Au Roy

Madrid, 22 janvier 1572.

Sire» Le cinquiesme du mois présent, me donna le courrier du Nonce du Pape la depesche qu'il a pieu à Votre Majesté me faire du xxvj de décembre. Le Roy, votre frère, estoit lors retiré et trois jours après au monastère de S* Jeronime; qui me garda d'aller à l'audience jusques au dixiesme, où je me suis conjouy de votre part avec Sa Majesté Catholique pour le filz qu'il a pieu à Dieu luy donner; ce qui luy a esté fort agréable et vous en remercie très affectueuzement, dizant qu'il dezire et luy tarde beaucoup de vous pouvoir rendre la pareille. 11 s'informa de votre santé et où estoient Voz Majestez. Il me veint à propoz de luy parler du mutinement des crocheteurs et populace de Paris, à cause de la translation de la croix et piramide; car il valloit mieulx que je l'informasse de la vérité et du bruict qui s'estoit faict que quelques princes et s" de votre Royaume s'estoient vouluz esmouvoir; et m'a respondu qu'il est fort aize de la paciffication et que tout y soit appaisé, comme je l'ay asseuré.

Sire, j'ay receu autre lettre de Votre Majesté du premier de ce mois par Lasalle, qui est arrivé le xij"*. Et pource que j'avois desja adverty Mons' le viconte d'Orthe par homme exprez d'icy à Rayonne aux quinze lieues et par mesme moyen donné advis à Votre Majesté du jour que le cardinal Alexandrin partoit d'icy et qu'il faisoit estât d'entrer aud. Rayonne, ensemble du train qu'il meine, il m'a semblé n'y avoir lieu de nouvelle depesche; car la mienne dicte partist de ce lieu le troisiesme et peult arriver à Votre Majesté le xvij ou xviij" de ced. mois.

La présente lettre. Sire, est pour vous rendre compte du receu desd, deux lettres, et comment don Francés d'Alava entra le viij— ehceste ville, à neuf heures de nuict, en la lictiere du marquis de Pliego, accompaigné seuUement de six ou sept hommes à cheval et logé chezled. marquis, frère du feu duc de Feryes. Il a esté deux fois parler au Roy son maistre non en lictiere, mais a che-

val sur une haquenée en housse, ny mallade; car ceulx qui Tavoient veu le temps passé dizent qu'il leur semble estre rajeuny. Tout le monde luy donne grand tort d'estre party de France de la sorte qu'il en est party. Mais je vouldrois scavoir ce que son maistre en sent, bien que cela seroit difiicille à descouvrir. Don Diego de Suniga s'en vient avecques toute sa famille pour baizer les mains à ces Majestez Catholiques. J'ay opinion qu'il ne partira pour France deçà le mois de mars ; car il conduict femme, enfans et filles, jusques à ung enfant qui n'a que vingt mois, estant délibéré de louer maison à Paris pour la demeure ordinaire de sad. famille.

Sire, ce qu'on dizoit du roy d'Alger d'avoir fouy en Barbarie s'est trouvé au contraire, car ce fust à Lupanto qu'il se retira blecé ; et le Grand Seigneur luy a envoyé une robe de drap d'or et la charge de capitaine gênerai de la mer. On avoit dict que Mons' d'Ax, votre ambassadeur en Levant, estoit arrivé au port d'Ancone sur ung brigantîn que la Seigneurie de Venize luy avoit baillé à grand regret. Il se dict à présent qu'il est arrivé heureuzement à Ragouze.

Advis aussi est venu que certain personnage de quallité , duquel on ne m'a sceu dire le nom, mais il est de voz serviteurs, Sire, s'est embarqué à Marseille sur une de voz gallères et a faict voylle en Levant.

Les capitaines qui doibvent passer en Itallie avec six mil bizognes Espaignolz font dilligence de lever leurs compagnies. C'est pour le s' don Jehan d'Austrie; et se font en Tirol cinq mil Allemans, partie desquelz entreront en garnison sur le Piémont et estât de Milan au lieu des vieulx soldatz ; lesquelz iront trouver |ed. don Jehan.

Le duc de Medine Cely attendra jusques en mars à faire son passage de Flandres. Cependant les soldatz qui debvoient aller avecques luy se desbendent et meurent de malladie et de pouvreté. Il fauldra reffaire les compagnies et radvitailler les navires; lequel duc s'estoit embarqué en décembre ; mais la tourmente le feist relascher au port de Laredo, dont il vient de sortir, et périrent deux navires de sa flotte à l'entrée du port. Il y en a qui veuUent soupçonner qu'il alloit exécuter quelque dessain sur Angleterre ou Mirlande et que une grosse flotte de Flan-

N" 306 ET 307. — 22 janvier 1572 419

dres estoit de Tentreprinze. Mais le tempz leur a esté contraire.

De Madrid, lexxij"" janvier 1572.