PAR GUILLAUME CRETIN

En la saison que le joly ver dure,

Que arbres ont pris feuillages de verdure,

Quefruictznouveaulxparmylesbranchespendent.

Que herbes et bledz sur la terre suspendent.

Que tous veneurs, en haulte cervoison,

Vent destourner biches, cerfz, à foison,

Que oyseaux de poing reclamez et bien duictz

Donnent aux gens passetemps et desduictz,

Et que plusieurs gentilz hommes s'esbatent,

Courent aux champs et des espérons battent

Tant leurs chevaulx qu'ilz en sont hors d'alaine;

L'autre an, huit jours après la Magdalaine, Deux Dames veiz, qui venoient de l'esbat,

Et myrent sus ung honneste débat.

L'une amoit chiens, l'autre oyseaux, et tendoient

Prouver leur faict comme elles l'entendoyent.

Si m'approchay pour oyr ce propos, Et mon esprit mettre à port de repos.

Le débat fut que l'une mainteuoit.

Et devant tous tresfort la main tenoit, Que le desduyct d'oyseaux prisoit plus chier Et mieux valoit, à bien tout esplucher. Que ne faisoit celuy des chiens; mais quoy? L'autre disoit : « Qui ne monstre de quoy, Ce n'est rien dit, » et tenoit le contraire. Voulant porter chiens de race contre aire De bons oyseaux. Lors en paroUe entrèrent : Se fault sçavoir où elles rencontrèrent.

Advint, ce jour, comme Seigneurs s'advisent De prendre esbatz et de chasses devisent, Ung Chevalier ses veneurs mist en queste, Qui promptement firent si bonne enqueste Et aux taillis des forestz tant tournèrent Si bien à poinct que un grand cerf destournerent . Leur rapport faict, ce bon Seigneur envoyé Coupler ses chiens et les faict mettre en voye. La Dame est là, qui dit par ses bons dieux Que huy elle oyra les chants mélodieux

Des chiens courans, et que bonheur conduict Le sien désir d'avoir part au desduyct.

C'est la façon legiere et volontaire Des Dames... Mais de ce nous voulons taire. Sus, de par Dieu ! On dresse le banquet, Puis tout s'en va, et Briquet et Marquet Ainsi gaiement à l'assemblée allèrent.

Et lors veneurs le cerf aux chiens baillèrent. Qui ne fut pas sans les jarrets escourre : Car tout le jour ne cessèrent de courre Par bois, par champs, par landes et fustayes. Le cerf, brossant halliers et fortes hayes, Ruzes et saultz, pour mettre chiens au change, Fournyt assez, mais enfin print l'eschange D'un grand estang, habandonnant les boys, Et là dedans il fut mis aux abboys.

Si fault noter que cest estang batoit Contre un chasteau, dont le Seigneur estoit Pour l'heure aux champs, affin de prendre l'air Et ses oiseaux veoir faire enoyseller ; Sa femme aussi, Dames et Damoyselles.

Honnestes gens tout plain avecques elles. Ung espervier ceste Dame portoit.

Qui au desduict fort bien se comportoit, Et si avoit assez de gibier pris

b DEBAT SUR LE PASSETEMPS

Pour le plaisir de vouloir mettre à pris,

Car les ojseaux firent si bon debvoir

Que meilleur d'eulx n'est possible de veoir.

L'heure approcha, tout ainsi que appetiz

Viennent souvent à grans comme à petis;

Le Seigneur dist : «Tournons bride! il est temps

D'aller soupper. » Ainsi s'en vont contens,

Tous glorieux de leur bonne entreprise.

En approchant, oyrent sonner prise.

Dont à peu prés troublèrent leurs espritz; Mais on leur dist que le cerf estoitpris En leur estang; si marchèrent bon pas Pour en sçavoir, et ne demandez pas Si au recueil on se fist grosse chère : Joyeux devis se mirent à l'enchère, Menus propos furent en avant mis.

Ainsi que on faict entre les bons amys.

Les deux Seigneurs se devisent ensemble, Comme joyeux d'eulx rencontrer, ce semble ; Dames tiennent aussi manière gaye.

