L*" ACTEUR

Sur piedz se mist l'autre qui vis-à-vis

DES CHIENS ET DES OISEAUX Sy

Jà preste estoit de dire son advis,

Et promptement cuydoit encor respondre.

Si la raison y eust sceu correspondre;

Mais ce eust esté pour toute la sepmaine,

Qui eust voulu : car, quand procès se meine^

Et mesmement entre femmes de sorte.

Souvent n'advient que aysement on en sorte :

A tous propos chascune veult avoir

Le dernier mot; c'est belle chose à veoir.

Or, les Seigneurs, qui leurs femmes ouyrent Si bien parler, tresfort s'en resjouyrent. Tant que tous deux voulsissent endurer Que ce procès deust longuement durer; Mais nonobstant, pour complaire aux gourmetz, Desliberez desjuner de gours metz Et arroser subgorge et porte mors Du poil du loup dont avoit esté mords, Fut advisé, pour abréger ce compte, Donner conseil d'envoyer vers le Comte Dessus nommé, qu'on a esleu à Juge, A celle fin que par sentence adjuge Qui a le tort ou droict. Sur ce, l'ung d'eulx S'en vint parler aux Dames toutes deux,

Disant : « Or çà, j'ay trouvé homme saige. Si vous voulez, pour faire le messaige :

C'est un mien Clerc habille et entendu Pour escouter et parler en temps deu.

Il est sçavant et fort léger de main, Qui pourra bien, avant huy que demain, Mettre en escript ce que avez proposé, Et cognoistrez qu'il n'aura prou posé De le porter au Juge que sçavez.

Messaiger sûr, dont connoissance avez, Debvez plustôt envoyer par chemin Que ung estrange brouilleur de parchemin. — Mais où est-il ? Faictes-le-nous venir. Meilleur secours ne nous peult advenir, Disent-eir lors; pour Dieu ! que nous l'ayons, Affin que plus sur ce ne délayons. »

Le Chevalier tout soubdain se despart Et, en un coing de vergier^ treuve à part Son Clerc caché entre feuilles grant nombre, Non pour dormir ne reposer en umbre, Mais, aussi coy que homme qui prend ablettes, Avoit le tout couché sur ses tablettes, Tout l'argument, voire de poinct en poinct, De ce procès, en quoy ne faillit point.

Lors le Seigneur par la main leur présente Et dist : « Voyez que à ceste heure présente A mynuté? » Si veirent tout descript

Leur différent en assez peu d'escript.

Bien aises sont et se avancent de dire :

« Tresdoulx amy, ne nous vueilliez desdire.

Si vous avez encor du papier net,

Plume taillée et de l'ancre au cornet,

Escripvez-nous, sans y mettre ne oster,

Le tout ainsi que l'avez sceu noter ;

Car, pour certain, on ne sçauroit mieulx mettre

Nostre desbat en prose ne en mètre;

Puis, s'il vous plaist, le porterez au Comte

De Tancarville, auquel ferez le compte,

Et de par nous luy direz que tresfort

Le supplions qu'il vueille mettre effort

De regarder ce que luy envoyons,

Et que le sien jugement en voyons.

Mais gardez bien, si voulez tant amer

Nous obeyr, de paroUe entamer

Et, vous deust-il donner charges et sommes

D'or et d'argent, de dire qui nous sommes;

Soyez secret, et besongnezsi bien

Que en acquérez bruyt d'estre homme de bien;

En ce faisant qu'on vous commande, certes

Tresbon loyer aurez de voz dessertes. »

Le Clerc respond : « Si heur et grâce avoye Et accomplir voyage grand sçavoye,

Pour voz plaisirs, mes Dames, je fais veu A tous les Sainctz que jamais ne fut veu Homme si prest que je seroye affin De voz plaisirs et vouloirs mettre à fin, Et, au regard de l'affaire présent, Cueur et vouloir vous offre pour présent, Et croy que, avant le jour soit à compile, Du tout sera la besongne accomplie.

Aussi raison veult que de corps et de âmes Loyaux servans obeyssent aux Dames. »

Ancre et papier va prendre, et met en terre L'ung des genoulx, si escript de grant erre, Et pour le veoir, pource que bien luy sied, Chascun auprès sur l'herbe verd' se sied. Le temps pendant, les Seigneurs se pourmeinent, Qui des propos et devises prou meinent. Celluy de qui la femme tient pour chasse, L'autre convie, aguillonne et pourchasse. Dicte, en allant tant par long que par lé De ce vergier : « Lequel a mieux parlé ? » Adonc respond : « Je dis que c'est ma femme, Car aultrement je seroye homme infâme.

