Au Roy

Madrid, li novembre 1571.

Sire, Le mois passé me sont esté données deux depesches qu'il a pieu à Votre Majesté me faii'e, la première du xxviij de septembre que j'ay receue le ix d'octobre par ung courrier de Paris nommé Piquet, qui, je croy, estoit venu porter ung paquet de don Francés jusques à Medine del Campo soubz couvert de marchantz Italiens deniourantz aud. Paris; l'aultre depesche du xviij dud. octobre. Ce porteur de votre escuyrie Jehan Barbier me l'a rendue le xxvij""; et le deux du présent mois en ay receu une aultre du xv dud. octobre par ung home de pied de Bayone, que M. le viconte d'Orte m'a envoyé. Ce sont donc, Sire, trois depesches, par les deux desquelles ne m'a esté rien commandé à dire ny à faire promptement, mais sellon qu'on me parleroit que je respondisse tant des maryages d'Angleterre et de Madame vostre seur que d'estre allé M. l'Admirai faire la révérence à Votre Majesté; à quoy j'ay obey. Et afin de scavoir ce qui leur sembloit, ou s'ilz avoyent entendu parler du conte Ludovic de Nassau, qui m'est le plus recommandé négoce des deux depesches premières, j'avois parlé au cardinal de Siguence, Ruy Gonies, Légat et Nonce du Pape, ambassadeurs de l'Empereur, de Portugal, Venize, et aulcuiis autres homes d'honneur, devant

' Autographe.

ir 296. — 12 NOVEMBRE 1571 389

que retourner à l'audience du Roy, votre frère, pour escoulter si quelcun m'en feroit mention; ce qu'ilz n'ont faict, ny seullement le nommer, ny moy à eulx. II est, Sire, advenu fmablement que pour satisfaire à votred. lettre dernière du xv dud. octobre, je suis allé parler à Sa Majesté Catholique, le iiij du présent, afin de solliciter la revocation de don Francés ; en laquelle audience s'est offert ce propoz après aultres que led. S'm'adict qu'il avoit entendu que la royne de Navarre, qu'il appelle Madame de Vendosme, s'acheminoit de Pau vers votre court, auquel Pau elle s'est tenue et aux baingz quelque tempz, bien acompagnée de noblesse; entre aultres, il a nommé led. conte, auquel il ne donne point aultre tiltre que Ludovic, dizant que Ludovic est ordinaire de lad. court de Bearn et qu'il suyt lad. Dame. J'atendois si Sa Majesté Catholique m'en diroit davantage, et voyant qu'il ne passoit oultre et afin de le sonder ung petit là dessus, j'ay pencé bien faire de m'advancer à luy dire qu'on disoit en France que les principaulx s" de la nouvelle religion vouldroyent fort vous persuader, Sire, d'accepter led. conte en votre service, allegant par leurs raisons qu'il est prince alleman[d]j ne tenant ung poulce de terre soubz son obeyssance; et par conséquent il ne peult trouver maulvais ny nul aultre prince si Votre Majesté le reçoit.

A quoy, Sire, ced. S' Roy m'a respondu qu'il ne faict pas doubte que lesd. principaulx n'essayent de vous faire faire assés de chozes hors de propoz, si vous les vouldrez croire, comme seroit celle là, veu ce que led. conte a faict contre luy. Mais qu'il se tient asseuré que votre bonne amytié correspondra à la sienne qu'il vous a tousjours monstrée etveult vous porter toute sa vie; et que le prince d'Orenge, combien qu'il ait des terres en AUemaigne, n'est point tenu pour prince alleman et moins sond. frère.

Je luy ay répliqué que Sa Majesté doibt bien croire que quand led. prince seroit en votre service, qu'il desplairoit à Votre Majesté luy endurer de faire entreprize à son préjudice ny le favorizer contre Sad. Majesté, mais plustost le distraire de telle volunté, s'il l'auroit.

A cela led. S' m'a respondu en soubzriant ne scay quoy si bas que je ne l'ay sceu entendre. Et de ce que je parfois de ce faict

comme sans charge, je ne Taypoursuivy plus avant de peur qu'il s'en apperceusse. Neantmoins, Sire, s'il m'en parloit cy après ou quelcun de ses ministres, je luy diray voz raisons le moins mal que je scauray . Si est il ung prince qui garde semblables chozes en son cueur sans dire ce qu'il en pence.

