'allassent avoec le conte à Cristople. Dont s'en vinrent à la Serre , et s'i herbrégièrent celé nuit , et moult furent houneré de cels de laiens. Au matin se remisent à la voie por aler à Cristople, et vinrent jusques à Dragmes ; et ensi com li cuens dust mander ou castiel que on li apportast les clefs , il apiela Pieron Vent, un fort trahitour, et si li conseilla que il desist au castelain , de par lui, que pour cose que il séust dire , faire né commander, que il le castiel né rendist; car il cuidoit bien estre délivrés sans le castiel rendre. Et Pierres Yens dist que bien serait fait. Et il bien cuidoit faire tant par son engien que il le délivras t. Mais on dist piechà que teus cuide autrui engignier qui de cel meismes engien ou de semblant est engigniés. Lors ala Pierres Yens à Cristople, et dist au castelain le mandement dou conte, si comme il li man* doit; et li castelains et tous li Lombart s'i accordèrent, puis prisent une trieves à nostre gent, et les créanterent d'ambes deus pars, tant que ceste chose fust parassommée. Li Lombart avoien t une grant trahison pourparlée sor nostre gent. Et nostre gent , qui de riens ne se doublaient, a ins estoient toute asseuré, s'esparsen t chà et là par les castiaus. Et Lombart avoien t envoie lor espies, unpoi avant la mienuit, en un liu où quatre de no gent s'estoient herbrégié. Que vaut che? Lombart leur coururent sus et les prisent tout quatre ; et uns de lor sergians eschapa et vint à Dragmes, et conta mon seigneur Quenon s'aventure. Dont il ne fu mie joians. De ces quatre qui là furent pris, ensi

DE CONSTANTINOBLE. ai 3

comme vous avez oï, fu H uns Ànsiaumes de Biaumont, et li autres Hervius de Garet; mais les deux autres ne sai-je mie nommer.

XXV. Quant Quenes de Biélhune sot ceste traïson , si monta entre lui etÀnsieldeGbaeupouraler versSalenyque, et amenèrent avoecaus li comte de Blans dras; dont laissièrent Bauduin de Soriel à Dragmes, à tout trente chevaliers ; et Quenes de Biéthune et Ànsiaus de Chaeu vinrent àJSaleny que , o tout le conte , et le rendirent à l'empereour, et puisli contèrent toute l'œuvre. De chou fu li emperères merveillieusement iriés. Et li cuens H pria, por Diu, que il éust merchi de lui. « Vous «avez,» dit li emperères, ce vostre convenance faussée « en viers moy, et chou que vous avez desiervi si aiez ; « mais sans faille par moi ne serés-vous jà vergondés. » Lors l'envoia li empereour à l'emperéris, et l'emperëris le livra au conte Biertoul, et li etiens Biertoul l'emmaine au castiel de la Serre , et atant le fait enchartrer. Mais atant laisse or li contes à parler de lui , et retorne à Bauduin de Soriel , et as trente chevaliers qui demouré furent à Dragmes. Et dist que si comme nostre chevalier séjornoient à Dragmes et il s'appareilloient dou païs garder, si lor avint un jour que novielles lor vindrent que li Lombart qui estoient devant Gristople venoient por les proies prendre, et por les castiaus gaster et destruire, et por nostre gent faire anui : dont se coururent armer et montèrent , et les fourclosent à un destroit; et quant li Lombart virent che, si vorrent retorner ; mais il ne porent; car nostre gent se penôient d'els approchier au plus que il pooient , et

214 DE LA GONQUESTE

d'aus fourclore. Et quant Lombart virent chou, si furent durement eflréé, por ckou que il savoient bien que François nés ainoient de riens. Il ne désiraient mie moult lor assambler, ançois le resohignoient. Non por quant, il savoient bien que il estoient assez plus de gent que nostre François n'ièrent. Et de chou que il estoient venus si pries d'eus ne se tenoient-il por sages. Et chou que no François véoient que il se travelloient de leur proies mener en Cristople, les refesoit auques crueus et engriés envers les Lombars. Moult se tenoient à déckeus, se Lombart emmenoient lor proie. Lors baissent les lances et poîgnent les chevaus, en escriant : « Lombars , banières desploiés ! » Quant Lombart les voient, si se mêlent au fuir vers Cristople , et au plus eflforciement que il oncques purent; et nostres gent les sivent de si pries que petit fault que il ne les ataignent. Et non por quant, il i ot aucuns Lombars qui orent honte de chou que il fiûoient , si rendirent estai; mais trop le fisent k envis.

