A la Royne

Madrid, 27 novembre 1568.

Madame, Ung courrier qui est party de Vienne, le ix"* d'octobre, avec une depesche de l'Empereur, a porté lettre du sieur de Chantonay, disant que l'archiduc Charles debvoit s'acheminer de Grade, qui est sa maison, le xxv"" dud. mois, pour aller s'embarquera Gennes et de là venir à Barcelonne et vers le Roy d'Espaigne. J'aysceu du secrétaire Cayesque l'Empereur a rcspondu au sieur de Montmorin que les Princesses ses filles sont aussi bien filles du Roy Catholique comme siennes. A ccste cause qu'il ne doibt luy seul entendre à aucun party de mariage pour elles sans le gré et communication dud. S' Roy; bien est vray qu'il désire de son endroit contenter le Rov Très Chrestien en tout

ce qu'il luy sera possible pour l'honneur qu'il luy faict de luy demander sa fille; et nes'estant peu acomplir le mariage d'icelle avec le Prince d'Espagne, il confesse que elle ne scauroit estre mieulx maryée que en France; toutesfois, c'est aud. S' Roy Catholique d'en disposer comme de sa fille propre, ainsi qu'il luy fairoit scavoir par l'archiduc Charles son frère, ensemble le propoz que le s' conte del Ficsc et le s' de Monmorin luy ont tenuz pour le regard dud. mariage; et sera, et touchera aud. Roy Catholique de traicter ce négoce en Espagne, estant d'opinion led. Cayes que les chozes se siéront ou pourront estre changées par le trespas de la feu Royne; de sorte que led. arcliiduc pourra venir avec autre et différente instruction, comme seroit de voulloir reserver l'Infante Anne pour le Roy son maistre et donner l'Infante Ysabeau qui est la seconde au Roy et Madame sa seur au roy de Portugal; et combien que le vulguc parle et dezire d'avoir Madame Marguerite pour Royne d'Espaigne afin de reconfirmer tant plus l'amytié qui est et alliance, neantmoins led. Cayes croit que cella seroit trouvé trop estrange de l'universel, et sur tous du mesme Roy,sond. maistre, qui feroit merveilleux escrupulle d'espouzer deux seurs; tant y a qu'il me protestoit que ce propos sortoit de soy et non d'autre, m'asseurant qu'il n'a encore esté parlé ung seul mot de faire nouvelles nopces à ce Roy. Ce, Madame, qui est au contraire, ainsi que je vous ay escript que les grandz luy on remonstré par escript en termes generaulx et il leur a respondu de mesme et fault croire que à la venue dud. archiduc il s'en parlera plus ouvertement. Il plaira à Votre Majesté adviser s'il sera bon de propozer quelque nouveau party ou demander response à ceste Majesté et à luy de lad. remission de l'Empereur; et si tant estoit qu'ilz ostassent l'aisnée au Roy et donnassent le seconde à Portugal, il y auroit assez occasion pour rompre trente aUiances non que une seuUe; j'espère toutesfois que ce Roy ne vous trompera point, veu qu'il faict tant l'affectionné de bon filz et frère; joingt qu'il scait que Voz Majestez ont de quoy s'en ressentir promptemenl, et que luy vouUant faire guerre en Flandres ou en Navarre seroit des principaulx expedientz pour paciffier voz subjecls armez, lesquelz ne vescurent jamais six ans en paix ny en scauroient à présent vivre trois sans guerroyer leurs voisins; aussi m'est il advis

N" i57 ET 158. — 27 NOVEMBRE i568 27

que ces sieurs ont belle peur que VozMajestez pardonnent de rechef ceulx qui portent les armes contre vous; car les affaires de Flandres ne s'en porteroient pas mieulx, si cella se faisoit; et laquelle crainte, quelque bon semblant qu'ils facent, sera cause qu'on usera de toutz bons offices envers Voz Majeslez pour vous entretenir.

De Madrid, le xxvij"* de novembre 1568.