Et ung chascun des deux bendes s'esgaye. On chante, on rit, on s'accolle, on se baise; De bien longtemps le rire ne s'appaise. Après cela, on tire vers l'hostel Du Chevalier, qui a bruict et loz tel

De traicter gens fort bien pour quelque affaire Qu'il saiche avoir à conduire et à faire. Serviteurs vont accoustrer les estables, Les uns au foing, autres dressant les tables, Maistres d'hostelz courent parmy la place, Paiges sur bout, il fault que tout desplace; On perce vins, on larde venayson, Poullet, pigeon, ne se saulve, ne oyson, Que incontinent il ne soit mis en broche.

Et ce pendant que viande on embroche, Les amoureux se devisent aux dames, Comptent leur cas, jurent Dieu et leurs âmes Que leur amour tant les tourmente et nuict Qu'ilz n'ont repos la seuUe heure de nuict, Font des piteux, souspirent et lamentent. Mais, pour certain, je croy qu'en cela mentent.

Or, pour entrer ou propos entamé.

Les Dames cy, qui tousjours ont aymé, L'une les chiens, l'autre oyseaux,sont ensemble, Et vont disant ce que bon leur en semble. Tout regardé tant en là comme en çà.

Celle qui tient pour oiseaux commença Et dist ainsi : « Madame, bien scavez Combien de mal pour vostre chasse avez; Vous et voz gens estes vostre saoul las,

Valent pas mieux les desduicts et soûlas Que aysement on peult au vol comprendre, Que travailler son cueur et corps à prendre Chevreul ou cerf? Meilleurs sont lesdesduictz D'oyseaux que ceulx à vostre mode duictz; Huy nous avons du plaisir encor eu, Et sans avoir, Dieu mercy, tant couru ! »

D'aultre costé, celle qui tient pour chasse Et qui l'esbat de vénerie pourchasse, Dit que un propos elle estime fort maigre, Sinon qu'il soit deb'atu en forme aigre, Et, au regard de ce qu'elle débat Qu'en vol d'oyseaux y a non plus d'esbat Qu'en cours de chiens, dist qu'il ne luy desplaise : Le vouloir n'a que de tant luy complaise Se y accorder, mais l'autre part tiendra Et le dira où il appartiendra.

Dit, oultre plus, que plaisirs sont trop courts En vol d'oyseaux, et que chiens en ung cours Font de plaisir plus cent foys par les boys, Et trop meilleur fait ouyr leurs abboys Que ne fait pasveoir voiler ung faulcon, Sacre ou gerfault, car souvent il fault qu'on Tracasse au loing, si quelqu'un d'eulx s'essore.

L'autre respond : « Nostre propos cesse ore,

Car il me fault ces gens entretenir.

Qui ne scauroit manière aultre tenir,

On jugeroit ma parole estre chère.

Faites céans, s'il vous plaist, bonne chère

Jusque à demain; cette nuict passera,

Puis au matin tout par compas sera

Mis en avant. Pensez en vostre endroit.

Car j'ay mon cas pourgetté, comme en droict. »

Disant ces motz, chascun est arrivé, Et sur ce poinct le clou luy a rivé Celle qui a le train de chasse appris : Car, en voyant le grand cerf qu'on a pris. En soubriant luy va dire : « Madame, Entendez-vous recouvrer appuy de ame.

En soustenant que de voz oyseaux sorte Ung passetemps qui soit de telle sorte Comme cestuy. Demandez se prou feit Veneur ayant tel plaisir et proufit. »

Vers le Seigneur du lieu s'adresse et dit : « Pour Dieu, Monsieur, escoutez quel esdict Madame tient. Elle estime, en effet.

Chasse de chiens pour nulle, se n'est faict Au vol d'oyseaux, et grands biens dit, et compte Quedetouschiens,tantsoyent bons,ne tient compte. Quant est de moy, je vueil ce point débattre,

Et si c'estoit chose honneste de batre Et mettre sus le tournoy ou combat, Seulle tiendroye, en la façon qu'on bat, Contre elle et deux de sa sorte les renés, Voyre au danger de dire : « Je me rends ! »

« Se j'avois tort, que jamais ne craindroye Non plus vrayement que regnart doibt craindre oye, Mais dictes-luy que son esprevier face Quelque bon vol qui nostre prise efface. Si ses oyseaux tenoient entre les serres Ung tel gybier, dont ma chasse laisse erres, Dire pourroit que assez bien se ayse corps, Qui prend le cerf sommé de seize cors. Nostre débat est tel et diffère en ce : Dont, s'il vous plaist, pour veoir la différence Pro et contra d'une telle querelle, Se juge y a en ce pays, querez-le. »

De ce propos les Chevaliers tous deux Ont tresfort ris; jamais, aux rapports d'eulx Et tous leurs gens, passetemps ne receurent Plus à leur gré, dont si bien faire sceurent, Que tout ce soir fut la chose menée Par tel party, que jamais femme née Ne mist avant babil si effillé.