XXVI. Por chou que Lombart véoient bien que combatre les estuet par force, s'arrestièrent-il au val de Phelippe; car autrement cremoient-il que il , en fuiant, ne fussent occis. François lor courent sus, lances baissies , et fiert cascuns ie sien , pour lui atierer, se il péust. Bauduins de Soriel s'est adréciés à Pierron Vent, et Pierres à lui. Si brisent lor lances H uns sur l'autre ; mais nul autre mal ne se font né des selles il ne se remuent. Dont s'en passent oultre pour leur poindre parfurnir. Et quant Bauduins a son poindre repris, si met

DE CGNSTANTINOBLE. 21 5

main à espée, et court sua à Pierron Vent, et Pierres à lui. Ensi commence la bataille des deus, et s'entrefièrent parmi les hya urnes, tant que tout li lach sont dépëchié , et que li uns Ta l'autre esrachié fors de la tieste. Se il éust en Pierron Vent autant de loyauté comme il avoit de traïson, merveilleusement fesist à prisier d'armes* Bauduins de Soriel ne les va de riens espargnant , ains le fiert de r espée parmi la coiffe de fier, si que li espée li coula jusques al tiest , en tel manière que se il ne se fust souploiés desor le cop, il éust esté mors. Non por quant li cos li coula sour te bras diestre, si que poi s'en failli que il ne li eslossa, et qu'il nel trébucha jus dou cheval. Et quant Pierres vit que Bauduins l'alloit si apriessant, si li rent s' espée et fiance prison à tenir; et nostre gent ont tant fait par la divine SQufirance que bien ont retenu la moitié de lor anemis ; et Mahius Bliaus a pris Rauoul le castelain de Cristople, et Ta fait loier sur un povre ronci, les pîéalcôéspar dessous le ventre , au plus viument que il péust % Et bien fus drois que gueredons li fust rendus de le grant honte et de le grant vilounie que il fist à son seigneur, quant il son castiel fréma contre lui. Que vaut chou? Il l'emmainenten prison, tout plaie et ensanglanté , et moult esbahi de la grant honte que il atent, dont il jamais ne se verra descargié. Moult se prouvèrent bien nostre gent à celle desconfiture, et grant honnour firent à lor contrée et à tous chiaux dont il estoient estrais. Que vaut chou? Lombart i furent desconfit, pris et loié, ainsi comme vous avés 01. Jehans de Geulaing qui fu frères Simon de G eu-

ai6 DE LA GONQUESTE

laing , Jaquemes Bliaus qui fut nés devers Blaveguies ; et tout li autre i firent si bien lor honnour, comme apparansfu. Cascuns i fu ou liu d'Olivier et de Rôllant. Moult en i ot de pris, et chil qui fuir porent s'en fuirent viers les montagnes, por lor vies garantir; et Grifon leur saillirent , si les prisent tous et les occisent.

XXVII. Quant li quens Biertous sot-que li Lombart estoient ensi pris, si en fu moult liés, por chou que il cuide ore moult bien que, por els a tendre et por eus délivrer , lui doive-on rendre Gristople. Dont s'en vint à Dragmes, et mena le conte o lui , et là par» lèrent ensemble. De là vinrent devant Cristople, à tous leur prisons , et disent à cels de laiens que se il vouloient leur rendre Gristople entirement , sauf lor vies et lor membres et lor avoirs, li cuenset tout li autre prison seroient délivrés. Et chil qui laiens estoient ne lor daignèrent respondre , fors que il se traisent en sus d'eus , ou il les trairaient , né que jà ne renderoient le castiel por chose que il faire péussent né séussent, et que il ne prisoient i'empereour le montant d'un denier; ets'on les assaut, il se défendraient bien. Et quant nostre François virent che , si s'en retornèrent arrières , v iers Salenyque , et laissièrent les deux contes , et s'en vinrent à tous les prisons ; et li emperères apiela le castelain , et li dist : « Raoul , Raoul , n'est-il mie « bien drois que nous nos vengions cièrement de la « honte et la souffrance et la malaise que vous nos « fesistes souffrir devant Cristople , et chou que vous « nos fesistes gésir as chans sour la gielée et sor la

« noif , sans loge et sans pavellon? Et la gens qui avoec « mot fu venue fu encore plus à malaise de moi ; je n'oc « se bien non aviers aus ; et vous estiés en vostre de- 4 « duit lassus , et aviés tout vostre solas. Par mon chief ! « castelain , chil qui che fait à son seignor, il ne li « monstre mie que il l'aint par amour, et celé félonie « n'ai-je pas oubliée' en telle manière que vos en aiez « gueredon te) comme vous avés desiervi. » En telle manière menace li emperères le castelain , et Pierron Vent et Vivien 3 et que vous diroie-je plus? Li emperères s'atourne et garni le castiel et la tour dou vesque dou Sabba. Et en che que il faisoit sa garnison et ordenoit, a tant es-vous un message de par Rollant, qui donne à l'empereour unes lettres, et li mandoit que il li envoiast trente chevaliers, por chou que Lombart , si comme il li mandoit , s'ahatissoient de venir sor lui et de prendre dou sien. Et li emperères dist que puis que il est ses hommes, il n'est mie drois que il li faille , puis que il li puet aidier . Dont apiela Ansiel de Ghaeu et Guillaume de Sains , et lor dist que il lor convenoit aler en celui voiage; et si i fut Guillanmes de Blendel. Que vous conteroie-je? Trente en i ot qui disent que moult volentiers feraient le commandement lor seigneur, et que moult volentiers iroient. Dont se metent au chemin. Et li trahitres en la cui aide il aloient s'iert aloiés as Lombars, parmi deniers et perpes d'or que il en avoit recheus; en tel manière que il devoit destraindre et guerroyer nos François au castiel : et ensi avoit fait son marchié as Lombars. Et Ànsiaus de Chaeu s'en va

ai8 DE LA CONQUCSTE

avoec tos ses compagnons à Placeront , en L'aide de celui, qui les trahis! en son pooir et déçoit; mais Dex loi 1 envoîa son confort. U Tinrent jnsqnes a Racemont; si n'entrèrent mie dedens: ains envoîa mesire- Ansiaus de Chaeu à Rollant Pice ; mais il n'estoit pas à ce poirit ou castiel, ançois estoit aies as Lombars, por chou que il presissent nostre gent quant il seroit enseri. Tel trahison avoit empensée Rollans Pice, enviers nostre gent, et nostre Sires ne le vaut mie consentir; car il mist en volenté à un sergiant que il lor fist à savoir que il erramment rétamassent arrières; car se Rollans puet iestre de nul d'aus en saisine, il aront acreu sous lor piaus; et quant nostre gent oïrent b trahison, si retornèrent à la Gyge, et mandèrent à l'empereour comment il estoit, ensi comme vous avés oï.

