LIVRE I, CHAPITRE XXXIX. 25i

Cecy est encores plus vray des vices qui sont opposites les uns aux autres.

Le second est que bien souvent l'on ne peust accomplir ce qui est d'une vertu , sans le heurt et offense d'une autre vertu, ou d'elle-mesrae : d'autant qu'elles s'entre-empeschent : d'où vient que l'on ne peust satisfaire a l'une, qu'aux despens de l'autre*. Et de cecy ne s'en faut prendre à la vertu , ny penser que les vertus se contrarient, car elles sont très bien d'accord, mais à la foiblesse et condition humaine, estant toute sa suffisance *12 et son industrie si courte et si foible , qu'elle ne peust trouver un reiglement certain, universel et constant à estre homme de bien: et ne peust si bien adviser et pourvoir , que les moyens de bienfaire ne s'entre-empeschent souvent. Prenons

* Variantes. C'est tousjours descouvrir un autel pour en couvrir un autre , tant est courte et foible toute la suffisance humaine , qu'elle ne peust bailler ny recevoir un reiglement certain , universel , et constant à estre homme de bien : et ne peust si bien adviser et pourvoir , que les moyens de bien faire ne s'entre-empeschent souvent. La charité et la justice se contredisent. Si je rencontre mon parent et amy en la guerre de contraire party, par justice je doibs le tuer; par charité, l'espargner et sauver. Si un homme est sauvé à la mort, où n'y aye aucun remède , et n'y reste qu'un languir très douloureux , c'est œuvre de charité de l'achever, mais qui seroit puni par justice.

*12 Capacité.

a52 DE LA SAGESSE,

exemple de la charité et de la justice : si je rencontre mon parent ou mon ainy en la guerre de contraire party, par justice je le doibs tuer, par charité l'espargner et sauver : si un homme est blessé à la mort, où n'y aye aucun remède , et n'y reste qu'un languir très douloureux, c'est œuvre de charité de l'achever, comme fist celuy qui acheva Saiïl à son instante prière ; mais qui seroit puni par justice, comme fut celuy-là par David et justement, David estant ministre de la justice publique et non de la charité privée : voire estre trouvé près de luy en lieu escarté, où il y a doubte du meurtrier, bien que ce soit pour luy faire office d'humanité, est très dangereux, et n'y peut aller de moins que d'estre travaillé par la justice, pour repondre de cet accident, dont l'on est innocent. Et voilà comment la justice non - seulement heurte la charité, mais elle-mesme s'entrave et s'empesche, dont est très-bien dict, et au vray , summum jus , summa injuria1^.

Le troisiesme plus notable de tous : l'on est contrainct souvent de se servir et user de mauvais moyens , pour éviter et sortir d'un plus grand mal, ou pour parvenir à une bonne fin; tellement qu'il faut quelques fois légitimer et authoriser non-seulement les choses qui ne sont point bonnes , mais encores les mauvaises, comme si, pour estre bon, il falloit estre

î3 « Une justice trop rigoureuse est une grande injustice »,