A la Royne

Madrid» 30 novembre 4574.

Madame, Tant de difficultez se sont offertes pour me retirer

* Autographe.

N' 300. — 30 MOVBMBRE 4571 403

d'icy et fraischemeot par le trespas du feu s' de la Martre (sic)^ que j'ay peur de ne scavoir jamais trouver le chemin ny avoir rheur d'aller baizer piedz et mains à Voz Majestés, comme je dezire extrêmement. Et n'estoit le zelle de votre service, j'eusse employé le congé qu'il vous a pieu m'envoyer par le defuact, voyant mesme qu'il n'avoit rien à negotier de nouveau et que je pense avoir satisfaictet respondu bien avant à ce qui m'a esté enjoingt paravant ; de sorte que, encore que votre ambassadeur s'en partist sans atendre son successeur, il n'en pourroit advenir inconvénient à votre service d'un bon nombre de jours. Tant y a, Madame, que pour jouer au seur, j'auray patience par tout ce mois de décembre, dens lequel je vous supplie très humblement me voulloir oster de ceste captivité.

Madame, je fais estât que le cardinal Alexandrin scaura dens deux jours ce qu'il a pieu à Voz Majestés que je luy respondisse de voire part ; et s'il sera son debvoir suyvant la charge qu'il a du Pape, il ne désistera pour votred. responce de procurer le maryage de Madame votre fille avec le roy de Porlugal; et le secrétaire Cayas me disoit mercredy dernier que le conseil du roy n'atendoit sinon l'arrivée dud. légat pour, incontinent après avoir entendu ce qu'il a commission de leur remonstrer au nom de Sa Saincteté, depescher personnage de qualité vers Voz Majestés, afin de vous demander mad. Dame pour estre leur royne ; mais soit, comme aulcuns dizent, qu'il se traicte à bon escient de la donner à Monseigneur le prince de Navarre, tousjours le ferez vous condescendre et à la royne, sa mère, par ceste jallouzie à vous accorder plus advantageuzes conditions pour votre coronne et pour le bien de son Alteze, si mère et fils vous voyent estre refroidiz dud. endroit de Portugal, ou s'il y avoit astheurcy de l'abuz et amuzement; ce que je ne puis croire; il fault penccr que leur finesse se manifestera tantost, car fauldra qu'ilz parlent clairement. En quoy sera fort bon de tenir deux cordes à votre arc, escoultant les ungz sans repoulcer les aultres, jusques à veoir ouvertement ce qu'ilz ont dans le cueur et quel des deux partiz vous est le plus convenable. On dict icy par advis venu de votre court que Mons' l'Admirai repousse le maryage dud. s' prince de doubte que par ce moyen il se départe d'avecques ceulx de la nouvelle religion pour adhérer à Voz

Majestés et à mad. Dame. Aultres comptent que la royne de Navarre veult demeurer dame et maistresse et estre appelée Royne ; et toutz concluent que jamais le Pape dispencera sur ce maryage, et tiennent le Roy pour si ferme et bon catholique qu'il ne vouldra rien accorder sauns l'authorité et consentement de Sa Saincteté.

Au reste, Madame, je vous advise que la Royue d'Espaigne a commencé sa neuvaine le samedy xxiij"* de ce mois, à l'exemple delà feu Royne votre fille; et pource que dores en avant elle ne regarde jour de s'acoucher, le Roy son mary fust de retour d'Escuryal le xxiij"^ pour l'assister de sa présence. Je suis esté ce jour présent à la messe et l'ambassadeur de Venize, car c'est la feste de la Toizon, en laquelle ne s'est trouvé chevalier de son ordre que luy seul. Il m'a promys l'audience dens trois jours ; et lors je luy donneray les lettres que le feu s' de la Marque avoit charge luy présenter de voz partz. Et n'oblieray pas de luy parler de don Francés d'Alava, ny des aultres poinctz du memoyre que je luy ay donné de longtempz. Et votre lettre, Madame, pour Mesdames les Infantes, je la leur ay envoyée par une femme, afin de parler aussy à Chassincourt, laquelle leur faict tant de services que elle mérite que Votre Majesté la secoure, car elle n'a d'icy sinon pauvres Ix escuz par an... pour votre respect elle mectroit peine d'en 'sortir, ce qui retourneroit à perte pour mesd. Dames; car soit fils ou fille ce que c'est Dame Royne enfantera, ne fault doubter que lesd. Dames Infantes n'en soient moins cheryes et respectées de toutz et toutes tant qu'ilz sont. Par ainsy lad. Chassincourt, qui est très affectionnée et fidelle à mesd. Dames, leur sera plus neccessaire que jamais, tant sera que elle y vueille demourer; car il me semble cognoistre qu'on Tenverroit voluntiers dehors, pour ce qu'elles l'ayment sur toutes les aultres et que elle y prend plus de peine que toutes à les bien servir. Madame, ceste depesche va par le s' de Travauls, frère du feu s' de la Marque, lequel a beaucoup perdu en son trespas, et perdra davantage si les offices dudeffunct sortent hors de leur maison. A quoy Votre Majesté par sa bonté et clémence aura, s'il luy plaist, esgard et je l'en supplie très humblement. Et pource qu'il m'a laissé les monstres de quelques soyes matines sans me scavoir dire la quantité qu'il vous en pleiist, il

vous plaira, Madame, m'en advertir par le premier. Neantmoins j'ay opinion que vous en aurez assez des xl livres que j'en ay envoyées dernièrement par mon secrétaire et par Jehan Barbier; lequel secrétaire La Place me faict desja bezoin, s'il plaist à Votre Majesté me le renvoyer, Dernier de novembre 1571.