XXVIII. Quant li emperères oï chou , si fu moult dolans, et dist que bien le cuidoit li trahitres avoir engignié; mais bien sache-il que il a engignié lui avant et tout son lignage apriès. Et non por quant li emperères ne s'esmaie de rien , ains atourne son affaire en Salenyque , et fait tant que tout si saudoier se tiennent à bien paie de lui. Dont prent congié à Tempérer», et elle le grassie moult de l'onnour que il li a faite. Dont se part de la ville, et a tant fait entre luy et ses hommes, li un par mer et li autre par terre, li un à pié et li autre à cheval , que il sont au Cyntre venu. Et il meismes i vint, lui dixismes de chevaliers , par mer. Et plus n'en laissa-il avoec li en-

DE œNSTANTINOBLE. 219

trer ; car il avoit pieu et negië si durement , que li flun estaient si creu et si aparfongié que li pré et la tierre en estoit tout couvert, si que à poi que li sommier ne noioient dedens; et li homme estaient si baignié, que tout estaient tout ausi comme mort que de la gielée que du froit. En celé chevaucie estoit Quenes de Biéthune, qui moult maudissoit durement celsqui l'avoientlà mené; et disoit que qui si grant pénance sot froit par nostre Seigneur à che, que tout estoit aussi comme trenchié de froidure et de dolour; bien aroient deservi paradis, et s'il eurent auques grandes sodées, bien les durent par droit avoir. Que tous diroie-jotr? Ils se hébrégièrent une nuit devant la Verre , et de là alèrent au Cyntre. Or sont nostre gent au Cyntre venu. Si ont là trouvé l'empereour et l'ost qui illuec séjornoit. Et messire Orris dou Cyntre lor a fait tout l'onnour que il pot, tant que l'empereour avant et li ost apriès s'en loèrent moult durement. Dont devisa li emperères sa chose , et s'en ala une vesprée en Salenyque, entre li et Quenon de Biéthune; car on li dist que sa gent se devoit estre toute révélée contre lui. Puis a atorné sa garnison de la tour qui estoit sor la mer, si i laissa Huon Bliaut et autres chevaliers que je mie ne sais nommer. Apriès che, s'en retorna al Cyntre. Dont apiela Wistasse son frère et Ânsiel de Chaeu, et lor dist : « Seignor, vous eslirés jusques à « trente hommes des plus preudomes que vous porez « trover en cest ost; puis vous en aies ou Val de la Ve- « nisce, et passés la Closure. » Entre ces choses mandèrent li Lombart une pais à l'empereour, si comme

22o DE LA CONQUESTE

vous dirai. Et en fust Robiers de Mancicour messages à l'empereour, et dist que il le conte des Blans dras délivrast , et le mesist en possesion de la baillie de Salenyque dont il l'avoit dessaisi ; et puis alast al Corthiac, et il iroit illuec à lui por droit faire. « Or, biaus amis, » fait li emperères au message , « vous-meismes poés ore « bien savoir se ceste demande est raisnable , et s'il i a « raison. Or me doinst Dex tant vivre, se il lui plaist, « que je ma pensée puisse d'ans esclairier. » Chis mandemens fu apportés à Fempereour, ensi comme vous avez oï, par un joesdi absolu.; et le jor de la Pasque, après le mangier, se partist li emperères dou Cjmtre , à tout son ost , et dist bien que mais ne retornera arrières si aura auques sa volenté accomplie des Lombars, qui tant d'annuis li ont fais.

XXIX. Dont passa li emperères la Closure tout se* riement, et vint jusques à la Venisce, où il trova sa gent en joie et en grant solas. Et là renvoièrent Lombart pour tel parole meismes comme vous avez oïe. Li emperères voit bien que Lombart ne le gaitent seulement fors por lui dechevoir. Lors s'en vait vers le pont de l'Arse, et se logent à douze mille priés; car toutes voies oïst-il lor renonc volentiers ; car il avoit envoie un évesque et un viel chevalier, par lesquels il lor avoit mandés que volentiers feroit pais à aus , s'il offraient chose où il éust raison ; si que il demorassent en la terre, et il lor donroit encore de la soie, por accroîstre la lor; mais que il feussent si home, et que il li fesissent hommage et feuté. Et Lombart di-

