Au Roy

Madrid, 19 décembre 1570.

Sire, Les nopces du Roy d'Espaigne se feirent à Segovie, le xiij"* de novembre; et si l'on m'y eust vouUu, comme je m'estois présenté d*y aller, j'eusse sceu raconter à Votre Majesté Tordre qui y fust tenu. Mais je scay que don Francés d'Alava en a heu le discours par commandement dud. S' Roy pour vous faire entendre par le menu comment tout y est passé. Et touchant à l'entrée de la Royne d'Espaigne en ce lieu de Madrid, elle fut le xxvj" dud. novembre, passant par deux arcs triomphantz, qui ont beaucoup cousté de charpenterie et paingtures avec des colosses en divers endroictz et statues hors du naturel,

et tant de flateries espaignoUes en latin qu'il yen avoit pour faire mal au cueur.

Sire, je fuz à Taudience dud. S' Roy le dernier jour dud. mois, pour luy rendre compte du contenu de la lettre qu'il a pieu à Votre Majesté m'escrire du douze d'octobre, me commandant de salluer la Royne sa femme de votre part, en attendant ung gentilhomme de quallité qui doibt venir faire cest office; laquelle vizite je ferois quand il luy plairoit. Sa Majesté, Sire, me respondit qu'il baize les mains à Votre Majesté beaucoup de fois pour la souvenance qu'il vous plaist en avoir, se remectant à moy de veoir lad. Dame Royne à tel jour que je vouldrois.

Et touchant aux autres particuUaritez de lad. lettre je luy deiz. Sire, le deslogement et yssue des estrangers hors de votre Royaume sans avoir touché ny dampniffié ses pais, et du bon ordre mis par Votre Majesté pour faire garder la paix entre voz subjectz. Lui ay pareillement remonstré qu'il vous a despieu grandement ce que les courssaires ont faict à ses subjects et que Votre Majesté y a faict remédier pour le tempz à venir; dont Sa .Majesté Catholique vous baize les mains, vous priant, Sire, le plus qu'il luy est possible que ainsi soit comme je luy ay donné .entendre. J'atendois s'il me diroit quelque mot de la royne de Navarre; mais il ne m'en a poinct parlé; et n'est pas ung prince qui dict ce qu'il a sur le cueur, ains il est des plus dissimuUateurs du monde. Je le puis bien dire, puisque ses serviteurs le dizent et qu'il scait autant faindre et couvrir ses intentions que jamais feit roy ny petit compaignon jusques au temps et heure qu'il luy vienne à propoz de s'en rescentir. Il confesse. Sire, que souvent les ministres font la plaincte plus grande que le mal n'est et les complaignantz adjoustent au compte plus qu'il n'y a d'occasion. C'estoit sur ce que je luy dizois que VotreMajesté ayant tousjours faict enquérir des pirateries dont son ambassadeur se douUoit, il s'estoit trouvé plusieurs fois et d'autres excez par luy pretenduz, ou qu'il n'en estoit rien du tout, ou bien si peu qu'il ne valloit la querelle qu'il en faisoit. Tant y a, Sire, que Sad. Majesté Catholique vous prie bien fort de faire cesser telz desordres entre voz subjectz d'une part et d'autre. Ce que je lui ay asseuré que Votre Majesté fera à son pouvoir et de la punition de ceulx qui ont

maltraicté les Theatins portugallois qui alloient aux Indes, si Votre Majesté les pourra faire empoigner.

En après, Sire, il m'a fallu atendre l'audience de la Rovne Catholique jusques au quatriesme du présent sur les unze heures du matin, à l'issue de son disner. Elle m'attendoit en la salle où elle a voit disné et estoit debout contre la muraille. Je luy ay faict la révérence accoustumée et luy eusse baizé la main, s'il luy eust pieu me la donner. Et l'ay salluée de voz plus cordialles recommandations, ensemble de la Royne, mère de Votre Majesté, luy représentant l'aize que ce vous a esté d'entendre son arrivée et descente à bon port en Espaigne après une si longue et si dangereuse navigation, ainsi que Votre Majesté luy fera particullieremont scavoir par le gentilhomme qui la doibt venir viziter. Ce que j'ay poursuivy des meilleures paroUes et présentations d'amour et bonne correspondence que j'ay sceu.

