A la Royne

Madrid, 4 décembre i57i.

Madame^ J'ay escript à Voz Majestés du dernier de novembre comment le s' de la Marque s'est laissé mourir le xxvj dud. mois, que le mal ne luy a duré plus de dix heures. Ma depesche est allée par ung frère sien et ce que je scavois de nouveau. Il est despuis survenu, Madame, que la Royne Catholique s'est acouchée; ce que je n'ay vouUu faillir de faire entendre à Voz Majestés par ce pourteur Lasalle; car encore que Mesdames voz petites fiUes y perdent, il fault neantmoins faire semblant d'avoir joye dud. enfantement et que la Royne votre belle fille le scache par votre moyen plustost que par aultre ; nonobstant, Madame, que lesd. Dames Infantes seront toujours grandes princesses et ne peuvent faillir d'espouzer grandz roys. J'escriptz à Sa Majesté comment je suis esté à l'audience du Roy Catholique, luy ay présenté votre letre et dict ce qui m'estoit commandé par l'instruction dud. feu la Marque, et mesme n'ay failly de luy dire le contentement que Voz Majestés ont receu pour la victoire contre les Turcz, m'ayant comandé m'en resjouyr de voz partz avecques Sa Majesté Catholique, qui vous en baize les mains de fort bon cueur ; et a voullu prendre la charge de donner à la Royne sa feme la letre que Votre Majesté luy escrivoit et la Royne votre belle fille; ce que je n'ay peu faire à cause que lad. Dame Royne sentoit des doleurs ; et ainsy led. S' Roy a faict l'office, me disant que la Royne sa feme seroit fort aize desd. letres; laquelle s'en est délivrée ceste nuict à deux heures après mynuict et j'entendz que mère et filz se portent bien. Led. S' Roy me deist hier sur les quatre heures du soyr qu'il respon-

» Autographe. Bibl. Nat., ms. fr. 16103, f« 655.

i06 DÉPÊCHES DE M. DE FOURQUEVAUX

droit ung de ces jours, et lad. Dame Royne après s'estre délivrée, quand elle se trouveroit bien. Il vous plaira, Madame, avoyr pitié de moy pour deux chozes, la première de m'oster d'icy, et Taultre de me faire aquicter envers le tailleur et appoticaire de la feu Royne votre fille, et faire convertir en cela le don qu'il pleust au Roy me promectre il y a deux ans; car sans ces te libéralité, me voylà à Fhospital; ce que je m'asseure desplairoit à Votre Ma-

Madame, je prie Dieu qu'il vous conserve et maintienne très longuement en très acomplie félicité, comme voz pauvres serviteurs ont bezoin et moy sur toutz. De Madrid, le quat"* jour de décembre 1571.

Votre très humble, très obeyssant et très obligé subject, vassal et serviteur.

FORQUEVAULX.