LA DAME QUI SOUSTIENT LES CHIENS

S'il estoit dit que, sans ouyr partye.

Homme jugeast ainsi qu'il entendroit.

Assez pourroye estre ore mal partie,

Et cuyde bien que petite partie

Du jeu gaigné auroye en cest endroict,

Veu que arguez et vous fondez en droict

Si tresavant que termes d'advocatz

Ne sçauToient mieulx donner ordre à voz cas.

Besoing ne fust avoir hanté l'escolle, Pour la façon des motz secrets apprendre Dont ore usez : vostre bouche les colle Si proprement, joinct, accoustre et accolle, Que dire après n'ose, doubtant mesprendre ; Mais toutesvoyes si veuil-je bien reprendre, En mon patoys, tous les poinctz que avez dictz, En respondant à voz raisons et dictz.

Sur le propos du desbat vostre et myen, Il m'est advis que avez voulu touscher Et mettre avant de soustenir combien Valent oyseaux, et dit tout plain de bien De leur beau vol, que vous tenez tant cher ; Puis, quant et quant, avez ozé coucher Maulx infinis sur chiens de toutes races, Disant qu'ilz n'ont beaultez, bontez ne grâces.

Premièrement, oyseaux, par vostre dict.

Sont tant amez des princes et des roys Et ont vers eulx si bon et grand crédit Que sur leur poing les portent par edict

DES CHIENS ET DES OISEAUX zJ

Des gens attraictz en tous nobles arrois ; Chiens sont si ors et font si grans desrois, Ce dictes-vous, que gens sont coustumiers De les laisser coucher sur leurs fumiers.

Vous dictes plus, que oyseauxsont tous jolyz, Propres et netz, qu'on les porte partout. Beaux, joinctz, lujsans, accoustrez et polyz, Et que Ton doibt tenir chiens aboliz : Car, si l'ung prend, l'aultre robbe et tolyt ; Malfaisans sont, de trop grand et lourd coust, Grandz gaste-bions, pleins de fîente et ordure. Tort ne vous fais, si doulcement l'endure.

Puis alléguez que ung faulcon desconfît, Tuë et abbat le cygne, aussi la grue.

Si, en ce cas, vostre dire suffit.

Et que en saichez faire vostre prouffit. Plaisir aurez, pourveu que soyez crue ; Et non pourtant qu'il semble chose crue Veoir grant oyseau deffait par un petit : Si donnez-vous de le croyre appétit.

Ce que oultre plus votre parler comprend, C'est du héron, et des montées qu'il faict. Puis des oyseaux de rivière qu'on prend. Des gentilz tours qu'on y treuve et apprend. Et comme on voit le faict et le detfaict ;

Aussi parler de l'esprevier parfaict, Qui tire amont sur l'allouette, et bas La faict venir, où se font beaulx esbatz.

Et en mettant fin à vostre oraison, Dont je fais cy un abrégé recueil, Dictes que oyseaux sont, sans comparaison, Plus à priser que chiens, pour la raison Que toutes gens leur font meilleur recueil. Si concluez à tant, et dictes que œil En telz desduictz fait beaucoup plus que ouje. Si respondray, si je puis estre ouye.

Pour commencer, quant à ce que vous dictes. Que oyseau se peult par les maisons porter Des roys et ducz, et aussi que mesdictes Si fort des chiens, et du tout contredictes Que dignes soyeiit les y veoir transporter, A toutes gens me veuil bien rapporter.

Si on ne voit, festes et jours ouvriers, Sur lictz couchez espaignolz et lévriers.

Lévriers sont chiens, direz-vous du contraire? Je croy qu'il n'est si simple créature Qui ne ayme bien quelque beau chien retraire, Entretenir, veoir, nourrir et attraire Auprès de soy, ou trop se desnature :

Car un"; chien est de si bonne nature

Qu'il ne peult veoir à son maistre debatre Homme vivant sans le vouloir combatre.

Tesmoing celluy qui combatif Maquaire : Ce fut combat de merveilleuse grâce.

Mais trouvez-vous ung oyseau de quelque aire Qui faulconnier suyve jusques au Cayre Comme fera ung chien de bonne race?

Et à repos ne le verra homme estre Jusques à tant qu'il ayt trouvé son maistre.

On porte oyseaux; maiscomment? Au dangier D''en recevoir mesaise bien souvent :

Oyseau despit s'essore de legier ; Tantost yra en pays estrangier, Si une fois il empongne son vent.

