A la Royne

Madrid, d2 novembre 157i.

Madame, Les recommandations à Mesdames les Infantes qu'il vous a pieu me commander par vos lettres de septembre et octobre ont esté faictes; dont leurs Altezes en baizent infinies fois très humblement les mains de Votre Majesté, et se portent très bien. Je les ay visitées encore le ix"' du présent, et ma feme ne fault de les visiter souvent. Il s'est dict quelque choze de les voulloir transporter en la ville d'Alcala qui est à six lieues d'icy, après que la Royne d'Espaigne sera acouchée. Mais je ne puis croire que le Roy, leur père, y consente pour tant bon respect, mesme qu'il les voit voluntiers, et scaitbien que tel esloignement vous desplairoit. On fait compte que lad. Dame Royne entrera en son ix"' mois le xxij d'estuicy et pourra s'acouoher sur le commencement du prochain. J'ay toutz les jours à respondre si la Royne votre fille est enceinte, car il leur tarde pardeçk que elle le soit. Et vous plaira, Madame, de faire élection de personnage digne quand Voz Majestés envoyeront se resjouyr pour lesd. couches, et n'en donner point l'honeur au premier importun qui se présentera.

* Autographe.

Madame, j'ay donné votre lettre aud S' Roy le quatriesme de ce mois et représenté ce que je debvois de don Francés. Il m'afaict responce sans ouvrir votred. lettre, qu'il veult et entend l'avoir revocqué, et qu'il s'en vienne ; et pençoit qu'il fust en votre court pour se licentier s'il ne l'avoit desja faict. Je luy ay dict qu'encores que led. don Francés se fut très fort oblié envers Vos Majestez, que neantmoins il y trouvera tout bon acueil pour l'amour et respect de Sa Majesté Catholique, laquelle n'en doubte pas et le recognoist de votre courtoizie et bonté. Le surplus va par la lettre que j'escriptz au Roy, et laresponce dud. S'Roy Catholique ira par ce pacquet mais que je l'aye retiré; ce que je suis après; et croy bien qu'il faict entendre aud. ambassadeur par la depesche que ce porteur luy doibt apporter, qu'il ne face plus le restif de s'en venir. Vu quoy que ce soit, Madame, s'il sera encore à Paris faisant le mallade, je suis d'opinion que le Roy luy doibt mander en bon langage que son si long séjour en lad. ville luy desplaist et luy est suspect mesme, puisqu'il est revocqué desja du penultiesme d'aoust et qu'il a lettres du Roy son maistre de lad. date'pour Voz Majestez, afin d'en prendre congé et se retirer en Espaigne; ou, s'il craint comme il faict le bruict d'estre oultragé en chemin et vous demandera escorthe, offrez luy de le faire accompagner. Et en cas de reffus et de subterfuge d'obeyr aud. mandement, je pence qu'il sera bien employé de l'en degecter parles espauUes pour mutin et séditieux. J'ai parlé au prince d'Evoly, le vij°" de ce mois," touchant led. ambassadeur; lequel m'a asseuré que led. S' Roy Catholique entend l'avoir revocqué et trouve maulvais qu'il soit si lent et si long à s'en venir; car l'argent qu'il debvoit recevoir de Flandres luy sera esté fourny en septembre. Et m'a icelluy d'Evoly dict beaucoup de bon propoz pour m'asseurer de l'amytié que le Roy, sond. maistre, porte à Voz Majestez, me faisant les plus grands jurementz que tel grand personage qui faict profession de religieux et bon chrestien peult faire. Que le plus certain, vray et seur amy que le Roy et vous. Madame, ayez en ce monde, c'est Sa Majesté Catholique, laquelle dezire le bien, la grandeur, augmentation et repoz du Roy et de son Royaume comme pour soy propre ; s'il est aultrement, led. Ruy Gomes voue sa vie et de ses enfants à tout malheur et abandonne son ame à dampnation éternelle,

bien fort desplaisant qu'il est de quoy les deux Roys n'ont parfaicte confiance l'un de l'autre, car s'ilz perdoient tout soubsçon et deffiance, ils seroient les plus heureux princes qui vescurent oncq, et qui pourroyent exécuter plus grandes choses, s'ilz voulloyent s'entendre comme il appartient.

Madame, aultre ne succédera à don Francés que don Diego de Suniga. Il est home aigu, fin et accort et entendu en gouvernement et police de ville, ainsy qu'il a faict apparoir estant corregidor de Toledo, Le susd. Ruy Gomes m'a dict tout plain de bien de luy. Mais il me semble que pour jouer au seur, il fault, Madame, vous garder' de favorizer ny aprivoyser trop les personnes du commencement ny jamais, et ne leur faire les advantages que Voz Majestés firent aud. don Francés, car pour discret et n^odeste que Thome soit, vous en feiriés tantost ung oullrecuyde présomptueux, comme vous avez rendu led. Biscayen mescogneu, qui vous a enfin payée de sa monnoye.

Madame, le s' Jérôme Gondy m'avoit laissé quatre mil realz pour accepter des soyes mateces pour Votre Majesté. J'en ay envoyé petit moins de six livres par mon secrétaire. Ce pourteur Jean Barbier en apporte trente quatre livres, qu'il consignera aud. s' Gondy s'il sera en votre court, ou bien, s'il n'y est, il vous plaira les faire recevoir, car elles sont fort belles et de Granade. Il en reste encore quatre ou cinq livres pour faire la somme entière desd. realz, lesquelles iront par la première commodité.

Au regard. Madame, des huit cent cinquante escuz d'or en or pour les godamacilz, je suis certain que Votre Majesté aura commandé qu'ilz fussent payés à Iznard Capelle en Paris. Toutesfoispar sa lettre du xxvj du passé, il n'y avoitestésatisfaict. Et ce sont interestz qui tousjours courent, dont je suis obligé comme pour le principal, et fauldra que j'en face la maille bonne devant que sortir de Madrid. Mais ce n'est pas ce qui me presse le plus; ains deux aultres plus grosses parties l'une au tailleur et l'aultre à l'appoticaire de la feu Royne Catholique montant plus de XV mil livres qu'ils m'ont prestées par deçà. Et led. tailleur m'a envoyé protester judiciallement en ceste ville voullant estre payé; ce qui m'est impossible sans la libéralité du Roy et votre. A cette cause, je vous supplie très humblement. Madame,

que le don qu'il vous pleust me faire accorder pour mes estraines du maryage du Roy soitconverty à m'acquiter desd. sommes.

Madame, en escrivant ces motz m'est venu parler le secrétaire Cayas de la part du Roy, son maistre, pour me dire que la lettre de votre main que je luy donniz en ma dernière audience est dattée du dix octobre, afin de le remercyer de quoy ilavoit revocqué sond. ambassadeur. Par ainsy ne se oflfroit grand choze à vous respondre, ce qu'il feroit ceste nuit et demain pourroit partir mon courrier. Il m'a dict aussy que don Francés luy a escript de Paris du dernier octobre qu'il ne feroit faulte de desloger lendemain de la Toussainctz pour aller prendre congé de Voz Majestés. Et pence Sad. Majesté Catholique qu'il soit astheurcy prest à sortir de France. Par quoy. Madame, je me tiens asseuré d'avoir icy mon congé ce soir ou demain, s'il vous aura pieu avoir souvenance de votre promesse; et puisque la condition de m'accorder mond. congé est advenue par le deslogemcnt dud. don Francés, je n'ay plus que faire de me consumer en Espaigne, pour donner loizir à mon successeur de venir à sa commodité.

Du xij novembre 1571.