Comme chascune orendroit a fille.

C'est un grand cas quant femmes se topiquent : Leur langue va comme gens qui tost piquent; Vous les veissiez rougir, pallir, trembler De fier despit, pour l'une à l'autre embler Le dernier mot; mais ce ne voit-l'en pas Guère advenir, sinon que le lempas Ou fille feist la paroUe empescher.

Femmes tousjours sçavent où en pescher; Leurs bouches n'ont serrures ne lyens.

Or, en effet, le Seigneur de lyens Leur dist ainsi : « Si vous voulez qu'on juge Du différent, j'ay pensé un bon juge : C'est le Seigneur conte de Tancarville, Expert sur tous, j'en dis autant, car ville Ne ayme à hanter comme l'esbat des champs, Et ne luy plaist tant ouyr les deschantz Des instrumens que prendre à son gré l'air Et aux abboys faire trompes gresler. »

Contentes sont, et chascune a signé Le compromis de ce juge assigné.

Que l'on cognoist n'estre en ce peu sçavant : Si sont d'accord que Tarrest pousse avant, Et ont espoir qu'il fera tant pour elles Le tout juger, sans faveur temporelles.

Par ce moyen fut conclud, dés ce jour,

Le lendemain ne faire aultre séjour, Et que au matin tout ce procès seroit Mené au long, et qu'on ne cesseroit De poursuyvir la matière tractable, Et sur ce point on se alla mettre à table.

Se demandez quelz entremetz et vins Furent serviz, tousjours allay et veins Pour veoir dresser tous les beaulx appareilz, Desquelz ne vis, longtemps y a, pareilz ; Viande assez, à planté gybier, et force De venayson. Là, ung chascun s'efforce De bien conter : aussi chasseurs souvent Ont appetiz qu'ilz recueillent sous vent. Brief, il y eust si tresbonne séquelle, Qu'on feist ce soir viette Dieu sçait quelle, En crochetant gros flacons et prou potz.

Le soupper faict, on ne tint point propos De convyer l'ung et l'autre à veiller, Car on entend assez que au travailler Est deu repos ; aultrement cela nuyct.

Chascun s'en va, ainsi passe la nuyct.

Le jour venu, tout le monde se lieve.

Les Seigneurs pretz, merveilleux bruyts'eslieve Quoy? que dit-on? On regarde et oreille. Dames, qui ont tant la puce à l'oreille,

DES CHIENS ET DES OISEAUX l3

Qu'il ne les fault appeller ne esveiller, La nuict n'ont faict que penser et veiller : Par quoy se sont si matin esmouchées.

Sans estre à poy bien coeffées ne mouchées, S'en vont ouyr une messe de chasse, Et semble, à veoir, que appétit les dechasse, Non appétit de manger, mais défaire Sur ce débat leur contraire deffaire.

En ung vergier de fort plaisant poiirpris, Riche et paré plus que aultre, pris pour pris, Qu'on puisse veoir sur la terre planté, Ouquel y a d'arbres à grand planté ; Sur un preau de treilles tout couvert, Fut le quaquet de ces Dames ouvert.

Seigneurs sont là, qui leurs femmes regardent, Fort courroucez qu'ilz n'osent rire et gardent Grave maintien; gentils hommes assis Sont deux à deux, trois à trois, six à six.

Paiges, varletz, serviteurs, tout accourt. C'est un estât, tant y a grosse court. Ces Dames sont mises sur le beau bout Si asprement que tout le cueur leur boult Lors celle-là de l'esprevier convoyé L'autre, disant : « Sus, Madame, qu'on voye Ce que direz. » Elle respond : « Mais dictes,

Vous qui parlez? Mais, vous, riens, trop mesdictes

De faire argu à qui commencera.

Je ne puis pas sçavoir comment sera ;

Puisque avez mys le propos en avant,

N'esse raison que vous parlez devant? »

Si fut conclud : ainsi feist ses apprestz

De proposer comme ensuyt à peu prés,

LA DAME A l'eSPREVIER

En reprenant ce que disoye au soir Touchant le poinct que debatre prétends. On ne doit pas le jugement surseoir, Mais de plain sault prononcer et asseoir A mon prouffit, ainsi que je l'entends : C'est assavoir que oyseaux font passetemps Trop plus que chiens que l'on saiche trouver : Et qu'il soit vray, je le prens à prouver.

