A la Royne

Madrid, 16 décembre 1571.

Madame, Si je ne mescompte, Lasalle sera arrivé vers Voz Majestez, quatre ou cinq jours a, avec une depesché mienne, pour les advertir de l'enfantement de la Royne Catholique et de la fin que feist le s' de la Marque des lendemain qu'il fust venu. Parles gens duquel j'avois faict autre depesché. Je ne scay s'ilz auront voulu passer par la maison de leur feu maistre; auquel cas, led. Lasalle sera arrivé par delà le premier. Ayant par ceste cy à dire à Votre Majesté que je fuz le siziesme du présent à l'audience, où je ne feiz faulte de représenter au Roy Catholique ce qu'il avoit pieu au Roy me commander par sa lettre du xxv de novembre, que mon secrétaire me rendist le vj* de ced. mois. Et m'ayant le courrier du Nonce donné, le xiij"* de ced. mois, autre depesché de Voz Majestez du premier pour led. feu s' de la Marque, j'envoys lendemain aud. S' Roy Catholique à son lever la lettre de votre main et celle de la Royne, votre fille, à la Royne sa soeur. Il ne m'y respond autre chose sinon que le secre-

taire Cayes me veint dire her soir ce que j'escriptz au Roy à propoz de l'ambassadeur qu'il a rezoUu de vous envoyer et me deit que leurs Majestez Catholiques respondront de leur main ausd. lettres, ung de ces jours; et parlant aud. Cayes de don Francés d'Alava, il m'alla dire : Qu'en failloit il faire après tout? et que Voz Majestez ne vouldroient pas que pour faulte qu'il a faicte à cause de sa mauvaise disposition ou pour autre respect qui pourroit estre tumbé au cueur d'un plus asseuré que led. don Francés, qu'il fust destruict ny mort, ains pour monstrer votre royalle grandeur et la clémence qui est en Voz Majestez en luy pardonnant lad. faulte et autre erreur qu'il pourroit avoir commise, icelluy Cayes a opinion que le Roy ne laissera de luy envoyer le présent qu'il eust heu s'il fust allé en personne prendre congé de Voz Majestez, comme Sa Majesté Catholique luy avoitescript et commandé. 11 a heu de moy la response que son dire meritoit.

Aussi, Madame, je vous advise que le cardinal Alexandrin sera en ceste court pour ceste feste de Noël et à Rayonne devant le XV"' de janvier comme légat que le Pape vous envoyé. 11 a esté magnifiquement bien reccu et traicté en Portugal ; et luy a uzé de ceste responce le roy de Portugal qu'il est et veult estre filz obéissant de Sa Saincteté, promectant d'entrer en la ligue et d'espouzer Madame votre fille, s'il plaira à voz Majestez la lui donner, ne vouUant autre dot sinon que le Roy entre luy aussi en lad. ligue. Cecy m'a dict son ambassadeur encore hier qu'il me veint viziter. Je luy respondiz qu'ilz estoient en danger de s'estre radvisez trop tard. J'ay receu pareillement lettre d'Almeyde, lequel est au Portugal, qui m'escript qu'il est délibéré d'aller vers Votre Majesté l'advertir de tout ce qu'il passe aud. Portugal. Loué soit Dieu, Madame, que ceulx qui soulloient tant faire les froidz ayent recogneu leur faulte et soient en craingte de perdre le bien dont iJz estoient par trop certains; qui estoit cause de leur négligence. Il reste à veoir à qui mad. Dame demourera. Neantmoins sur la confiance que Son Alteze sera royne de Portugal, la royne ayeuUe dud. roy ne parle plus de se vouloir retirer en Castille, ains toutz differendz y sont accommodez et elle contente sur lad. espérance. Au demourant, Madame, je feiz voz recommandations à Mesdames les Infantes le jour de mad. au-