Sire,, je n'ay rien obmys de ce qu'il falloit représenter au Roy, votre frère, sur la revocation dedonFrancés, ny des calumpnies et ruzes dont il use, estant si téméraire de s'empescher du diflFerent de voz subjectz. Il m'a dict y avoir longtempz qu'il n'avoit receu lettre ny advis dud. don Francés, ny scavoit où il estoit; bien en scauroit des nouvelles ce jour là, car ung sien paquet venoit d'arriver à Cayas, lequel estoit après à le deschiffrer; ains le pençoit en votre court pour se licentier de Vos Majestez, suivant ce qui lui fust escript et commandé desja en aoust, et le retardement n'estoit que à faulte de deniers qu'il atendoit lors du cousté de Flandres; àquoy le duc d'Alve auroitmys ordre, m'asseurant que c'est son intention que led. don Francés se retire par deçà sans perdre jour ny heure. Et touchant aux maulvais offices qu'on a donné entendre à Votre Majesté qu'il faisoit par ses lettres et advis, c'est à grand tort qu'il est accuzé. Et me le disoit de telle façon qu'il vouUoit bien que je le creusse ainsy.

Je luy ay, Sire, remonstré le hazard auquel sond. ministre se niect par ses brigues et menées facheuzes, car sera miracle si quelque malheur ne luy tumbe sur la teste aussytost par ung catholique comme par ung aultre^ que seroit trop grand scandalle pour toutes Voz Majestés. Toutesfois il en cherche les moyens en lieu qu'il les deubt fuyr; et s'il craingt les champz, il debvoitvous faire supplier pour l'escorthe; laquelle facillement Votre Majesté luy eust faict donner. Mais il declaroit assés le peu d'envye qu'il a de sortir de Paris ny de sa charge; surquoy je luy ay dict les considérations portées par vostred. lettre du xv"'; et maintz aultres propoz sont passés qui seroient longz. Auxquelz je n'ay sceu conjecturer ny comprendre sinon toute bonne affection envers Votre Majesté. Il m'a demandé nouvelles de votre santé et des Roynes, sa bonne mère et niepce, et en quel lieu vous estiés. Je luy ay, Sire, respondu ce que j'en scavois parle courrier. Je dezirois que led S' Roy me deist le nom de celluy qui doibt succéder à don Francés et en quel tempz il pourroit

arriver en votre court, et si ce seroit don Diego de Çuniga, cousin du duc de Bejar, que j'avois veu corregidor à Tolède, car on disoit parmy ceste court que ce seroit luy. Il m'a respondu qu'on est après de Vy envoyer, mais cela n'est encore bien rezoUu, à cause de certaine difficulté que led. chevalier en faict; et arresté que cela soit, j'en seray aussytost adverty soit dud. Çuniga ou aultre et du tempz qu'il pourra arriver par delà.

Led. don Diego, Sire, est natif de Salamanca, home de 45 ans, proche parent du duc de Bejar, riche de dix à douze mil escus de revenu, croizé de S' Jacques. On le représente pour fort habile home. J'entendz qu'il faict difficulté d'accepter l'ambassade, afin d'avoir une bonne encomiende, car il scait enchérir sa marchandize, voyant que les persones dignes d'y estre employées sont aussy clairsemées en Espaigne comme ailleurs. Je ne puis scavoir le tempz de son parlement, sinon qu'il ira passer sur sa maison à Salamanca au partir de ceste court pour veoir sa feme, laquelle le suyvra au bon tempz. Elle a nom dogne Alienor Cabeca de Vacca, qui est une bonne grosse maison de cavalleros de la ville de Samoca.

Sire, après toutes ces chozes dictes, je ne veulx oblier de dire à Votre Majesté comment en lad. audience il me vint à propoz de faire entendre à Sa Majesté Catholique comme de moy mesme la fin qui vous avoit esmeu de permectre à M. l'Admirai de vous aller faire la révérence, qu'estoit pour myeulx restablir l'exercice de la religion catholique romaine, et de votre justice es lieux où ceulx do la nouvelle religion ont quelque prééminence. Il m'a respondu qu'il dezire que ainsy soit et en advienne comme Votre Majesté se proraect.