Demandez donc, à ce propos, s'on vent Ce desduict cher, pour en dire à loysir : Plus peine y a cent fois que de plaisir.

Tenir procès touchant la netteté D'oyseaux ou chiens, cela ne conclud point Nostre argument; mention n'a esté Se ordure y a ou deshonnesteté.

C'est temps perdu, il fault venir au poinct. La question est d'éclairer au poinct Lesquelz des deux donnent plus grant esbat, Chiens ou oyseaux, vêla nostre desbat.

2b DEBAT SUR LE PASSETEMPS

Mais, puisque tant en avez tenu plaid, J'ay bien voulu respondre à cest article ; Quant au surplus, avant le jour complet. J'espère assez de jouer mon couplet Et de monstrer sans lunette et bezicle A qui voudra, s'il n'est aveugle ou biscle, Que les desduictz des chiens vallent tropmieulx Que des ojseaux à chanter parmy eulx.

Et pour entrer au train de vénerie.

Ainsi que avez traicté bien à loysir Et mis avant vostre faulconnerie.

Je allegueray la belle sonnerie, Criz et deschantz, qui se font à désir; Le passetemps, le deduict et plaisir Qu'on peult avoir en courant cerfz à force. Quant ung chascun de bien faire s'efforce.

Beau passetemps peult avoir conquesté Seigneur ayant maison de biens comblée, S'il veult chasser le long de quelque esté. Quant veneurs ont le long du bois questé : Leur rapport fait, il va à l'assemblée ; Lors trouvera toute pleine tablée De gens assis sur la belle herbe verd', Qui ont, pensez, l'appétit bien ouvert.

Là endroit sont Dames et Damoyselles,

Sur l'herbe verd' assises et couchées; Seigneurs aussi abordent emprés elles.

Leur présentant prunes vertes, grozelles. Voyre et Dieu scet s'elles sont bien touchées ! Caquet y va, comme chez accouchées :

Parle qui veult, homme n'est esconduit; Mais si voit-on ce qu'on faict et qu'on dit.

Vous avez fort la chasse desprisée Et mys les chiens coucher sur le fumier; Respondez-moy si, après la risée, Il faict beau veoir veneur, sur la brisée. Aller devant avecques son limier?

Notez icy, c'est pour le poinct premier. Il faict cent fois meilleur ouyr la meute Que veoir le vol, dont faictes tant d'esmeute.

Quant le Seigneur a mys ses chiens à part. Et le veneur reprend ses brisées querre, Celluy qui veult avoir au desduict part Loing ne se tient, mais prés sa veue espart, Veoir s'il pourra monstrer le cerf par terre. Lors le lymier s'en va ses voyes querre, A route ainsi se frappe tout avant, Et faict lancer le cerf qui va fuyant.

Si le veneur, enpoursuyvant son droict.

Voit le repos du cerf, et que au vray sache

Que le droict lict soit du sien là endroict, Est si joyeux que pour riens ne vouldroit Que ainsi ne fust : lors son lymier attache, Sonne ung long mot, et les aultres chiens lasche , Du cerf mescreu destourné plus ne double. Ainsy luy fait bailler la meute et route.

Adonc voit-on des espérons donner, Et galopper comme à course de lance ; Trompes et voix font tel son entonner Qu'on ne orroitpas à peine Dieu tonner. Et chiens d'aller : le cerf est en balance; Jaçoit pourtant que le change leur lance Ruses et saultz, son pays tournoyant :

Si sera-il tost pris, c'est pour néant.

Fuyant s'en va par fustaye et hault boys. Et fait, s'il peult, une ruze en arrière. Dont quelque foys les chienschangent leur voix. Et congnoist-on, à ouyr leurs abbois, Qu'ilz passent oultre, et le cerf est derrière : Cela est cler comme jour de verrière.

Plaisir n'est tel que avoir chiens de valeur. Qui sçavent bien reprendre voix du leur.

La noise alors commence de plus belle ; Veneurs s'en vont après les chiens huant : « Merlant, Rigault, Marteau ! appelle, appelle ! «

C'est un desduict d'oyr telle clapelle.

« Là, compaing, là, va! Veez-le cy fuyant! » Trompes et voix vont sonnant et criant; Lamentent chiens, et chevaux tant hanissent, Que les foretz du grand bruyt retentissent.

Dames sont là, en quelque lande auprès. Qui voyent venir le cerf baissant la teste, Tout plain de gens aussi fuyans après ; Grandz et petitz font de si beaux apprestz Que en brief sur luy tombera la tempeste De fort huer, qui Festonne et enteste.

