Au Roy

Madrid, 18 novembre 1568.

Sire, Ma dernière depesche du xxx d'octobre a esté par le s' de Parizot; j'ay depuis receu le viij"' du présent celle qu'il a pieu à Votre Majesté me faire du xviij""' dud. mois; et n'eusse failly d'aller à Escuryal acomplir le contenu de votre lettre pour advertir le Roy d'Kspagne du secours que Mons' le mareschal de Cossé est allé mener à Mons' le duc d'Alve par votre commandement; mais je scay, Sire, que je luy auray faict plus de plaisir de l'en adviser par lettre; ce que j'ay faict le mesme huictiesme de ce mois, luy envoyant ce qu'il a pieu à Voz Majestez m'en mander; car il n'y avoit paroUe que led. sieur Roy ne peult voir. A quoy il m'a faict respondre par le secrétaire Cayes, qui m'a donné sa response par escrit, dizant que Sa Majesté me sent bon gré de quoy je luy ay envoyé les lettres et bonnes nouvelles que j'avois receu de France par le maistre de la poste de Rayonne, et particuUierement qu'il a esté fort aize de la deffaicte des Prouvenceaulx et espère en Notre Seigneur que astheurecy vous. Sire, et la Royne estes déterminez de prendre la chose à bon

N» i54. — 18 NOVEMBRE i568 i9

escient; et avec le couraige que Voz Majestez monsirent, vous achèverez dans peu de jours de deffairo voz rebelles; et viendront nouvelles d'autres semblables et meilleurs succez, lesquelz ceste Majesté Catholique vous désire en esgal et pareil désir de prospérité qu'en ses propres affaires; vous remerciant, Sire, bien fort de la bonne volunté et promptitude dont Votre Majesté a ordonné à Mons' le mareschal de Cossé d'assister au duc d'Alve avec gens de pied et de cheval en cas qu'il en eust besoin et du commandement qui, sur ce, luy fut faict; laquelle chose estant advenue en saison que Votre Majesté a si grande neccessité de vos forces, ced. S' Roy estime led. secours en tout ce qu'il est raison de le prizer et ainsi vous en sent très bon gré et baizeles mains à Voz Majestez pour led. secours; vous asseurant, Sire, qu'en tout temps et occasion il correspondra à Vosd. Majestez par les mesmes oeuvres, amour et volunté de fort entier filz et frère; duquel secours l'a pareillement adverty bien amplement don Francés d'Alava son ambassadeur. Qui est. Sire, ce qui m'a esté respondu à votred. lettre et n'y a nouvelles à présent que de la venue de l'archiduc Charles qui debvoit partir de Grade le xxv"* d'octobre pour venir par deçà de par l'Empereur; il court à soixante chevaulx et debvoit s'embarquer à Gennes sur les gallères de Mons' de Savoye pour descendre à Barcelonne ; au devant duquel iront quelques seigneurs principaulx de ceste court le trouver bien avant sur son chemin acompagnez de quarante archers de la garde EspagnoUe; environ lequel temps de son arrivée, soit devant ou après, led. S' Roy s'en viendra de TEscurial ; le logis dud. archiduc sera dedans le pallais deffrayé et servy par les officiers de la bouche de Sa Majesté.

La gendarmerie de Castille qui faict deux mil • chevaulx ou environ est mandée aller en Navarre; car ilz se craignent de la royne de Navarre merveilleusement depuis que elle s'est retirée à La Rochelle ; et a esté commandé faire ung bollevart en toute dilligence à Pamplonne au droict de la grand esglise.

Il y avoit quelques François par force sur les gallères d'Espagne qui avoient esté prins en divers tempz sur la mer en nombre de quarante ou cinquante; lesquelz sont esté délivrez en

vertu d'un commandement du Pape. J'en ay veu ung nombre qui me sont venuz visiter en s'en retournant.

Sire, don Diego de Courdoue, premier escuier du Roy Catholique, acompagné du secrétaire Caves, lequel s'employe voluntiers pour votre service, me sont venuz trouver le dix"' de ce mois; et m'a dict icelluy don Diego que le Roy son maistre luy avoit commandé consigner en mes mains les six meilleurs chevaulx de son escuyrie, desquelz il avoit faict don à la feu Royne sa femme, quiles voUoit envoyer à Votre Majesté ;lesd. chevaulx estoient choisiz, mis à part et pretz à m'cstre délivrez quand je vouldrois; laquelle délivrance m'a esté faictc lendemain; et je les ay consignez au s' baron de Bornezel, qui s'en est chargé incontinent pour les mener et conduire à ses despens à Votre Majesté avec autres six qu'il vous enmene; et sont douze chevaulx d'eslite ; entre lesquelz y en a ung de ceux que led. S' Roy vous donne, qui s'appelle Velles, et est de huict ans, qu'ilz estiment dix mil escuz, pour votre personne ung jour de bataille; il est bay clair, la queue et crains noirs, les pieds blancz et une liste blanche bien essizc au vizage, grand et fort de ses membres comme ung poLit roussindeDaumarlz, grand coureur, saulte bien ung foussé et n'a peur de rien. Le marquis de Velles qui l'a donné à cesle Majesté a tué de sa main estant monté sur led. cheval plus de trente Turcz aux descentes qu'ils ont faites ces ans passés sur la coste de Grenade. Le plus vieil des autres cinq n'a que de sept à huict ans et le plus jeune est de cinq. J'ay opinion. Sire, que Votre Majesté s'en contentera et pareillement de ceulx dud. baron de Bornezel, lesquels sont de quatre à cinq ans sans plus; mais il seroit bien advisé qu'il vous pleust, Sire, envoyer une bonne chaisne d'or à Tescuyer Vasques qui a aydé à choizir lesd. chevaulx que le Roy Catholique vous donne; car ce n'est pas tout faict pour ce coup, ains il en fauldra demander d'autres toutz les ans et envoyer des courtaultz et haquenées en change, ainsi que led. Vasques a dict aud. sieur de Bornezel et l'a adverty d'un nombre de courssiers et chevaulx qui sont à Milan et se gastent au séjour, lesquelz y furent menez lorsque ceste Majesté pensoit passer en Flandres; et si Votre Majesté les demande, led. Vasques croit qu'ilz vous seront facillement donnez par le moyen que led. sieur de Bornezel vous dira; lequel

N'»' i54 ET 155. — 18 NOVEMBRE 1568 21

feist hier acheminer lesd. douze chevaulx le chemin de Rayonne où ilz arriveront dens le deux ou troisiesme du mois prochain; les signalz de ceulx que led. S' Roy vous donne vont en espagnol avec la présente.