Dieu ayme ceulx qui leur bonne partie Ayment tousjours, sans faire départie. » L'aultre soubdain prend à l'encontre dire :

« Quoy! n'osez-vous aultrement contredire?

C'est trop tenu des Dames en ce pas.

Offre vous fais, ne le refusez pas :

J'ay un beau chien, aussi bon rechasseur

Que de longtemps pourra trouver chasseur ;

Je suis content le vous donner, pourveu

Que devant tous ne serez despourveu

Dire tout hault : « Ma femme n'est pas saige

De soustenir oyseaux en ce passaige; »

Et puis direz que la mienne a bon droit

Parler si bien des chiens en cest endroit. »

Le Chevalier prenoit bon appétit D'avoir ce chien : sy songea un petit, Puis s'advisa tout à coup, et va dire : « Honte seroit à moy de contredire !

C'est ung abus de vouloir redarguer Femme qui est ouvrière d'arguer, Et sçait assez de plaid pour tenir rencs En Parlement : vostre chien je vous rends ! — En bonne foy, dit l'aultre, bien sçavoye Que ainsi seroit, cela s'en va sa voye, Car je entendz bien que ung vent de la chemise Vous garde avoir parolle lasche mise :

Ce train debvez tout vostre saoul tenir, Puisque tousjours vous veult bien soustenir. >.

Le bon Seigneur endura ceste attaincte, Et pour cela sa couleur en a taincte.

Quoy qu'on en dist, il n'en faisoit que rire. Quant Dames ont tout leur cas faict escripre, Donnent congé au Clerc, mais, avant ce, Luy prient bien fort que du retour s'avance.

Tout gay s'en va comme ung aventureux, Disant qu'il est doresnavant heureux, Si peuit avoir la bonne grâce acquise Des Dames, veu qui a jà pieça quise.

Si bien picqua, que après midy, ce jour, A Blandy vint, où faisoit son séjour Le Comte, lors estant devant sa porte.

Qui sur son poing à l'heure ung faulcon porte. Honnestement, comme bien faire sceut, Luy présenta ces lettres, qu'il receut Bien voluntiers, et luy dist : « Mon Seigneur, Je croy que Dieu aujourd'huy m'enseigne heur D'estre arrivé, ceste part-cy, à poinct. Ce m'est grant heur, de cela ne mentz point.

« Celles pour qui j'ay une charge prise. Deux Dames sont, que fort on loue et prise, Qui devers vous m'envoyent pour ung débat Entre elles meu, mais ce n'est que d'esbat, Treshumblement vous suppliant permettre

Celer leurs noms pour l'heure et à part mettre Le jugement sur les raisons et faictz Où elles ont cueurs et vouloirs affectz ; D'en veoir la fin, ja longtemps y a, tendent, Et à vous seul de tout poinct s'en atendent, Dont, s'il vous plaist, verrez le contenu De l'argument, qui n'est ung compte nud. «

La lettre ouvrit, affin de veoir et lire Qu'elle contient; si luy fut force eslire Ung lieu à part, pour rire et reposer : Car quant il vit la matière poser En si bon train, bien pense trouver tasche Plaisant à veoir, puisque ainsi Dame tasche Mettre en avant ung si gent argument, Veu que souvent femme que on argue ment : Si dist au Clerc : « Mon amy, je ne sçay D'où vient cecy, et se c'est ung essay, Mais je vueil bien à ces Dames complaire. Et de longtemps à toutes beaucoup plaire, Monstre-moy tout l'escript et démené De l'argument, à leur mode mené :

Veu qu'elles m'ont en la matière quis.

Pris et choisy pour juge, il est requis. Premier que aulcun jugement leur envoyé. Que bien au long tout le procès en voye. »

Lors prend l'escript et se retire à part ; Mais à ses gens charge que de sa part Soit bien traicté le Clerc, qui pour message Est, comme il croit, au gré des Dames, saige. De mot à mot, voit les argus et dictz, Frians caquetz, avantageux edictz, Que Dames font chascune en son endroict, Qui ne sont pas du tout fondez en droict. Mais toutesfois si bien sçavent parler, Que leur renom en doibt bruyre par l'air. Quant il aveu tout au long et à poinct Leurs argumens, où l'une et l'aultre poinct, Et qu'il a bien regardez et cottez Les contreditz de tous les deux costez. Son jugement a basty et tissu.