La langue traict, tant la teste luy poyse : Qui cherche l'eau, c'est force qu'il y voyse.

Je m'esbahys que de aise on ne trespasse De ainsi le veoir en la rivière entrer; C'est passetemps quant il va oultre et passe. Car les veneurs, sans quérir aultre espace, Suyvent après : chascun se veult monstrer. Mais là les chiens ne peult pas rencontrer ; Si passe l'eau, puis quelqu'un en reprend, Et à chasser de plus belle on se prend.

Demandez-vous dont les plaisirs despendent, Lorsque le cerf cuyde tourner au boys, Que on voit les chiens qui aux fesses luy pendent : Ne cuydez pas que l'ung ne l'autre atendent,

3o DEBAT SUR LE PASSETEMPS

Tous à l'envy monstrent leurs belles voix Durer ne peult, il est mis aux abboys, Et n'atend plus remède d'avoir mieulx Fors tomber mort, à l'heure, devant eulx.

Ainsi je dis, par raison bien prouvée, Desduict d'oyseau, faulcon ne esprevier.

Ne donne point une joye esprouvée Telle qu'elle est en la chasse trouvée. Et mesmement, comme je la veiz hier, Qui bon l'aura pense de l'envyer.

Car de ma part oze ad ce contredire Et en tous sens renverser vostre dire.

Chasses ont cours, ne doubtez point, où elles Sont démenées ainsi qu'il appartient.

Vault-il pas mieulx veoir ung sanglier es toilles Que tout le jour baster jusque aux estoilles Pour regarder faulcon que vent soubstient? Quant beaulx lévriers bien atiltrez on tient. Et que en ung cours viennent sanglier ou lée C'est un plaisir que d'estre à la meslée.

Ronfflant, grongnant, s'en vient la fîere beste. Et là veneurs, l'espieu au poing, l'atendent ; Gens, trompes, chiens, font terrible tempeste. Aulcunes foys, le cul pardessus teste, Tombent les ungs, qui leurs jarretz estendent,

Tant sont craintifz; mais ceulx qui s'y entendent L'enferrent franc entre dents de lévriers : Aussi n'est-il ouvraige que d'ouvriers.

Avant le coup, voit qu'on luy appareille Son entremetz, par quoy tranche et descouppe Paovres lévriers en force non pareille.

Mais, se quelqu'un le peult prendre à l'oreille, Sachez que tost luy rend de tel pain souppe : Adonc se vengent chiens et lévriers en crouppe, Car pugny est lors de toutes offenses.

Et ne peult plus user de ses deffenses.

Imaginez se c'est pas beau desduict, Quant on le faict contre ung arbre aculler Environné de trente ou de vingt huyt Chiens abbayans, dont le moindre est tout duict Le bien pincer, et ne peult recuUer.

Je ne croy pas, à bien tout calculler. Que Dieu n'ayt faict expressément les boys Pour mettre cerfz et sangliers aux abboys.

Oyseau sans chiens à peine peult riens prendre ; Ce que font chiens sans oyseaux, comme on sçait, Et sans doubler qu'on me saiche reprendre, Je dis que chiens font beaulxdesduiclz comprendre Oultre et dessus les oyseaux plus Je sept. Or, respondez à ce petit verset :

Chiens prennent loups, lièvres, regnars, tessons : Oyseaux volans peuvent-ilz rend' telz sons?

En reprenant vostre conclusion, Où avez dict cjue œil faict plus que ouye, Touchant cela, c'est tout abusion, Parler n'en puis, fors en dérision, Car en voz sens monstrez estre esblouye ; Raison avez, comme il me semble, ouye, Et dont me veuil rapporter à chascun : C'est que deux biens vallent tousjours mieulx que ung.

Or, est ainsi qu'on peult deux biens avoir Par chiens courans, c'est de veoir et ouyr : Premiers ilz font les cerfz et sangliers veoir, Qui est plaisir ; puis, pour second debvoir, Les ouyr faict cueurs de gens esjouyr : En vol d'oyseaux, vous ne povez jouyr Sinon de veoir; doncques chascun congnoist Quetropmieulxvaultceque on voitetqueonoyt.

Veoir et ouyr sont les plus nobles sens Entre tous ceulx dont jouyst la personne; Telz biens se font d'ung homme aveugle absens, ;

Quant au gybier, car, s'il avoit cinq cens Faulcons amont, cela riens ne luy sonne, Et ne sçait point lequel mieulx se façonne. Fors par rapport, qui ne resjouyt pas,

Comme au chasser faict ouyr sur ce pas.

