XCLV. Ensi fu ceie chasce recouvrée corne vos

lao DE LA CONQUESTE

avés oï; et H Commain et li Blac et li Grieu chacièretit et hordoicrent à celé bataille, à ars et à saietes, et li nos se tinrent tuit quoi, les via ires devant els. Ensi furent jusques à bas vespre , et li Commain et li Blac se commencièrent à retraire. Lors manda Joffrois li mareschaus le duc de Venise, qui en l'ost estoit et qui estoit moût viex horas , et avoec tout ce , il ne véoit goûte, mes moût estoit sages et preus. Il i vint, et quant li mareschaus le vit, si l'apela d'une part à conseil et li dist : « Sire, vos savés bien la mésaven- « ture qui nos est avenue : Nos avons perdu l'empe- « reour Baudoin et le conte Loojs, et le plus de nos- « tre gent et la meilleur. Or, pensons del remanant « garder; car si nen prent pitiés à nostre Seigneur, « nos somes tuit perdus. » Que vaut ce? La fin del conseil fu tele que li dus de Venise s'en r'iroit en l'ost pour leur gent reconforter, et que chascuns fust armés h son pooir, et se tenist quois en sa tente ; et Joffrois li mareschaus remain droit en sa bataille defors l'ost, tant qu'il seroit nuit, por ce que leur anemi ne les véissent remuer; et quant il seroit nuit, si moveroient de devant la vile, et li dus de Venise s'en iroit devant, et Joffrois li mareschaus feroit Tarière-garde. Ensi s'empartirent quant il fu anuitié, le petit pas; et en menèrent leur gent à pié et à cheval, et navrés et autres, que onques n'i laissèrent nullui; si chevauchièrent droit vers Bodestoc, qui bien estoit trois jornées loing d'ilec. Ensi se partirent d'Andrenoble corne vos avés oï; el ceste mésaventure si avint en Tan de l'incarnation nostre Seigneur mil et dui cens et cinc. En

DE GONSTANTINOBLE. 121

celé nuit meesmement que li os se parti d'Andrenoble avint ensi que une compaignie s'en parti pour aler plus tost en Constanti noble : si en reçurent moût grant blasme. En celé compagnie fu uns quens de Lombardie qui avoit à non H quens Gerars, et estoit au marchis de Monferrat; avoec cestui fu Huedes de Ham en Ponti , et Jehans de Maseroles , et bien des autres jusques à quinze chevaliers que li livres ne raconte mie ci endroit, Ensi s'en alèrent après la desconfiture, le jeudi de Pasques au soir, et vinrent en Constantinoble le samedi ; et si i avoit cinc jornées. Il contèrent ceste mésaventure au chardonal maistre Piéron de Capes, qui ilec estoit de par l'apostole Innocent, et à Quesnon de Béthune qui gardoit Constantinoble, et k Milon le Brebant, et as autres bones gens; et sachiés que moût furent durement effréé; quar il cuidièrent vraiement que li remenans fust perdus de ceus qui estoient devant Andrenoble ; car il n'en savoient nulle nouvelle.

CXLVI. Or tos lairons à tant de ceus de Constantinoble qui en grant doleur furent; si revenrons au duc de Venise et à Joffroi le mareschaus qui chevauchièrent toute la nuit qu'il se partirent d'André* noble, très qu'à l'enjornée ; et lors vindrent à une cité qui a non la Pamphilée. Or olés des aventures qui avienent si corne il plaist à nostre Seigneur : en celé cité avoit la nuit géu Pierres de Braiecuel, Paiens d'Orliens et tuit cil de la terre au conte Looys, qui moût estoient bone gent ; et estoient bien cinc cens

chevaliers, et bien set cens serjans à cheval qui noient d'outre le bras Saint-Jorje , et aloient en l'ost devant Andrenoble. Et quant il virent la route venir, si corurent as armes moût isn élément, et cuidièrent que ce fussent Grieus ; et quant il furent tuit armé, si envoièrent pour savoir quele gent c'estoient. Cil qui retornoient de la desconfiture corurent à els , et leur distrent que li emperères Baudoin s estoit perdus , et leur sires ausinc , li quens Looys , de cui terre et de cui mesnie il estoient. Plus anuieuses noveles ne leur peust l'en conter. Àdonc véissiez ilec moût grant duel faire et meinte lerme plorer, dont alèrent encontre els tuit armé, si corne il estoient; tant qu'il vindrent à Joffroi le mareschal', qui l'arrière-garde faisoit , à moût grant mesaize; car Johannis li rois de Blaquie ert venus dès l'enjornée devant Andrenoble , à toutes ses gens, et trova que cil s'en estoient aies. Dont chevaucha après la route, tant qu'il fu grant jor, et quant il ne les trova , si en fu moût dolans; et ce fu moût grant joie as nostres ; car tuit fussent mort et pris s'il les éust trovés. ce Sire, » font cil à Joffroi , *c que volés-vos que nos faciemes ! nos fe- (f rons ce qu'il vos plaira. » — « Seigneur, » fait Jofïrois, « vos veés bien cornent il nos est , et vos et vostre « cheval estes tuit frais et tuit reposé; si ferés l'arec ri ère-garde, et je m'en irai devant, pour détenir « nostre gent qui grant mestier en ont. » Tout ausinc corne il le devisa, le firent-il; quar il firent l'arrière-garde moût bien et moût bel corne cil qui moût bien le savoient faire; quar bien en estoient

DE CONSTANTINOBLE. i 2 3

acostumé. Et Joffrois li mareschaus chevaucha devant et les conduit trèsqu'à Cardiople. Si vit que leur cheval estaient durement lassé et travaillé de ce qu'il avoient esté chevauchiés toute nuit. Si entra en la cité, si fîst herbergier la compaignie, en droit eure de raidi, et donèrent à leur chevaus à mengier; et il meesmes meuglèrent ce qu'il trovèrent; mais ce fil poi. Ensi furent tout ce jor en la cité jusques à la nuit, et Johann is li Blas les ot toute jor pourseus. Si se herberja à deus liues près d'els; et quant il fu nuit, cil qui estoient en la cité s'armèrent tuit et s'en issirent; et Joffrois li mareschaus fist l'avant-garde , et cil firent l 'arrière-garde qui l'avoient le jor faite. Si chevauchèrent toute nuit et l'en demain à grant doute, tant qu'il vindrent à Rodestoc, qui moût estoit riche cité, et bien pueplée de Grifons. Cil ne les osèrent a tendre, ains s'en fuirent, et cil entrèrent ens et se herbergièrent; et adonc primes furent-il asséur.

CXLVII. Ensi eschapèrent cil d'Andrenoble come vos avés oï. Lors pristrent conseil entr'eus et distrent qu'il avoient moût grant peor de ceus de Constantinoble, qu'il ne se desconfortassent trop. Dont par nuit et par jour mandèrent à ceus de la vile qu'il ne s'esmaïssent point , car il estoient eschapé et repaireroient à els au plus tost qu'il porroient. En ce point que li messages vint estoient cinc nés bien chargiés de pèlerins , de chevaliers et de serjans en Constantinoble qui s'en vouloient départir ; et sachiés que c'estoient Venicien. Moût estoient ces nés grans et bêles,

i*4 DE LA CONQUESTE

et ensi voloient vuidier la terre et voloient retorner en leur pais et avoit bien es nés set mil homes armés. Si i estoît Gui lia urnes li avoés de Béthune et Baudoins d'Àubegni, et Jehens de Vieson qui estoit de la terre au conte Looys de Bloys et ses homes liges , et bien cent autre chevalier que li livres ne raconte mie; maistres Pierres de Chapes qui chardonaus estoit de par raposlole, et Quenes de Béthune qui gardoit Constantinoble , et Miles li Brébans , et grant partie des autres bones gens alèrent aux ci ne nés, et proièrent à plaintes et à pleurs , à ceus qui dedens estaient, qu'il eussent, pour Dieu, merci de la crestienté et de leurs seigneurs liges , qui estaient perdus en bataille , et qu'ils demorassent pour Dieu ; mais ils ne voldrent : ains se partirent du port , et les mena li vens au port de Rodestoc ; et ce fu droit à l'en demain que cil i estaient venu qui repair ié estoient de la desconfiture, et tout autre tele proière corne cil de Constantinoble leur avoient faite de demorer leur fist Joffrois li mareschaus de Champaigne et cil qui avoec lui estaient, que il , por Dieu , eussent pitié et merci de la terre , et qu'il remansissent ; car jamais à si grant besoing ne secorroient nule terre; et cil respondirent qu'il s'en conseilleraient , et leur en respondroient l'en demain.

CXLVHI. Or oies de l'aventure qui la nuit leur avint. Il avoit en la ville un chevalier de la terre au conte Looys de Bloys, qui avoit non Pierres de Froevile , et ert prisiés et de grand renom ; il s'en embla la nuit , et laissa tout son avoir et ses gens , et se mist en

DE CONSTAHTINOBLE. mS

la nef. Jehan de Vieson et cil des cinc nés qui respondre dévoient a l'en demain à Joflfroi le marescfaal de Champagne et au duc de Venise , si tost comme il porent apercevoir le jor, cueillirent leur voiles et s'en aiereut sans parler à nulli; et ce fut une chose dont il reçurent moût grant blasme ou pais dont il se départirent, et en celui meisme dont il furent nés; et Pierre de Froevile en reçut encores plus grant blasme que tuit li autre ne firent. Et pour ce dit-on que trop fait cil mal et vilenie qui, por paour de mort, chose fait qui à deshonneur li peut estre reprovée à tous jours.

