Au Roy
Madrid, 8 octobre 1571.
Sire, La dernière depesche que j'ay faicte à Votre Majesté
estoit du xiiij de septembre, laquelle sera allée seurement en voz
mains, à ce que M. le viconte d'Orthe m'a escript, auquel je
l'avois adrecée. Le Roy d'Espaigne, votre frère, se retira la veille
* Autographe.
S* Mathieu au monastère S* Jeronime, où il se tint jusques au xxiij du soir qu'il s'en retourna en son palais pour honorer les nopces de dogne Madelaiiie de Bonadilla, une des dames de la Princesse sa soeur, qui espouza lendemain don Jeronime de Padilla. Sa Majesté Catholique m'envoya led. jour deux lettres de sa main. Tune pour Votre Majesté, l'aultre pour la Royne votre mère. Et pour ce. Sire, que le secrétaire Cayas qui me les apporta me deist que led. S' Roy son maistre n'estoit encore rezollu quel personage il envoyeroit succéder à don Francés d'Alava, signiffîant que lesd. lettres estoyent pour compliment sans plus et qu'il ne pouvoit si tost respondre au memoyre que je luy avois donné après mon audience du xxj d'aoust, ny faire responce à la lettre de la Royne sa mère, il ne m'a point semblé fort nécessaire ni presser de vous deb voir incontinent envoyer lesd. lettres sans sa responce aud. memoyre et à la lettre que la Royne, sa niepce, mad. Dame, luyavoitescripte. Icelluy Cayas pour escuze disoit atendre certaine depesche de Seville touchant les prisonniers françois, et que la lettre de la Royne mad. Dame n'estoit que recommandation, à laquelle sorte de lettres on ne respond guère. Ainsy ont passé ung nombre de jours et jusques au vj"* du présent que je suis retourné vers Sa Majesté Catholique faire instance pour lad. responce, et n'ay pas oblié de luy rementevoir votre prière et des Roynes mesd. Dames en faveur de don Diego Lasso pour Tenconiende, comme aussy l'Empereur l'en a prié ces jours passés par lettre de sa main. Sa Majesté Catholique remect ce négoce à la première consulte pour y adviser; et sa responce va maintenant par ce pourteur.
Sire, je ne veux faillir d'advertir Votre Majesté que led. S' Roy a célébré la feste de votre ordre à ceste S* Michel ; et m'envoya deux jours devant me dire par led. Cayas qu'il estoit plus François que moy, en ce que je le deusse avoir advisé de lad. feste et c'estoit il qui m'envoyoit appercevoir de me trouver la veille à vespres et lendemain à la messe avec manteau et esquipage, si je l'avois, ou ainsy que je vouldrois. Je fiz mon escuze le moins mal que je sceu, bien qu'il gaigna cet advantage de peu d'heure de me faire advertir et luy baizois les mains pour la faveur, et encore que je n'eusse l'habit, je ne laissizde me rendre vers led. S' Roy avec votre grand collier et fusse vouUu lors estre plus pouvre
de mil escus pour led. habillement, car tout Madrid fust à veoir la cérémonie; ausd.vespres et lendemain àla messe, lad. Majesté me fist marcher à son cousté, le prince Ruy Gomes comme grand chambelan luy portant lacueue du manteau; les ducz, marquis, contes et aultres grands s" d'Espaigne alloyent devant luy; il n'en eust faulte que du cardinal de Siguence. Et fault, Sire, qu'il m'eschappe de vous entretenir de ces trois lignes de sottize, pour dire à Votre Majesté que ce jour de S* Michel, entre les dix et onze heures, en Theure propre que la messe se chantoit, j'euz Ixiij ans completz. Dieu me donne grâce d'employer ceulx qui me restent en service qui vous soit agréable pour me rendre digne du bien et de tant d'honneur que j'ay receu de Votre Majesté, qui est plus que je n'en scaurois mériter.
Sire, l'entrée du cardinal Alexandrin fust lendemain qu'estoit le trentiesme dud. septembre. Led. S' Roy l'alla atendre et recevoir au bout du faulbourg de Toche, et le mist à sa main gaulche sans le laisser qu'il ne l'eust rendu devant l'eglize S*' Marye où Sa Majesté le laissa. Et led. cardinal y descendit et entra faire son oraison, comme est de coustume aux aultres legatz de faire, où le susd. de Siguence le fust trouver. Et portoit led. légat en son entrée son habit de Jacopin et le chappeau de cardinal.
En après. Sire, le troisiesme jour de ce mois, je fuz visiter led. légat en son logis où don Jehan d'Austrie souUoit loger, qui a esté reparé etmeublé de riches tappisseries etlitz pour sa venue, traicté et deffrayé aux despenz de ceste Majesté. Lequel s' légat se loue grandement de l'honneur et traictement qu'il a receu passant par vostre Royaume. Et après aulcuns propoz tenuz qu'il n'y avoit sinon luy et moy, il me demanda s'il est vray ce qu'on luy a dict despuis qu'il est entré en Espaigne, que le traicté du maryage de Madame vostre soeur avec Monseigneur le prince de Navarre a procédé si avant qu'il n'y reste sinon la dernière conclusion, me priant comme votre ministre de luy dire ce que j'en scavois; car il a commission si expresse du Pape de poulcer en avant le maryage de mad. Dame avec le roy de Portugal qu'il s'en promect un bon succez et s'asseure qu'il s'effectuera s'il ne tient à Votre Majesté et delà Royne, votre mère. Et, car il avoit entendu que votre Majesté m'avoît pieçà envoyé pouvoir et
procuration pour led. maryage de Portugal, il deziroit scavoir si j'avois esté revocqué et en quel estât est aujourd'huy le négoce d'une part et d'aultre.