Touchant au maryage de Madame votre seur, il eust bien voullu la veoir royne de Portugal, ce qui n'a resté par luy quelque opinion qu'on en ait eu. Et pour le regard de celluy d'Angleterre, que Monseigneur votre frère a eu raison de tenir bon pour sa religion; car je luy ay raconté avoir sceu d'un amy mien de delà que l'empeschement dud. maryage s'est fondé sur ce que mond. S' le duc vouUoit faire les nopces selon Teglize romaine et la royne dud. Angleterre à la calviniste. Mond. S' vouUoit par mesme moyen que les Anglois vescussent en liberté de leurs consciences comme font les François et les AUamans;

ce que lad. Dame et son conseil ont refuzé. Qui a esté cause que led. traicté est demeuré acroché et sans effect. Mais l'amytié et satisfaction d'une part et d'aultre en très bonne correspondance, ilz ont opinion icy que mond. S' votre frère entendoit aud. party à son grand regret. En somme, Sire, il m'a semblé que j'ay laissé Sa Majesté Catholique assés bien satisfaicte en mad. audience, concluant que jamais il n'y aura fopture d'amytié entre Vos Majestés qui provienne de son endroit. Ce que le cardinal de Siguence qui faict et peult tout ce qu'il veult auprès de son maistre me promect et asseure par aultant de fois que je parle à luy. Et encore le cinquiesme de ce mois me l'a confirmé, disant que de sa vie n'adviendra que ceste Majesté commence de vous ennuyer. Je luy ay dict que le commencement ne naistra pas aussy de votre cousté ; car toutes voz lettres me commandent de ainsy le dire et certiffîer de voulloir vivre en paix et amytié avec luv et toutz voz voizins.

Sire, nouvelle est venue aud. S' Roy, le dernier du passé, par ung courrier delà seigneurie de Venize, de la victoire obtenue sur les Turcz par l'armée de la ligue, le vij octobre, auprès du golfe de Lepante. Il estoit à vespres et fist chanter Te Deum laudamus; et lendemain, jour de Toussainctz, fust oyr la messe à S' Philippe, qui fust chantée par le Légat. Puis après alla en procession jusques à Teglize Saincte Marye. Les ambassadeurs î'accompaignerent; et je me resjouys avec Sad. Majesté de lad. victoire. Il me fist responce qu'il se tenoit à certain que vous, Sire, y aurez receu grand contentement tant pour son particullier que pour estre lad. victoire commune à toute chrestienté. Aussv a il tousjours esté et sera bien aize de voz heureux succez comme de son bon frère qu'il ayme parfaictement.

J'entendz que le Légat a commission entre aultres articles de requérir le Roy Catholique qu'il face toutz offices d'attirer l'Empereur, Votre Majesté et le roy de Portugal à la ligue, et de mectre l'an qui vient plus grandes forces par mer et pour faire descente qu'il n'a promys parleur capitulation. Je ne scay encore ce qu'il respond. Mais led. légat partira pour Portugal ung de ces jours. Et m'a demandé si j'avois responce de Votre Majesté touchant ce qu'il m'avoit prié etrequiz de vous faire entendre de lacommission qu'il avoit du Pape pour traicterdu maryage de Madame

votre seur avec le roy dud. Portugal; envers lequel il dict n'avoir pas perdu tempz despuis estre arrivé en ceste court, ains qu'il a disposé les affaires de telle sorte qu'il s'asseure dud. maryage s'il ne tiendra à Votre Majesté. J'atendz, Sire, en bonne dévotion ce qu'il vous plaira que je luy en die par votre première depesche , bien qu'il scait desja ce que Votre Majesté m'a commandé de respondre à qui m'en parleroit. Et par lettre de Paris du xxvj et dernier d'octobre, on tenoit pour rezoUu que mad. Dame estoit accordée à Monseigneur le prince de Navarre; ce toutesfois que les principaulx d'icy ne peuvent croire.

Sire, ung gentilhomme de la chambre de l'Empereur, qui a nom le s' de Quivimille est en ceste court despuis environ six sepmaines ; il tient rang d'ambassadeur en absence de don Dietristain. Je suis adverty qu'il est venu demander et poursuyvre au nom de Sa Majesté Cezarée que le marquis de Final soit réintégré en sa maison. Je ne puis entendre s'il l'obtiendra; mesme qu'on dict que le Roy Catholique a envoyé vers led. S' Empereur offrir recompense pour led. marquis ailleurs. Ced. gentilhome m'a dict qu'il espère en brief s'en retourner en Allemaigne ; et passera par votre court pour baizer les mains de Vos Majestez. Don Jehan de Borje, ambassadeur rezident en Portugal pour ced. S' Roy, est venu, peult avoir trois sepmaines, pour trouver icy le duc de Gandie son père, lequel est prieur gênerai des Theatins, et pour les affaires de la royne dud. Portugal qui estoit preste à son partement de s'en venir. Mais ont tant faict de l'avoir arrestée jusques à l'arrivée dud. légat; les Portugois dizent que elle en apporte tout le trezor des roy s dud. Portugal et n'estoit la crainte de Castille, ilz la garderoient de l'emporter. Led. s' Légat demandoit de la part du Pape que Sa Majesté Catholique cedast au droit de sa monarchie de Naples et Sicille, laissant à Sa Saincteté l'authorité de conférer les eveschez et beneffices de ses royaumes. 11 luy a esté dict de non; et ne consentira ced. S' Roy au tiltre de Magnus Dux pour le duc de Florence, qui estoit une instance fort recomandée aud. légat. Mais il aura un buffet de vaisselle de pur or pour xj mil escuz pesant et pour six mil de vaisselle blanche.