CXLIX. Or vos leirons à tant de cels à parler. Si vos dirons de Henri, li frères Fempereour Baudoin. Icil Henris avoit Lendremite guerpie qu'il avoit conquise, et es toit passés à là cité d'Avie, et s'en aloit vers Ândrenoble , pour son frère secourre l'empereour Baudoin. Àvoec lui estoient passés li Hermin de la terre qui li avoient aidié vers les Grieus, et estoient bien vint mil à tout leur famés et leur enfans , qui n'osoient demorer el pais. Lors li vint la novèle des Grieus qui de la desconfiture estoient eschapé, et que li emperères Baudoins ses frères estoit perdus, et li quens Looys de Bloys, et li autre baron. Et li revindrent les noveles de ceus de Rodestoc qui estoient eschapé, qui li maudoient qu'il se hastast erramment de venir à els. Il laissa les Hermin s qui avoec lui estoient qui avoient leurs femes et leurs enfans avec els, por ce qu'il ne pooîent pas si tost venir, et cuidoit-il qu'il deussent

n6 DE LA CONQUESTE

bien seurement venir sans regart d' autrui. Pour ce ala-il avant herbergier à un chastel qui avoit non Cortacople. En celui jor meisme, Ànsiaus de Courceles, qui niés estoit JoflTroi le mareschal de Champaigne, qu'il avoit envoie es parties de Macra et de Trainople et de Fabaîe de Vers-, une terre qui li estoit otroïe à avoir, et les gens qui s'estoient parti de Finepople et de Renier de Trit estoient à lui assemblé. En ceste compagnie avoit bien cent chevaliers de moût bone gent , et bien cinc cens serjans à cheval , qui tuit s'en aloient vers Andrenoble pour l'empereour Baudoin secorre. Dont leur vinrent ces meismes noveles qui as autres estoient venues, que l'emperères Baudoins estoit desconfis et toute sa compaignie. Dont retornèrent ausinc pour venir à Rodestoc , et vinrent herbergier à Cortacople , un chastel où Henris li frères l'empereour Baudoin estoit herbergiés; et quant cil les virent venir, si corurent erramment as armes; car il quidièrent veraiement que ce fu Grifon, et cil recuidièrent autretel d'euls meismes. Que vaut ce? Tant aprocha la chose, qu'il s'entre-conurent ; si virent les uns les autres moût volentiers , et plus furent seur que devant. Là herbergier eut la nuit tresques à l'en demein , puis murent et vindrent vers Rodestoc, et i furent au soir. Là trovèrent le duc de Venise et Jofiroi le mareschal, et les autres qui de la desconfiture estoient eschapé, qui moût volentiers les virent; et i ot mainte lerme plourée por leur amis. Ha! biau sire Dex, con grant domages ce fu que celé assemblée qui fu ilec ne fust avoec les autres devant Andrenoble , quant li emperères Bau-

DE CONSTÀNTINOBLE. 127

doins y fa ! Sachiés que se cil i eussent esté, il n'i eussent rien perdu : mais il ne plot à Dieu.

CL. Ensi séjornèrent le jor et l'en demain et l'autre jor après; et puis atornèrent leur afaire, et fu Henris receu corne baus de l'empire el lieu de son frère. Et lors leur avint une mésaventure des Hennins qui venoient après Henri ; car les gens del païs s'a semblèrent tuit, si desconfirent les Hennins, et furent pris et mors et perdus tous. Johann is, li rois de Blaquie et de Bourguerie, i fu à tout son ost, et ot toute pourprise la terre et le païs ; et li chastel et les cités se tenoient toutes à lui ; et si Comain avoient couru jusques devant Constantinoble, et Henris li baus de l'empire, et li dus de Venise et Joffrois li mareschaus , estoient entré à Rodestoc, qui à trois jornées estoit de Constantinoble. Si pristrent conseil entr'ex qu'il porroient faire. Si garni li dus de Venise Rodestoc de Véniciens , et l'en demain ordenèrent leur batailles , et chevauchièrent par leur jornées tant qu'il vindrent à Salembrie, une cité qui avoit esté l'empereour de Constantinoble, et Henris li baus de l'empire la garni de sa gent; puis chevauchièrent, à tante gent qu'il avoient de remanant, tresqu'en Constantinoble où il furent moût Yolentiers véus; car les gens del païs estoient moût durement effréé, et ce n'estoit mie de merveille ; car il avoient si toute la terre perdue qu'il ne tenoient de fors Constantinoble, fors Rodestoc et Salembrie; et toute l'autre terre tenoit Johannis li rois de Blaquie et Bourguerie. Et d'autre part del bras Saint^Jorge ne

ia8 DE LA CONQUE&TE

tenoient fors que seulement le cors de la cité de l'Espigal. Et Todres li Acres tenoit toute l'autre terre. Lors pristrent li baron un conseil entr'els , et distrent qu'il envoieroient à Tapostole de Rome et en France et en Flandres et par toutes les autres terres, pour querre secors. Là furent envoie, por cest message fornir, Nevelons l'évesque de Soissons, et Nicolas de Mailli, et Jehans Bliaus; et li autre remestrent moût à malaise dedens Constantinoble , et à moût grand mésaize, corne cil qui cremoient à perdre toute la terre. Ensi furent de ci à la Pentecouste ensivant.

CLI. Dedans celui termine, avint uns moût grans domages ; car au duc de Venise prist une maladie dont il morut , et fu enterrés à moût grant honeur ou mostier Sainte-Sofie. Si fu moût plains et regretés de tos les barons communément. Quant ce vint à la Pentecouste, Johannis, li rois de Blaquie et de Bourguerie, ot feten la terre moût de sa volenté, si ne pot plus ses Comains détenir; car il ne pooient plus soufrir la terre né ne pooient ostoier pour l'esté; ains s'en reparièrent en leur païs. Johannis, à tout son ost de Bougres et de Grifons, s'en ala seur le marchis de Mouferrat en Salenique, et li marchis, qui a voit oï conter la desconfiture de l'empereour Baudoin, guerpi le siège de Naples et s'en torna en Salenique , à tant corne il pot avoir de gent. Or vos leirons del marchis; si vos dirons de Henri , le bailli de Costentinoble, qui chevaucha à tant de gent corne il pot avoir tresqu'à une cité que l'on apeloit le Gurlot, qui est à trois jornées

DE CONSTAKTIKOBLE. 129

de Constantinoble : celé li fu rendue, et li Grieu li jurèrent la féauté qui mauvaisement fu tenue. Dont chevaucha Henris vers la cité de Cardiople, si la trova vuide; car li Grieu ne l'osèrent a tendre, et d'ilec chevaucha droitement à la cité de Visoi, qui moût estoit forte et bien garnie de Grieus. Celé li fu rendue , et d'ilec chevaucha droit à Naples, qui estoit ausincmout bien garnie de Griex; et quant il les vodrent assaillir, si firent plait que il se rendraient. Endementres qu'il queroient lor plait d'une part, cil de l'ost entrèrent de l'autre part en la ville, si que Henris li baillis et cil qui partaient du plait n'en sorent nul mot. Et li Franc commencièrent à ocirre le Grieus, et gaaignièrent les avoirs de la vile et pristrent tout. Si en i ot moût de navrés et de pris. En ceste manière fu Naples prise , et i séjorfla Henris li baillis par trois jors ; et li Grieu furent si durement effréé de ceste occision , qu'il vuidièrent tous les chasteaus et les cités de la terre, et s'enfoirent tous dedens Ândrenoble et au Dimot.

CLII. Dedens celui termine avint que Johannis li Blas chevaucha sur le marchis de Monferrat à tous ses os, et vint a une cité que l'en apèle la Serre; et li marchis l'avoit moût bien garnie de bones gens ; car il i avoit mis Hugon de Colemi, qui moût estoit bons chevaliers et haus homs, et Guillaume d'Àunoi, qui ert son mareschal, et grant partie de sa bone gent. Johannis les assis t; mais il n'i ot mie grantment sis, quant il prist le bourc defors par force. Hec leur avint moût grans domages; car Hugues de Colemi i fu mors ,

i*o DE LA CONQUBSTE

férus i fu d'un quarrel parmi l'ueil, et quant il fu mors si furent li autre moût effréé. Dont se traistrent au chastel qui moût estoit fors; et Johannis les assist et fist drécier ses perrières; et n'i sist mie moût longuement quant cil dedens parlèrent du plait faire, dont il furent moût durement blasmé , et tous jours lor fu puis reprochié. Si fu tex li plais qu'il rendraient à Johanis le chastel , et Johannis leur fist jurer, à vint-oinc des plus haus homes , qu'il les condiroit tout sauvement , à tout leur chevax et lor armes et leur harnois , en Salenique ou en Constantinoble ou en Hunguerie , lequel qu'il corroient mieus des trois.

GLIII. En ceste manière fu rendue la terre, et Johannis les fist tous issir fors , et les fist logier en chans dejoustelui; si leur fist moût biau semblant et leur envois ses présens. Ensi furent iLec par deux jors, et puis leur menti de quanques il lor avoiten oovenant; car il les fist prendre , et leur fist tolir leur avoirs, et les fist mener en Salenique, nus et deschaus, à pié; et les povrés et les menus, qui ne valoient guères, fist-il mener en Hunguerie ; et aus autres , qui auques valoient, fist-il les testes coper, et par tel t raison com vos oés les fist>-il destruire. Ensi reçut li os une des plus grans pertes qu'ele onques receust. Et Johannis fist abatre le chastel et la cité , puis s'en ala vers le marchés de Montferrat. Et Henris li baillis chevaucha vers Andrenoble, et l'assist à moût grant péril; car il a voit moût grant gens dedens et de fors qui les tenoient près; et ne pooient avoir nul marchié de viande. Lors

DE œNSTANTOTOBLE. i3t

se clostrent li nostre de lices par defors , et devisèrent une partie de leur gens pour ce qu'il gardassent les lices et les barres , et li autre asaillissent par devers la ville ; dont firent engins de maintes manières , et moût mistrent grant peine à la ville prendre. Mais ce ne pot estre adonc; car la ville estoit moût fors et moût bien garnie de Grieus. Que vaut ce? Moût leur mésavint; car assés i ot bleciés des leur ; et Pierres de Braiecuel i fu férus d'une pierre d'un mangonel el front, si qu'il dut estre mors; mais nepourquant il en gari et en fu portés en litière. Et quant il virent qu'il n'i porent riens faire, si s'empar tirent, et furent moût hardoié de la gent du pais et des Grieus. Dont chevauchièrent tant qu'il vindrent à une cité que l'on apelle Pamphile, et se herbergièrent ilec bien par deus mois , et firent chevauchiées devers le Dimot et en pluseurs Jeus , où il guagnièrent assés et proies et autres avoirs; et tinrent l'ost en celé partie jusques à l'entrée d'yver, et leur venoit marchéandise à grant pi en lé de Rodestoc et de la marine.