Auxquelles respondant,lad. Dame Royne m'a demandé premièrement de la santé de Voz Majestez et si j'avois nouvelles de la Royne Très Chrestienne sa soeur. Je luy ay asseuré que par les derniers advis Voz Majestez se portoient très bien et que led. gentilhomme que j'atendois d'heure en heure satisferoit à toutes les particuUarités, dont il plairoit à Sa Majesté s'informer, bien que je pençois que voz nopces pourroient estres faictes. Lad. Dame Royne me dict que elle seroit fort contente d'entendre toutes bonnes nouvelles de Voz Majestés et vous baize les mains très affectueuzement pourla visitation qu'il vous a pieu luy faire par moy votre ambassadeur, se lennant toutasseuréedel'amytié et bonne volunté de Votre Majesté. A laquelle tousjours elle correspondra de toutes ses forces et que elle est très aize de votre contentement. C'estlaresponce, Sire, que j'ay tirée delad. Dame; aussi elle parle fort peu.

Sire, je viens de recevoir une lettre de Madame l'Infante de Portugal, dattée du deux de ce mois, en responce d'une que je luy avois escripte en acconipaignant votre depesche, touchant la cappitannerie du chasteau de Penne d'Albigeois, dont Votre Majesté a pourvueu le s' de Beauville. J'ay advisé de mectre sa lettre en ceste depesche, qui est de vouUoir atendre, et scavoir plutost de ses officiers s'ils y avoient pourvueu d'autre capitaine. Et quand son Alteze m'envoyera sa responce

pour Votre Majesté, je ne fauldray, Sire, de vous l'envoyer.

Au regard des nouvelles que mon messagier m'a rapportées, il dict. Sire, qu'il a veu quatorze grandz navires toutz prestz à naviguer. Les six iront aux Indes au premier jour. L'occasion d'acquérir led. royaume ne se scait poinct, si ce n'est qu'après la bataille de Montcomptour, il courut ung grand bruict que Mons' l'Admirai et iceulx de son party s'estoient retirez à La Rochelle, où ilz dreceoint une armée de cinquante grandz navires pour aller descendre aud. Portugal. Ce fust la première occasion qui leur feist prendre les armes à toutes manières de gens. Et du despuis ont continué à faire les monstres toutz les dimanches pour les aguerrir, de sorte que la seulle ville de Lisbone a faict vingt sept compagnies^ pource qu'il y a aultant de paroisses ; en chacune desquelles compagnies l'une portant l'autre, y a trois cens cinquante hommes; qui font neuf mil quatre cens cinquante, pour sortir en campaigne, s'il sera besoing, ausquelz le Roy a faict distribuer des harquebuz à mil reys, qu'est leur petite monnoye vallant six livres deux solz et la pique cinquante sols tournois.

Encore font ilz provision d'armes parmy led. royaume; et n'y a ville ne lieu où il n'y ayt des gens enrrolez, sans qu'on scache la cause pourquoy. Ung navire breton venoit d'arriver aud. Lisbone, portant nouvelles que le bastard du conte d'Agamont avoit trente navires en la coste d'Angleterre, on ne scavoit à queUe fin. Don George Manrrique, ambassadeur du duc de Savoye, est arrivé en poste pour venir donner le parabien du mariage à ces Majestez Catholiques. Son maistre est après que ced. S' Roy Catholique luy entretienne dix gallères^ qu'il n'a pas encore en nature. Et les deux mil hommes qu'il demandoit, c'estoit pour jallouzie dud. admirai qui s'est maryé à la contesse d'Entremont. Et combien qu'il demandast que ce fussent Espaignols, c'estoit en espérance que la solde luy fust accordée d'icy pour led. nombre et y employer de ses subjects ou Italliens. Et j'entendz, Sire, que bientost s'embarqueront cinq mil Espaignolz sur navires et portz d'Alicant et de Carthagenne, pour aller enla duché de Milan remplir le tiers de Lombardie et rafraischir les garnizons du Piémont. On veult dire que le demeurant passera en Naples; par dessus lesquelz cinq mil hommes, faict autre levée en divers