DE CONSTAHTINOBLE. aai

sent que il n'eu feraient riens ; car il ont lor connes table, en cui il ont toute lor espérance. Li message que li emperères i avoit envoies revinrent à Tempereour, et li disent : « Sire, se vous volés avoir pais as a Lombars, il convient premièrement que vous déli- « vriés le conte des Blans dras , et que vous apriès le « mettiés en possession de sa baillie ; et puis vos en « aies à Corthiach , et là vous venront faire droit si « avant comme il le deveront. Et s'il vous desplaistà ci séjomer al Corthiach , retornez-vous en Constenti- « noble; et là vous referont che meismes par le los des « Lombars et des François ; et bien vous mandent que « il ne vous en responderont autre chose. » Et quant li emperères oï la response des Lombars et le grant orguel, il fut si durement estains d'ire que il ne desist un mot qui li donnast grant chose. Il séoit adonc au mengier, et se leva de la table par si grant aïr, qui tresbucha par terre le maistre dois où il séoit. Et il jura que puis que Lombart ne voelent enviers lui faire pais né accorde , que il saura se Lombart aront pooir contre lui.

XXX. Adont commanda li emperères que si tref fussent, destendu ; car il vaurra , che dist-il , gésir au pont. Dont fait crier li emperères aval l'ost que cascuns s'armast. Puis chevaucièrent droit viers le pont de l'Ârse. L' emperères fist ses batailles rengier et ordenner, et se plainst des Lombars à tous ses chevaliers. Lors envoia chevaliers avant por savoir se Lombart avoient le pont défiait, ou se il estoit entiers*

Si i fu envoies Guillaumes de Sains, et chil de Bielmés, Gossiaus li Moines , Hernous de Vilers , Gautiers de la Rivière , Robiers de Bove; che fut chil qui premier passa le pont. Si i fu Alars de Kieri, Guillaumes d'Arondiel et Raous ses compains, et uns chevaliers qui Pierses fu apielés, et iert de la maisnie Guillaume de Biaumés; si i fu Gadous de Kieri et Gilles de Brébiere, et Gerous de le Vincourt. Lors vinrent nostre chevalier au pont , et arbalestrier avoec els que li emperères i avoit envoie. Et nostre Sires lor aida tant que il trovèrent le pont entier; et Robers de Bove se met sus premièrement, et li autre s'aroutent après lui. Dont voient descendre les Lombars qui lor viennent à l'encontre; et li nostre , comme preu et hardi , les recueillent as glaives. Là ne fu mie Gossiaus li Moines laniers, ains s'i maintint comme chevaliers preus et aidans. Et sovent retornoient en tour li si compaignon; et sachiés que il i en ot des autres qui molt furent preudome de lor cors a celui besoing , si corne Guillaumes de Sains , Ernous de Vilers , Gautiers de la Rivière et Alars de Kieri; et tant fisent que li pons fu détenus, tant que chil qui estaient arrières fussent venus. Nostre gent passèrent le pont, comme chil qui bien en conquisent l'entrée par lor proesces. Et si i ot un petit siergans , que on apieloit Gapitiel , qui molt se prova bien. Et disent tout li nostre que che fu uns de cels qui là feust qui mius fis t. Notre gent coisièrent Lombars de si très priés, que il les remisent par droite force au castiel, et conquisent tierre sour a us jusques à la maistre porte , et si abattirent de lor chevaliers

DE CONSTAVTINOBLE. M 3

et retinrent. Moult i ot grant hustin à prendre le pont. La s'aidîèrent bien Gossia» li Moines , Araous d'Ârraantières et Gantiers d'Allues. Oncques ne s'arriestèrent , si vinrent devant la porte et là lor coururent sus. Gantiers abati un Lombart devant la porte, et oonquist le cheval, et Ernaus d' Armentières prit le Lombart sans nulle autre défense, et le fist garder comme prison. Anuis seroit de raconter combien cascuns i gaigna ; mais tant tous di-jou pour voir que cascuns s'i monstra comme preudon. Né oncques mais si poi de gens ne se continrent si bien et si biel. Dont lor vinrent deus batailles de nostre gent, qui les secoururent; et s'il un poi se fussent plus hasté de venir au pont , bien eussent retenue la plus grant partie de lor gent; mais il ne savoient mie que nostre gent se feussent as Lombars meslé.

XXXI. A tant vint Quenes au pont , et trouva que nostre gent s'estoient tant combatu as Lombars, que it lor avoient fait guerpir la place. Et puis que Quenes eut passé le pont, Lombart s'enfuirent en lor forteresce, et lor laissièrent tentes et pavellons, et quanques il avoient de harnois. Dont primes vinrent les nouvieles à l'empereour que li pons estoit pris. Et il en ot si grant joie, que à paines le pot-il croire. « Sire, » dist Pierres de Douay, « hastés-vous de tost ensivir nos « deus batailles; car, en nulle manière, je ne vauroie « que nostre gent feussent décreu par Lombars. » Après la bataille Quenon de Biétbune passa Ansiaus de €haeu, et lors que Lombart les perçurent, li plus isniaus cuida bien estre li plus lens à rentrer ou cas»

