LIVRE I, CHAPITRE LV. 4o

de vie : les uns suyvent la vie civile et sociale ; les autres la fuyent pour se sauver en la solitude; les uns aymentles armes, les autres les hayssent; les uns vivent en commun , les autres en la propriété' ; les uns se plaisent d'estre en charge et meinervie publicque, les autres se cachent et demeurent privés; les uns sont courtisans et du tout à autruy, les autres ne courtisent qu'eux -mesmes; les uns se tiennent es villes, les autres aux champs, aymans la vie rustique. Qui faict mieux, et quelle vie est à préférer ? Il est difficile à dire simplement, et peust-estre impertinent ; toutes ont leurs advantages et desadvantages , leurs biens et leurs maux ; ce qui est plus à voir et considérer en cecy, comme sera dict, c'est que chascun sçache bien choisir selon son naturel , pour et plus facilement et plus heureusement s'y comporter. Mais nous dirons un petit mot de chascune, en les comparant ensemble : mais ce sera après avoir parlé de la vie commune à tous , qui a trois degrés.