Sire, les Inquisiteurs de Catheloigne avoyent envoyé vers Tholose le chanoine Vidal, prieur d'Arles en Rossillon, commis-

saire deTlnquisition cVEspaigne, afln défaire certaine diligence; et ung jour du mois d'octobre dernier passé luy sortirent au chemin royal quelques gentilzhomes qui Je prindrent et menèrent au chasteau le Montlor près Villefranche de Lauragois, où il est prisonnier, lui prindrent ses papiers, déposition de tesmoins et aultres procédures, disant qu'ilz avoyent commission de ce faire de votre court de parlement de Tholose ; de laquelle arrestation et détention dud. commissaire lad. Inquisition a donné advis è Sa Majesté Catholique, qui m'a faict prier par M. le cardinal de Siguence, président et Inquisiteur mayord'icelle, de supplier Votre Majesté comme il faict aussy très humblement qu'il soit votre bon plaizir de faire relaxer et délivrer led. chanoine Vidal commissaire et à ces fins le mander et escrire aud. parlement. A quoy, Sire, je n'ay vouUu faillir; et croy bien que led. chanoine pençoit estre en Espaigne où lad. Inquisition est plus redoublée que le feu ; aura vouUu faire quelques exploictz par delà sans demander permission à votre parlement qui ne Ta vouUu souffrir. Et fault que je dis à Votre Majesté que lad. Inquisition se rend de jour en jour si odicuze aux Espaignolz et mesme en Aragon et Calheloigne qu'il sera impossible qu'il n'en sorte grandz dezordres et séditions.

Et ne veulx oblier. Sire, d'advertir Votre Majesté de ce que je viens d'entendre par advis d'un mien amy demeurant à Lisbone, qui m'escript du xxix d'octobre, que despuis trois sepmaines paravant lad. lettre, on a prins cinq ou six navires françois, les ungz venant d'Espaigne, les aultres de l'Algarbe, chargez de marchandizes; et ont prins les ungz dens la rivière dud. Lisbone estans à l'ancre atendantz le tempz propice à naviguer. Et leur veullent faire acroire qu'ilz sont lairons; et ont donné la question à aulcuns qui n'ont confessé aultre choze sinon qu'ils viennent d'Amlellouzie charger des vins pour pourter en Flandres. Cependant on les tient prisonniers, et semble aud. personage que les François seront dores en avant plus maltraictez en Portugal qu'ilz ne furent oncq. Il fauldroit, Sire, bien punir ceulx de vos subjectz qui leur apportent des bledz; car vous verriez mourir de fain lesd. Portugois en peu de tempz.

Sire, il ne restoit que mectre la fin à ceste lettre quand le secrétaire Caves m'est venu dire de la part du Roy son maistre

N«- 296 BT 297. — 42 novembre 1571 395

que don Francés lui a escript du dernier octobre qu'il ne fera faulte de desloger de Paris lendemain de la Toussaintz pour aller prendre congé de Votre Majesté et se retirer en Espaigne.

Je n'oblieray de dire à Votre Majesté que le duc de Medine Cely est à Laredo atendant le vent pour Flandres; auquel port sont arrivez quelques navires flamengz, qui ont apporté des nouvelles de la Royne Catholique, et ceulx du duc d'Alve. Il se parle d'envoyer des bizognes à don Juhan d'Austrie pour refaire les compagnies, car on dict que beaucoup de soldatz espaignolz sont mortz au combat contre les Turcz. Il y en a qui ont opinion que les bendes qui estoyent en Biscaie pour passer en Flandres avec led. duc sont mandées aller à Barcelonne pour les passer en Itallie.

Du xij"* novembre 1571.