ia4 DE LA GONQUESTE

tiel. Or ne lor prent-il mais nulle volenté d'assembler as nos très, et nostre emperères, qui moult ert joians, Tint au pont. Qui gaignier vuet, illuec faire le peut, si corne muls et mules , palefrois et chevaus , reubes et covretoirs, or et argent, et autres avoirs. Que vaut che? Bien furent Lombart adatnagié à celui point /por leur folie , de mille et cinq cent mars de fin argent. Là emperères s'arma et passa le pont qui fait estoit de planches longhes et estroites, et li aighe ert si parfonde desoz , et si radement courant , que nus n'estoit sor le pont qui ne fust tout esbahis de regarder en l' aighe. Et quant li emperères fu outre , si monta sur un sien cheval ferrant. Après fit lachier son hyaume, et puis prist son escu, tel comme li cueus de Flandres le seut porter. Et quant Lombart le perçoivent , si le manacent entre els durement , et dient que bien lui sera mestiers que li escus que il porte soit fors; car il ne les trovera mie vrais amis. Lors est passés li emperères, et est venus devant la porte. Ensi a les Lombars asségiés , qui mie n'en sont joians; ains vaurroit bien estre li plus hardis aillors que illuec. Dont vient Robiers de Mancicourt à l'empereour, entre lui et Guillaume de l' Arse , et li prièrent , por Diu , que il en laissast aller les Lombars sauf lor cors, et lor amis, et lor avoirs; car bien sevent que il n'ont mie force contre lui. Et che li reprient tous li preudome de l'ost que il, por Diu et por pi té, les en laist alter quitemçnt. Il estoient bien laiens sept cent , qui assés estaient fol et anious se il eussent pooir. Et si manoit laiens li frères le marchis, qui au rivage estoit aies entre lui et le con-

nestable et Aubretin , por savoir s'il s'en poroient fuir par l'aighe , se besoin en estoit. Que tous diroie-jou ? Par les proières des preudomes qui là furent et des barons, li emperères en lassa aller tous cuites les Lombars. Et il s'en alèrent vers le Flagre , tant comme il porent, comme chil qui n'orent cure de là faire lonc séjour. Tout ensi avint as Lombars comme tous avés oï. Et quant nostre gent aprocièrent le pont au matin , Robiers de Mancicourt s'enfui à Flacemont. Et qui Tausist esgarder selonc ses œuvres , il avoit desierri ore et autre fois que on le pendist plus haut que nul autre larron , quant il n'ose mie Tenir à son seignor, ains se repont. Que Taut chou? Robers ne vaut mie tant que je plus tous parle de lui. Li emperères s'en Tait à Lamiro, entre lui et sa gent. Et Griu li vont encontre , comme chil qui merveilleusement désirent que il venist, et li aportent les ancones, et si li font polucrone.

XXXII. [Ensi se tienent nostre gent dedens la ville, sauf chou que à nullui ne meffont riens. Tant que li Grifon dient que moult ont bon restor de segnor, et ne place Diu que jamais Lombart aient signorie sour aus; car os primes se gariront-il à grant onnour, si comme il dient , mais que Dex lor gart l'emperéour . Ensi se tinrent coi une grant pièce, tant que les galies Rollant de Negrepont s'assamblèrent entour une grant nef, laquelle il emmenassent volen tiers s'il péussent. Li emperères oï la noise, et demanda que chou estoit qui tel noise faisoit là fors ; et on lui a

conté que c'estoit robéour de vassiaus qui assailloient une grant nef . Quant li emperères ot cette nouviele, il saut sus et haste moult durement sa gent de lever, et dist que il n'emmenroient mie la nef, se Diu plaist. Dont s'arment li chevalier et entrent es barges, dont i avoit assés sur la rive; et si avoit capieles qui à nostre gent aidièrent moult durement. Il allèrent secourra la grant nef, qui bien éust esté trahie se nostre François n'eussent mis consel au secourre. Et non por quant la grans nés se deffendoit moult efibrciement ; mais chil des vaissiaus lor jettoient chau vive es ielx. Que vaut chou? Il ont guerpi la grant nef; mais il emmenèrent une petite nachiele, où il n'avoit riens. Et ensi comme il estoient illuec , a tant ès-vous Henri de Blois , qui venoit deviers Salenyque, et estoit venus par aighe; et quant il voit l'emperéour, si li dist en s'orelle : c< Sire , me sire Ponces vous salue , et vous « mande que il a bien fait vostre besoingne, et amaine « vos deniers et vostre marchandise ; mais tant i a « qu'il a eu un poi de destorbier ; car la mer a esté « grosse , et la tempieste chaça nos vaissiaus sur terre , ce et furent brisié ; et vous fait à savoir par moi que ce vous lui envoies gens et chevaliers, par lesquels il « vous puist aconduire vostre avoit*. » Et quant li emperères oï chou , si i envoia Ànsiel de Chaeu et autres chevaliers, qui tant firent que il amenèrent tout l'avoir de chi à Lamiro; et là le fist li emperères reçhevoir, et paier ses- saudoyers. Or avoient Quenes de Biethune et Ansiaus de Chaeu devisé entre eus que bon seroit que il péussent faire entre eus par quoi