lieux, qui servira pour mectre sur les gallères, bien qu'il y a extrême difficulté à tirer soldatz d'Espaigne. Et fauldra qu'ilz se servent d'Allemans et Italliens, tant pour la garde desd. gallères comme pour descendre en terre. Si est ce que le Roy Catholique donne asseurance à l'ambassadeur des Vénitiens qu'il fera son pouvoir de les secourir de bonne heure. Jehan André Dorie est venu pour se justifier de quoy il s'est séparé de l'armée de la ligue avec les quarante neuf gallères de Sa Majesté Catholique; alléguant qu'il avoit tousjours dissuadé d'aller en l'arriére saison trouver l'armée turquesque, mesme que la Vénitienne avoit perdu plus de vingt mil personnes de leurs gallères ; et autres incommoditez allègue pour se descharger, tant de l'hiver qui estoit si avant, et qu'il n'avoit panatique pour guère de jours, tellement que la cause sera bonne. Aussi son maistre fust esté marrj' qu'il eust mis sesd. gallères au hasard de les perdre, veu que l'armée turquesque les atendoit en bonne rezoUution de rien quicter les toutes pour la moytié. En ces entrefaictes, Necerssie s'est perdu. Plaise à Dieu que le surplus du royaume de Cipre ne le soit devant que secours suffizant y arrive. Pour délibérer duquel et de ce qu'il fauldra faire ceste année où nous entrerons. Sa Majesté Catholique a faict venir le s' don Jehan d'Austrie, qui est icy despuis le xiij du présent. Le duc de Scsse vennoit comme luy; mais la goutte Ta arresté à deux journées de ce lieu; et le grand commandeur de S' Jacques arrivera au premier jour, car ilz ont laissé bonnes garnisons au païs de Grannade et les Morisques si abatuz, à ce que le s' don Jehan donne à entendre, qu'il n'y a pas mil d'iceulx Morisques rebelles en tout led. royaume, et ceulx là tant disperssés qu'ilz ne vont que trois ou quatre de compagnie comme larrons; des autres, qu'ilz ne fussent tantost ralliez, si une bonne flotte de Turcz ou Mores abordoit en la coste d'Espaigne; et ceulx des royaumes de Vallence et d'Aragon, lesquelz voyent l'exemple devant eulxde ce qu'on leur fera ung jour, ne seroient pas les derniers à prendre les armes. Lesquelz sont en nombre infiny . L'arcevesque de Cassel d'Hirlande est party de ceste court mal content, le jour d'hier; et si l'on ne l'en garde, il se va rendre à Votre Majesté ; et ne scauroit dire s'il vouldra passer en Angleterre. Son dessain est, à ce que j'entendz. Sire, de vous aller descouvrir toute l'entreprinse d'Hirlande

308 DÉPÊCHES DE M. DE FOUR(iUEVAUX

et les menées de Richard Stuely angloîs, avec lequel il a heu différent et paroUes. Il y a danger qu'on Tarreste en quelque lieu d'Espaigne, scachant qu'il s'en va mal content et en France. Il n'a poinct parlé à moy, ny faict parler; si est ce que ung soldat gascon l'a servy, lequel m'a donné quelquefois des advis de ce qui se traictoit entre led. arcevesque et l'Anglois. J'aymerois bien mieulx que led. royaume fust pour Monseigneur d'Anjou, votre frère, et consequement l'Angleterre, et non de ce roy. Et me souvient, Sire, que les princes Hirois s'estoient vouez et donnez au feu Roy de glorieuse mémoire votre père ; ce que Mons^ l'evesque de Vallence tesmôignera à Votre Majesté, car il y fust envoyé d'Escosse à ces fins, et moy aveques luy.

Sire, c'est chose certaine que les Princes de Bohême, don Ridolphe et don Hernest, font estât de s'embarquer dens la fin de janvier à Barcelonne pour aller descendre à Gennes. Qui est l'occasion principalle do quoy je faiz ceste depesche à Votre Majesté, pour l'opinion que j'ay qu'il vous plaira mander advertir lescostes de Languedoc et Prouvence, qu'ilz reçoivent et accommodent lesd. Altezes de ce qui leur sera neccessaire, si de fortune ilz y abordent. Devant lequel partement et pour dire adieu à ceste court, se fera quelque tournoy, si ce ne seront joustes, puisque led. don Jehan d'Austrie est venu; car lesd. Princes n'atendoient que luy à ce qu'ilz m'ont dict; lequel advis. Sire, je n'ay voullu différer de vous le donner jusques au retour de Mons' de Malicorne, pource que à l'adventure il ne sera poinct depesche assez tost. Aussi le voullois je faire entendre à Votre Majesté devant qu'il soit venu; car je croy qu'il vous desplairoit de n'avoir sceu leurd. passage assez àtempz.

De Madrid, le xix*"* décembre 1570.