Au Roy

Madrid, 4 août 4574.

Sire, Le neufiesme du passé partist le Roy d'Espaigne, votre frère, pour le Pardo, ainsi que le S' Jeronimo Gondy aura dict à Votre Majesté. Et depuis s'est tenu à Escuryal, sinon qu'il est maintenant allé jusques au Bosc de Segovye, où il sera quelques jours en attendant la S* Laurens qu'il vouldra estre de retour aud. monastère et y fera la Nostre Dame. Hz ont receu grand contentement, Sire, de la victoire obtenue par les gens du duc d'Alve sur mer près d'Emden contre les rebelles courssaires des Païs Bas; entre lesquelz ilz font bruict s'estre trouvez des navires François, lequel advis [fut] envoyé par don Francés d'Alava en ce lieu, le xix"" de juillet. Et il a escript de votre court. Sire, que estant le Nonce du Pape qui réside près de Votre Majesté allé à votre audience et s'i trouvant ung ambassadeur du Grand Seigneur de Turcz pour raesme fin et à mesme temps, Votre Majesté auroit plustost admis led. Turc que non led. Nonce; ce qu'ilz ont faict sonner par deçà le plus mal qu'ilz ont peu; et mesme de quoy led. ambassadeur y est, car toutes voz actions sont interprétées sinistrement et se mouquent à plaine gorge du bruict qui court que Monseigneur votre frère espouze la royne d'Angleterre, dizant que elle vous donne la baye ^ et que le mariage ne se fera jamais. C'est, comme je croy, la peur qu'ilz ont qu'il se face. Et pource qu'on parle que Madame vostre soeur espouzera Monseigneur le prince de Navarre, ilz discourent en ceste court que à cause de lad. alliance y aura grand guerre entre France et Espaigne devant d'un an ; car Sa Majesté Catholique le trouve si mauvais qu'il n'est possible de plus.

J'ay entendu. Sire, que l'ambassadeur ordinaire dud. Portugal icy rezident, quand il a esté du commancement par deçà, a bien vouUu remonstrer le tort que les Casteillans font au Roy son maistre de le troubler au possessoire des Mallucques qu'ilz s'efforcent de jour en jour uzurper. A quoy luy estant respondu maisgrement par les s" du conseil, il escrivist aud. Portugal qu'on se mocquoyt icy de ses rcmonstrances. Parquoy il con-

' Discours frivole, c'est-à-dire qu'elle vous amuse par paroles.

seilloit d'envoyer à leur vîsroy des Indes qu'il face ses effortz de chasser lesd. Casteillans hors desd. ysles et les tailler en pièces ; ce qu'il fera facillement, car les Portugallois sont sans comparaizon plus puissantz ausd. Indes que les subjectz de sa Majesté Catholique. On dîct que led. conseil sera exécuté et que led. Martincs est venu en partie pour le notiftier; auquel a esté faiet beaucoup d'honneur en sa réception par cesd. s"; et les plus grandz l'ont vizité.