CLIV. Or vos leirons à tant de Henri le baillif de Constantinoble , et vos dirons de Johannis le Blac , à qui la Serre fu rendue, si con vos avés oï, et qui ceus ocist en traïson qui à lui s'estoient rendu. Il ot chevauchié vers Salenique, et i ot moût longuement sejoroé, etavoit gasté grant partie de la terre. Li marckis en fu moût dolens, et encore fu-il plus de son seigneur qui perdus estoit, et des autres barons de son chastel qu'il avoit perdus et de ses homes; et quant

i3* ^pj DE LA CQNQUESTE

Johanices vit qu'il n'i porroit plus faire , si retorna arrières vers son pais à toutes ses os. Et cil de Finepople, qui es toit à Renier de Trit, cui l'emperères Baudoins l'avoit donnée , quant il orent o! que l'emperères ert pierdus et moût des barons, et virent que li parent Renier de Trit et ses fils et ses niés l'avoient guerpi, et que il i avoit petit de gent, si cuidièrent que jamais li Franc n'eussent force. Une grande partie de la gent de la cité, qui Popelican estaient, s'en alèrent à Johannis le Blac , et se rendirent à lui , et distrent : « Sire, chevauche devant Finepople, ou envoie vignece resement, et nos te rendrons la vile. » Quant Reniers de Trit, qui dedens la vile estoit, sot ceste aventure, si ot paour qu'il ne le rendissent à Johannis le Blac. Dont s'en issi à tant de gent corne il ot , et chevaucha une jornée parmi un des bores de la vile où li Popelican estoient à estage qui rendu s'estoient à Johannis le Blac; dont il bouta le feu et en ardi grant partie, puis s'en ala au chastel de l'Estameniac , qui estoit à quatre lieues d'ilec, et estoit bien garnis de sa gent. Il entra dedens , et il fu puis bien longuement enserés à moût grant mesaise bien par treize mois ou plus. Moût i fu à grant poverté , et manga ses chevaus par destresce; et bien estoit neuf jor nées loing de Constantinoble, si qu'on n'i pot oïr d'els nules noveles né cil de lui. Lors envoia Johannis son ost à Finepople; il n'i sistrent pas longuement, quant cil de la ville se rendirent à lui; et il les asseura, et après fist tout maintenant ocirre I'archevesque de la ville, et tous les ha us homes fist ardoir; et tiex i ot qu'il fist ardoir, et

SE CONSTANTINOBLE. i33

liex i et cui il fist les testes coper, et tout le remenant en fist mener en chemises, et puis fist toute la ville fondre , et murs et tors , et les biaux palais et riches manoirs fist tous ardoir. En tele manière corne je vos ai conté fu destruite la cité de Finepople, qui bien estoit une des trois meilleures cités de l'empire de Constantinoble.

CLV. Or vos leirons de Finepople et de Renier de Trit , qui est enserrés ou chastel de l'Estameniac ; si retornerons au baillif de Constantinoble , qui ot sejorné à la Pamphile jusqu'à l'entrée d'yver. Dont prist conseil à ses homes et à ses barons de garder une cite qui avoit non Larouse, et estoit à un moût plentureux lieu emmi la terre. De celé garnison fu chevetaines Tierris de Los , qui séneschaus estoit de la terre , et Tierris de Tenremonde , qui ert conestables ; et bien leur chargea li baillis set vint chevaliers et grant partie de sergens à cheval , et leur commanda qu'il tenissent la guerre encontre les Grieus et gardassent la marche. Dont s'en r'ala Henris à tout le remanant de sa gent, et chevaucha tant qu'il vint à la cité de Visoi et i mist Ànseau de Caieu pour chevetaine, et li chargea bien set vint chevaliers , et serjens à cheval grant partie; et li Vénicien garnirent une autre cité qui avoit non Cardiople; et Henris li baillis ot rendue la cité de Naples à Livernas , qui avoit a feme la sereur le roi de France; et c' estoit uns Griex qui se tenoit devers les Frans. Et nus Grieus ne se tenoit à els fors que cil tant seulement f et cil des cités maintindrent moût

i34 DE LA CONQUESTE

riguereusement la guerre encontre les Grieus 9 et firent maintes chevalchies , et l'on en refist ausinc sor els, Henris se traist en Constantinoble au remanant de sa gent; et Johannis li Blas ne s'oublia mie, corne cil qui moût estoit riches et postéis d'avoir : ains pourchaça grant gent , si corne Blas et Commains, et quant ce Tint à trois semaines après Noël , si les envola en Romenie pour aidier à ceus d'Àndrenoble , et pour mètre avec ceus del Dimot; et quant il furent acreu de gent, si s'esbaudirent plus et chevauchièrent plus seurement que devant,

CLVI. Tierris de Tenremonde, qui chevetaines estoit et cônes tables, fist une ckevauchie au quart jor devant lafefrtedeNostre-Dame-Chandeleur, etchevauchia toute nuit bien à sis vint chevaliers , et laissa garnie Larouse à poi de gent; et quant ce vint à l'ajorner, si vinrent à un casai où Blac et Commain estoient herbergié. Si les aeurprislrent si que cil du casai n'en sorent mot devant ce qu'il en orent assez ocis ; et bien i gaagnièrent quarante chevaux; puis retornèrent arrières vers Larouse. Et celé nuit meismes orent chevauchié Blac et Commain pour faire mal à nos gens , et furent bien set vint chevaliers , et vinrent a la matinée devant Larouse. Là furent une grant pièce; et la ville estoit garnie de petit de gent; si fermèrent les portes et montèrent sur les murs, et cil s'entornèrent arrières. Dont n'orent mie esloignié la ville plus d'une liue , quant il encontrèrent la chevauchié des François , dont Tierris de Tenremonde estoit chevetaines; et quant li Fran-

DE GONSTANTINOBLE. i35

çois les virent venir, si s'ordenèrent en quatre batailles qu'il avoient faites. Si fu tiex li consans qu'il se trairaient à Larouse tout le petit pas , et se Diex leur donoit qu'il i poissent venir, là seroient-il à sauveté. Li Commain et li Blac de la terre chevauchièrent vers els; car il avoient moût grant gent; si vinrent à l'arrière -garde, et commencièrent à hordoier. Et la meisnie Tierris de Los faisoit adonc l'arrière-garde , et non mie Tierris; car il es toit en Constantinoble; mais Vilains ses frères estoit chevetaines de celé gent. Li Commain et li Blac et li Grieu les tindrent moût près, et moût navrèrent de leur chevax; et fu li hus et la noise si grans , que par droite force les convint hurter à Âridrieu d'Urboise et à Jehan de Choisi.

CLVII. Ensi alèrent soufrant grant pièce; puis les rechacièrent si qu'il les firent hurter seur la bataille Tierri de Tenremonde le conestable, et ne tarja mie grantment après que il les firent hurter seur la bataille Charlon de Fraisne, et orent tant aie soufrant, qu'il virent Larouse à moins de demi-lieue ; et Grieu les tinrent adès plus près, et fu la noise moût grant seur els, et moût i ot de leur chevaus bléciés. Mais en la fin, si corne Dex volt soufrir les mésaventures, li nostre forent desconfis; car ils furent pesamment armé, et leur anemi moût légièrement. Si les commencièrent k ocire. Halas! corne dolereus jor ot ci por la crestienté ! car de tôt ces set vint chevaliers n'en eschapa mie plus de dis, que tuit ne fussent mort ou pris; et cil qui eschapèrent s'en vinrent fuiant à Larouse,

i36 DE LÀ CONQUESTE

et nostregent, qui laiens estaient, les recueillirent. Là fu mors li couestables Tierris de Tenremonde et Ouris de Lille, qui moût estoit bons chevaliers et proisiés; et Jehans de Fompone, et Àndrieus d'Urboise, Jehans de Choisi , Guis de Coulans , Charles de Fraisne , et Vilains , frères Tierris de Los. De tous ceux qui là furent mort ou pris ne fai tmie nostre livres mention. Mais sans faille, là avint uns des plus grans domages qui onques avenist en Romenie à la crestienté. Li Commain et. li Grieu et li Blac retornèrent arrières ; car moût orent de leur voloir acomplis , et moût i gaaingnièrent chevaus et armes et autres richesces. Ceste mésaventure avint à une vigile de ia Nostre-Dame-Chandeleur ; et li remena n s qui eschapèrent de la desconfiture et cil qui estoient à Larouse guerpirent la ville si tost corne il fu nuit , et s'en alèrent toute la nuit fuiant tant qu'il vinrent à la matinée à Rodes toc. Ceste novele vint au baillif de Constantinoble droit au jor de la Chandeleur, si corne il aloit à procession à Nostre-Dame en Blaquerne; et de ce furent-il moût effréé en Constantinoble; car par ce cuidièrent-il pour voir qu'il eussent toute la terre perdue. Lors prist li baillis conseil de garnir Salembrie , qui ert à deus jornées de Constantinoble , et i envoia Macaire de Sainte-Maneholt à tout cinquante chevaliers, pour garder la ville. Et quant la novele vint à Johannis le Blac que ensi estoit avenus à sa gent, si en ot moût grant joie; car c'estoit une partie de la meillor gent des Frans. Lor manda par toute la terre quanqu'il pot avoir de gent, et fist une grant ost de Commains et entra en Romenie , et toutes

DE CONSTANTINOBLE. i3 7

les cités se tinrent à lui , et li chastel ; et ot si grant gent que ce ne fu se merveille non. Quant li Vénicien oïrent dire qu'il venoit à si grant gent, si guerpirent Cardiople, et Johannis chevaucha à toutes ses os, tant qu'il vint à la cité de Naples, qui es toit garnie de Latins et de Grieus. Si estoit dedans Livernas, qui avoit la seror au roi de France à famé et estoit chevetaines des Latins, et Bègues deFransures, uns chevaliers de Biauvoisin. Et Johannis fist asaillir la cité et la prist par fine force. Là ot si grant mortalité de gent que ce fu une grant merveille. Bègues de Fransures fit amenés pardevant Johannis le Blac , et il le fist maintenant ocirre; et tous les autres menues gens, famés et enfans, fist— il mener en Blaquie en prison. Lors fist toute la cité fondre et abatre , qui moût estoit bone et riche , et en bon païs.