DE CONSTANTIHOBUE. 227

celé guerre fust apaisie. Si mandèrent au connestable que il Tînt parler à eus ; et il i venist , et parlèrent ensamble, tant que li emperères s'amollia auques, et si taillèrent entre ds une pais telle que les deux parties s'en iraient à Vavenyque , et là en responder oient communément; et se Guis, Aubretins et Rollans ne veulent otrier tele pais , bien sacent , dist li connestables, que jà par eus ne remanrast; et puis que ils vauront ail» contre raison, jà puis, che dist, n'aront aide de lui né des siens. Dont ont entre eus une trive fiancie, tant que cette chose soit faite savoir à Joffroi et à Otjion de la Roche , et as autres barons qui vinrent au parlement si biel , que li emperères les en merchia moult. Et chi en dedans manda Rollans Quenon de Biethune et Ansid de Chaeu , que il venissent lui à parler, et il i Tinrent. Et Rollans issi à moult grant doute fors dou castiel ; mais il ne li convenist pas douter. Que ▼ous diroie-jou? Assés parlèrent ensamble; mais che fii pour noient; car k tele pais comme il devisoient, né li une partie né li autre ne se porent asaentir : ains retoraèrent cascuns arrière là dont il estaient venu*

XXXIII. Ensi, comme je devant vous dis, fu li parlemens pris au val de Vavenyque. La vint li emperères Henris et li quens Biertous et Ourris li sires dou Cyntre , et autre chevalier assés. Li ctnaestables vint à l'emperéour, et miat pié à terre si tost comme il le vit ; et quant il vint devant lui , il s'agenoilla ; et li

2a8 DE LA CONQUESTE

emperères l'en leva, et le baisa et li pardonna son mautalent , et quanques il a voit méfiait enviers lui ; et l'en demain vint Joffrois de Ville»Harduin, et Othes de la Roche, et Gautiers de Tombes, bien à quarante chevaliers bien armés et moult bien montés, comme chil qui grant pièce avoient sis devant Corinthe. Et por oïr la pais en quelle manière et en quelle forme elle serait ordennée i estoient-il venu. Que vous diroie-jou ? Lombart défaillirent du parlement , que il n'i vinrent point , si empirièrent trop lor plaist; car li emperères s'afficha bien d'eus destruire selon son pooir. Et là devint Joffrois hom l'emperéour Henri, et li emperères li acrut son fief de la séneschauscie de Rouménie ; et il en baisa F emperères en foi. Et Aimes Buffois refu connestables en fief. Quant li emperères voit que Lombart ne se voelent assentir à s'amour, et qu'il au parlement qui estoit pris à Vavenyque ne vaurent venir, il s'en partist, et fist por lui garnir le castiel des Lombars, por chou qu'il ne sait qu'à avenir li est. Li emperères vint gésir à Labondeice un mercredi au soir. Dont passa la Closure , et Lombart le vinrent encliner. Li emperères chevauche tant que il est à Thèbes venus. Et Lombart font le castiel tenir contre lui; mais li emperères dit bien que il les fera assaillir, et s'il à force les puet prendre, il s'ahatist bien que il les fera honnir des cors. Et quant il entra dans Thèbes , dont peussiés voir un si grant polucrone de palpas, et d'alcontes, et d'ommes, et de femes, et si grant tumulte de tymbres, de tabours et de trompes, que toute la terre en trembloit. Que vaut

chou? Tous viennent encontre lui, por obéir à son commandement.

•XXXIV. Li emperères est entré en Thèbes; mais ayant que il entrast en la ville , il descendi , si que li archevesques et li clergiés le menèrent au moustier Nostre-Dame. Là rendi grâce à nostre Seigneur de l'honnour que il li avoit consenti à avoir en cet siècle. Puis ist hors du moustier, et fait asseoir le castiel, et dist que il l'assauroit se ils ne li rendent. Mais Lombart dient qui dedens sont que il ne li rendront mie. Dont fait dreCier mangouniaus, et arengier ses arbalestriers entour les fossés , et fait traire et jeter à la maistre fremeté. Mais chou est por noient; car trop est li castiaus fors. Dont fist Hues d'Aire faire un chat, et le fist bien cuirier et acesmer. Et quant il fu toz fais, si le fisent mener par-dessus le fossé. Et fu, celé viesprée, mauvaisement gardés. Si l'arsent chil dou castiel en tel manière qu'oncques ne pot iestre secourus d'ommes de defors. L'en demain les assailirent meslément siergant et chevalier ensamble, et chil dedans se defiendoient et jetoient pierres , et traioient carriaus moult espessement, et moult bleçoient des nostres. Guillaumes dou Chaisnoitestoit entrés el fossé, et faisoit passières à s'espée pour monter amont. Et quant chil de laiens le perchurent, si li jettièrent passières, et tant firent que il le navrèrent ou chief et en la main; né oncques por chou né guerpi l'assaut, ains l'en donnèrent le pris , au départir, tout chil qui à l'assaut estaient. Mais, sans faille , il est vérités que

2 3o DE LA GQNQUESTE

on ne puet mie faire gratit hardement de legier que il n'i ait folie ; et li troi qui plus s'abandonnoient à cel assaut furent né de Valenciennes : si ot non li uns Roimondis , et li autres Sohiers li Panbetiers y et li autres Franques de Chatismés ; niais ohil Franques i f u navrés mortellement en la tieste. Môult fut grans li assaus que li escuier rendirent au castiel en celui jour, et moult se travellièrent de drescier les esohieles au mur; mais ehil qui là-dedens estaient se deffe&doient eascuns comme por soi'meismes. Guillaume* dou Ches» noit faisoit passières ou fosset de s'espée , si comme j'ai dit; mais chil de dessus li jetterait d'antoùt pîere* pour lui acra venter se ils le péusseiit faine; et noritaé archier et nostre arbalétrier traioient à cds dedans saietes et carriaus , mais ne valoit rien ; car trop se deffendoient apierteinent , en jettent pierres et peits agus ; et si avoit vilains qui à nostre getit jettoient des pieres en grans fondes , qui moult merveilleusement lor grevoient* Moult i estoit grans li bus et la noise. Que vous diroi&jou? Se chil defoi* assaiilisent auri asprement comme chil dedens se deffendoient, li castiaus ot esté tospris; mais U assailloient lentement et pereceusement.