Sire, je luy ay respondu la vérité comme je la scay; et c'est que j'ay led. povoir encores en mes mains sans revocation que je scache, mais de luy scavoir dire si Votre Majesté traicte de maryer mad. Dame aud. prince de Navarre ou aultre, je ne scavois, excepté que je l'asseurois bien que Voz Majestés ne m'en ont rien mandé ny escript, sinon que vous esperyés de la maryer bientost et en tel lieu qui par adventure ne plairoit pas à toutz. Et sur ce faict avons parlé assés longuement; car je Tay vouUu informer de quelle façon mad. Dame avoit esté demandée à Voz Majestés par le Roy Catholique pour led. s' roy de Portugal, son nepveu, et de quelle froideur et dissimulation ilz y avoyent despuis procédé l'un et Taultre. Icelluy s' légat, Sire, m'a juré que le Pape ne luy a donné charge quelconque d'en rien dire aud. S' Roy d'Espaigne, et qu'il ne luy en parlera pas aussy, si est ce qu'il est adverty que ceste Majesté et la Princesse sa soeur dezirent grandement que led. maryage se face, concluant qu'il vouldroit bien scavoir en quoy en est led. traicté de Navarre, afin de se garder de mesprendre, comme seroit d'en parler aud. Portugal s'il estoit desja conclud pour ung aultre mary, car il offenceroit et Sa Saincteté et led. roy de Portugal. A quoy je n'ay sceu luy donner aultre conseil que d'atendre ce qui en viendra de votre cousté par le premier courrier, laquelle atente luy a semblé assés doubteuze et confuze et ne s'en peult contenter pour son acquit.
Sire, touchant les aultres particularitez qui se offrent de nouveau, j'ay à vous donner advis comment le duc de Medine Cely est party de ce lieu le xxvij"' du passé s'en allant à sa maison dud. Medine, où il doibt arrester peu de jours pour faire les nopces d'une sienne fille avec le conte de Ciffuentes, lequel est encore en ceste court atendant la conclusion de son maryage, traicté et conduict par le prince Ruy Gomes. Et faictes que soyent lesd. nopces, led. duc ira s'embarquer à Laredo en Biscaye. Ce pourra estre en décembre, afin que le duc d'Alve puisse venir en janvier, qui est la saison plus propice pour naviguer dud. Flandres vers deçà; ou c'est par adventure pour laisser led. duc d'Alve par
delà, de crainte qu'ilz ont que l'allée de M. T Admirai vers Votre Majesté ne soit pour troubler les affaires des Païs Bas, leur allant parla fantazie qu'on est à la veille de guerre. Aussy en la fortiffication de Pamplone se donne toute la presse du monde, car se deffient des Navarrois. Et touchant à Tor et argent qui est venu sur la flotte des Indes, le font quatre millions et demy en tout; de laquelle somme vont douze cens mil escus pour Sa Majesté Catholique; le surplus est des particuliers qu'il n'en a rien mandé retenir, ains a payé aulcunes debtes sur sad. part. Chiappin Vitel avoit prins lettres du Roy Catholique à Votre Majesté et à la Royne, votre mère, comme s'il eust deu passer par votre court et vous baizer les mains, ce qu'il n'a tenu compte de faire. Le duc d'Alve parce que je puis entendre seroit fort aize de povoir venir par votre Royaume, mais que ce fust avecques seureté de sa personne, car il se trouve très mal sur mer. J'ay respondu qu'il a tant d'enemys qu'il seroit difficile l'asseurer, et si mal luy prennoit seroit donner occasion au monde de mal parler. Le conte de Benavent va visroy en Sicille avec expectation del'estretantostde Naples. Et le grand commandeur de S' Jacques aura Milan, combien qu'on ait parlé du prieur don Hernando, lequel ne bouge de Catheloigne. Ces jours passez, environ trois cens soldatz chrestiens Espaignolz tumberent dens une embuscade d'environ quatre cens Morisques du royaume de Granade et furent iceulx chrestiens deffaictz et mortz environ Ix homes; les aultres s'échappèrent comme ilz peurent. L'Empereur a aprouvé la saizie faicte du Final par les gens du Roy Catholique; car luy ont donné entendre que le marquis marchandoit de donner son marquisat aux François.
L'ambassadeur de Portugal icy rezident m'a dict que ung frère du duc de Bregance est prisonnier à La Rochelle en retournant de Flandres. Led. duc a toujours caressé les François, et est la seconde personne dud. royaume; sond. frère est home d'esglize, ung Rogier bon tempz qui doibt plus qu'il ne poize.
D'Hirlande on a envoyé Julian Remero secourir le party de la royne d'Escosse, lequel a deffaict le camp de Lannot luy mort ou prins à Sterlin ; et se sont saiziz du petit roy. Ceste Majesté m'a dict lad. victoire.
[Du] viij d'octobre 1571.
