A la Royne

Madrid, le 9 novembre 1570.

Madame, En responce delà lettre qu'il vous a pieu m'escrire du douze d'octobre, ce seroit redite d'advertir Votre Majesté encore par ceste cy de l'occasion pourquoy la duchesse d'Alve s'est retirée, car je vous l'ay desja escript par le brodeur, Vallue et Laplace ; vous asseurant. Madame, que toutzles quinze jours ou plus souvent lad. duchesse envoyé homme exprès d'Alve icy viziter mesd. Dames les Infantes avec quelques presenlz de petites choses sucrées et de tout ce que elle scait leur estre agréable pour scavoir de leur portement et santé. Touchant la marquize de Fromeste, elle est camarere mayor de la Royne Catholique, n'abandonnant d'un pas lesd. Infantes dona Marie Chacon leur gouvernante ; l'une et Tau Ire s'aquictent de leur estât, bien et beau, qu'il ne manque rien pour encore ausd. Princesses, ains sont vestues, parées, honnorées et respectées comme il apartient aux filles de sigrand lieu. Le marquis de Ladrada par ci devant don Anthonio de la Cueva, mayor d'home mayor de lad. Dame Royne, leur serttousjoursdemaistred'hostel; elles ont six dames, c'est à scavoir Chassincourt, Torigny, dona Anna de Navarre, dona Yzabel Chaccon, dona Maria de la Cueva, et dona Marie de Cordoue. Sophonisle est auprès des Infantes atendre ce que sera d'elle ; deux

filles de chambre et une pour la garde robbe; la Roync leurd. belle mère n'aura que quatre filles de chambre et deux pour la garderobbe. On dict que elle n'a sinon huict dames venues avec elle; je ne scay combien elle en tiendra davantage; mais ce seront deux maisons en une, toutz les officiers communs et les cuisines en une, ainsi que je m'en informeray plus particullierement quand tout sera venu, afin d'en donner advis h Vostre Majesté et drf cas que la Royne, leur belle mère, en fera et le mesme Roy; lequel se les faict mener aucunes fois à sa chambre; et le vendredy devant que Leurs Altezes allassent à S' Jeronime qui fut le lundy ensuivant, il les volut veoir et furent longuement ave&ques Sa Majesté; c'est la dernière fois qu'il les a veues. Madame, elle seront aizes qu'il vous plaize leur envoyer des taffetas figurez qui ne soient pas noirs et des telliles de Milan pour robes. Passé ceste cellebration de nopces, la pramatique des habillementz sera j^igoreusement observée en Espaigne, commenceant aux Majestés Catholiques et sans excepter les Infantes; mais elles pourront charger ' ce qui leur sera envoyé de votre part. Et vous certiffie, Madame, que lad. Ghassincourt sert si bien et faict tellement son debvoir auprez de Leurs Altezes que elles se gouvernent entièrement par elle et l'ayment plus que à leur gouvernante ne à toutes les autres, qui n'est pas sans y avoir de la peine, et y mectre de la servitude pour quatre ; de sorte que elle mérite meilleur moyen pour s'entretenir en leur service que elle n'a; car on luy donne seuUement soixante escuz d'estat par an, où la feu Royne luy en donnoit deux cens non comprins les habillementz et menues bezoignes que Sa Majesté luy donnoit. Par quoy il sera votre bon plaisir de supplir secrètement à ce qu'ilz faillenticy à faire en son endroict; car j*aprendray tousjours aussi par son moyen quelque nouvelle de leans.

Madame, votre presant des six haquenées pour le Roy Catholique sont arrivées en ce lieu le vj"* de ce mois en assez bon poinct, selon la longueur du chemin. Je ne feray faulte de luy donner votre lettre et luy présenter lesd. haquenées de retour, qu'il soit en ceste ville; et cependant le séjour leur fera grand bien. J'ay semblablement receu la lettre de Votre Majesté pour Mesdames

I Mettre.

les Infantes et les petites chiennes qui leur sont esté fort agréables, et vous en baizent beaucoup de fois les mains. Quant à la duchesse d'Alve, elle aura votre lettre, et les deux pièces de velours figurez, et verra par une lettre que je luy escriz la charge qu'il vous a pieu me donner de les luy présenter; et n'oblie pas de luy dire le regret que Votre Majesté a de quoy elle n'est plus auprez desd. Altezes, qui luy sera à elle grande consolation.