Mais, pour monstrer que de luy est issu, Après l'avoir faict escripre aussi net Que possible est, de son petit signet L'a cloz, scellé, fermé et cachette, Et pour présent mieulx donné que achepté, Le baille au Clerc, disant : « Amy, tournez D'ond vinstes hyer, et ne vous destournez Que de par moy ne présentez salutz Humbles autant que ayent esté pieça leuz. Aux Dames dont avez charge, et leur dictes

Que tout au mieulx que j'ay peu, sans redictes, Sur leur débat sentence ay or' donné, Comme raison et droict l'ont ordonné. »

Son congé pris, tant faict, par ses journées, Qu'il va trouver les Dames sesjournées; Mais premier vient en la maison de celle D'ond il partit : doncques demandez s'elle Luj feist accueil ; cela s'entend assez. Lors dist le Clerc : « Si ung cent entassez Ensemble estoient de salutz que le Comte Par moy vous mande, on en feroit ung compte, Comme je croy, Madame, par mon ame , Bien souffisant pour monstrer qu'il vous ame. Par cest escript son jugement verrez, Où, en voz dictz, ainsi qu'il trouve, errez. Mais je ne sçay laquelle ce sera; En le voyant, le doubte cessera. »

Belle envye eut faire quelque ouverture, Mais elle veit, dessus la couverture De ce pacquet, l'emprainte du signet; Si dist : « Je n'ay loy de l'ouvrir, si n'est Présent partie. » Et à l'heure se part, Sans aultre arrest pour aller ceste part. Et tant picqua que, sans longue demeure, Fust au chasteau où la Dame demeure.

Au rencontrer, bon recueil s'entrefirent Et le pacquet incontinent deffirent, Car toutes deux, depuis que sont en vye, N'eurent de veoir lettres si bonne envye : Desployé fut, et mis entre les mains Du jeune Clerc, qui en eust tout du moins Cent beaux escus et de poids, pour le lire. Se de malheur n'eut faute à les eslire. Lors commença de dire la sentence, Selon l'advis que le juge sceut en ce.

s'ensuyt le jugement

« Comme procès fust puis n'a gueres meu Entre les deux Dames toutes gentilles.

Qui, de froid sang et sans courage esmeu, Ont ung débat ensemble et de mesme eu, Plain de raisons et paroUes subtilles : Requis nous ont, en fort gracieux stilles, Que voulsissions donner, de nostre advis, Le jugement sur leur noise et devis.

« Leur débat vient du desduict et plaisance Qu'on prend aux champs, et dit une, ce semble, Que en vol d'oyseaux a plus de jouyssance De beaux desduictz, pour prendre esjouyssance, Que en tousles chiens qu'on sçauroit veoir ensemble.

L'autre soustient le contraire, et assemble Tout plain de biens sur chiens, disant que d'eulx Pour un plaisir d'oyseaux en viennent deux.

« L'une met sus cinq loûenges fort belles Sur les oyseaux, qu'elle sçait bien descripre; Puis dit que chiens sont mausades, rebelles, Et faict contre eulx fort estranges libelles. Mais tout cela seroit long à escripre : Par son escript les vouldroit tous destruire Pour eslever oyseaux jusques aux cieulx, Tant sont, ce dict, plaisans et gracieux.

« Quoyque lepoinctde leurs premiers debatz Ne soit fondé sur beautez, ne bontez De chiens, n'oyseaux^ mais sans plus des esbatz Et beaulx desduictz qu'ils donnent hault et bas, Ceste pourtant rend les chiens déboutez, Et dit qu'ilz sont sur les fumiers boutez, Comme villains, et qu'oyseaux netz et gentz Se voyant porter des roys et nobles gens.

« Tous les desduictz que on peult en oyseaux prendre Couche tresbien à son intention.

Entre autres veult vol d'esprevier comprendre, Et du faulcon, pour le mestier apprendre En ces deux a fort grande affection ; Dit et maintient que la perfection

Des oyseaux rend la personne pourveue De son plaisir, qu'on peult choisir par veue.