Suis pareillement adverty, Sire, que vingt gallions, le moindre de cent cinquante thonneaulx et y en a aucuns de cinq cens, sortirent de Lisbone le xx"* de juin, don Jehan de Mendoce leur gênerai ; et ont prins leur route vers les ysles Açores, pour aller au devant des flottes qui viennent des Indes et leur estre de conser\e à l'encontre des courssaires françois qu'on faict bruict icy estre sortiz de La Rochelle, le quatriesme de juillet, pour les aller butiner soubz la chsu^ge du conte Ludovic, frère du prince d'Orenge ; et le s' de Pilles tout prest à faire voille avec quatorze grandz navires et trois ou quatre mil bons soldatz; lesquelles flottes des Indes viennent riches de quatre ou cinq millions d'or pour Espaigne; et celle de Portugal porte pour ung million d'or en pierrerie et pour deux milUons ou plus en espicerie ; sans lequel secours du Peru et Neufve Espagne, Sa Majesté Catholique, à ce qu'on m'a asseuré, n'a pas ung escu; et eust faict partir le duc de Medine Cely pour Flandres, s'il avoit argent ; car led. duc demande ung fondz de trois ou quatre cens mil escuz à porter quand et luy, afin qu'il ne soit contraint à son arrivée de surcharger et destruyre les Flamengs plus qu'ilz ne sont. Si est ce que les deux mil cinq cens soldatz qui doibvent s'embarquer et passer en sa compagnie ont heu mandement de marcher vers Laredo et y peuvent estre de ces heures pour y faire la monstre. On parle que led. duc partira d'icy ung de ces jours et s'embarquera par tout ce mois pour naviguer en septembre que les ventz sont propres pour aller de Biscaye en Flandres. Le duc d'Alve s'en viendra tantost après l'arrivée dud. de Medine et don Francés d'Alava s'en viendra avecques luy, laissant le secrétaire Aguilon jusques à ce que ceste Majesté y ayt pourveu d'autre ambassadeur. Et icy s'est dict que celluy qui est en Angleterre luy pourra succéder, puisque aussi bien la royne dud. Angleterre veult qu'il soit changé.

Au demouranl, Sire, Votre Majesté aura sceu comment les Princes de Bohême et don Jehan d'Austrie feirent voille de Barcelonne pour Gennes, le xviîj"" dud. juillet, avecques quarante gallères et doibvent pieçà estre en Itallie selon le temps propice qu'on dict icy qu'ilz ont heu. Neantmoins c'est trop tard avoir navigué pour sauver Famagoste, si l'advis venu de Rome sera véritable, que les Turcz l'ont prinse d'assault et tué tous les chrestiens qui estoient dedens. Dieu vueille que l'armée Vénitienne de soixante gallères soit eschappée de la Turquesque qu'on dict estre de trois cens voilles, lesquelles tiennent assiégées lesd. soixante. L'ambassadeur de lad. seigneurie icy rezident respond qu'il n'est rien de tout led. bruict.

Il vient, Sire, d'arriver des advis de devers Grenade que les Morisques qui estoient passez en Barbarie durant la guerre s'en retournent journellement aud. païs, pource que les gens de lad. Barbarie ne les veulent soufifrir vivre parmy eulx; et,carilz sont de mesme loy, ne les peuvent tenir pour esclaves ny led. Turc ne les peult nourrir. C'est la cause pourquoy ilz les renvoyent sur galliotes et autres vaisseaulx, selon le moyen qu'ilz en ont; et pourroit ung jour led. nombre monter à tant que led. royaume de Grenade auroit encore du travail ; car les autres Morisques naturelz d'icelluy dispercez parmy l'Espaigne ne fauldront d'accourir vers eulx et vers ceulx qui persévèrent en leur rébellion, vagant parmy les montagnes.

Autre advis, Sire, est venu que l'armée turquesque n'est pas seulement de trois cens voiles, ains y en mect on six cens, jaçoit que cela semble impossible. Et dizent que les espions que ceste Majesté avoit parmy lesd. Turcz sont esté descouvertz» prins et empalez. Aussi furent advertiz naguerses que Mons' l'Admirai faict gens en votre Royaume et qu'il luy est venu argent en abondance. Et pour ung ambassadeur du Turc dont on avoit parlé, le bruict est à présent qu'il y en a quatre en votre court; ce qu'ilz trouvent icy estrange, pource que tout ce qui peult servir à votre grandeur leur faict mal àl'esthomac et ne considèrent pas les raisons et occasions qu'il y peult avoir pour estre venuz lesd. ambassadeurs vers Votre Majesté à autre intention que de la guerre, notamant pour la restitution des navires de Marseille qui furent detenuz en Alexandrie et pour autres differentz qui

peuvent estrc naiz et naistre entre subjectz d'une part et d'autre; ausquelz il fault remédier par voye d'ambassades. Somme toute, Sire, qu'il n'y a rien qui ne donne soubsçon et mauvaise umbre aux personnes de mauvaise intention et volunté. De Madrid, le quatriesme d'aoust 1571.