dience, qui me commanderont de baizer très humblement les mains de Votre Majesté pour la mémoire qu'il vous plaist avoir d'elles. Je les ay veues encore ce jourd'huy en la chambre de la Royne Catholique au retour du baptesme du Prince leur frère, qui a esté tenu à baptesme par le plus petit Prince de Bohême nommé Venceslaus, pource que don Albert garde le lict pour une petite fiebvre qu'il a; et hier furent confirmez toutz deux lesd. frères. Madame la Princesse de Portugal a esté marraine. Le cardinal de Siguence a baptisé le petit Prince, et son nom est Ferdinand en mémoire du Roy Ferdinand d'Aragon et de l'Empereur, père de l'Empereur vivant. On est sorty par ung pont attaché au palais à une des fenestres du logis desd. Dames In- • fautes, tirant led. pont jusqu'à l'église de S' Giles, son plant eslevé de terre environ deux toizes pour evicter foulle du peuple et tappissé fort richement. Les grandz portoient lesmassapans, sel, cierge, bassins' et autres chozes bien séantes à ung baptesme royal. C'estoient les ducs de l'Infantasgo, de Sesse, de Nagera, de Medine Ruisseco, Francavilla, d'Ossune, conte de Benavant, marquis de Mondeja, d'Aguilar et autres. Le duc de Bejar portoit led. petit Prince. Les ambassadeurs du Pape, de l'Empereur, de France, Portugal et Venize y somes esté appeliez; et au retour avons faîct la révérence à lad. Dame Royne, laquelle estoit vestue d'un manteau de drap d'or incarnat fourré de loupz serviers, assize sur ung petit lict à terre. Il la faisoit très bon veoii\ Lad. Princesse de Portugal et Madame l'Infante Yzabeau estoient tout auprez d'elle. Et quant aud. petit Prince d'Espaigne, il est bien fort joly et sera blond comme père et mère. On dict qu'il retire au Prince don Albert. Il me semble à moy qu'il donne plus d'ayr aud. Prince don Venceslaus. Votre Majesté me pardonne si je suis prolixe par ma lettre et soit servie de faire recevoir deux livres trois onces et trois dragmes de soye matisse grize que ce courrier de ce Nonce du Pape m'a promis de porter seurement ; laquelle doze est selon la monstre des nuances de lad. coleur que le feu s' de la Marque avoit apporté par deçà.

Aladame, puisque le cardinal Alexandrin s'en va en France Légat du Pape et qu'il sera à Rayonne sur le xij"' de janvier, il sera le bon plaisir de Vos Majestez ordonner de bonne heure

pour la seuretté de son passage, qu'il ne luy soit faict ny dict desplaizir, ny au siens.

Dud. jour xvj"* décembre 1571.

304— Au Roy.

Madrid, 2 janvier 1572. Sire, Le cardinal Alexandrin fust de retour de Portugal en ceste court le xxviij du passé, ayant envoyé partie de sa suitte vers Barcelonne devant qu'il partist d'icy; et autre trouppe s'est advancée au partir dud. Portugal parle droict chemin de Bayonne pour y attendre led. Légat; lequel a esté logé et deffrayé magniflquement en ceste ville par le cardinal de Siguence ces quatre ou cinq jours qu'il y a séjourné. Et lors dud. xxviij"' fust aussi de retour le Roy Catholique, et s'est tenu au monastère de S' Jeronime jusques au trentiesme qu'il se retira en son palais où led. Légat l'a visité une fois, et à la Royne et Altezes ; et avoit esté veoir led. Roy aud. monastère luy donner compte de ce qu'il avoit negotié en Portugal, dont il s'en retourne le plus content homme du monde, se louant à merveilles du roy dud. Portugal, non seuUement pour en avoir esté caressé, honnoré et bien traicté, ains il n'en peult dire à son gré assez de bien tant de la personne en laquelle il ne trouve rien à dire que semblablement de ses discrétions, grâce et bon esprit. Il y estoit allé à deux principalles fins, l'une pour l'attirer en la ligue contre le Turc, et l'autre pour le maryer avec Madame votre soeur; ausquelz deux pointz le Roy s'est rezoUu au premier mot, monstrant d'y estre fort affectionné, priant le Pape de vouloir estre arbitre du Turc, ainsi que led. Légat s'est rezervé à dire et raconter à Votre Majesté, quand il sera près de vous. Sire; et à ce que j'entendz, il a refformé l'excessive liberté que les Theatius dud. royaume commençoient à prendre à tenir rentes. Et le grand gouverneur don Gonçales n'est plus auprès dud. roy ; ains l'ont led. légat et le duc de Gandie, gênerai de l'ordre des Theatins, envoyé à Coymbre vivre en Theatin, hors delà court, suivant son veu. M'asseurant led. Légat que jamais led. jeune Prince n'a esté desgouté de prendre votre alliance, ains grandement enclin et affectionné d'espouzermad. Dame. Mais la faulte procedoitdud. Theatin qui