XXXV. Quant li emperères vit que par assaut ne porroit le castiel avoir, si fist sonner le retrait. Puis fist querrecarpen tiers par tout por foire eschieks rt bterfrois; et chil dedens se defièndoient selon lor pooir. Mais rien ne lor vaut défense, si comme je croi. Car les eschietes sont faites haues et grans et bien chevillites. Et quant

DE CONSTÀNTIKOBLE. *3 1

Lombart les virent, s'il en furent esbahi che ne fu mie merveille. Que tous diroie-je? Us fisent parler de la pais , et Aubretins et Rollans mandèrent les trives , et, chi en dedens, il ont mandé à l'emperéour et mis en habandon tous 1er fiés et lor terres , et li donnèrent grans dons , et li rendirent le castiel; et li emperères en rechut les clés, et ensi furent tout acordé d'une part et d'autre, et si fu li quens des Blans dras délivrés. Mais fisfc-il tant de maies œuvres que jamais ne poroieut estre amendées à s'onnour. Li quens des Blans dras fu délivrés et si fu envoies Poins de Lyon por lui délivrer. Il le trova à Salenyque , et li dist que il le menroit droit à l'emperéour por oïr le droit de la court. Dont se mist li quens au chemin et lassa celui de Thèbes par mauvais consel pour eschiver l'emperéour, et torna vers Négrepont ; et Poins de Lyon revint à l'empe<réour, et li conta comment li quens s'en aloit viers Négrepont par mauvais consel que il avoit creu. Quant li emperères ol chou 9 si l'en anuia moult, ce Comment « donc, » dist li emperères , « ne venra-il mie chà ? — « Sire, non, » fist Poins de Lyon ; « ains dist bien que il <r se vengera de vous. » Que vous diroie-jou?Li castiaus est rendus, et la chose remest ensi • Tous fisent lor pais à l'emperéour, fors seulement li quens des Blans dras. Allais chil en exploita si folement, comme li contes devisera chi apriès, s'il est qui le vous die. Li emperères ala à la maistre église d' Athaines en orisons ; chou est une église qu'on dist de Nostre-Dame. Et Othes de la Roche, qui sire en est, à cui li marchis l'avoit donnée, li honnera de tout son pootr. Là séjorna li emperères

deux jors , et au tiers s'en ala vers Négrepont. La nuit se jut à un casai et se reposa jusques à l'en demain , que Bauduins de Pas H dist que li quens des Blans dras estoit a Négrepont. «Etsachiés, sire, que je « dormi anuit à Négrepont , et là ai tout entendu que « se vous i aies il tous prendera. » Et quant l'emperères l'oï si en fu moult dolans, et dist que jà por chou ne laira que il n'i voist. Dont apiela Rayant et le connestable qui o lui estoit, et Othon de la Roche et Ansiel de Caeu , et lor dist que s'ahasti li quens , se il va à Négrepont, que il le fera prendre : et Ravans li dist qu'oncques n'en soit en effroi, ce Vous savés bien, » fait-il, « que la cités est moie: je tous y prens en « conduit sor ma teste. —Je ne sai, » dist li emperères, « chou qu'il en avenra , mai jou irai. » Dont se mist l'en demain à la voie en une galie entre lui et Ravans por aler à Négrepont. Mais de quele eure que il soit ens, je cruic que il ara toute paour avant que il en puisse issir; car la trahison estoit toute porparlée et ordenée.

XXXVI. Li emperères Henris entra en Négrepont à grant joie, et moult le rechurent joieusement li Grifon de la ville et de la contrée , et vinrent encontre lui à grant tabureis de trompes et d'instrumens, et le menèrent à une église de Nostre-Dame por orer. Et quant il ot oré tant comme lui plot, il s'en parti et issi de l'église. Et li quens des Rlans dras avoit jà ordené comment li emperères devoit estre ocis , et avoient di que il estoit venus auques aescari , car il n'avoit o lui que trente chevaliers. Si ont devisé que il le prenderont