Car, s'il povoit à l'assemblée aller, Quoy que de veoir eust perdu la puissance^ Si pourroit-il ouyr les gens parler, Chiens abbayer, trompes sonner, gresler.

En quoy prendroit quelque resjouyssance.

Considérez doncques la jouyssance De ces deux biens, en tel desduict compris : Je dys que chiens doivent gagner le pris.

Aultres raisons ay assez de renfort Touchant ouyr; qu'il soit vray, par les champs La chose en quoy on prend desduict, confort, Joye et plaisir, dont on se esjouyst fort, C'est escouterles mélodieux chants Des oysillons volletans et marchans Sur buissonnetz : par quoy conclure vueil Qu'en cest endroict l'ouyr faict plus que l'œil.

Besoing eusse eu apprendre ma leçon Pour renverser les raisons que vous dictes. Car de ma voix est trop foible le son. Si suis d'avis que au Juge nous laisson Tout le surplus, sans user de redictes. Et, se de luy ne sommes esconduictes Quant devers luy envoyrons, or'endroit Il jugera qui aura tort ou droict.

A tant cesse ceste Dame afestée, Qui bien monstra estre fort affectée A soustenir vaillamment son affaire.

Si fault noter que l'aultre eut fort affaire A se garder de luy trancher parolle, Car il sembloit qu'elle jouast par roll^, Et que non plus eust peine de vuyder Langage à poinct que fil à desvuyder Luj cousteroyt; mais non pourtant elle eut Maintien rassis ; puis à son tour esleut Temps et loysir de répliquer ainsi, Ou à peu prés que je l'ay mis icy,

LA DAME A l'eSPREVIER REPLIQUE

Bien suis d'accord qu'on face mettre en voye Homme entendu, qui ce plaidoyé porte, Cloz et scellé, au Juge, afïin qu'il voje Le démené, et sur ce nous envoyé Vray jugement qui au droict se rapporte; Mais ne pensez que à tant je me déporte, Car il fault bien que ma parolle applique A vous donner quelque mot de réplique.

Se, comme vous, la grâce ne dessers

De bien parler, si n'est mon sens seduyt, Que n'ose assez monstrer de quoy je sers, En répliquant sur la chasse des cerfz, Dont tant avez blasonné le desduyt.

Vous dictes bien comment on se conduyt, Et combien sont Seigneurs et Dames ayses ; Mais vous taisez les peines et mesaises.

Appellez-vous plaisir de tracasser Après les cerfz, pour prendre lourdes tailles, Voire au danger de jambe ou bras casser ? Vault-il pas mieulx chanter et ricasser A veoir voiler petitz perdreaux et cailles? Qui me diroit : « A ceste heure il fault que ailles Courre un cerf, » non, je reponds, que ne peine Jamais pour veoir plaisir de telle peine.

De veoir sangliers, ainsi qu'il vient au cours, C'est passetemps entremeslé de crainte : Le plus souvent qui n'auroit du secours, Ung seul hasard met la vie en decours. Fourrez-vous-y pour avoir telle estrainte ! Esbat ne vault, qui se faict par contrainte; Non faict desduict, quant il met gens en doubte ; Où danger est, lyesse afîoiblit toute.

Vous concluez que oreille faict plus que œil En tous desduictz qu'on peult au monde prendre.

S'il est ainsi, le gracieux accueil

Dont vozyeulx ont dressé maint bon recueil

A peu souvent envers plusieurs mesprendre.

Quant est de moy, je ne puis pas comprendre

Que l'œil ne soit plus à recommander,

Et à propos je vous veuil demander.

Deux hommes sont maintenant cy endroit ; L'ung perd lesyeulx, et l'aultre sourd devient : A vostre advis, lequel des deux perdroit Plus, ou celluy qui n'oyt goutte par droit, Ou l'aveugle que conduire convient?

Il est certain que trop plus mesavient Au non voyant, car il perd la plaisance De veoir, dont peult l'autre avoir ample aisance.

Ceste raison suffira désormais Pour vous trencher et fermer le passage. Par ce moyen, de parler me desmetz Et de tous poinctz au Juge me soubmetz, Sans plus tenir termes d'avocassaige.

Je croy et tiens qu'il est en ce cas saige Et bien instruict, où plusieurs sont deceuz. Ainsi concludz mon faict comme dessus.