CLVIII. Ensi fu destruite la cité de Naples , corne vos avés oï. D'ilec, à douze liues près, séoit la cité de Rodestoc , qui moût estoit riches et fors et bien garnie de Vénicien s; et avoec tout ce, il estoit venus une route de serjans à cheval, et estoient bien dui mille; et n'i estoient mie venu fors que pour la cité garnir* Quant il oïrent dire que la cité de Naples estoit prise par force > et que Johannis avoit fait ocirre tous ceus qui dedens estoient , si se mist uns si grans effrois entr'aus que tuit se desconfirent par eus-meismes, si corne Diex seufre les mésaventures à venir as gens. Li Vénicien se ferirent as vaissiaus qui ains ains , qui mius mius ; si que par un poi que li uns n'ocioit l'autre. Et li

i38 DE LA CONQUESTE

sergent à cheval , qui estoient de Flandres et de France et des autres contrées , s'enfuioient de la terre. Or oies quele mésaventure leur avint dont il ne lor estoit mestiers : la cités estoit si fors et si close de murs et de boues tours que il ne trovassent jà qui les asausist. Né Johannis ne tourna ja celé part; quant il sot qu'il s'en estoient foïs , il chevaucha celé part. Li Grieu qui en la vile estoient remés se rendirent à lui , et il les fist maintenant tous prendre, et petiset grans, fors ceus qui coiement en eschapèrent , et les fist amener prisons en la Blaquie. Puis fist la cité fondre et abatre, dont moût fu grans domages; car c'estoit une des meillors cités de Romenie et des mius séans.

CLIX. Après celé, en a voit une autre qui Panedor estoit apelée. L'en li rendi et il la fist fondre et abatre; et li Grieu qui dedens estoient envoia-il en Blaquie avoec les autres. Après , chevaucha droitement à une autre cité qui avoit non Arredoie, qui séoit sur un bon port de mer et estoit as Yéniciens. Si l'assailli et la prist par force, et moût i ot grant ocision de gent; et le remenant fist mener en Blaquie, et fist la cité fondre et abatre. Après chevaucha à la cité de Dain , qui moût estoit fort et bièle , et la gens ne l'osèrent tenir. Si li fu rendue et il la fist fondre et abatre. Après chevaucha à la cité du Curlot , que on li avoit rendue , et la fist abatre et fondre , et en fist mener les prisonniers en Blaquie. Ensi corne chascune cité et chascùns chastiaus se rendoit à lui , et il les avoit asseurés, il les faisoit abatre, et homes et femes mener

en prison , et nule riens el monde qu'il leur eust en oovenant ne leur en tenoit. Lors oorurent li Commain et li Blac devant les portes de Constantinoble , où Henris li baillis es toit à tant de gent corne il pooit avoir} et moût estoit durement dolens et courrouciës de ce qu'il ne pooit mie tant avoir de gent par quoi il pëust sa terre conquerre et deffendre. Ensi pristrent li Commain et li Blac les proies de la terre , et homes et femes , et abatirent les chasteaus et les cites; et firent ai grant essil que otoques homes n'oï parler de plus grant. Lors vindrent à une cité qui estoit à douse liues de Costen tinoble , qui Nantyre estoit appelée, et l'avoit Henris li baillis donée à Paien d'Orliens. En celé cité avoit moût grant peuple de la gent du pais, qui estoient tuit afîii. Li Commain et li Blac l'asaillirent et la pristrent par force. Là i ot si grant occision de gent qu'il n'avoit onques eu si grant en nule vile où il eussent esté. Et sachiés certainement que toutes les cités et li chastel qui s'estoient rendu à Johannis le Blac , et qu'il avoit asseurés, estoient fondues et destruites, et les homes et les femes en estoient tuit mené en prison si corne vos avés 01. Et sachiés que tout environ Constantinoble à cinc jornées, n'i remest nule rien à essilier, fors seulement la cité de Y isoi et celé de Salembrie , qui estoit garnie de François moût bien. En celé cité de Visoi estoit Ànsiaus de Caieu bien à tout sis vint chevaliers, et en celé de Salembrie estoit Machaires de Sainte-Manehout à tout cinquante chevaliers. Et Henris, qui baillis ert de l'empire, estoit en Constantinoble au remenant Et sachiés que moût estoient au-

i4o DE LA CONQUESTE

desous ; car defors le cors de Constantinoble n'avoit remés que les dui cités. Quant li Griex qui s'estoient rendu à Johann i s le Blac virent qu'il s'estoient révélé encontre les Frans, et que Johann is leur abatoit leur chastiaus et leur cités, et nul convent ne lor tenoit, si se tinrent à mors et à honnis. Dont parlèrent ensemble , et distrent que tout ausinc ferait-il d'An* drenoble et del Dimot quant il s'en partirait ; et se ces dui cités estoient abatues dont serait Romenie perdue à tous jors mais. Dont pristrent leur messages tout privéément et les envoièrent en Constantinoble à Liveraas, et li prièrent qu'il criast merci au bailli; que il , por Dieu , féist ferme pais à els , et qu'il donast à Livernat Àndrenoble et le Dimot , et li Grieu se tonneraient tuit à lui , et ensi porroient estre li Franc et li Grieu bien ensemble. Consels en fu pris, et parlé i ot en maintes manières. Si fu tiex la fin du conseil que Livemas et l'emperéris sa famé, qui seur estoit au roi Phelippe de France , auraient le Dimot et Àndrenoble et toutes les apartenances, et Livernas en ferait servise à l'empereour et à l'empire.

CLX. Ensi fu la covenance faite et achevée , et fu la pais ferme entre les Grieus et les Frans. Et Johannis li rois de Blaquie et de Bourguerie ot moût longuement séjorné en la terre des Frans , et ot le pais gasté tout le karesme : et après la Fasque grant pièce , se retraist vers Àndrenoble et vers le Dimot ; et ot empensé qu'il en ferait autant corne des autres. Quant li Grieu qui avoec lui estoient virent qu'il torneroit celé part,

sa se comencièrent à embler de lui , par jour et par nuit , très qu'à dui cens chevaliers ; et quant il vint là , il leur requist qu'il le laissassent entrer dedens; et ils distrent que non feroient : « Quar quant nos nous renie dîmes à toi y et nous et nos roiaumes encontre les ce Frans, tu nous juras que tu nous garderoies en bone <r foi et sauveroies. Tu n'as de noiant tenu ton sereu ment envers nous, ains as destruite Rome nie; et tout ce ensi com tu as fait des autres, savons-nous bien que « tu feroies de nous. » Et quant Johannis oï ce, si assist tout maintenant le Dimot , et dreca entor seise grans perrières , et commencia à faire engins de maintes manières et à gaster tout le pais entor. Lors pristrent cil d'Ândrenoble et del Dimot leur messages, et les envolèrent à Constantinoble , au bailli et à Livernat , que il , pour Dieu , secorussent le Dimot , qui es toit assis ; et quant cil de Constantinoble oïrent la novelle , si pristrent conseil de secorre le Dimot. Moût i ot de cens qui n'osèrent mie loer qu'on issist de Constantinoble à si poi de gent corne il avoit, né que l'on se méist en aventure. Toutes voies fu li consaus tiex qu'il distrent qu'il istroient fors et qu'il iroient tresque en Salembrie. Li chardonaus, qui de par l'apostole de Rome estoit , en sermona et en fist pardon à tous ceus qui en la bataille morroient. Lors s'en issi li baillis de Constantinoble à tant de gent corne il pot avoir, et chevaucha trèsqu'en la cité de Salembrie, et se logea devant la ville, et bîen i fu par huit jors, et de jor en jour li venoient messages d'Andrenoble qui li mandoient, pour Dieu, qu'il eust merci d'els et qu'il les

i4a DE LA GONQUESTE

secorust; car si ne les secoroit, il seroient perdu en la fin. Lors prist li baillis conseil à ses barons , et li consaus fu tiex qu'il alassent à la cité de Visoi. Dont i alèrent et se logièrent devant la ville , et fu droit devant la Teste Saint-Jean-Baptiste en juing. Et lors, corne il furentlogié,vinrentli message d'Andrenoble, qui dirent au bailli que s'il ne secoroit la cité del Dimot , seust-il bien tout certainement qu'ele ne se pooit plus tenir : « Car les perrières Johannis le Blac ont abatus les murs « en trois lieus , et ont jà ses gens esté dui fois seur les (( murs. » Lors demanda li baillis conseil que il feroit» Asaés i ot parlé en avant et arrières ; mais la fin del conseil fu tiex qu'il dislrent : <r Nos somes tant avant « venus, que nos somes tuit honni se nos ne secorot» a le Dimot; mais soit chascuns confès et commentés; (( car k l'aie de Dieu nos le secorrons. » Lors ordenèrent lor batailles » et esmèrent que il estoient bien trois cent chevalier, et non mie plus. Dont mandèrent as messages qui erent venus d'Àndrenoble combien Jobanis pooit avoir de gent; et il respondistrent que bien en pooit avoir quarante mile, sans ceus à pié dont il ne savoient mie le conte. Ha Dex ! corn périlleuse bataille , de si peu de gent encontre tant !

