A La Royne

Madrid, 18 février i571.

Madame, M'ayant adverty l'ambassadeur de l'Empereur ce jour présent que le Roy Catholique luy a déclaré le tempzet jour

> Autographe. Bibl. Nat., ms. fr. 16103, f° 642.

w 273. — 18 FÉVRIER 1571 331

que Mess" leg Princes de Bohême don Ridolfe et don Hernest pourront faire voylle et sortir d'Espaigne pour s'en retourner en Allemaigne, je n'ay voullu faillir d'en donner advis à Voz Majestez par ceste letre, que ce courrier qui est depesché vers led. Empereur m'a promys vous présenter. Et c'est, Madame, que led. S' Roy a donné sa paroUe ausd. Princes et aud. don Dietristain que les gallëres qui les doibvent passer à Gennes seront prestes et en ordre à Barcelonne au quinzième d'avril pour faire voyle; de manière qu'ilz partiront de ceste court sans poinct de faulte environ le quinze de mars ou au plus tard dans le vingtième. Je ne scay. Madame, s'il plaira au Roy d'envoyer quelcun à Marseille atendre leur passage pour les visiter de sa part et leur dire des nouvelles de la Royne. Lesd. Princes ny ambassadeur ne m'ont dict rien de voulloir passer par terre ; aussy ne les y convyeray je pas sans exprez commandement. Et me vient, Madame, tout à propoz ce courrier pour advertir Voz Majestés et Monseigneur d'Anjou que l'allarme des trois ou quatre cents Turcz mentionnez en la letre que j'ay escripte à Son Alteze du xvj de ce mois par mon home n'a esté sinon que d'avoyr quelques vaisseaulx Turquesques ou Moresques aproché de terre vers ung lieu nommé Castelde Ferro; et soubdain se sont retirez. Ainsy, Madame, me le vient de dire et certiffier ung home natif de Ronde, qui en est venu ce matin en diligence, et qu'il n'est rien de ce qu'on comptoit des Morisques; ains la fain est si grande parmy eulx qu'ilz abandonnent la montaigne et descendent se rendre esclaves des chrestiens pour du pain. Il est vray que leur petit roy peult estre encore acompaigné de trois ou quatre cens harquebuziers ou arbalestiers desd. Morisques et quelques aultres qui vont desbendez fuyant d'une montaigne à aultre, cherchant à vivre en atendant les fruictz nouveaulx qui viennent de bonne heure aud. païs; car il est fort chault. Mais à mezure que lad. saison aprochera, l'on croistra les gens des garnisons, comme l'on a licentié des trois partz les deux à l'entrée de l'hiver; car pour le jourd'hui il n'y a en tout le royaume de Granade en garnizon plus de trois mil homes, s'ilz y sont.

Madame, ung courrier espagnol vient d'arriver de Portugal; lequel en est party, n'a que trois jours. Il compte que les estatz du royaulme avoyent commencé de s'assembler à Lisbone où

le roy et laroyne son ayeuUe sont; il se Iraictoit que les antiens serviteurs et conseilliers retourneront à leurs estatz et charges. Que les deux Theatins se retireront à leurs couventz. Que led. rôy ne s'adonnera plus tant à la chasse; ains fera sa résidence aud. Lisbone. On parloit aussy qu'il se traicteroit d'envoyer vers Voz Majestez pour traicter du maryage de Madame, et sembloit que lad. Dame royne se pourra adoulcir et destourner de voulloir sortir dud. Portugal moyennant les conditions susdictes et que elle soit respectée dud. s' roy myeulx que elle n'a esté ces deux ans passez. Tout ce que led. courrierracontepeult contenir vérité; mais elle s'esclarcira davantage. Et par ainsy. Madame, si lad. Dame royne rentre au manyment des affaires et reprenne son authorité qui luy appartient, l'on cognoistra tantost si elle dezire votre alliance; car si elle la dezire, led. roy et son conseil envoyeront vers le Roy et Votre Majesté vous parler dud. maryage; car sond. petit filz s'acommodera facillement à son opinion; mais si elle le laissera dormir, ce sera signe que l'enipeschement et le desgoutement partent d'icy. Quant à moy, j'escoulteray sans passer votre instruction, si cas sera qu'on m'en parle.

Madame, je prie Dieu qu'il vueille guider toutz vos dessains et dezirs à votre contentement et vous conserver très longuement en très acomplie félicité et santé. De Madrid, le dix huit"" de febvrier 1571, à sept heures du soyr.

Vostre très humble, très obeyssant et très obligé subgect, vassal et serviteur.

FORQUEVAULX.