CXLIII. Ensi trespassèrent celé nuit, jusques au
jor au matin de Pasques ; et oïrent la messe , et puis mengièrent : et Commain corurent erramment as armes, et s'en issirent de l'ost à tout leur batailles ordenées, si corne il avoient le jor devant devisé. Li quens Looys de Bloys et de Char ta in s'en issi premièrement à tout sa bataille, et coumenca les Commains à porsivre, et manda à l'empereour qu'il le sivist. Ha las! corne malement il tinrent ce qu'il avoient devisé le soir devant ! Ensi porsivirent les Commains bien deus Hues loing, et assemblèrent à els et les chacièrent une grant pièce; et li Commain retornèrent seur els et commencièrent à huer et à traire, et li nostre orent batailles d'autres gens que de chevaliers , qui ne savoient mie assés d'armes. Si se commencièrent à effréer et à desconfire, et li quens Looys qui premièrement fu assemblés, fu navrés en deus lieus moût durement; et li Commain et li Blac les commencièrent à envaïr, et li quens ot esté cheus, quant uns siens chevaliers qui avoit à non Jehans de Friaise fu descendus et le mist sor un cheval. Assés i ot de la gent au conte Looys qui li distrent qu'il s'en alast, por ce qu'il estoit navrés , et il dist : « Jà ne plaist à « Dieu qu'il me soit ja reprové que je foie del champ, « où 1 j'en ai laissié l'empereour! » Et li emperères, qui moût estoit durement chargiés , en droit lui rapeloit ses gens, et disoit qu'il ne fuiroit jà et qu'il ne le laissassent mie, et bien tesmoignent cil qui là furent] que onques chevaliers ne se desfendi miels de lui.
DE GONSTANTINOBLE. i ig
CXX.IV. Ensi dura cil estors moût longuement; et tiex i ot qui le guerpirent et de tiex qui bien le firent à la parfin : si corne nostre Sires suefire à avenir les aventures, si furent li nostre desconfis. Mec remest li emperères Baudoins , corne cil qui foïr ne volt, et li quens Looys et li emperères Baudoins furent pris vif; puis fu li quens Looys ocis. La fu perdus Estlenesdu Perche, li frères au conte Joffroi, et Renaus de Monmirail , li frères au conte de Nevers, et Mahius de V^laincort , et Robers de Rosoi , et Pierres l'evesques de Belléem, et Jehans de Friaise, et Gantiers de Nully, et Ferris Diarre, et Jehans ses frères, et moût des autres dont li livres ne parole mie. Et li autre qui eschaper porent s'en vindrent fuiant au miels qu'il porent vers l'ost; et quant Jofirois de Ville-Hardoin , qui gardoit devant une des portes vit ce, si issi fors erramment au plus tôt qu'il pot, à toute sa gent, et manda à Manessier de Lille qui l'autre porte gardoit qu'il le sivist tost et isnelement. Dont chevaucha à toute sa bataille vers les fuians grant aléure , et li fuiant se ralièrent tuit à li , et Manessiers de Lille au plus tost qu'il pot à toute la siene gent ; et lors orent-il plus grant bataille , et tous retindrent avoec eus cels qui venoient en la chace qu'il porent retenir : et ceste chasce fu entre noue et vespres. Li pluseur furent tuit effrëë, qui fuioient par devant els tresqu'en leur paveillons et en leur ostiex, où il estaient herbergié.