faisoit difficulté de le laisser marier si jeune. C'est la cause pourquoy a voullu empescher et retarder ung bien que toutz les Portugallois dezirent. J'ai sceu que led. Légat s'est escuzé d'accepter deux joyaulx du pris de dix mil escuz que le roy lui faisoit présenter à son partement; et n'y a heu ordre de luy faire prendre le buffet que ceste Majesté Catholique luy avoit faict faire jusques à dix huict ou vingzt mil escuz ; ains s'en retourne sans avoir receu don ny présent desd. deux S"Roys; car le Pape son oncle lui a deffendu sur la vie, ne vouUant point qu'on puisse dire ny penser qu'il l'ayt envoyé hors de Rome pour briguer dons ny bienfaictz. Et à mon opinion, Sire, que led. Légat est homme de bien sans taccagnerie ne mallice. On m'a dict qu'il est ung peu coUere, mais au demeurant de doulce conversation et sainte vie. Il est party de ceste ville ce matin à neuf heures, prennant le chemin de Burgos pour arriver à Bayonne le douze ou treize de ce mois, conformément à l'advis que j'en ay donné à Votre Majesté du xvj"' du passé ; et croy bien qu'il s'arréstera aud. Bayonne, s'il n'y trouve personnage de votre part pour le recevoir et conduire; car tous les siens et ceulx cy plus que le mesme Légat craignent luy estre faict desplaizir en chemin, s'il n'estoit accompagné de votre adveu; m'ayantprié d'escrire aud. Bayonne à Mons' le viconte d'Orthe et plus oultre à Mons' le marquis de Villars les advertir de s'en aller vers Votre Majesté. A quoy je n'ay voullu faillir et par mesme moyen de vous faire, Sire, ceste depesche, laquelle va par ung messager aux quinze lieues d'icy à Bayonne et après ira par Testaffette. Le susd. gênerai des Theatins fera le mesme voiage.

Sire, j'ay sceu que don Francés d'Alava descendit à Laredo le xiij dud. décembre. Il envoya prier le marquis de Pliego de luy envoyer une lictiere jusques à Burgos; ce qu'il a faict. Et jaçoit qu'il l'aitdemandée comme mallade, je suis advcrty par homme qui l'a laissé, il y a trois jours, à une journée par deçà led. Burgos, à rhostellerie de Lerme, qu'il se portoit bien. Neantmoins il faindra le contraire, et ne luy fault craindre que son maistre ne luy face bon vizage, quand il arrivera. Car je m'asseure qu'il le veoirra volun tiers. Ce sera dens deux jours que led. d'Alava pourra arriver en ce lieu, et sera homme de me venir veoir quelques jours après. Ce qu'il me feroit plaisir de rezerver pour

4i4 DÉPÉGHKS DE M. DE FOURQUEVACX

mon successeur, car parmy ce qu'il ne me comptera rien qui vaille, je ne scaurois yeoir de bon oeil homme qui vous ait offensé.

Au regard, Sire, de don Diego de Suniga, il parla à moy le xxj du mois passé, m'estant allé trouver chez le président des Indes où j'estois pour le remercier du bon office qu'il a faict envers Sa Majesté Catholique pour la délivrance de quinze ou seze François prisoniers à Seville, qui m'a esté accordée pour votre respect en considération de la grâce que Dieu lui a faicte parla naissance d'ung Glz, et de la victoire contre le Turc. Et ne puis encore obtenir celle du pillote Guillaume Testu. Icelluy donc de Suniga, Sire, me declaira qu'il s'en alloit à Sallamanca passer les festes en délibération d'estre de retour en ce lieu aux Roys, ensemble sa femme, pour s'acheminer après vers Votre Majesté, quand il plaira au Roy son maistre le depescher. L'occasion de mener ici sa femme est, ace quej'ay sceu,afin de baizer les mains à ces Majestés et Altezes, fréquenter le palaix et s'entretenir en ceste court quelques jours pour en scavoir deviser quand elle sera près de Voz Majestez Très Chrestiennes. Et m'a dict le mesme don Diego qu'il et sad. femme iront de compagnie. Je leur en donne pour tout febvrier ou jusques en mars, devant qu'ilz arrivent en votre court, en laquelle j'ay bonne espérance de me veoir de longtemps plustost que eulx par la mercy que j'attcndz de Votre Majesté qu'il vous ait pieu de ces heures faire partir autre bon personnage pour me venir lever le siège ; ne voullant oblier de dire à Votre Majesté que le maistre Monteze, visroy d'Oran en Barbarie, a laissé ung frère sien en sa place et est arrivé en ce lieu le xx"« dud. décembre. Il s'est laissé entendre qu'il vient exprès demander six mil Espaignolz, pour entreprendre certaine conqueste aud. Barbarie. Ce pourroit à l'adventure estre sur Alger; car il n'y a sinon petit nombre de Turcz, et iceulx fort mal vouluz. C'est maintenant qu'on descouvrira si le roy d'Alger AUochaly avoit quelque fantazie de se rebeller en faveur d'Espagne, car il ne scauroit attendre meilleure saison d'en passer son envye, veue la perte de l'armée turquesque. Et dict on que le Turc a mandé aud. roy d'Alger d'aller à Constantinople. On verra s'il se sent la conscience necte. Estant bruict d'ailleurs qu'il feist mal son debvoir lors de la journée et qu'il

N- 304 ET 305. — 2 JANViBR 1572 415

se saulva de belle heure avec une bonne bende et flotte de gailères. En ce royaume se font six mil hommes de pied. Don Jehan d'Austrîe en a envoyé demander douze mil. Il y aura de la difficulté à faire telle levée.

De Madrid, le deuxiesme jour de janvier 1572.