Madame, il a pieu à Votre Majesté me faire envoyer cinq cens soixante trois escuz d'ayde de coste par Jehan Barbier, dont je vous remercie très humblement ; c'est pour m'acquicter de pareille somme envers ung marchant de Laval en Bretaigne, qui m'en secorust estant en Andellouzie; et ced. porteur qui le trouvera à Bayonne en passant les luy rendra en mon nom. Auquel courrier. Madame, sont deubz ses gages de long temps ; il sera votre bon plaisir de commander qu'il soit satisfaict, et que le s' Jero^ ninio Gondy et moy soyons acquictez de la somme de mil cinquante escuz, que le Roy me commanda luy faire fournir en ce lieu, car le banquier, qui est ung gennevois, me presse tous les jours de faire délivrer lad. somme à son respondant en Paris, ensemble les interestz, ce que je vous supplie très humblement. Madame, je disois au prince d'EvoUy le vingt cinquiesme du passé, que le Roy son maistre eust fort bien advisé de l'envoyer vers le roy de Portugal luy remonstrer le tort qu'il se faict et à sond. oncle, de tirer en longueur le mariage de Madame, car son allée eust advancé les affaires et conduictz à la conclusion mieulx que nul autre s' que Sa Majesté y sceut avoir employé, et pour le moins auroit esté l'occasion au monde de pouvoir blasmer la froideur dont led. S' Roy son maistre a uzé à le traicter et parachever après l'avoir promis. Lequel Ruy Gomes, Madame, me respondict qu'il feust esté bien content de telle commission et ce qui n'estoit faict se pourra encore faire. Je luy ay répliqué l'obstination dud. jeune roy avoir prins origine et fondement des advis venus de ce cousté desja en l'année Lxvj ' , lui ayant imprimé beaucoup de choses en sa f antazie pour empescher le mariage de Madame qu'ilz eurent soubspeçon que feu Jehan Perere d'Ante[z] estoit allé traicter en Portugal. lime confessa estre vray que duvi-

300 DÉPÈCHES DE M. DE FOURQIEVAUX

vant delafeuRoyne Catholique en gloire soit elle, ilz ont destour né le mariage pource que la Royne que nous avons aujourd'huy estoit promize au roy de Portugal. Tant y a que s'estant les chozes changées par le trespas de lad. Dame Royne Catholique, le Roy son maistre a depuis acheminé de très bon pied et sincèrement en toutz les deux mariages de Madame la Princesse Yzabeau pour le Roy mon maistre et de Madame votre 611e pour led. roy, dont grâces à Dieu Tun est acomply ; et n'y a chose que ceste Majesté ait tant aujourd'huy au cueur comme que cclluy de mad. Dame s'esfectue, me parlant dud. jeune roy comme d'un enfant subject à sa teste, si enchanté de ses deux Theatins qu'ils dispozent de sa personne et de son royaume à leur apetitsoubz espèce de sainetetc, n'estant poinct possible que leur règne dure guère, car grandz et petitz s'en faschent et leur veuUent grand mal. M'asseurant aussi que Madame la Princesse de Portugal dezire grandement que led. mariage se face, et je suis adverty. Madame, par ung François qui vient d'arriver de Lisbone qu'il ne s'y parle d'autre chose; et disent de trois grandz navires qui s'apprestent pour led. s' roy au port dud. Lisbone, et douze autres qui sont prêts desja, que c'est pour aller en France quérir leur royne avecques quatre mil hommes d'escorthe. C'est la voix du peuple de lad. cité. Neantmoins leurd. roy n'y pence poinct beaucoup, comme Votre Majesté pourra veoir par l'extraict qui a esté prins de la lettre qu'il respond par led. de Torres au Pape ; ce que le s' Almeyde a trouvé moyen d'avoir et coppie de la lettre que Sa Saincteté a escripte dernièrement aud. jeune roy de sa propre main, qui est respondue si superbement par led. enfant gasté, que je luy souhaite une perpétuelle guerre en sa maison et en son royaume et que ce soit l'espouze qu'il aura de France, s'il persévérera en ses opinions. Lesquelles coppies. Madame, led. Almeyde vous va monstrer, car il est demy fol de passion contre lesd. roy, theatins et conseil et racontera d'autres particularitez à Vos Majestés touchant ce négoce; m'estant advis qu'il y procède en bon portugois et votre bon serviteur, car aussi c'est pour son advancement, et tout ce qu'il scauroit avoir sur le cueur, au contraire, seroit d'empescher s'il pouvoit et vous dissuader de marier Madame ailleurs, comme en semblable je crois fermement que don Loys de Torres a charge de procurer de la part dud. S' Roy Catholique