« Sa raison prend sur l'œil, qu'elle dict estre Vraj messagier du cueur, et par nature Est si tresfranc, si prompt et si adextre, Qu'en tous desduictz choisit la partie dextre; Et donne au cueur une telle poincture Que tout le corps n'a veine ne joincture Qui n'ayt soûlas : parquoy est esjouy De plaisir veu plus que d'un aultre ouy.

«Veoirvol d'oyseaux est plus plaisir que ouyr L'abboy des chiens, selon son argument, Et devant tous soustient que, pour jouyr Au passetemps qui peult gens esjouyr, Cestuy vault mieulx, à tout bon jugement, Et sur ce point conclud bien sagement, En protestant, s'elle y sent interest, De répliquer après, se mestier est.

« De l'aultre part, se met à la traverse Celle qui veult les chasses maintenir ; Si dit et tient estre partie adverse En cest endroict, et à l'aultre renverse Tous les propos qu'elle a voulu tenir, Met en ses faiclz et veult bien maintenir Qu'on doibt les chiens, comme il luy semble, ay mer

DES CHIENS ET DES OISEAUX i^g

Autant ou plus que oyseaux, sans riens blasmer.

« Touchant les maulx que aux chiens a reprochez, Elle rabbat assez bien les coutures, Et doulcement ces motz luj a touchez, Que on les permet souvent estre couchez Sur lictz parez de belles couvertures : On faict aux chiens si bonnes nourritures, Comme elle dict, que jamais n'abandonnent Ceulx qui les ont pour peine que leur donnent.

« Après qu'elle a usé d'une reprise Sur tous les poinctz que l'autre avoit desduictz, Le passetemps de chasse loue et prise, Et, sans mentir, se monstre bien apprise. Car gentement en touche les desduictz; Si dit comment veneurs sont faictz et duictz Destourner cerfz, chevreulx, sangliers et lées, Au rencontrer par leurs voyes et lées.

« Elle poursuit et met, par ses escriptz, Le beau desduict que en forestz et buissons Vient de courir les cerfz; puis a descris Le bruit des gens, le fort huer, les cris, Et belles voix qui n'ont pas meschans sons ; Impossible est d'ouyr jamais chansons Mieulx à son gré, se bien compare à dix. Et dict que c'est un petit paradis.

5o DEBAT SUR LE PASSETEMPS

« Par le menu, deschiffre le plaisir Et bel esbat, qu'on trouve en vénerie, Mais dit comment ung ayse vient saisir Le cueur de ceulx qui pevent veoir à loisir Le cerf fuyant devant la seigneurie :

Telz desduictz n'a en la faulconnerie, Mais est douleur de veoir gens esperdus, Quant oyseaux sont essorez et perdus.

« Dit plus que chienssçavent bien bestes prendre Sans les ojseaux qu'oyseaux ne font sans eulx, Dont à blasmer est moult et à reprendre Celle qui veult à ung bon maistre apprendre Que les desduictz des oyseaux vallent mieulx : Si entreprend soustenir en tous lieux Qu'ainsi jamais ne fut veu ne trouvé, Et dict l'avoir suffisamment prouvé.

« Après qu'elle a plusieurs responses faictes, Ung mot reprend, dont l'autre s'avantaige, Sur ce que veoir, en toutes joyes parfaictes, Faict plus que ouyr; mais, pour telles deffaictes, Ne peult avoir, ce dit-elle, avantaige : Le corps et biens offre mettre en ostaige, Sur le rapport de chascun et chascune, Se l'on doibt pas plus priser deux joyes que une.

« Et, oultre plus, dict que veoir et ouyr

DES CHIENS ET DES OISEAUX 5l

Sont deux plaisirs que chasses font avoir, Et que en voyant le cerf on peult jouyr De passetemps, puis doibt-on s'esjouyr, Ouyr les chiens et plaisir recepvoir En leurs abboys; si est bon à sçavoir Que des oyseaux n'est personne pourveuë De nul esbat, fors seulement de veuë.

« A ce propos, une raison desduict Et dit : Celluy qui goutte ne verroit, Pourveu qu'il fust à l'assemblée conduyt, Auroit sa part au plaisir du desduict, Quant seulement le bruyt des chiens orroit; Mais en oyseaux prendre esbat ne pourroit. Ainsi conclud que, par veuë et ouye, De nostre Arrest debvra estre esjouye.