CLXI. Au matin , le jor de la feste monseigneur saint Jehan-Baptiste, furent tuit confès et comenié. Et l'en demain si murent. Et l'avant-garde fu commandée à Joffroi le mareschal de Champaigne et de Romenie, et Machaires de Sainte-Manehout fu avoec; la seconde bataille fist Quenes de Béthune et Miles lî

Brebans; la tierce fist Paiens d'Orliens et Pierres de Braiecuel ; la quarte fist Anseaus de Caieu , et Baudoins de Biauveoir fist la quinte; Hues de Biaumès fist la siste ; Gautier d'Escornay la setiesme ; Henris li frères l'empereour Baudoin et li Flamenc la huitiesme; et l'arrière -garde fist Tierris de Los qui seneschaux estoit. Lors chevauchièrent ordenement par trois jors; et sachiés que onques gent plus périlleusement n'aierent querre bataille; car il i avoit deus grans périls : li uns , de ce qu'il estoient petit de gent et leur anemi estoient assés; et l'autre, de ce qu'il ne créoient mie les Grieus, à qui il avoient pais fête, que de cuer leur défissent aidier; ains avoient paor que quant ce vendrait au besoing qu'il ne se tornassent vers Johannis que tantavoit aprochié de prendre le Dimot, com vos avés 01. Quant Johannis oï dire que li Franc venoient , si ne les osa a tendre. Ains ardi ses engins et se deslogea, et ensi se parti del Dimot. Et bien sachiés que tos li mons le tint à grant miracle. Dont vint Henris li baillis devant Andrenoble au quart jor, et se logea seur les plus beaus prés qui soient en Romenie , et seur la rivière d' Andrenoble. Quant cil d' Andrenoble les virent venir, si issirent fors à toutes leur processions encontre a us, et leur firent la greigneur joie qu'il onques porent; et il le durent bien faire, car il n'estoient pas bien asséur. Lors vint la no vêle, en l'ost des Fracs, que Johannis li Blas es toit logié à un chastel qui avoit à nom Rodestinc, Al matin mut li os de» Frans , et chevaucha celé part por querre bataille ; et Johannis se deslogea et s'en ala en son pais. Ensi le

i44 DE LA CONQUESTE

si virent par cinc jors, et il s'en aloit tout adès devant els. Lors se herbergièrent, au sisiesme jbr, en un moût biau lieu, lès un chastel qu'on apele le Franc. Uec séjornèrent par trois jors. Lors s'en départi une partie de la bone gent de l'ost par descorde , et fu chevetaines de celé compaignie Baudoins de Biauvoir; Hues de Biaumésfu avoec lui, Guillaumes de Goumenies et Andrieus dé Biaurain. Que vaut ce? Bien s'en alèrent en celé route cinquante chevalier; car il cuidèrent que li remenans n'osast mie demorer en la terre pour la paor de leur anemis. Lors prist li baillis conseil as barons qui avoec lui estaient , etfu tiex li consaus qu'il chevaucheroient. Etchevauchièrentpardeusjors, et se herbergièrent en une bêle valée, près d'un chastel que l'on apele Momac. Et cil chastiaus leur fu rendus; et il séjornèrent par cinc jors, et pristrent conseil qu'il iroient secorre Renier de Trit, qui estoit assis dedens l'Estameniac, et i avoit bien esté treize moys. Ensi remest li baillis en l'ost , et grant partie de sa gent ; et li remenans ala secorre Renier de Trit à l'Estameniac. Mais moût i alèrent périlleusement cil qui i alèrent ; et petit g l'en véu de si périlleuses rescousses ; car il chevauchièrent trois jors parmi la terre de leur anemis. En celé rescousse ala Quenes de Béthune, Joffrois li mareschaus, Machaires de Sainte-Manehout , Miles li Brebans, Pierres de Braiecuel* Paiens d'Or- If ens, Ansiaus de Caieu, Tierris de Los et Guillaumes dou Percoi ; et une bataille de Véniciens , dont Andris Valaires estoit che vetaines, ala avoec els.

CLXII. Ensi chevauchièrent jusques à l'Ëstameniac où Reniers de Trit estoit. Et Reniers estoit ans bretesches des murs quant il choisi l'avanb-garde que Jofirois li mareschaus faisoit et les autres batailles qui venoient après moût ordenéement. Et lors ne sot -il queles gens c' estaient. Et ne fu mie merveille se il s'en doubta ; car grant temps avoit qu'il n'ot oï nule no-* vêle d'à us, et bien cuidoit certainement que ce fussent Grieu qui le venissent assegier. Jofirois li mareschaus prist turcoples et arbalestriers pour savoir la covine dou chastel ; car il ne savoit de Renier se il estoit mors ou vis, pour ce que gratis temps avoit qu'il n'en avoit oies noveles. Et quant cil vindrent devant le chastel, Reniers de Trit et sa mesnie les conurent. Or poez savoir que molt i ot grant joie. Lors s'en issirent et alèrent encontre leurs amis, si menèrent grant léesce li uns ans autres. Et lors se herbergièrent li baron en une bone ville qui estoit au pié del chastel, et qui tenoit adès le chastel asegié. Lors distrent li baron que il avoient mainte fois oï dire que li emperères Baudoins estoit mors en la prison; mais il ne le créoient mie; et Reniers leur dist pour voir que il estoit mors voirement , et bien en fussent certain ; et il le crurent adonc, si en i ot assez qui moût en Turent dolent. Se il le poussent amender I

CLXIIL Ensi furent la nuit en la ville, et au matin s'en partirent et guerpirent l'Estameniac. Si chevauchièrent par trois jors , et au quart jor vindrent en l'ost où Henris li baillis les atendoit, desous le chastel

,46 DE LA GONQUESTE

de Momac, qui siet sur le flum de Charte, où il estoit herbergiés. Moût orent grant joie tuit cil de l'ost de Renier de Trit qui estoit revenus, et moût estoit atomes à grant bien à ceus qui les amenèrent ; car moût y alèrent-il périlleusement. Dont pristrent li baron conseil de r'aler en Constantinoble , pour coroner le bailli à empereour. Dont lessièrent Livernat au pais, à tout les Grieus de la terre et à tout quarante chevaliers que Henris li baillis li laissa. Ensi s'en râlèrent en Constantinoble Henris et li autre baron , où il furent moût volentiers véus. Lors le coronèrent à empereour un diemenche après la feste madame sainte Marie, en mi-aoust, en l'église Sainte-Sophie , à moût grant honeur ; et fu cil coronemens en l'an de l'incarnation nostre Seigneur mil et dui cens et sis.

CLXIY. Quant li emperères Henris fu coronés en Constantinoble, si com vos avés oï, et Livernas fu remès en la terre d'Àndrenople et del Dimot, Johannis , li rois de Blaquie et de Bourguerie, quant il le sot, si assembla ses os et sa gent, quanques avoir en pot. Et Livernas n'avoit mie refait le mur del Dimot que Johannis avoit abatu à ses perières et à ses mangoniaus; ains l'ot povrement garni. Et Johannis chevauchia au Dimot droitement et le prist; puis l'a bâti et le fondi, et corut par tout le pais, et prist homes et femes et enfans et proies , et en fist grant destruction. Lors mandèrent cil d'Andrenoble secors à l'empereour Henri de Constantinoble; et quant li mes li ot ce conté , il issi de Constantinoble et chevaucha par

DE CONSTANTINOBLE. i4 7

ses jornées vers Andrenoble à tout ses batailles orde~ nées. Et quant Johannis li Blas oï dire qu'il venoit, si se retrait en sa contrée arrières , et li emperères Henris chevaucha tant toutes voies , que il vint à Andrenoble, et se loja de fors la ville. Lors vindrent li Grieu del pais à lui, si li distrent que Johannis li Blas enmenoit les homes et les femes del pais, et les autres proies ; qu'il avoit destruit le Dimot et tout l'autre pais d'entor, et estoit à une jornée près d'ilec. Et li consaus de l'empereour fu tiex qu'il s'iroit à lui combatre, se il l'atendoit , pour secorre les chaitis et les chaitives que il enmenoit. Dont chevaucha après lui , et Johannis chevaucha devant tout adès. Ensi le sivi par quatre jornées. Lors vint à une cité qu'en apele Veroi. Et quant cil de la cité virent venir l'ost à l'empereour Henri, si s'enfoïrent es montaignes et guerpirent la cité ; et l'emperères i vint à tout son ost et se loja devant la vile, et la trova garnie de blés et de viandes et d'autres biens.

CLXV. Ensi séjorna ilec par deusjors, et fist corre ses homes par le pais entor, si gaaingnièrent assés bues et vaches et bugles , et moût grant plenté d'au-'' très bestes. Lors se parti l'emperères de celé cité à tout son gaaing, et chevaucha à une autre cité qui estoit à une jornée d'ilec et avoit à non Blime. Et tout ausinc corne li autre Grieu avoient guerpie l'autre cite, ensi avoient-il ceste relessiée. Et il la trova grant et bien garnie de tous biens, si se herberja devant; et lors li vindrent noveles que en une Talée, à trois liues

de l'ost * estaient li chaitis et les chaitives que Johann i s li Blas emmenoit en prison en Blaquie, à tontes leurs proies. Lors atorna li emperères Henris que li Grieu d' Andrenoble et cil del Dimot les iroient querre, et il leur chargerait deus batailles de chevaliers. Ensi fu fait corne il fu devises. De l'une bataille fu chevetaines Huitaces, li frères l'empereour Henri; et de l'autre bataille , Machaires de Sainte-M aneholt. Et chevauchièrent entr'ex et les Griex jusques en la valée qu'en lor avoit enseignie , et trovèrent tout la gent Johannis , ensi corne en leur avoit dit. Et la gent Johannis assemblèrent à la nostre gent. Si ot assés des navrés d'une part et d'autre, d'ornes et de chevaus; mais à celé fois en orent li Franc la victoire par la volenté nostre Seigneur, et retrovèrent les chaitis et les chaitives , et les ramenèrent arrières. Et sachiez que celé rescousse ne f u mie petite ; car bien i ot vint mile que homes que femes que enfans , et bien trois mile chars chargiés de leur robes et de leurs hernois, sans leur autres proies, dont il a voient assés; et bien durait la route , si corne il venoient en l'ost , deus liues grant.

