A la Royne

Madrid, 8 octobre 1571.

Madame, Le tnesme jour que je fuz visiter le cardinal Alexandrin, il m'envoya le soir ung de ses gentilzhomes me prier de retourner vers luy lendemain, car deziroit communiquer avec moy de certain négoce d'importance. Je m'y rendiz l'après disner. Le négoce a esté traicté présent le Nonce du Pape, me requérant led. légat lui declairer si je scay aulcune choze certaine du bruit qui court que Madame votre fille est desja promise à Monseigneur le prince de Navarre. Je luy ay respondu comme le jour précèdent, ainsy que j'escriz au Roy. Sur quoy il m'a prié et requis d'advertir Voz Majestez à toute diligence comment il a commission du Pape si expresse et si forte pour advancer led. maryage de Portugal, qu'il s'asseure que maulgre les Theatins ettoutz aultress"quivouldroyentrempescher, pourveu que Voz Majestés le vueillent, le roy de Portugal sera mary de mad. Dame. Et à ces fins, il fera le moindre séjour en ce royaume qu'il luy sera possible, estant lad. occasion la principalle et plus urgente qui le mené aud. Portugal. Et selon la responce qu'il plaira à Voz Majestés faire, il advancera ou retardera son partement de ceste court, me priant bien acertes* de n'en descouvrir ung seul mot à ced. S' Roy Catholique. Madame, je n'ay voullu faire faulte de donner advis à Voz Majestés de ced. propoz, afin qu'il vous plaize ordonner là dessus ce qui sera du bien, grandeur et service de votre coronne et de mad. Dame; vous asseurant, Madame, que lesd. légat et Nonce tiennent led. maryage pour faict avec led. roy de Portugal, s'il ne tiendra à Voz Majestés; car oultre l'authorité du Pape qui y entre par toutes les plus fulminantes persuasions et contraintes à quoy elle se peult estendre, ilz scavent bien que led. roy de Portugal y est à présent affectionné et enclin, comme est aussy son conseil. Mais ne veuUent que les Espagnolz s'en meslent aulcunemenl, si est ce que ced. S' Roy Catholique et la Princesse le dezirent aussy bien que eulx; ce que led. légat n'enpirera pas de son cousté, car il s'y veult employer à bonnes enseignes ; neantmoins

' Autographe.

* Instamment.

N« 295. — 8 OCTOBRE i57i 387

qu'il n'en fera mention aulcune s'il n*est asseuré qu'il n'y a encore rien de faict ny arresté avec led. s' prince de Navarre ny aultre; car il feroit très grand tort aud. Père Sainct etoffenceroit led. roy de Portugal par une trop lourde mocquerie.

Madame, à ce qu'il m'a semblé dud. légat, il monstre avoir fort grande affection aud. maryage; mais je n'ozerois asseurer si led. Nonce s'entend avec ceste Majesté ; laquelle je ne vouldrois pas promettre qu'il fust aize que mad. Dame soyt royne de Portugd. Et vouldroit led. légat scavoir dens le xw'j du présent s'il y a rien de faict ny de conclud avec aultre mary, afin de se rezouldre sur ce qu'il aura à faire. Il sera le bon plaizir de Votre Majesté le contenter et en monder votre volunté à mon successeur; lequel j'atendz d'heure en heure pour reprendre mon chemin de France devant qu'entrer plus avant en l'hiver. Bien seroit esté assez à mon advis que Votre Majesté eust envoyé par deçà quelcun des secrétaires du Roy, non des principaulx, mais du qualibre d'AguUon. en atendant de veoir si Sa Majesté Catholique vous envoyera aultre ambassadeur sans vous haster les premiers.

Et sur ce propoz, Madame , je n'ay pas failly de demander en ma dernière audience aud S' Roy s'il n'entendoit pas avoir revocqué don Francés d'Alava, comme Sa Majesté m'avoit promys, et aussy que le secrétaire Cayas m'estoit venu dire de sa part, et d'avoir escript à Voz Majestés desja en aoust, les priant de donner leur congé à sond. ambassadeur, car j'estois adverty qu'il estoit encore à Paris sans estre venu à Blois. Led. S' Roy m'a asseuré qu'il luy avoit commandé bien expressément du trentiesme aoust que sans atendre aultre nouvelle recharge, il se deubt licenticr incontinent de Voz Majestez et s'en venir par deçà. Et le retardement n'est que pour le trouver mal disposé aud. Paris. J'entendz, Madame, que c'est à faulte d'argent qu'il atend du cousLi'^ de Flandres, comme son facteur m'a dict avoir heu assignation par delà de dix mil escus, pource qu'il doibt beaucoup en Franco. Fault croire pareillement qu'il n'obmect pas cependant à escrire et à faire ses offices à la coustumée, et qu'il se faingt mallade pour avoir occasion de temporizerjusques après le partemcnt do Mons' l'Admirai hors de votre court; duquel ces gens ont niaulvaise ombre, se tenantz pour dict qu'il brave tout mal encontre eulx. Et ne veulx, Madame, faire faulte de dire à Votre Majost

que je suis adverty que le mal qu'on a dict de la persone du roy de Portugal estoit sans raison ; car il est beau prince pour sa taille, sain et robuste aultant que son eage requiert. Vray est qu'il ne s'affectionne point à aimer les femes, dont il ne l'en fault moins estimer; car il s'en portera mieulx et en sera meilleur mary toute sa vie. J'ay sceu que les Indiens qui tenoyent assiégée Malaca sont esté delfaictz par une grande victoire que les Portugois ont gaignée sur eulx. Une lettre du s' Almede va en ce paquet à Votre Majesté. Le pouvre home dezire comme son saulvement que Madame soit sa royne; et je le dezire comme le mien.

Du viij octobre 1371.