« En répliquant, l'autre Dame veult dire Que craincte faict tout plaisir estranger, Et qu'elle entend plainement contredire A telz desduictz, et les faire interdire, Veu qu'il y a si merveilleux danger; Cerfz et sangliers donnent, pour abréger, D'ung seul plaisir cent milliers de douleurs. Et dict que esbatz des oyseaux sont meilleurs.

« Et au regard de ce que l'aultre tient Que en tous desduictz ouyr faict plus que veuë,

Sa DEBAT SUR LE PASSETEMPS

De ce poinct-là contredict, et soustient Qu'il est mieulx deu à l'œil, et n'appartient Que devant luy l'ouye en soit pourveuë; Et par ainsi,, sans faire aultre reveuë, Dit que trop plus rendent cueurs esjouiz Les plaisirs veuz que ceulx qui sont ouyz.

« Puis, met en jeu ung aveugle et ung sourd, En demandant lequel a plus perdu :

La question vient d'elle-mesme, et sourt. Si y respond et dict : « Moins se ressourt Le non voyant, et plus est éperdu. »

Ainsi, sur veoir, conclud au résidu, Que les desduictz d'oyseaux^ par nostre edict, A son rapport devroient avoir crédit.

« Or donc, après que avons leu et cotté Le démené de toutes leurs raisons, Veu, visité, espluché et gousté Tous leurs procès d'ung et d'autre costé, Dictz, contreditz, offres, comparaisons, Reproches faictz, répliques et blasons, Par meur advis, ayons sceu modérer :

Ce que en tel cas faict à considérer.

« Et, tout bien veu selon les faictz produictz, Pour rendre acquit du devoir obligé, Disons qu'en chiens de bonne race, duictz

A courir cerfz, y a plus beaux desduictz Que en vol d'oyseaux. Ainsi l'avons jugé, Et le vray droict à la Dame adjugé, Qui la rai:on sur veoir et ouyr cause, Despens partout compensez, et pour cause. »

l'acteur

En prononçant l'Arrest contenant ce Qu'a esté dit, Dieu sçait la contenance Des Dames lors, et sembloit, à veoir l'une, Qu'elle eust cerveau pour tenir de la lune : Ayse et plaisir ont son cueur si fort pris. Quant elle a sceu avoir gaigné le pris, Que, tout ce jour, de parler ne prit cesse, Voire et tenoit vrays termes de princesse : « Qu'en pensez-vous? disoit-elle en moquant A l'autre Dame; on ne sonne mot quant Le cas va mal : c'est le batz qui nous blesse. Parlez-vous point? Veez cy, belle noblesse. »

L'aultre luy dist, faisant basses minettes. En soubzriant : « Contente à demy n'estes. Si ne mocquez ceulx à qui la fortune Dict aussi mal, mais vêla au fort une : Raison me meut porter patiemment.

Et n'en auray au moins pas sciemment

Deuil ne despit, car, de perte ou dommaige

Que aye en ce cas, ne vous doy poinct d'hommaige,

Le Juge a bien ce procès assemblé

Et en a dict ce que il luy a semblé.

Mais aussitost fera convertir croye

En noir charbon que de ce je le croye.

Toutesfois, veu que avons faict tel esdict,

Son jugement tiendray à faict et dict. «

Sur l'heure entra une assez grosse bende De survenans, et ainsi qu'on se bende, Homme n'y eut qui ne print sa pareille Pour deviser : lors chascun s'appareille Mettre à l'envy devises et caquetz, Car telz mignons ne demandent que acquetz Sur nouveau fruict d'amoureuse conqueste, Et aujourd'huy c'est bien force qu'on queste Pour destourner jeunes bestes au coursj Dont les plaisirs sont si maigres et cours, Qu'il vauldroit mieulx employer sa jeunesse Pour avoir cerfz à force, car jeu n'esse De poursuyvir biches blanches, qu'on sent Change chercher, quant la ruse y consent.

Si on enquiert que depuis il advint

Touchant l'Arrest, des tesmoingz y a vingt Qui pevent sçavoir ce qu'en fut dit et faict, Et s'il sortit plain et entier effect : Car, de ma part, n'ay rien mys en ce livre, Fors ce qu'ay veu, et vueil bien qu'il se livre Devant chascun qui voudra l'accueillir.

Pour si petit de bien que ay à cueillir. Si mal y a, je requier qu'on Tefface, Et qui sçaura mieulx faire, qu'il le face.