CLXVI. Ensi vinrent la nuit en l'ost; et moût liés fu li emperères Henris et tuit li autre baron. L'emperères les fist herbergier d'une part et bien garder, si que puis n'en perdirent vaillant un denier, de chose qu'il eussent. Li emperères séjorna l'en demain, pour le peuple qu'il avoit rescous : si , à l'autre jor se parti del païs, et chevaucha par ses jornées tant, qu'il vint à la

DE CONSTANTINOBLE. i4 9

cité d'Andrenoble. Lors dona congié à ceus et à celés que il a voit rescous , et chascuns s'en ala là où il vout et en la terre dont il estoit ; et les autres proies refurent départies à ceuls de Fost. Lors séjorna li emperères par cinc jors à Andrenoble, et d'ilec chevaucha trèsqu'à la cité del Dimot, pour savoir comment ele fu abatue et se l'en la porroit refremer. Si se loja devant la ville. Lors vint uns barons en Fost, de par le marchis de Monferrat en message, et avoit à non Otes de la Roces, et parla d'un mariage qui devant avoit esté pourparlé , de la fille del marchis Boniface et de Fempereour Henri ; et aporta cil message la novele que la dame estoit de Lombardie venue , et que ses sires Favoit envoie querre, et qu'ele estoit en Salenique. Lors prist li emperères conseil , et li consaus f u tex que li mariages fust confermés de Fune partie et d'autre. Ensi s'en r'ala li messages au marchis en Salenique , et li emperères Henris ot rassemblés ses os qui orent amené leurs guains à garison tresques en Fost, et chevauchièrent par devant Andrenoble par leur jornées , et tant qu'il vindrent en la terre de Blaquie et de Bourguerie; et vindrent aune cité qu'en apele la Ferme et la pristrent, et moût i firent grant guaing, et i séjornèrent par trois jors , et coururent par le pais , et moût i gaaignèrent grant avoirs et grans proies, et destruistrent une cité qui avoit non Laquile ; puis repairièrent à la Ferme , qui moût estoit belle et bien séans; et i sordoient li baing tuit chaut li plus bel de tout le monde. L'emperères Henris la fist ardoir et des* truire, et emmenèrent les gaaings moût grans; puis

i5o DE LA CONQUESTE

chevauchièrent tant par lor jornées qu'ils vindrent à Andrenoble, et séjornèrent el païs jusques à la feste Tossains. Si ne porent plus ostoîer pour river, et lors s'en retornèrent vers Constantinoble, et laissièrentà Ândrenoble , entre les Grieus , Peron de Radingehan à tout dis chevaliers moût vaillans.

CLXVIL En celui terme, Thodrcs li Ascres, qui tenoit la terre de l'autre part del bras devers la Turquie, avoit trives à l'empereour Henri et ne li avoit mie bien tenues, ains les avoit enfraintes. Pour ce prist conseil li emperères Henris, et envoia outre le bras, à la cité de l'Espigal, Peron de Braiecuel, à qui on avoit sa terre devisée en iceles parties, et Paiens d'Orliens, Ansiaus de Gaieu et Huitaces le frère l'empereour, et grant partie de moût bone gent, jusques à set vint chevaliers. Cil commencèrent la guerre envers Thodres F Ascre. Si ot moût grant guerre et moût fière, et moût li firent grant domage en sa terre. Et chevauchièrent jusques en une autre cité, qui es toit apelée Esquise, et estoit toute close de mer fors que d'une part; et à celé partie par où l'en entroit avoit anciennement forteresse de murs , et de tours , et de fossés , et estaient auques decheu. Léans entra li os des François. Et Pierres de Braiecuel, à qui la terre estoit devisée , la commença à refremer et i fist fere deus chastiax et deus entrées ; et d'ilec commencèrent à corre en la terre de l' Ascre, et gaaignèrent deus chasteaux, et moût i firent grant gaaing et grans proies , et amenèrent dedans la ville lor proies et lor gaaings. Et Tho-

DE CONSTANTIMOBLE. i5i

dres li Ascres venoit souvent à tout ses os devant Esquise: et mainte fois î ot assemblé , et perdirent assés d'ambedeus pars.

CLXYIII. Or vos lairons de ceus ester ; si vos dirons de Tierris de Los qui seneschaus estoit de Romenie, cui Nicomie devoit estre > et estoit à une jornée de Niquela-Grant, qui estoit une cité de la terre Thodres l'Ascre. Cil s'en ala à grant partie de la gent Tempe* reour, et trova que li chastiaus estoit tout fondus. Si le referma , et rehourda iluec le mostier Sainte-Sophie , qui moût estoit biax et haus , et le retint en droit la guerre. En celui termine revint li marchis de Monferrat de Salenique , et s'en ala à la Serre , que Johannis li Blas a voit abatue ; si la referma , puis ferma un chastel qui avoit non Davie, et séoit el val de Phelippe. Et toute la terre d'entor se rendi à lui , et il iverna en cet païs. Endementres fu li temps si avant aies que Noël fu passés. Lors vindrent li message del marchis de M onferrat à l'empereour Henri , qui li distrent que li marchis li avoit envoie sa fille en galies , et estoit en la cité d'Avie. Lors envoia li emperères Joffroi de Ville-Hardoin et Milon le Brebant , pour querre la dame. Si chevauchièrent tant par leur jornées qu'il vindrent à la cité d'Avie, et trovèrent la dame qui moût estoit bêle et bone. Si la saluèrent de par l'empereour leur seigneur; après l'emmenèrent à grant fête en Constantinoble. Là l'espousa li emperères Henris, à moût grant honeur, el mostier Sainte-Sophie, le diemenche après la feste Nostre-Dame-Chandeler, et

i5a DE Là CONQUESTE

portèrent ambedui corone à grant joie ; et furent le» noces hautes et plénières el grant palais de Bouchede- Lion. Ensi furent faites les noces l'empereour Henri de Constantinoble et de la fille le marchis de Monferrat , qui avoit à non Agnès.

CLXIX.Thodres PAscres qui Tempereour guerroia, priât ses messages et les envoia à Johannis le Blac, et li manda que toutes les gens l'empereour de Constantinoble estoient outre le bras devers lui , par devers la Turquie ; et l'emperères estoit en Constantinoble à poi de gent : or se poroient-il bien de li vengier; car il seroit d'une part et il seroit d'autre : et tant avoit li emperères petit de gent que jà vers els ne se porroit deffendre. A celui point s' estoit Johannis porchaciés de Comains qui venoient à lui , et de Blas et de Bougres, tant corne il en pot avoir; et tant estoit jà li temps avant aies qu'il estoit caresme. Machaires de Sainte-Maneholt commencia un chastel à faire seur mer, droit au Charac qui siet seur le goufre de NicOmie à sis liues de Constantinoble; et Guillaumes de Sains en recommença un autre à fermer qu'on apele le Cive tôt, et siet ausinc seur le goufre de Nicomie de l'autre part, devers Nique. Et sachiés que moût ot à faire li emperères Henris en droit lui, et li baron qui avoec lui estoient; et bien tesmoigne Joffrois li mareschaus de Champaigne qui ceste œvre traita, onques en nul termine ne furent aussi chargié de guerre corne i furent à celui point, pour ce qu'il estoient par le pais espars

DE CONSTANTINOBLE. i53

en tant de lieues. Lors issi Johann is fors de Blaquie à tout ses os de Blas et de Comains et de Bougres , et entra en Romenie; et corurent domain jusques as portes de Constantinoble, et il asegia Andrenoble, et i dreça trente perrières qui gitoient en la cité et as murs et as tors. Léans n'avoit se Grieus non et Perron de Radingeham qui de par l'empereour i es toit à dis chevaliers. Lors mandèrent tuit ensemble li Grieu et li Latin à l'empereour que ensi les avoit Johannis asegiés , et qu'il les secorust. Moût fu li emperères destrois durement , quant il 6! que ses gens estaient en tant de leus départi outre le bras, et estoient en chascun lieu si chargiés de guerre que plus ne pooient; si estoit en Constentinoble à poi de gent. Lors fu tiex ses consaus qu'il emprist à issir de Constantinoble à tant de gent corne il pot avoir, à la quinsaine de Fasques ; et manda en Esquise, où la plus grant partie de sa gent estoient, qu'il venissent à lui, et il s'en commencièrent à venir par mer. Première* ment vint Huitaces , li frères l'empereour Henri , et Ansiaus de Caieu, et de leur gent la plus grant partie ; et remest Pierres de Braiecuel et Paiens d'Orliens à poi de gent en Esquise.