Premièrement je fonde ma raison Sur ce que oyseaux sont honnestes et gentz, Et plus que chiens, et sans comparaison, Les recueille-on à chascune maison Des grans seigneurs et des moyennes gens ; Tous princes sont songneux et diligens De les porter, tant que leur saison dure.

Oyseaux sontnetz, et les chiens plains d'ordure.

Considérez que chiens sont si tres-ors : Je m'esbahys que on nourrist tel mesnage. Tant sont requis ojseaux et nyetz et sors Que enfans de roys, pour avoir telz trésors, Engaigeront leurs terres et appennaige.

Qu'esse de veoir oyseau qui a pennaige Net, accoustré, joinct, polly et luysant ! Je ne croy pas qu'il soit riens si plaisant.

N'esse plaisir à veoir ung esprevier.

Longes aux piedz, sonnettes et vervelles? Qui en sçauroit ung tel que à part veiz hier, Assez seroit pour le faire ennuyer Et mettre aux champs fantastiques cervelles. Mais sont-ce pas façons trop plus nouvelles Veoir sur le poing oyseaux par gentillesse, Que mener chiens et vieulx dogues en laisse.

Mordre, abayer, tout gaster et mal faire, Sçait faire un chien, et aultre chose non; Sur les fumiers ronger os et deffaire, Cryer, huiler, l'enraigé contrefaire, C'est tout luy fault, vêla son propre nom; Chiens n'ont jamais, comme oyseaux, le renom Donner desduict sur dueil d'ennuyeux faicts : C'est l'argument que contre vous je fais.

Ib DEBAT SUR LE PASSETEMPS

Vostre sçavoir, je cuyde, se abbestist De soustenir une chose si crue :

Encontre oyseaux reprenez appétit.

Ne voyez-vous que ung faulcon si petit Desconfist bien cygne saulvaige et grue? De trop beaucoup avez parolle aigre eue, Dire que oyseaux ne sont de bon effect; Mal en yra, vostre procès est faict.

Dame Raison vous convye et semond Ja confesser que vous ay surmontée.

Or demandez se deduict y a monlt, Quant le faulcon part pour tirer amont Après héron faisant une montée :

De plaisir n'est la bende desmontée?

On voit donner de si belles venues, Si hault qu'on peult regarder sur les nues.

Si tressoubdain vont ensemble sourdant, Que à peine on sçait que ung et l'autre devient, Ne pensez pas qu'on s'aille morfondant : Car, quant on voyt qu'ilz s'en viennent fondant. De froid, chaleur, faim et soif ne souvient; Maistre héron jusque à terre s'en vient. Qui auroit lors la mort entre les dens, Il revivroit de veoir tel passetemps.

Se on veult parler du beau desduictd'oyseaux

Que on peult avoir en volant pour rivière, Quant faulconniers bâtent le long des eaux, Enquerez-vous si bottes et houseaux Laissent souvent estriefz et estrivieres. Les gallans sont, sans barbute et baviere, Jusquesau cul dedans l'eaue bien souvent; Plus drus en sont, pourveu qu'il face vent.

Quant ung chascun veult faire bon devoir, Celluy n'y a qui double de morfondre ; Faulcons sont haultz, à peine on les peut veoir. Et, se canars font semblant de mouvoir. Vous les verrez comme tempeste fondre, A grans souffletz les vous viennent confondre : Ils tombent bas, puis contremont ressourdent ; Patapt ! c'est fait, se de l'eaue ne se hourdent.

C'est un plaisir quant ilz font des plonjons, Car faulconniers les sçavent desjucher Trèsbien, non pas comme on fait les pigeons : Fourrer se fault parmy roseaux et joncs. Sont-ils amont, on les voit tresbucher, Et de si prés buffetter et chercher Que d'eschapper n'y a jamais ressource : Plus grand desduict n'est que d'en veoir la source.

Se le faulcon donne force desduict, Sachez que on voit d'aultres oyseaux assez

Pour faire vol en des sortes plus de huyt ; Mais l'esprevier, par dessus tous, desduyct Ung droit millier de plaisirs enlacez.

