A la Royne
Madrid, 2 janvier 1572.
Madame, J'escriptz au Roy le partement de Monsieur le cardinal Alexandrin qui s'en va vers Voz Majestez à ses journées en la meilleure dilligence qui luy sera possible, faisant estât d'entrer en Bayonne le douze ou treziesme de ce mois. Et pourra estre acompagné de iiij'^^ à cent chevaulx ou muUes toutz de louage, excepté douze ou quinze qui sont aud. cardinal, et deux lictieres. Le Roy Catholique l'a toujours desfrayé estant en ses royaumes et le roy de Portugal au sien, qui l'envoya recevoir par le duc d'Avera et s'en louent les gens dud. légat, encore plus que des Espaignoilz, combien que de toutes partz leur soit esté faict et uzé fort bon traictement.
Madame, led. Légat craingt d'arriver vers vos Majestez à œuvre faicte pour le mariage de Madame et que elle soit desja promize à Monseigneur le prince de Navarre, car il vous apporte paroUe dud. roy de Portugal de Tespouzer s'il plaira à Vos Majestez. Lequel Légat me semble très bon personnage et remply de sainctes et bonnes intentions; et croy que le Pape procède sincèrement en tout ce qui concerne Vos Majestez, mesme au négoce qui se présente. Car ne vouidroit Sa Saincteté pour rien de ce monde que mond. s' le prince estant comme il est contraire à la religion, espouzast mad. Dame et fera toutes choses possibles pour Tempescher. Mais scache aussi Votre Majesté que le Roy Catholique s'atent que led. roy son nepveu, s'il en doibt parler, ne se traictera ailleurs sinon devant luy, comme feist aussi celluy de la royne, sa niepce, avecques le roy. Ce que le cardinal de Siguence nous a dict encores ce matin àl'arcevesque de Rossano et à moy. De sorte que si votre alliance et dud. Portugal luy est suspecte ou désagréable, tenez vous pour dict, Madame, qu'il n'aura pas faultc de moyens exquis pour vous tirer en longueur plaine de difficul-
tez, qui vous convieront à vous deppartir du traicté. Il me semble bien. Madame, qu'il vous fault entretenir les deux pratiques sans donner congé à Tune ou à l'autre jusques à tant que vous ayez faict parler clairement led. roy de Portugal pour scavoir ce que oncle et nepveu ont sur le cueur. J'ay cuydé entendre qu'ilz veuUent mesler led. mariage avec le traicté de la ligue; et je serois d'advis d'accorder premièrement le propoz qui a esté mis en terre le premier, c'est à scavoir led. mariage; et après vous pourrez traicter de la ligue; faisant laquelle, ne fauldra oblier Monseigneur d'Anjou, ains luy procurer femme et estât comme pourroit estre une de Mesdames les Infantes voz petites filles ; à quoi n'y aura, que je pence, tant de difficulté aujourd'huy, comme on y eust faict devant la naissance du petit Prince, leur frère. Et si Sa Majesté Catholique sera si tenace que avare qu'il ne vueille se despoiller d'aucuns de ses estatz en faveur dud. mariage, cela se pourra recompenser sur la conqueste qu'il plaira à Dieu mectre au pouvoir des forces chrestiennes, dont n'y a celluy des comprins ou qui entrent en lad. ligue qui n'en donne desja la principalle charge à mond. s' d'Anjou, si le Roy n'en vouldra estre luy mesme le chef; estant une paroUe commune en la bouche des ambassadeurs rezidentz en ceste court et des Espaignolz qu'il fault que le frère du Roy Très Chrestien soit gênerai de l'armée qui marchera par terre contre les Turcz, comme celluy du Catholique l'est de l'armée de mer.
Au reste. Madame, despuis le xvj ' du passé que je vous ay donné advis des baptizailles du Prince d'Espaigne, est advenu qu'il luy a failly changer de nourrisse, qui, estoitune belle jeune Biscayne, mais son laict si chault qu'il avoit faict venir des emorrhoides à l'enfant et des sincoppiz qui le prennoient coup sur coup, de sorte qu'il s'en alloit mourir, s'il n'y fust esté remédié promptement par led. change qui est de celle qui avait norry Madame l'Infante Catherine, laquelle l'a remis de mort à vie. Aussi la Royne, sa mère, se porte bien et hier estoit aux fenestres, le Roy Catholique près d'elle, Mesdames voz petites filles, la Princesse et les Princes de Bohême, à veoir les cavailleros de Madrid jouer aux alcaussies bien vestuz à cheval à la genette en huict cadrilles de huict chacune en différente parure. Lesd. Majestez donc. Madame, et lesd. Altezes sont en
N«' 305 ET 306. — 22 janvier 1572 417
bonne santés et le Prince de Bohême don Albert bien guery d'une fiebvre qui l'a tenu quelques jours.
Dud. jour deuxiesme de janvier 1572.
