A la Royne

Madrid, 14 septembre 1571.

Il y a cejourduy vingt quatre jours que le Roy Catholique me promist de respondre de sa main aux lettres que je luy donniz le xxj»' escriptes de la main du Roy et de la Royne, votre

» Original. Bibl. Nat., ms. fr, 16103, f*» 651.

belle fille, m'ayant de jour en jour tenu en bonne bouche de vous voulloîr escrire; ce qu'il n'a faict; mais il promect de le faire, et voy bien que ceste dillation a esté en intention de revocquer son ambassadeur devant que vous faire responce et faire qu'il print congé soubz escuze de sa malladie, ne vouUant donner à dire au monde que ce soit pour s'estre mal porté en sa negotiation. De sorte. Madame, que led. S' Roy Catholique estant allé au Pardo le dixiesme de ce mois, le secrétaire Cayes veint aussytost m'advertir de la part de sond. maistre comment il avoit escript aud. donFrancés qu'il print congé et presentast au Roy et à Votre Majesté des lettres de son grand cachet accostumées d'envoyer sur le partement d'un sien ambassadeur, par où il prie Voz Majestez d'estre contentes qu'il se retire avec votre grâce, laissant le secrétaire Aguillon, en attendant celluy qui doibt succéder aud. d'Alava; laquelle depesche sera arrivée par delà le vij"' de ced. mois. La raison, Madame, que led. Cayes m'a alléguée pour escuzer le retardement de sesd. lettres de la main dud. S' Roy, son maistre, est que Sa Majesté Catholique dezire par icelles vous nommer led. successeur, lequel n'est encores choizy; mais il le sera bientost et tel personnaige qu'ilz s'asseurent que Voz Majestez l'auront agréable. Je prie Dieu que ainsy soit.

Madame, je ne scay si le courrier qui porta led. congé à don Francés vous aura donné une mienne petite lettre que j'escrivis à Votre Majesté du trentiesme aoust, lui donnant advis seullement comme Sa Majesté Catholique m'avoit promis en mon audience,le xxj"%derevocquerson(i. ambassadeur promptement, sans nulle dissimulation ny longueur; et par aultre mienne depesche du quatre et dix septiesmc dud. aoust, j'avois escript à Voz Majestez qu'il seroit revocqué, et iroit trouver le ducd'Alve en Flandres, laissant led. Aguillon en son lieu; car je ne m'estois pas endormy en la poursuyte de sa revocation, après que le s' Jeronime Gondy s'en fust retourné. S'ensuit, Madame, que toutes les raisons du monde veullent qu'il vous plaize avoir depesche ung courrier avec mon congé après que led. don Francés aura heu sa licence de Voz Majestez. Et croy qu'il ne sera pas grand bezoing de haster la venue de mon successeur, sinon à mezure que le nouvel ambassadeur d'Espaigne se hastera

N"' 293 ET 294. — 8 octobre 1571 381

d'aller; car pourra estre qu'on y procédera lentement de cest endroict, comme ilz firent après la retraicte du s' de Chantonay. Madame, je prie Dieu qu'il vous vueille maintenir et conserver très longues années en trèsacomplie santé et félicité. De Madrid, le xiij"' de septembre 1571.

De sa main : Madame, je ne penseray point offencer Voz Majestez, si au bout de six ans que j'ay heu l'honeur d'estro votre ambassadeur en Espaigne, jereprendz mon chemin de France, en laissant icy quelcun pour recevoir voz depesches, eu atendant mon successeur, s'il ne vient devant que je desloge ; car j'ay feme et enfansprès de moy, long voyage à faire, etl'hiver qui aproche. Mais le receveur de Bourdeaulx me tient grand tort de mes assignations. Vous advîsant. Madame, quel'advis dont votred. petite servante vous a escript dernièrement avoir esté envoyé d'Allemaigne au Roy Catholique, est véritable. Et s'ilz sont icy en peine d'eslire home suffizant pour estre ambassadeur près de Voz Majestés, la difficulté est encore plus grande, de le trouver mary d'une telle feme qui scache bien s'aquicter de l'office pour lequel on la veult poùlcer auprès de la Royne, votre belle fiUe, madicte Dame. Toutesfois Votre Majesté y scaura bien remédier de belle heure et garder que lad. Dame espaignolle tant presumptueuze qu'elle soit ne s'aproche de lad. Majesté plus qu'il ne fault ny s'ingérer de luy tenir langage moins que au contentement de Voz Majestés. La flotte des Indes est arrivée à Seville, chargée, à ce qu'on dict, de six millions d'or.

Vostre très humble, très obeyssant et très obligé subject, vassal et serviteur.

FORQUEVAULX.