A la Royne

Madrid, 30 octobre i568.

Madame, Le sieur de Graignague a dict à ung mien amy que Votre Majesté trouve mauvais que je ne vous escris jamais des nouvelles; qui est cause que je m'escuseray, s'il vous plaist, par la présente lettre envers vous; et puis dire, Madame, que ce jamais là est depuis peu de tempz, car j'ay souvenance de vous avoir maintes fois ennuyée et aux s" qui lisoient mes lettres, de quoy j'escrivois trop de nouvelles et de particularités; et sçay fort bien d'avoir tousjours escript au Roy et à vous. Madame,

aultant dilligement ce qui concernoit le debvoîr de ma charge comme aucun aultre qui tiendroit ma place scauroit avoir faict; mais si voz meschantz et rebelles subjectz tuent et desvalisent voz courriers qui portent mes depesches, je n'en puis mais. Si est ce que je vous ay escript, sans parler de plus loing, par Pedro Darranty, deux lettres du premier d'aoust; lequel a servy quelque temps de secrétaire à don Francés d'Alava; et, par led. sieur de Gragnague, du xvij"* dud. mois, autres deux lettres; ensemble le duplicata qu'avoit porté Mathurin qui fut tué; et vous escrivois aussi par led. de Gragnague, du xxiij"" dud. aoust, et p'ar toutes mes deux depesches, ce que je scavois de nouveau qui me sembloit digne de Voz Majestés; il dict luy avoir este ostées par des voleurs; de quoy je suis bien marry, car il les debvoit porter aussi sogneusemcnt que celles des Majestez Catholiques, veu que mes paquets ne sont point trop pesantz, car il n'y a jamais sinon les lettres que j'escriz à Voz Majestez.

Autre depesche, Madame, vous porta Tregoyn du x"* de septembre avecq deux lettres de ma main, et aultre lettre par le capitaine Salezard, espaignol, du xv°'"et xxiiij"' dud. mois, par ung allemant que led. don Francés avoit envoyé par deçà; et si je n'ay escript plus souvent cesd. deux mois, a esté pour la difficulté des chemins, joinct qu'il ne se offroit chose de grand importance; et, si led. s' de Gragnague eust bien retenu ce que je je vous escrivois par luy, car il veit mes letres tout du long en mes mains, il vous eust, Madame, sceu raconter ce qui se faisoit et disoit à son partement, ou ce qui s'estoit faict et dict durant son séjour en ce lieu, car il Tavoit peu veoir et scavoir comme moi à bon loysir. Et touchant à moy, j'escris voluntiers et dilligement à Voz Majestez ce qui me semble toucher votre service, ne vouUant point en uzer comme d'autres qui escrivent à leurs maistres tout ce qui se dict aux cabaretz et parmy les rues, ou au palais de Paris ; car aussi je n'ay pas icy une bende d'hommesmalcontentz, ennuyeulx et jalouzde la régence et administration qui est entre les mains d'une Royne Très Chrestienne ou d'autres passionnez pour les deux partiallitez, car s'il y avoit de telz personnages en ces te court, ilz me donneroient de gayetté de cueur et sans les rechercher les ad vis certains et des plussecretz. Nonobstant cella, Madame, il n'a pas tenu à mon debvoir que-

N« i53. — 30 OCTOBRE 1568 i7

Voz Majestez ne soyent esté adverties des occurrences de deçà et de plus loing trois fois et quatre, et aucunes fois plus par chacun moys.

Madame, j'ai cuydé entendre que la faveur qu'il a pieu à la feu Royne d'Éspaigne me faire sur la fin de ses jours par deux lettres qu elle me feist veoir, par lesquelles Sa Majesté vous supplioyt me faire du bien et me vouUoir continuer en ceste ambassade, m'a rendu suspect que je désire estre perpétuel ambassadeur par deçà, ou bien qu'il y a de la desloyaulté en mon faict. A l'un et à l'autre. Madame, n'y a raison que Votre Majesté ny aucun autre y ayt escrupul ny deffiance sur moy; car touchant à demourer en ceste cliarge, il y a plus d'un an et demy que je ne cesse de vous supplier de m^'en oster et vouldrois que celluy qui s'est venté en plusieurs lieux d'estre mon successeur et m'a dict à moy mesme qu'il luy estoit promis y fut demeuré, ou que celluy qui me doit succéder fut desja venu; car. Dieu grâces, j'ay l'expérience et quelque peu de sens pour faire service à Voz Majestez en aultres dix manières dignes et honnorables sans servir d'ambassadeur; duquel estât je confesse ne m'estre point si dignement aquicté comme je debvois; mais ce n'a pas esté par infidcUité ny mauvais vouUoir; et si quelcun aura voUu calumnier et vous faire trouver mauvais le bon office que lad. feu Royne faisoit pour moy envers Votre Majesté, je vous supplie. Madame, très humblement vouUoir considérer que Sa Majesté le faisoit de sa naturelle bonté, comme elle s'employoit facilement pour toutes personnes ; et pensoit selon son dire plus à votre service que à ma commodité, pour la bonne opinion qu'il luy plaisoit avoir de ma sincérité, et que ce Roy et elle m'avoient pour plus agréable qu'ils n'eussent heu ung autre plus habille homme et plus rompu et advisé que je ne suis, ou plus bruyant et cauteleuz. Neantmoins, Dieu mercy, rien n'a succédé mal par ma faulte durant mon trienne. Je luy supplie très dévotement que votre service n'y empire jamais plus qu'il n'a faict; et s'il eust pieu allonger les jours de lad. saine te Royne jusques après maretraicte, j'eusse peu dire que le bonheur m'avoitaultant bien segondé pendant ma charge que ambassadeur qui y soit esté devant moy, car je y ay veu naistre deux Infantes et continuer toutes Voz Majestez en parfaicte amytié et unyon, prennant le che-

i8 DÉPÊCHES DE M. DE FOURQUEVAUX

min de la perpétuer par les mariages qui se sont commencez de traicter à mon instigation ; car Votre Majesté sçait bien que j'en av faict la première ouverture, et suis très desireuz qu'ils s'acomplissent à votre contentement, encore que autres que moy reçoivent le gré et l'honneur d'en poursuivre la fin après m'en estre allé hors d'icy. Une grâce sur toutes, Madame, je supplie Votre Majesté me faire, c'est de vouUoir perdre l'opinion, si vous l'avez prinse à cause desd. lettres, que j'aye jamais pensé ny désiré chose en ce monde tant comme votre service ny d'avoir désiré faire plus longue demeure par deçà, non plus que je ne vous feiz oncq supplier de m'y faire venir; et touchant à la requestc qui vous estoit faicte par lad. feu Dame Royne de m'avancer, Dieu scait combien de fois paravant elle s'y estoit offerte et les protestations que je luy feiz qu'il ne m'en succederoit autre bien que d'engendrer soubspeçon sur ma fidellité ou d'estre noté pour trop ambitieux et importun.

Du xxx"' d'octobre 1568.