envers sa Sainctelé ; car il craingt extrêmement que Monseigneur le prince de Navarre Tespouze ou quelque prince protestant, de peur d'avoir la guerre tantost après; laquelle luy romproit et renverseroit toutz ses dessains. Je ne veulx aussi peu promectre pour •luy qu'il vueille que celluy dud. Portugal s'effectue, car il est homme de dezirer de vous tenir en espérance et ayant besoing de *luy le plus longuement qu'il pourra; ce qu'il pourroit bien avoir traicté avec led. de Torres ou faict traicter par son cardinal, afin de le moyenner envers Sa Saincteté ou pour quoy ce soit faire. Il est vray que led. de Torres s'en est desparty avec le don d'une abbaye de trois mil escuz de rente en Sicille et ung présent de douze cens escuz en ung bassin et une aiguière, favorisé d'une bonne lettre aud. Père Sainct, et lettres particuUieres à six cardinaulx, qui est aultant que demander le chappeau pour luy. Pourquoy. Madame, je serois fort content si Sa Saincteté vouldra poursuivre le mariage dignement comme il apartient et pour n'estre trompé qu'il feit élection de quelque cardinal ou evesque qui luy soit fidelle et affectionné à la couronne de France pour l'employer en ce faict comme son légat et ne se fier pas trop aud. de Torres ny à nul autre vassal ou partial de ceste Majesté, car. Madame, on scait bien que les roys et grands princes se gouvernent en affaires de si grands mariages, selon que tourne au bien de leurs affaires, et non ceulx de leurs voisins. Les exemples sont notoires et non de trop loing, tant du cousté des Roys de France que de ceulx d'Espaigne. Par ainsi ne seroit pas miracle que le Roy Catholique eust en son intention de rezerver le roy de Portugal pour estre son gendre, luy gardant son aisnée, en cas qu'il ayt ung enfant masle, auquel compte comme en semblable pour tenir l'Empereur en espérance, que le prince don Ridolfe doibve la espouser, auquel lad. princesse est vouée, il vous fera temporiser, ou je m'en doubte, encore quelque tempz en vain si le Pape se fie en luy. Et scache Votre Majesté que du cousté de l'Empereur ne s'y fient pas beaucoup que cella doibve avoir lieu ; car ils ont souvenance de la tromperie que le Roy Ferdinand et la Royne Yzabel Catholiques uzerent à l'Empereur Maximilian, auquel ilz avoient promis leur fille aisnée, doigne Yzabel, vefve du Roy don Jehan de Portugal, pour l'archiduc Philippe et après que elle se voulloit faire nonnain, si bien qu'il n'eust autre