Ne pensez pas que les gens soyent lassez De ce mestier, ne que au monde soit huy Ung passetemps si plaisant que cestuy.

Par vostre foy, dictes qu'il vous en semble? Doibt-on pas bien ce desduict avoir cher? Quant sur les champs telle bende se assemble De grans Seigneurs et de Dames ensemble, N'esse plaisir que de les veoir marcher? Mais tant y a, quant vient au remarcher, Fault que chascun ayt œil de bonne mise, Pour regarder où se fait la remise.

Et, s'il advient que quelc'un ou quelc'une, En cet endroit, de laveûe s'entretaille, Dieu sçait comment de chascun et chascune Il est mocqué, faulte n'y a aulcune ; Tout asseuré se tient d'avoir bataille.

Mais ne cuydez jà que débat aille Jusque au logis, car de ces joyeux cris Et plaisans motz ne peult sortir que ris.

L'ung dit comment son oyseau a bien fait Et que d'un vol honnestement a prins Perdreau desja tout maillé en effect;

L'autre maintient le sien estre parfaict

Plus que n'est ung qu'on saiche mettre à pris.

L'autre respond : « De tous faictes mespris,

Et, en ce cas, fol cuyder vous déçoit.

Car si bon n'est que ung aussi bon ne soit. »

Sur ce débat, quant on a le loysir Et que oyseaux ont faict assez bon devoir, On les abesche, en leur faisant plaisir, Sur le gybier, et lors qui peult choisir Quelque allouette, on prend soulaz de veoir Tirer amont. Si vous fais assavoir Que, si elle est de l'aelle bien pourveuë. On pert souvent l'ung et l'autre de veue.

Le beau du jeu est, touchant cest allaire, Quant l'oyseau n'a sa proye surmontée.

S'elle demeure amont, qu'est il de faire ? Il faut lascher, pour le desduict parfaire, Ung autre, affîn de la rendre domptée, Et, s'il est bon, en faisant la montée, Dieu sçait comment il la soufflette et bat. Où pensez-vous trouver un tel esbat.''

Advient souvent que longtemps on regarde, Car si hault sont qu'on ne sçait qu'ilz deviennent. On chante, on rit, on se joue, on brocarde : Puis, tout soubdain, qu'on ne s'en donne garde,

Tous deux, fondans ensemble, à terre viennent. Imaginez quelz plaisirs y surviennent, Quant l'allouette entre gens se vient rendre, Et doulcement se laisse à la main prendre?

Comme j'ay dict, on trouve plus que assez D'autres oyseaux pour approuver mon dire, Mais seulement, par ces deux, tiens cassez Tous les deduictz, où si fort tracassez, Après voz chiens. C'est dit sans plus redire : On ne me peult, en ce cas, contredire Que le plaisir des bons oyseaux n'efface Celluy des chiens, pourveu que droict se face.

Qui d'œil ne voit, on dit que au cueur ne deult. Puisque ainsi est, je dy, pour la pareille, Que le regard en telle chose peult Donner plaisir mieux que ouyr, et me meult La raison que oeil est plus digne que oreille Du passetemps qui au cueur s'appareille; Aultre que l'œil n'en porte le message : Pour tesmoins prens, sur ce, tout homme sage.

Si plaisir vient plus d'œil donc que d'ouye, Bien est fondé l'argument que je tiens, Et de l'arrest debvray estre esjouye, Se ma raison est bien veuë et ouye, Que devant tous et toutes je soubstien.

A tant m'en tays, sauf que à dire letien

Que vol d'oyseaux vault mieux que ne faict pas

Le cours des chiens, et concludz sur ce pas.

l'acteur Apres ces mots, se levé l'autre Dame, Qui ne daigna demander conseil de ame.

Mais franchement et gay ne faillit point Reprendre en brief les motz de poinct en poinct Dont se pensoit veoir desavantagée.

L'une n'estoit de l'autre avant âgée, Et vous dys bien que, se l'une parla Honnestement, sy feit l'aultre, et par là Chascun disoit : « Geste dict à soubzhait, Et ceste aussi bien babille à son hait. « En quoy plaisir prindrent tous les tesmoings, Et de ma part n'euz, pas n'en doutez, moins De passetemps, car atterré m'estoye Soubz ung rosier, où paresscript mettoye Leur plaidoyé. Si commença dédire Ce qu'il s'ensuyt :, elle m'en peult desdire.