CLXX. Quant Thodres li Ascres oï la novele que Andrenoble estoit assegie , et que li emperères mandoit sa gent par estouvoir, et que il ne savoit as queles gens courre premièrement en deçà de là , tant estoit -il cargiés de guerre, si manda efforciement quanques il pot avoir de gent, et fist tendre ses très et

i54 DE LA CONQUESTE

ses pa veillons devant les portes de Esquise, et i ot assemblé maintes fois et porvu et gaaingnié , et quant Thodres li Ascres vit qu'il avoit si poi de gent céans, si prist une partie de l'ost et des siens , ceus qu'il pot avoir par mer, si les envoia au chastel de Givetot que Guillaume* de Saint fermoit; si les assaillirent par mer et par terre moût durement , le samedi de micaresme; laiens avoit quarante chevaliers de moût bonegent, dont Machaires es toit chevetaines, et lor castiaus estoient encore poi fremés , si que cil pooient avenir à aus as espées et as lances. Cil assaus dura le samedi toute jour, et cil se dépendirent moût bien; et bien tesmoigne li livres que onques à si grant meschief ne se desfendirent quarante chevaliers et bien i parut, car il n'en i ot que cinc que tout ne fussent navré , et si en i ot un mort qui estoit niés Milon le Brebant, et avoit à non Gilles. Le samedi matin, avant que li assaus commenças t, vint uns messages bâtant en Constantinoble, et trova l'empereour Henri séant au palais de Blaquerne, au mengierj et li dist : « Sire, sachiez que cil de Civetot « sont assis par mer et par terre , et se vos ne les se- « corés hastivement, il sont pris et mort. » Avoec l'empereour estoit Quenes de Béthune, et Miles li Brebans et Joffrois li mareschaus, à poi de gent. Dont pristrent conseil qu'il fer oient, et li consaus fu tex que l'emperères Henris s'en iroit au rivage et enterroit en un chalant , et chascuns des autres enterrait en tel vessiel corne il porroit avoir. Lors fist l'emperères crier parmi Constantinoble que chas-

DE œNSTANTINOBLE. i55

cuns le sivist à tel besoing , corne por ses homes seeorre et délivrer. Lors véissiez moût estormir la cité de Constantinoble si corne de Frans et de Véniciens, de Pisans et d'autres gens qui de mer ne savoient riens. Il coroient as vessiaus qui ains ains qui mius mius. Avoec els entroient li chevalier à toutes leur armes, et qui ainçois pooit, ainçois se partoit del port pour sivre l'empereur. Ensi nagièrent à force de rames toute la vesprée , tant corne jors leur dura, et toute la nuit jusques à l'en demain au jor. Et quant ce vint un poi après le soleil levant, si ot tant esploitié li emperères qu'il vit le chastel de Ci veto t et l'ost qui entor estoit par terre et par mer. Cil dedens la ville n'orent mie dormi toute la nuit : ains se furent hourdé , si navré corne il estoient , corne cil qui n'atendoient se la mort non. Quant l'emperères vit qu'il estoient près et qu'il voloient assallir, et que il n'avoit encore de sa gent se petit non ; — avoec lui estoit Joffrois li mareschaus en un autre vessel, et Miles li Brebans, et autres chevaliers, tant que il avoient entre grans et petis vaissiaus dix-set, et lor aversaire en avoient bien soixante; — et vit que se il atendoit leur gent né il souffroit que cil assausissent ciaus de Civetot, tuit estoient mort ou pris; lors fu tiex li consaus de nostre gent que il s'iroient combatre à ans. Dont s'en alèrent celé part tout d'un front, et furent tuit armé es vessiaus, les hiaumes lacés. Et quant cil les virent venir qui jà estoient apareillé de saillir au Civetot, si connurent bien que ce estoit se-

cors : adont se partirent dou chastel et alèrent encontre a us à tout leur ost, et se rangièrent seur le rivage à toutes les grans gens que il a voient à pié et à cheval. Et quant il virent l'emperères et la soe gent venir sor aus droit , si reculèrent sor lor gent qui estoient au rivage si que cil del rivage leur pooient aidier de traire et de lancier.

CLXXI. Ensi les tint li emperères Henris assis à ses dix-set vaissiaus , tant que li cris leva de ceus qui estoient de Constantinoble venus ; si en i ot tant, ainçois que la nuit venist, que il orent la force en la mer par tout, et jurent toute nuit armés, leur vaissiaus à encres; lors fu tes leur consaus que tout maintenant qu'il verroient le jor il s'iroient à as combatre pour tolir leur vaissiaus. Et quant ce vint endroit la mienuit, si trairent li Grec tous leur vaissiaus à terre et mistrent le feu eus, et les ardirent tous; dont se deslogièrent et s'en alèrent fuiant. Et li emperères et sa gent en furent moût lié et moût joiant de la victoire que Dieu leur avoit donëe et de ce qu'il orent secouru leur gent. Et quant ce vint au matin, li emperères et tuit li autre s'en alèrent au chastel du Civetot , et trovèrent leur gens moût malades et les pluseurs mont navrés ; et li emperères regarda le chastel et ses gens , et virent que le chastel estoit si foibles que il ne fesoit à retenir. Àdonc se recuillirent à tout leur gent en lor vaissiaus et guerpirent le chastel et laissièrent. Ensi s'en repaira li emperères en Constant inob le, et Johannis li rois de Blaquie et de Bour-

DE CONSTANTINOBLE. i5 7

guérie qui a voit Andrenoble assise ne reposa mie, ains fist giter ses perrières nuit et jor as murs et as tours , et les empirièrent moût. Puis mist ses trancheours as murs, et firent maintes assaillies; et cil dedens se contindrent moût bien, et mandèrent sovent l'empereour qu'il les secourus t ou il estaient perdu sans fin. Et li emperères estoit moût destrois, car quant il voloit secorre sa gent d' Andrénoble, Thodres li Ascres le tenoit si cort, d'autre part, que par fine force arrières le covenoit retorner.

CLXXIL Ensi fu Johannis tôt le mois d'avril devant Andrenoble, et l'aprocha si de prendre, qu'il abati grant partie des murs et des tors en deus leus , jusqu'en terre , si qu'il se pooient combatre main à main à espées et à lances à ceus dedens. Ensi firent moût de grans assaus et desfendirent moût bien ; et moût en i ot de mors et de navrés d'une part et d'autre. Mais ensi corne Diex veult les avantures soufrir, li Comain et li Blac que il avoit envoies corre en la terre orent gaaingnié assés , et furent venus à l'ost d 9 Andrenoble à tout leur gaains; et distrent qu'il ne voloient plus demorer à Johannis, ains s'en voloient aler en leur contrées. Ensi se partirent li Comain, et quant Johannis vit ce, si n'osa plus au pais demorer sans aus. Ensi se parti de devant la ville et la guerpi. Et sachiés que moût tint l'en à grant miracle que Johannis qui tant estoit riches homs et postéis, laissast la ville qui tant estoit aprochie du prendre. Cil d' Andrenoble ne targièrent mie de mander l'empereour

i58 DE LA CONQUESTE

qu'il venist tost pour Dieu, car bien séust-il certainement que Johannis s'en estoit aies, mais s'il ne veneist il seroient tuit mort sans faille. Et li emperères, à tant de gent corne il pot avoir, fist atorner pour aler devant Andrenoble. Lors li vint une novele qui moût li fu grief, car l'en li dist que Esturmis , li amiraus des galies qui estoit fils Thodres li Ascres, estoit entrés à tout dix-set galies dedens Bouche-d' Avie, el bras Saint-Jorje; et fu venus en Esquise là où Pierres de Braiecuel estoit, et l'avoit assis par devers la mer, et Thodres li Ascres par devers la terre ; et que gent d'Esquise estoit révélée encontre Perron de Braiecuel , et cil de Marmora qui si home estoient se furent ausinc révélé, et li avoient fait grant domage; et assés avoient mort de ses homes. Et quant ceste novele vint en Constantinoble, si en furent tuit moût espoenté et durement esmaié.

CLXXIII. Lors prist li emperères conseil as barons et as Véniciens ensemble, et distrent que s'il ne secoroient Perron, que il estoient mort et honi, et qu'il avoient la terre perdue. Lors s'armèrent quatorze galies mont isnelement, et les garnirent de Véniciens. En l'une entra Quenes de Béthune et ses gens , en l'autre entra JofFrois de Ville-Hardoin et ses gens, et en l'autre Machaires de Sainte-Maneholt, et en la quarte Miles li Brebans, et en la quinte Ansiaus de Gaieu , et en la siste Tierris de Los qui seneschaus estoit de Romenie; en la septisme Guillaumes del Perche, et en l'uitisme Huitace qui frères

estait l'empereour. Ensi mist par toutes ses galies li emperères Henris sa meillour gent, et quant il se partirent du port de Constantinoble , tuit cil qui les Tirent distrent bien que moût estaient richement apareillies , né que onques galies furent mius, né de meillour gent. Ensi fu à celé fois respités li alers a Àndrenoble , et cil des galies s'en alèrent contreval le bras Saint-Jorje vers Esquise droit. Ne sai cornent Esturmis le sot, mais Thodres se partist d' Esquise, et s'en ala, fuiant contreval le Bras; et cil les chacièrent dui jors et dui nuis fors de Bouched'Avie bien quarante miles. Et quant il virent qu'il ne les pooient ataindre, si retornèrent droit en Esquise, et trovèrent Perron de Braiecuel, si corne Thodres li Ascres se fu deslogiés devant et fu retornés arrières en sa terre.

CLXXIV. Ensi fu rescousse Esquise, si corne vos avés oï; et cil des galies s'en retornèrent arrières en Constantinoble , et ratornèrent leur oirre pour aler à Andrenoble; mais Thodres li Ascres envoia le plus de sa gent en la terre de Nicomie; et la gent Tierri de Los qui avoit fermé le mostier Sainte-Souphie, et cil qui estoient dedens mandèrent leur seignor et l'empereour Henri qu'il les secorust, ou se ce non il ne se porroient tenir; en seur que tout, il n'avoient point de viande, si que par fine destresse convint que l'empereour et sa gent lessassent la voie d' Andrenoble et qu'il passassent le bras Saint-Jorje devers la Turquie, à tant de gent corne il porent avoir, pour secorre Ni-

