A la Royne

Madrid, 47 novembre 4571.

Madame, Si mon secrétaire n'est mort par les chemins, il doibt, plus a d'un mois, avoit donné à Voz Majestés une mienne depesclie qu'esloit pour vous advertir de ce que M. le cardinal Alexandrin m'avoit dict du maryage de Portugal, de l'effect duquel il se donnoit bonne et certaine espérance, s'il ne tiendroit à Voz Majestés. Pardonnez moy, Madame, mais il me semble que pour ung tel faict y avoit bien lieu de m'en respondre votre volunté, par ung courrier incontinent; car ne suffist de ce qui m'a esté commandé d'en dire par voz lettres du xxviij septembre et xviij octobre comme de moy mesme à qui m'en parleroît, pource que lors qu'il vous pleust me les escrire, n'estoit mention d'un légat nepveu du Pape, qui m'eust déclaré avoir charge très

* Autographe^.

.V 298. — i7 ^NOVEMBRE 1571 399

expresse de poulcer en avant ce négoce et ne le laisser qu'il ne Teust conduict jusques au bout, ne qui m'eust sommé, requîz et prié d'en advertir Voz Majestés et d'en retirer responce dens le xxvj du passé, si possible estoit. Ce que je luy avois promys de faire. Je double qu'il pence que je l'aye faict, dont despuis par plusieurs fois m'a faict demander; et a vouUu scavoir de moy si j'avois responce; car il ne veult ny dezyre en cela sinon servir à Sa Saincteté à votre contentement. Je luy ay respondu que j'atendz par votre première depesche en scavoir votre volunté. Sur quoy» Madame, led. s' légat s'est rezollu devant son parlement de ceste court, qui sera demain, pour led. Portugal, d'envoyer courrier voilant au Nonce rezident près de Voz Majestés, afin qu'il vous face entendre sad. commission ; et m'a envoyé apel- 1er ce jourd'huy pour m'advertir de sad. rezohUion, afin que je supplie, ce que je fais très humblement. Votre Majesté qu'il vous plaise respondre clairement, s'il vous plaist, qu'il traicte ou non dud. maryage; ou, s'il ne vous plaira, vous laisser entendre si avant, que pour le moins il scache s'il y a rien d'accordé et promys pour Monseigneur le prince de Navarre qui soit irrévocable, veu que tout le monde en parle, et dicl on que le maryage de Madame et de luy est arresté; car si cela n'est ainsi, led. s' Légal traictera de la part du Pape médiateur et intercesseur.

Il m'a semblé, Madame, que je ne lui debvois refuzer à faire cest office envers Votre Majesté, et pleust à Dieu que je fusse porté en lieu oîi j'eusse liberté de vous dire ce que mon petit sens juge de ces deux maryages qui se offrent pour mad. Damc; tant pour le bien de votre Royaume que pour Son Alteze. Tant y a qu'il ne m'appartient pas d'en parler après si grandz princes et seigneurs, qui vous ont conseillé et dicté leur opinion, et par fin souhait qu'il se offrit honeste ocasion pour moy partant d'icy ou après d'aller faire une course aud. Portugal pour vcoir la persone du roy; car je vous en ferais vray rapport et de toutes choses qui y passent sans flaterie ni passion. Neantmoins qu'on m'a cerliffié qu'il est beau prince pour son eage, bien sain et gaillard. Au reste. Madame, le père prieur de tout l'ordre des Theatins, jadizduc de Gandie, a esté envoyé dud. Père Sainct en compaignie dud. s' Légat, exprez pour passer avecques luy aud. Portugal pour ravaller la presumption des deux Theatins s'ilz

feront les restifz. A quoy n'y a plus de danger, car ilz sont disposez et affectionnez au maryage, sellon que Tambassadeur icy rezident, lequel est leur nepveu, m'a dict et asseuré; et que le roy, son maistre,lc dezire à présent; ce qu'il asseure en semblable que le Roy Catholique et Madame la Princesse de Portugal ne demandent rien myeulx et aultres s" de ceste court disant qu'il est ainsy. Parquoy niad. Dame ne peult faillir d'estre haultement maryée et à beaulx jeunes princes. Je prie Dieu qu'il vous face choizir le party qui vous convient le myeulx.

Madame, j'atendz avec une très fervente dévotion que mon congé arrive, comme il a pieu tant de fois à Voz Majestés me promectre. Et s'il ne m'est envoyé par votre première depesche, je seray contraint de le prendre; car je connois que ces dilations servent pour acommoder mon successeur, qui est me ruyner à moy et mectre ma feme et enfans aux rigueurs de l'hiver. Aussv n'est rien survenu de nouveau despuîs mes dernières du xij"% sinon que Sa Majesté Catholique est allée à Escuryal atendant nouvelles de don Juhan d'Austrie, dont il n'a rien receu ny de la victoire que Tadvis venu de Venize du xix, dont on est par deçà bien esbahy.

Du xvij de novembre 1570.