DIZAINS CI-CIV
cm
Suyvant celuy, qui pour l'honneur se jecte, Ou pour le gaing, au péril dangereux, Je te rendy ma liberté subjecte, Pour l'affranchir en vivre plus heureux.
Apres le sault je m'estonnay paoureux Du grand Chaos de si haulte entreprise, Ou plus j'entray, & plus je trouvay prise L'Ame abysmée au regret, qui la mord.
Car tout le bien de l'heureuse surprise Me fut la peur, la douleur, & la Mort.
L'affection d'un trop haultain désir Me benda l'œil de la raison vaincue :
Ainsi conduict par l'incongneu plaisir, Au Règne umbreux ma vie s'est rendue.
Lors debendant ceste face esperdue, Je vy de loing ce beau champ Elisée, Ou ma jeunesse en son rond Cotisée ' Satyrisoit contre Solicitude, Qui liberté, de moy tant fort prisée, M'avoit changée en si grand servitude 2.
