Au Roy

Madrid, 16 décembre 1571.

Sire, Avecques l'occasion que j'avois d'aller donner l'enhora buena au Roy, votre frère, pour le filz que Dieu lui avoit donné, je fuz à l'audience le xj"" de ce mois, pour luy faire pareillement entendre, comme de moy mesme, ce qu'il avoit pieu à Votre Majesté me mander par votre depesche de xxv"' de novembre qui m'a esté donnée par Laplace, mon secrétaire, le vj"* du présent, touchant la lourde saillie que don Fraucés a faicte. Je feiz donc, Sire, Foffice de me resjouyr de votre part avecques led. S' Roy pour lad. naissance. Dont il vous remercie de tout son cueur, bien assuré qu'il vous sera esté bien agréable d'avoir sceu la grâce qu'il a pieu à Dieu luy faire et à ses subjccts, luy donnant ung enfant masle, lequel vous fera service quelque jour. Puis après. Sire, je luy deiz comment led. Laplace me venoit au devant, pençant que je serois desja à Rayonne, pour m'accompagner, et qu'il avoit pieu à Votre Majesté m'escrire le vituperable tour que led. don Francés avoit faict. Ce que je luy remonstriz tout du long es propres termes portez par votre lettre. Il me respondit qu'il n'avoit rien receu dud. don Francés. Je luy repplique commentled. Laplace avoit apporté au secrétaire Cayes

ung paquet que le secrétaire Aguiloa luy escrivoit, l'ayant rencontré à Bloys comme il alloit vers Votre Majesté faire les escuzes dud. Alava. Sa Majesté m'advouaestre vray dud. paquet. Mais c'estoient lettres pour autres et non pour luy. Toutesfois qu'il ne pourroit rien trouver de bon de sond. ambassadeur qui vous depleust. Neantmoins qu'il s'estoit laissé persuader que led. don Francés estoit bien mallade et craignoist que sa maladie l'achevast si en ce temps d'hiver il alloit et venoit si long chemin prenant là dessus son escuze de luy estre impossible d'aller prendre congé de Votre Majesté sans mourir. Ce que Sa Majesté Catholique vouldroit bien qu'il eust faict pour votre satisfaction et sienne. Je luy fortiffiay par vostred. lettre, Sire, qu'en plus de trois mois que icelluy d'Alava s'estoit tenu à Paris il n'avoit esté mallade, encore qu'il feist semblant de l'estre et ne s'y tenoit sur autre intention que afin d'y esmouvoir sédition et trouble, s'il eust peu, comme du semblable je scavois de bon lieu que led. Aguion faisoit les mesmes offices allant de nuict aux maisons des mutins et factieux dud. Paris. De sorte qu'il luy apartenoit bien que quelque bateur de pavé lui eust coupé une jambe, car c'estoient visites suspectes et à heures indues à tout estranger. Bref, Sire, que je n'ay rien oblié à faire sonner aux oreilles de Sad. Majesté Catholique, ce que la votre Très Chrestienne m'a commandé par sad. lettre, sans luy donner à cognoistre que j'eusse charge de luy en parler. J'avois deux jours devant esté viziter le prince d'Evoly et luy feiz le discours du partement dud. don Francés et le fauJx et maling prétexte dont il s'estoit voulu couvrir pour desloger ainsi à la desrobbée, donnant entendre qu'il doubtoit des chemins. Lequel Ruy Gommes, Sire, a trouvé led. acte fort estrange. Et pource que je dissimulois d'avoir commandement d'en parler aud. S' Roy, il fust d'advis et me conseilla de le luy représenter; car led. don Francés s'est mal acquicté d'en uzer de la sorte comme il a faict, estant trop vraysemblable qu'il n'y eust heu si hardy en votre Royaume qui se fust essayé de luy faire déplaisir, veu qu'il estoit soubz votre protection et faisant Testât d'ambassadeur; ou s'il se craignoit donc, pourquoy ne vous faisoit il demander escorthe ou à voz ministres dud. Paris? Et j'entendz. Sire, qu'il n'y a six personnes en cesto court qui ne l'en blasment de s'en estre allé si honteuzement.