160 DE LA GONQUESTE

comie. Et quant la gent Thodre li Ascre oïrent dire qu'il venoient, si vuidièrent la terre et se trairent arrières vers Nique-la-Grant. Quant li emperères le sot , si prist conseil à ses barons et li consaus fu tiex que Tierris de Los qui seneschaus es toit de Romenie, remaindroit en Nicomie à tout ses chevaliers et seijans, pour garder la terre ; et Machaires de Sainte-Maneholt remaindroit à Caracas et Guillaumes dou Perche à Esquise, et cil desfendroient la terre endroit euls. Lors s'en râla li emperères en Gonstantinoble au remanant de sa gent , et reprist de rechief à aler à Andrenoble. Endementres que il atornoit son oire, Tierris de Los qui estoit en Nicomie, et Guillaumes dou Perche i alèrent por fourrer, et la gent Thodre li Ascres le sorent , si les seurpristrent et leur corurent sus. Si furent moût grant gent, et li Franc furent poi; si commença li estors et la meslée; mes ele ne dura mie longuement, car li poi ne porent soufrir le trop. Moût le fist bien Tierris de Los et sa gent; et Guillaumes dou Perchoi i fu abatus et remontés. Mais que vaut ce? li Franc ne porent l'estor soufrir ; ains furent desconfit ; si fu pris Tierris de Los et navrés parmi le vis, et en aventure de mort. La fu pris avoec lui li plus de sa gent et moût petit en eschapa. Guillaumes dou Perchoi en eschapa seur un roncin , navrés en la main . Cil qui eschapèrent se recueillirent el moutier Sainte-Sophie. Cil qui ceste estoire traita ne sait se ce fut à tort ou à droit; mais il en oï blasmer un chevalier qui Ansiaus de Rémi avoit nom, et estoit hons liges Tierri

DE CONSTÀNTINOBLE. 161

de Los le seneschal , et chievetaines de sa gent . Lors prisent un message cil qui furent el moustier Sainte- Sophie retourné , Guillaumes dou Perchoi et Ansiaus de Rémi , et l'envoièrent bâtant à l'empereour, en Constantirioble; et li mandèrent que li seneschaus es toit pris et sa gent, et il estoient assis el moustier Sainte-Sophie. et n'avoient mie viande à plus de cinc jors, et bien séust-il certainement que se il ne les* secoroit, il seroient tuit perdu. Li emperères passa adonc le bras Saint-Georje , si corne il avoit fait autre fois entre lui et sa gent por secorre ceus de Nicomie.

CLXXV. Ensi fu remese la voie d'Àndrenoble à celé fois. Quant li emperères ot passé le bras Saint- Georje , si ordena ses batailles et chevaucha tant par ses jornées qu'il Tint à Nicomie ; et quant la gent Thodre l'Ascre Foirent dire, et si frère qui tenoient l'ost, si se trairent arrières et passèrent la montaigne d'autre part devers Nique; et li emperères se loja d'autre part seur un flun , en une mont bêle praerie, par devers la montaigne, et fist sa gent corre par le païs : car il se estoient révélé quant il oïrent dire que Tierris de Los estoit pris; si prisent assés proies et prisons. Ensi sejorna li emperères en la praerie; et dedens celui jor Thodres li Ascres prist ses . messages et les envoia à lui , et li requist trives à deus. ans, par tel convenant qu'il Esquise li laissast abatre et la forteresce del mostier Sainte-Sophie de Nicomie; et il li rendroit tous ses prisons qui avoient esté pris à celé desconfiture

i62 DE LA CONQUESTB

et as autres , dont il avoit asaés par sa terre* Lors prist li eaiperères conseil à ses homes que il porroit faire; et li baron disent que il ne porroient mie soufrir les deus guerres ensemble , et que mius valoit cist domage soufrir que à perdre Andrenoble né la terre entor ; et si auraient départi leur anemis Johannis et Thodrc l'Àsere qui estoient bon ami li uns as autres et s'entraidoient de la guerre. Ensi fu la chose octroïée et créantie; et lors manda li eraperères Perron de Braiecuel en Esquise, et il i vint; et li emperèrea fiât tant envers lui qu'il lui délivrât Esquise et la livrast à Thodre l'Asere , et le mostier Sainte-Sophie de Nicomie.

CLXXVI. Ensi fu ceste trive asseurée et ces forteresces abatues; et Tierris de Los fu délivrés et tuit li autre prison. Lors s'en repaira li emperères en Gon« stantinoble, et emprist à aler vers Andrenoble à tant corne il pot avoir de gent. Si chevaucha vers Salem* brie , et fu jà tant de temps trespassés qu'il fu après k feste monseigneur saint Jehan-Baptiste en esté; et chevaucha tant par ses jornées qu'il vint à la cité d' Andrenoble , et se herberja es près devant la vile; et cil de la cité qui moût l'avoîent désiré, issirent tuit fors, a procession, encontre lui , et le virent moût volentiers; et tuit li Grieu de la terre i furent Tenu, et il ne séjorna que un seul jor devant la ville tant qu'il ot véu le damage que Johannis li Blas avoit fait par ses mineurs et par ses engins; et l'en demain chevaucha vers la terre Johannis tant qu'il vint à la mon-

DE CONSTANTINOBLE. i63

taigne de Blaquie, à une cité qui avoit non Aulin, que Johannis avoit nouvelement pueplée de sa gent. Et quant les gens du païs virent l'ost venir, si guerpirent la cité, et s'enfuirent en la mon ta igné; et l'emperères se loja devant la ville, et li couréeur corurent par la terre et gaaingnièrent bues et vaches et bogies à grant plenté; et cil d'Andrenoble qui leur chars avoient amenés avoec aus, et povre et diseteus estoient de la viande , en chargièrent à moût grant plenté. Ensi séjorna l'os par trois jors, et coururent li couréeur parmi la terre. Et la terre es toit pleine de montaignes et de des trois; si i perdirent cil de l'ost de leur couréeurs, qui i alèrent trop folement.

CLXXYIL Au darrain jor, envoia li emperères por garder ses couréeurs Ansiel de Chaieu et Hustaice son frère , et Tierri de Flandres son neveu et Gautier d'Escornay et Jehan Blyaut. Ces quatre batailles allèrent garder les couréeurs, et entrèrent dedens moult fors montaignes. Et quant les gens orent couru parmi la terre, et il s'en volurent issir, si trouvèrent les destrois moult fors. Car li Blac dou païs i furent venu , si assemblèrent à els et lor fisent moult grant damage d'ommes et de chevaus , et furent moult priés de desconfire , si que par fine force convint les chevaliers descendre à pié. Et par l'aide de Diu s'en revinrent tout droit à l'ost : mais grant damage orent recheu. L'en demain s'en parti li emperères Henris et li os des François, et chevaucièrent par lor journées arrières tant que il vinrent à la

cité d'Andrenoble, et i firent et misent lor garnisons que il amenèrent de blés et de viandes. Et sejorna li emperères en la praerie quinze jors. En cel termine li marchis Bonifaces de Montferras qui ert à la Serre , que il a voit refremée , ot chevauchié très qu'à Messynople et la terre se fu rendue à son commandement. Et lors si prist ses messages , si les envoia à l'empereour, et li disent que il parlerait à lui sour le flun qui court desous l'Eskipesale. Car il n'avoient mais eu pooir de parler ensamble très chou que la terre fu conquise. Car il i avoit tant d'anemis entredeus que li un ne pooient venir as autres. Et quant li emperères et ses consaus oï que li marchis ert à Messynople , si en fu moult liés et li manda par ses messages arrières , que il irait parler à li au jour que il li avoit nommé. Ensi s'en ala F emperères celle part et. laissa Queue de Bethune à Andrenoble à tout ses chevaliers por garder la terre. Et vinrent là où li jours fu pris en une moult biele praerie, près de la cité d'Eskipesale. Et vint li emperères d'une part et li marchis d'autre et assemblèrent à grant joie, et ne fu mie merveille , que il ne s'estoient piechà entrevu. Et li marchis li demanda que sa fille faisoit? et il li dist que sa fille iert ença in te d'enfant, et il en devint molt liez. Lors devint li marchis homme à l'empereour, et tint de lui sa terre, ausi comme il avoit fait de l'empereour Bauduin son frère. Lors donna li marchis à Joffroi de Yilleharduin , le maréchal de Romenie et de Champaigne , la cité de Messynople et toutes les apertenances, ou celi de la Serre, laquelle que il ameroit

DE CONSTANTENOBLE. i65

mius. Et cil en devint ses hommes liges, sauve la féauté de l'empereour . Ensi séjournèrent en celle prae-» rie par deux jors à moult grant joie r . et disent que puis que Dex avoit donné que il pooient venir ensemble, que encore poroient-il grever lor anemis : et emprisent que à l'issue d'esté el mois d'octembre il seraient à tous leur pooirs en la praerie d'Andrenoble, pour ostoier sour le roi de Blaquie et de Bourgherie. Et ensi se départirent moult lié et moult haitié. Li marchés s'en ala vers Salenyque et li emperères vers Constantinoble. Et quant li marchis fu venus à Messynoble, si ne tarda mais que sept jors que il fist une chevauchie par le consel des Grieus de la terre en la montaigne de Messynople plus d'une grant jornée loing. Et quant il ot esté en la terre et il s'en dut partir, li Bougre se furent assamblé de la terre et virent que li marchis estoit à poi de g eut, et il vinrent lors de toutes pars et assallirent à s'arri ère-garde. Et quant li marchis oï le cri , si sailli en un cheval tôt désarmés, un glaive en sa main, et quant il vint là où ils ièrent assemblés à l'arrière-garde, si lor recourut sus et les chacia une grant pièce arrières. Là fu férus d'une saiete parmi le gros del bras de soz l'espaule mortellement , et cornmencha moult à espandre de sanc. Et quant ses gens virent ce , si se commencièrent moult à esmaier et à desconfire et à mauvaisement maintenir. Et cil qui furent entor le marchis le soustinrent. Et il perdi moult de sanc, si se commencia à pasmer. Et quant ses gens virent que ils n'avoient nulle ajrue de luy , si se commencièrent à desconfire et lui à laissier. Et ensi

furent desconfi par ceste mésaventure , et cil qui remesentavoec li furent mort, et li marchis ot la tieste coupée : et en voièrent les gens dou pays le chief à Johannis , et cke li fu une des greignours joies que il oncques eus t. Halas I quel damage chi ot à l'empereour et à tous les Latins de la terre de Romenie , de tel home pierdre par telle mésaventure, qui es toit uns des meillors chevaliers et des plus vaillans et des plus larges qui fust el remanant dou monde ! Et cette mésaventure avint Tan de l'Incarnation Jesu-Christ mil deux cent et sept ans.

Ciferdst J offrais de Ville-Hardouin.