remède que d'accepter la seconde qui fut la Royne doigne Juhaoe, et les nopces d'icelle faictes lad. vefve fut aussi tost remariée au Roy don Emanuel dud. Portugal, allegant pour leur raison et escuze qu'il fault nécessairement que ces deux royaumes soient alliés et bons amys, et à ces fins préférer l'alliance dud. Portugal à toute autre. Tant y a que led. mariage faict avecques tromperie leur succéda mal," car elle morust en achevant d'enfanter don Miquel, leur fils unique, lequel ne survesquit que deux ans. Ce langage, Madame, m'a esté tenu par don Dietristain n'a pas trop de jours en devisant entre nous de ces dillations, lesquelles desplaisent à toutz gens de bien et soubpeçonnent qu'il y a de la collusion. Vos Majestés neantmoins pourront atendre et entendre led. de Torres. Il faict estât de vous estre envoyé pour persuader au Roy d'entrer en la ligue, et tout d'une main vous rendra compte de ce qu'il a negotié aud. Portugal de la part de son maistre pour led. mariage. Dieu vueille qu'il vous traicte vérité.

Touchant en mon endroict^ Madame, il me deist ce que j'ay escript à Vos Majestés du xviij d'octobre, et il a faict entendant icy à personnages de quallité qui me l'ont redict, qu'il a tousjours cogneu led. roy de Portugal fort esloigné et desgouté d'entendre à prendre femme de fort long temps, et qu'il s'en rotournoit vers son maistre sans espérance que le mariage do mad. Dame puisse sortir effect, sauf si Sad. Saincteté le poursuivra à toute oultrance, \oire le contraindre par censures papalles des plus fulminantes et citter lesd. Theatins à comparoir devant Sa Saincteté et à ung besoing priver le cardinal Infant de sa légation, car c'est luy qui soustient lesd. Theatins, afin de se conserver mieulx en son authorité qu'il a sceu dextrement oster à la royne. Vos Majestés ont de bons serviteurs aud. Rome, qui pourront descouvrir quel office de Torres aura faict et mieulx encore par les propoz qu'il vous tiendra. Pour conclusion. Madame, il fauldra forcer led. jeune roy, au lieu qu'il debvroit rechercher votre alliance à joinctes mains, qui est une indignité intollerablc. Ne vouUant faillir de dire à Votre Majesté queceste Majesté Catholique seroit bien marry que mond. s' le prince de Navarre fust votre beau filz ou autre prince protestant, de peur d'estre tantost à la guerre d'une part ou d'autre, car ce seroit luy

N"' 264 ET 265. — 19 décembre 1570 303

interrompre ou desfaire ses dessains, dont le principal est de faire ses aflaires, en atendant que la France retourne aux troubles d'oii elle vient de sortir; qui est ce que voz meilleurs voisins désirent, mesme qu'ilz ont nouvelle toutz les jours de delà que la paix n'y pourra guère durer. Vous asseurant, Madame, que si de ce cousté perdoient ceste espérance et veissent vos subjects remis et devotz à l'obéissance et service comme l'on les aveuz, vous cognoistriez en bref ung grand changement icy et en Portugal et abaisseroient leur arrogance plus que par moictyé. J'ay opinion, Madame, que si Almeyde alloit à Rome soubz l'adveu du Roy et votre faire entendre au Pape ce qui passe en Portugal, qu'il vous y feroit grand service; mais que ce fust devant que donLoys soit depesché pour France, car, comment que ce soit, il fauldra que Sa Saincteté donne ceste charge, comme j'ay dict à quelcun de qui il se fie, et Vos Majestés. Aussi je pence que le cardinal Saincte Croix pour avoir esté nunce en Portugal seroit le personnage qu'il vous fault, car il vous est affectionné ou bien il le soulloit estre et d'abondant il cognoist Portugal pour y avoir esté nonce. Ce que j'en parle, Madame, est que je vouldrois veoir mad. Dame Royne dud. Portugal maulgré ceulx qui l'empeschent, ou de ceulx qui deussent procurer mieulx qu'ils ne font que leur paroUe eust effect.

De Madrid, led. jour neufiesme de novembre 1570.