Au Roy

Madrid, 30 novembre 1571 .

Sire, Le pouvre s' delaMarqueaeumaulvaise venueenEspaigne, car dens xxiiij heures après estre arrivé en ceste court une appoplexie le suffoqua. Il fut icy le xxvj du présent à cinq heures du soir et me donna la depesche de Votre Majesté, ensemble son instruction, qui fust suyvie de peu de propoz devant et despuis le souper, pource qu'il avoit besoin de repoz estant fort travaillé du long chemin des postes et affoibly de sa fiebvre quarte, remectant luy et moy à traicter plus amplement de votre service au lendemain. Toutesfois ce soir là fust notre dernier adieu, ainsi que le s' de Travals son frère, présent porteur, scaura raconter à Votre Majesté, au(|uel sera bien employé qu'il soit. Sire,

' Autographe.

votre bon plaisir de continuer les estats dud. feu la Marque mort en votre service, n'estant point à mon advis trop nécessaire que je die à Votre Majesté de quel crevecueur j'ai veu survenir ce malheur, m'en rendant clair tesmoignage l'affection dontj'avois longuement atendu la venue d'un successeur pour estre délivré de ce long siège duquel je ne sortiray jamais si tost comme je dezire. A ceste cause, Sire, je vous supplie très humblement d'envoyer promptement aultre bon personnage ou le mesme ambassadeur qui me doibt succéder; carie plus tost sera le meilleur.

Sire, j'ai respondu par ma depesche du xij de ce mois à toutz les poiutz portez en lad. instruction, si ce n'est à trois. Le premier desquelz est touchant la responce qu'il a pieu à Votre Majesté estre faicte au cardinal Alexandrin, lequel partist de ceste ville pour Portugal le xviij de ced. mois et doibt ce jour présent entrer à Lisbone; laquelle dicte responce luy sera tanlost donnée, car je la fiz hier au Nonce du Pape qui la luy a envoyée par courrier exprez.

Le deuxiesme poinct de votred. instruction est, Sire, pour requérir le pillote Guill* Testu prisonier à Mydelborg en Flandres, duquel le s' de Mendoulcet m'avoit pieçà escript et envoyé une lettre de Votre Majesté pour demander sa délivrance et d'aultres quatre ou cinq François prisoniers, à Sa Majesté Catholique; ce que je fiz, et l'ay despuis poursuivy, n'ayant peu retirer aultre responce que de vouUoir s'informer dufaict; et l'information ne peult venir si tost à ce qu'ils dizent.

Vous advisant, Sire, que la plaincte portée en gênerai par le tiers point de lad. instruction me ferme la bouche à faulte de scavoir dire pour qui je parle et de quoy j'ay à me plaindre, car il a esté respondu en may dernièrement et de plus longue main qu'en faisant apparoir des particularitez il en seroit pourveu ; et eulx ne mectent en confusion par la pluralité des querelles et plaintes qu'ilz font du passé et du présent, et mesme qu'ilz disent que deux gallions dont le capitaine se fait apeler le prince de La Rochelle, ont faict grand dommage en l'isle de la Gomore, et après en Gallice. Je laisse aux Portugois à crier pour ung navire que lesd. gallions ont prins par combat et tué ung cavallero et ses gens qui estoyent sur led. navire. Ce nonobstant, je fais ce que je puis pour défendre au contraire. Mais si lesd. courssaires et

aultres sont receus en voz portz, Sire, y entrent et sortent comme illeurplaist, je ne sais comment votre ambassadeur pourra nier la vérité, et si la pêcherie de harengz sera troublée et la navigation d'Espagne en Flandres empeschée par les rebelles des Païs Bas qui se promectent faire retraicte en vosd. portz et havres, que scauray je dire à rencontre si telz advis sont véritables? lesquelz viennent de Paris de la forge de don Francés; et je les impugne de faulx, n'estant point possible que Votre Majesté consente ny permecte telles choses. Et s'il y a quelcun qui vous le conseille, c'est tacher de vous tirer à la guerre sans vous en prendre garde, comme seroit pareillement que votre Royaume fust ouvert aux enemys déclarez des roys et princes voz voizins. J'espère, Sire, de veoir dans trois jours ce que le Roy, votre frère, m'en dira. Et s'il est ainsy que led. don Francés soit encore à Paris, je ne feray faulte de luy représenter combien il est ennuyeulx à Votre Majesté de le souffrir. J'entendz toutesfois que pourtoutz délais il en debvoit sortir le dix"" du présent, jaçoit qu'il allègue sa maladie et a nagueres envoyé son testament au secrétaire Cayas, comme s'il se tint dès lors pour mort et se plaint estrangement de deux homes qui l'ont servy longtemps, luy ont desrobé et vendu ses chiffres et escriptures. Trouvant plus estrange qu'ilz soyent ordinaires en votre court rémunérez de leur trahizon et bien traictez; ce qui est, Sire, tout le mal; car suf fizoit. Sire, les avoir bien recompencez de leur méchanceté. A quoi Votre Majesté sera servie de vouUoiradviser, car semblables traictz engendrent très dangereux effectz, qui font coup lorsqu'on y songe le moins. Au reste. Sire, don Diego de Cuniga est encore icy; et à ce que je suis adverty, il s'est apresté sans faire bruict pour aller en France. Mais n'y a ordre de scavoir quand il s'y acheminera, ny mesme s'il a accepté l'ambassade; ce neantmoins qu'on tient on ceste court pour rezoUu.

De Madrid, le dernier de novembre 1571.