Sire, led. S' Roy m'envoya dire par le secrétaire Cayes her soir qu'il a rezoUu de faire partir don Diego de Suniga au preraier jour pour aller rezider son ambassadeur prez de Votre Majesté. C'est ung bien suffizant personnage de grande maison et riche de douze mil escuz de rente. Et afin qu'il puisse mieulx honnorer sad. charge, le Roy son maistre luy donne six mil escuz en or chascun an, et certaines mercys qu'il luy a faictes avec une bonne somme d'argent pour s'esquipper et meubler; aussi mènera il sa femme, laquelle aura ung bon présent et pour le voiage. Je m'asseure que Votre Majesté envoyera par deçà quelque seigneur de mesme qualibre et sera votre réputation de n'y emploier de si pouvre ministre que moy, jaçoit que ung qui fust plus riche d'assez que je ne suis sera par adventure bien empesché de m'effacer en ce que j'ay faict ceste charge le plus dignement que j'ay peu ny sceu, sans rien espargner ny tresorizer. C'est, Sire, à voz despendz que cela s'est faict, et encore fauldra il qu'il plaise à Votre Majesté m'aquicter envers les appoticaire et tailleur de la feu Royné votre seur, qui m'ont preste quinze mil livres pour m'ayder à porter ceste despense. Laquelle somme je supplie très humblement Votre Majesté faire prendre sur le don qu'il vous a pieu, deux ans a, me promectre pour mes estraines de votre maryage. Car il ne me scauroit jamais mieulx venir a propoz, pource que lesd. créditeurs me pressent pour estre paiez. Et je suis certain que Votre Majesté ne me feist la promesse sinon en intention d'acomplir votre paroUe maulgré ceulx qui regrettent ce qui leur eschappe des doigtz pour le veoir donner à voz pouvres vieulz serviteurs comme je suis du nombre ung des plus anticns et non si caduque que je ne me sente encore en disposition de servir mon cartier comme si j'avois vingt ans moins.

Au reste, Sire, led. Cayes m'a dict que le cardinal Alexandrin repassera par ceste court et d'icy s'acheminera par Rayonne vers Votre Majesté, poursuivant sa légation aux fins de vous attirer en la ligue contre le Turc. Et icy se font divers discours là dessus de craingte que vous n'y vueillez entendre; et mesme que led. Turc ne fauldra pas de vous rechercher et prier de rompre la paix contre le Roy d'Espaigne et vous fournira quelques millions d'or pour vous ayder à porter le faix de la guerre. Led. légat

dedvoît partir de Lisbone le xiiij du présent. Au duc de Medine Cely a esté mandé s'embarquer promptement ou bien de s'en retourner, car ne font que destmire la Biscaye. J'ay opinion, Sire, qu'il se tenoit aud. pays et les trois mil Espaignolz et la flotte preste à naviguer pour exécuter quelque entreprînze vers Angleterre, si ce n'estoit de jallouzie du voizinage de la royne de Navarre; cependant qu'on estoit à fortifier Pamplonne; car le bruict couroit que lad. Dame Royne avoit vingt mil hommes toutz prestz, et trois mil chevaulx. On a depesché commissions pour faire six mil hommes en Espaigne et des commissaires qui vont en Andellouzie faire reveue de toutz les hommes à cheval que le païs est obligé de tenir en estât de service. Laquelle reveue se fera plus dilligement qu'on ne l'a jamais faicte ; et y aura certains ducz et s" depputez pour en faire les monstres par rooUe chascun en son cartier de lad. province, afin que toute lad. cavallerie qui sera en grand nombre soit en poinct pour tout ce qui pourroit survenir.

De Madrid, le xvj"» décembre 1571.