A la Royne

Madrid, 18 novembre 1368.

Madame, Le retardement de ceste dcpesche vient de l'absence du Roy Catholique, lequel est plus content que les ambassadeurs negotient avecq luy par escript que en personne quand il est en ses maisons des champs. Il m'a faict respondre par le secrétaire Caves ce que j'escris au Roy et m'a envoyé sa lettre pour Votre Majesté; le baron do Rornezel a esté prendre congé de luy à Escuryal, qui m'a asseuré l'avoir laissé en bonne santé; aussi le sont Mesdames les Infantes, ausquelles Madame la duchesse d'Alve a les yeulx et le cueur de près pour les faire bien servir. Elle gouverne tout Testât delà feu Royne leur mère, et comme depuis le premier jour que lad. duchesse a esté camerière major elle tenoit maison à une partie des dames de lad. Majesté, elle la tient à toutes depuis son trespas sans que pour cella l'ordinaire desd. dames cesse et toutes mangent à sa table comme nonains avec leur abbesse. J'ay entendu que lad. Dame Royne a ordonné par son testement que sa maison soit entretenue tout ung an entier après sa mort, tant de la ration comme des gages; et, passé lad. année. Sa Majesté veult que leurs gages leur soient continuez chez eulx ou quelque part qu'ils aillent; et telz autres legatz m'a esté dict avoir esté ordonnez qui importent grosses sommes; ce que je n'ay encore peu descouvrir; et font faire le cardinal, don Jehan Manrrique et autres depputez chacun jour l'estimation des bagues, joyaulx, habillementz, vaisselle et meubles de mad. Dame, en intention de régler lesd. legatz jusques au quint de la valleur que tout cella seraprizé; car disent qu'il n'est permis au testateur de laisser pour son ame ny pour autres charges au plus fort que la cinquiesme partie de la valleur de son bien. Je mectray peine d'avoir lad. estimation, afin de l'envoyer à Votre Majesté; ne vouUant faillir, Madame, à vous dire que je fuz visiter l'autre

jour Madame la Princesse que je n'avois point veue depuis le decez du Prince son nepveu, tant à cause que elle demeura ung temps retirée pour le dueil comme aussi pour avoir eslé mallade longuement de fiebvre, et Festoit lors du trespas de lad. feue Royne que son Alleze a fort plaingte, et l'a regrete encore selon son dire, comme si elle fut sa propre seur; et me demandoit de la santé du Roy et votre et de voz nouvelles d'une sorte qu'il me sembloit que son Alteze dezire de cueur comme de bouche la prospérité de tout ce qui touche Voz Majestez; et se cognoist à son vizage qu'elle a esté bien mallade; et nul des ambassadeurs a heu la liberté de la visiter sinon moy, m'ayant faict entendre par lad. duchesse que je puis y aller à toutes heures, car le Roy sou frère et son Alteze me tiennent, pour votre respect, comme fammillicr de leur hostel et non pour estranger; laquelle va souvent visiter Mesdames les Infantes ou bien lad. duchesse les luy faict porter et les accompagne chez elle.

Madame, Ton s'informe de moy souvent quand doibt arriver Mons' de la Trimoille; je respondz ne le scavoir point; car Voz Majestez ne m'en ont rien mandé; aussi est ce que je ne scay je vent ny nouvelle de luy, ny quel chemin il aprins. J'eusse vollu de bon cueur qu'il vouseust pieu que sa venue fut esté du temps de mon successeur et vous cstre daigné contenter du peu de service que je vous ay faict en ceste ambassade, car je n'ay entendement ny l'esprit pour m'en aquicter dores en avant, comme votre service requiert, ainsi que j'ay prié Mons' de LigneroUes vous remonstrer; et syje n'eusse eu espérance d'obtenir mon congé au bout de mon trienne qui est passé en septembre, il ne me fut pas advenu d'en renvoyer ma femme ny partie de mes meubles, comme je feiz dernièrement en may ; qui sera. Madame, à vous faire entendre le contraire de ce que quelque faulce langue aura advancé, que j'eslois instigateur des offices que la feu Royne votre fille faisoit envers Votre Majesté pour me continuer par deçà; car Dieu me confonde si jamais je Ten priay ny feiz prier, ains la suppliay souvent de ne le faire point, ainsi que le baron de Bornezel vous pourra tcsmoigner par les propoz qui passèrent entre lad. Majesté et moy luy présent et oyant, le jour de S' Michel dernier; Dieu vueille que je ne soye tenu sus-

nM55. — 18 NOVEMBRE i568 23

pect aussi pour l'honneur que le Roy Catholique m'a nagueres faict de mander à Mons' de Rieux et à Madame de Rieux sa mère, qu'ils vueillent tenir à baptesme en son nom et de Madame rinfante Ysabeau une mienne fille dont mad. femme s'est délivrée à son retour en France, qui est ensuivant le vouloir de la feu Royne mad. Dame; et seray par adventure taxé de mes envyeulx pour le présent que ced. S' Roy a envoyé à mad, femme d'un coUyer estimé douze cens ducatz. Mais cella. Madame, ny touz les biens qu'on me scauroit faire n'esbranleront jamais la fidélité que je vous doy, à laquelle n'y a roy ny prince qui sceut mectre priz pour la corrompre; et puis, Madame, qu'il plaist au Roy et à vous me commander que je continue ceste charge, je vous obeiray ; mais encore eusse je bien voullu scavoir pour combien de temps, afin de composer mes affaires là dessus, car j'ay femme, enfans et maison et suis en païs estranger; ou si ceste continuation n'estoit que pour la commodité de celluy qui me doîbt succéder, ce seroit me faire tort; car il n'y a moindre raison de m'accommoder à moy que à luy pour ce que je ne pense pas de me retirer en France pour y demeurer inutille, ny oysif^ aius vous y faire trop plus de services pour soldat que je n'ay faict icy pour ambassadeur.

Madame, ung secrétaire de Tarchiduc est arrive depuis deux jours; j'ay à ceste cause retenu ma depesche jusques au matin, afin d'aprendre quelque nouvelle ; mais je n'ay peu scavoir sinon que son maistre peultestre de ceste heure à Gennes ; lequel vient en intention de paciffier de par l'Empereur, s'il pourra, les differendz de Flandres et remettre le prince d'Orenge en la grâce du Roy Catholique ; verra de moyenner pareillement la restitution des biens des enfans et heretiers des contes d'Agamont, Bornes et autres mortz et proscriptz, ne s'estant voullu laisser entendre led. secrétaire si sond. maistre vient pour autre fin, ce que ces Espaignols croyent et que c'est pour traicter des mariages. Ne voullant oblier à vous dire, Madame, que le Roy Catholique a faict donner cent escuz au maistre de la poste de Rayonne qui porta la nouvelle que les Prouvencaulx estoient desfaictz, et si Votre Majesté estoit servye, d'envoyer une bonne chaisne d'or à l'escuyer Vasques, lequel a choisy les six chevaulx que lad. Ma* jesté envoyé au Roy; il auroit meilleur courage une aultre fois.

Madame, je me fie tant de la bonté du Roy et votre qu'il vous aura pieu avoir esgard à ce que j'ay prié Mons' de LigncroUes vous remonstrer en mon particullier et qu'il vous plaira par votre première depesche me faire plus content que je ne suis jamais esté; laquelle requeste je vous fais, Madame, très humblement.

De Madrid, le xviij"* novembre 1568.