Au Roy

Madrid, novembre 1568.

Sire, Les depesches qu'il a pieu à Votre Majesté me faire du s€ze et vingt huict d'octobre me sont esté données le quinziesme du présent par mon courrier. Je ne feray faulte d'avoir l'oeil aux affaires de deçà comme ilz passeront, afin d'en advertir incontinent Voz Majestez; mais pour le présent, il me semble qu'il ne fault rien craindre de ce cousté, car ilz ont plus de crainte du votre, voyant toutz vos subjectzen armes, et que depuis que la France est France il n'y eusttant de vaillantz et expérimentez capitaines et soldatz qu'on y veoit aujourduy, et n'y a que ce malheur de division; car s'ils estoient aussi uniz et devotz à votre service comme ilz souUoient, vous n'avez roy ny potentast voisin qui vous peust résister, le vouUant assaillir; ce qui est tant bien congneu en ce royaume que les plus sages ont belle peur d'une reconsiliation entre vosd. subjecls et que Votre Majesté pardonne de rechef aux rebelles. Toutcsfois, ilz ont opinion que de ceste heure il y aura heu bataille en France et en Flandres, puisque les armes estoient si près les unes des autres; lesquelles batailles, s'il plaira à Dieu vous en donner la victoire, réduiront la rébellion à l'obéissance qu'il apartient; et sont bien aises de la deffaicte que Mons' le duc d'Alve a faite dernièrement qu'ils comptent à deux mil hommes de pied et de cheval morts sur la place.

Ils ont pareillement advis que la peste est fort eschaulfée dans La Rochelle, qui leur est nouvelle bien agréable; et ne peuvent croyre que la royne d'Angleterre y envoyé secours quelque instance que les rebelles luy en facent par Mons' le cardinal de Chastillon, qu'ils ont sceu y estre à ces fins; et moins le fera

N- 156 ET i57. — 27 NOVEMBRE 1368 25

elle, après avoir veu ce que le Roy Catholique luy a escript, prié et protesté de ne s'en mesler point. Quant est des advis qu'il a pieu à Votre Majesté m'envoyer du xxv et xxvj dud. octobre, le Roy Catholique en a receu aullant par la depesche de son ambassadeur, ainsi que le secrétaire Cayesm'afaict entendre, et n'estre besoin d'en advertir sond. maistre puisqu'il le scavoit desja.

Sire, je ne scay s'il y auroit lieu de soubspeçon et de penser sur quelle occasion il envoyé sa gendarmerie en Navarre; car faignant de craindre que laRoyne dud. Navarre y vueillc donner une alarme, il ne seroit pas impossible qu'il eust envye de s'emparer de ce que lad. Dame tient encore aud. païs et de Bearn aussi, et avoir congé du Pape, soubs prétexte qu'elle est ennemye declairée de la religion catholique et roumaine ; ce loutesfois, Sire, que je ne scay point autrement que par imagination, mais en telles choses on n'a pas acoustumé de dire qu'on se garde; ny les Casteillans n'advertirent pas le Roy don Juhan de Navarre du tourqu'ilz luy vouUoient faire, quand ilz luy empiétèrent sond. royaume quasi pour occasion semblable; au reste, Sire, ced. S' Roy, votre frère, m'a faict dire qu'il a commandé au gouverneur de Fonterravie qu'il secoure Mons' le viconte d'Orthe de toutes les munitions qu'il aura besoin et je ne puis comprendre qu'il ayt sinon fort bon vouloir envers Votre Majesté.