LIVRE II, PRÉFACE

à la force et tempérance : le sîxiesme proprement à la prudence. £t pource ces six sont la matière et le subject du trolsiesme livre, qui traicte au long les quatre vertus morales , et en particulier les offices et debvoirs du sage ; mais en ce livre ils sont traictés en gênerai.

La quatriesme est des efTects et fruicts de sagesse^, qui sont deux, se tenir prest à la mort, et se maintenir en vraye tranquillité d^esprit, la couronne de sagesse et le souverain bien. Ce sont en tout douze règles et leçons de sagesse en autant de chapitres , qui sont les propres et peculiers traicts et offices du sage ^ qui ne se trouvent point ailleurs. J^entens au sens que nous le prenons et descrivons icy; car encores qu aucunes d'icelles, comme la preud^hommie, l'observation des loix, semblent se trouver en autres du commun et prophanes, mais non telles que nous les dépeignons et requérons icy. Celuy est donc sage lequel se maintenant vrayement libre , franc et noble , se conduit en toutes choses selon nature , accommodant la sienne propre et particulière à Tuniverselle , qui est Dieu, vivant et se portant devant Dieu, avec tous et en tous affaires, droit, ferme, joyeux, content et asseuré, attendant de mesme pied toutes choses qui peuvent advenir , et la mort la dernière.