DE CONSTÀNTINOBLE. a33

quand il dormira en son lit , et ensi poront estre vengié et non autrement. Trois jors remest ensi li empe- ' rères entre eus. Et nouvieles vinrent à Thèbes que il estoit pris à Nëgrepont. Et dont véissiés ches chevaliers esbahis et courechiés estrangement et desconsettiés : et de chou espar t la nouvelle partout le pais. Ensi fut li emperères trois jors à Nëgrepont, qu'oncques n'i trova qui li fesist né li dësist chose qui li despléust. Et tant fist Ravans que il sot toute la trahison comme elle estoit porparlée. Dont vint au conte, et li dist : « Cuens « des Blans dras, que chou est que tu veus faire? Comc< ment, por Diu, se poroit tes cuers assentir à si grant « desloiauté faire comme d'ocire Pemperéour, dont tu « ne poroies à la fin eschaper que tu n'en fusses honnis? « et d'autre part, tu sais por voir que il est en Nègre- « pont venus sor ma fiance , et si sui ses hommes liges, ce Comment cuide-tu dont que je péusse consentir que « on lui féist mal ? Cuens des Blans dras , que t'en « diroie-jou autre chose? si m'ait Dex! je ne le porroie « souffrir. » Que vaut che? se Ravans ne fu, jà li emperères ne fust issus de Nëgrepont sans damage rechevoir et sans grant anui de son cors. Dont dist li emperères que il voloit retorner à Thèbes por vëoir ses hommes qui de lui estaient en effroi , si comme on lui avoit conté. Il se mut de Nëgrepont et vint à Thèbes, et se si home vinrent encontre lui et li fisent grant joie comme à lor seigneur, chou ne fait mie à demander. Mais à tant se taist ore chi li contes de cette matère, et retourne à Burille, qui s'appareilloit d'entrer en la terre l'emperéour à grant gent.

a34 DE LA CONQUESTE

XXXYIL Quant li emperères oï ces nouvielles , si lî aauia molt durement : et nonporquant il dût que il li iroit au-devant. Dont fait mander siergans , chevalliers et arbalétriers , et fait tout son pooir semonre et amonester ; et li trahitres qui cuens estoit des Blans dras mande à l'emperéour que il est aprestës de jurer sor sains que jamais ne sera contraires à lui. Que vaut chou? Tant a fait que li emperères a recheu son sacrement. Ensi fist li cuens des Blans dras sa pais, et remest à l'emperéour comme baillius. Or est li quens des Blandras accordé à l'emperéour si comme vous avés oi ; et moult s'ahastist que il Blas et Gommains le aidera à desconfire; mais la félonie de son cuer pensoit tout el contraire. Nonporquant ne vous diroie-jou ore plus chi endroit; ains diroie-jou de Michalis , qui fist tant de l'emperéour qu'il fist de lui parlement par pais faire, et fust li lius nommés desor Salenyque. Li emperères i vint, et se k>ga desor les oliviers. Puis apiela Quenon de Biéthune et Pierre de Douay, et 1er dist : u'Segnor, on me fait entendant « que Michalis, contre qui nous sommes venus chi à « parlement , est mervelleusement trahitres et faus et « agus de parler et tranchans» Je ne dois mie ses dons « convoitier, né nul ne convoite, car preudom ne doit « convoitier chose qui li court à deshonneur. Or vous « dirai-je que vous ferés : tous irés à lui et li dires de « ma part que se il mes hommes veut estre en tde « manière que toute sa tierre voele tenir de moi et tous «ses tenemens, je li ferai autant d'honneur oomme je « ferai à mon frère proprement. Et s'il chou ne veut

DE COHSTÀHTINOBLE. a35

« faire, sache-il bien que jou irai aor loi k tout mon ce pooir* Or aies à lui , et ai li dites chou que je tous ai « dit} car ansi vous a*t-il tous deus mandés. » Lors montèrent li message et s'en tornèrent ; et ont tant erré que il ont trouvé Michalis en une abbéie où il estoit hébrégiés. Dont descendirent et saluèrent Michalis de par l'emperéour, et li baillèrent les lettres si comme il avoit commandé, et disoient les lettres que ils fussent cru de tout che que ils diroient de par l'emperéour. Michalis fist lire les lettres , et quant elles furent leues» si dist as messages que il desissent lor volenté. Et Quenes de Biéthune et Pierres de Douay se mettent à parler et à dire uns biaus mos polis et à mettre avant la parole de lor seignor par si grant mesure, et à deffendre sa partie en répondant. Car mestiers lor en iert, que chil qui encontre eus estoient en estoient ausi tout comme abaubi et non mie por chou que de rien mesprésissent envers aus; ains lor monstroient tant bieles paroles et tantes bieles raisons aournées et traitiés de droit que tout chil de la partie Michalis et Michalis méismes estoient tous desirans' de venir à lor amour. Que vaut che? Le mant l'emperéour ont-il tant courtoisement dit et despondu que auques ont fait Michalis le cuer amoliier. Adont lor dist ensi comme sosriant : « Segnor, jou ai une moie « fille et li emperères un frère sien qui a non Vi tasse : « se nous ces deus poiemes ensamble ajoindre par ma- « riage , dont primes seroit nostre pais legière à faire. « Et je donrai à Yitasse avoec ma fille la tierce partie « de toute ma terre; et bien voel que vous sachiés que

a36 DE LA CONQUESTE

« je puis miet servir Femperéour et par mer et par « tiare que nus qui soit en toute Roumenie. » Et quant Quenes de Biéthune entent cette parole , il voit lors et pense que grans biens en poroient Tenir. Dont dist à Michalis que il le fera savoir à Femperéour, et li fera acorder; et puis li relaira savoir au plus tost que il porra.

XXXVIII et dernier. À tant se partent li message de Michalis et vienent à Femperéour, et li dient tout che que il ont trouvé, et comment il mist avant le mariage de son frère avoec sa fille; et qu'il donroit à Y itasse la tierce partie de toute sa tierre avoec sa fille por fief, et d'ore en avant il vaurra de vous tenir tout son tellement.

Explicit de Vemperéour Henri de Conslentinoble .