Au Roy

Madrid, 42 février 4572.

Sire, Geste depesche va par ung gentilhomme du prince d'Espinoy, qui rapporte à son maistre le congé qu'il estoit venu demander au Roy Catholique de pouvoir espouzer Madame la douayriere de Nevers. Lequel gentilhomme a dict à ung de mes gens estre party de votre court le xxvj du passé ; et par ceste commodité de son retour, je n'ayvouUu faillir de donner advis à Votre Majesté comment le secrétaire Cayes veint parler à moy le vj"' du présent et me dire de la part dud. S' Roy qu'il trouve fort estrange que ses gentilzhommes, courriers et paquetz soient voilez passant par votre Royaume, comme le sont estez Lalferez Lazaro de Isla et Estevan de Samalloa près de Chastelleraud venant de Flandres par la poste depeschez du duc d'Alve et ses paquetz prins, que la façon ne luy en semble belle ny bonne. Et c'est nouveaulté d'avoir retenu Icsd. gentilzhommes ung jour et demy en votre court attendant leur passeport; car parmy Icd. retardement ont eu loizir iceulx voleurs d'aller au devant ou d'estre advisez delesguecter aud. passage. Jusques à s'informer de moy led. Cayes s'il y aura seureté doresnavant pour les aultres courriers, nommeement s'il sera bezoing d'envoyer demander saulf conduict à Votre Majesté pour don Diego de Suniga, qui doibt aller ambassadeur vers Votre Majesté.

Touchant à ce poinct. Sire, j'ayrespondu que le chemin est tout ouvert aux subjectz du Roy son maistre et tant plus à son ambassadeur; lequel je suis certain sera le bien veu et receu. Et quant à la voUerie, que ce m'es toit ung faict bien nouveau dont je n'avois rien entendu, ny Votre Majesté m'a escript ny commandé choze du monde despuis une petite lettre que m'apporta Lasalle du premier jour de janvier; neantmoins qu'en me donnant par escript le dire desd. gentilzhommes espaignolz, j'en advertirois Votre Majesté. Et sur ce propoz je n'euz faulte de responce pour soubtenir la raison qui vous a meu, Sire, d'ordonner qu'il ne passe

N« 308. — 42. FÉVRIER 1572 42i

nul courrier sans prendre passeport; en quoy doibt eslre uzée plus de difficulté qu'on n'uze en votre Royaume à Tendroict de cent manières de gens qui font mestier de courre la poste ; ou comment que ce soit, je croy, Sire, qu'il sera fort bon qu'il soit sceu qui a faict la vollerîe, car icy s'en parle diversement, comme ilz sont en possession d'interpréter toutes chozes à la pire partie et se moquent de ce qu'on dict y avoir repoz et pacifficationen France, puisque les courriers du Roy, votre frère, y sont destroussez et ses paquetz retenuz. Il est au Pardo despuis led. vij"* de ce mois avec la Royne et la Princesse de Portugal; et seront de retour le xvj"' pour veoir lendemain les joustes, estant ung ordinaire presque toutz les dirnenches s'il faict beau d'y avoir jeu de caignes et alcaussies, toufnoy, ou aultres passetemps, despuis que le petit Prince est nay. Aussi je sollicite la levée des cinq mil Espaignolz, qui doibvent aller trouver le s' don Jehan d'Austrie pour refformer et remplir ses compagnies ; et ne perd pas temps de son cousté à faire les aultres provisions nécessaires, afin d'avoir l'armée preste de bonne heure à exécuter quelque dessain secret qu'ilz ont. On parle d'Alger et de Lavelone; mais c'est plus de Lavelone, pource qu'ilz espèrent de commencer parla etl'espugner facillement; se donnant entendre que le Grand Seigneur ne pourra remectre sur mer telle puissance de ces deux ans à venir, qui oze faire teste à lad. armée chrestienne; laquelle sera au choix d'entreprendre, assaillir ou laisser les places et endroictz de la marine qui luy viendront le mieulx à la main.

On dict. Sire, en ceste court que Votre Majesté faict armer à Marseille vingt quatre gallères et repasser celles qui sont en ponent, qui est très bien advisé à Votre Majesté et seroit encore meilleur d'en armer cinquante que seuUes vingt quatre ; car, comme j'ay respondu à ceulx qui m'en ont parlé, il est bien raisonnable pour raison d'estat de vous armer par mer, puisque voz voisins y sont si puissantz et victorieux ; et puis qu'ilz vous convient d'entrer en leur ligue, tousjours serez vous plus prest et mieulx pourveu d'y entrer estant armé que desarmé. Ilz font bruict pareillement que Votre Majesté a faict arrester ung nombre de grandz navires en aucuns de voz portz dud. ponent; et chascun jour se font nouvelles peurs ces Espaignolz

42â DÉPÊCHES DB H. DE FOURQUEVAUX

d'avoir dos alarmes par terre ou par mer devant de long temps.

En ces entrefaictes le duc de Medine Cely est acroché jusques au mois qui vient ou en avril et n'a pas quatre cens hommes, pour embarquer des premiers deux mil qu'il avoit. Ses capitaines refont leurs compagnies. D'aultre part le s' Vespazian Gonzaghe luy donne mauvais lustre en Navarre, car ced. S' Roy Catholique a ses actions plus agréables et led. royaume s'en contente mieulx que du gouvernement dud. duc, et les fortiffîcations qu'il y avoit faictos tant à Pamplonne que en autres lieux toutes sont esté ruynées pour mal entendues, et led.de Gonzaghe lesafortiffiëes tout de neuf; de sorte que quelcun m'a asseuré que Sa Majesté Catholique luy a envoyé ses lectres patentes de visroy dud. Navarre. Dont les grandz de Castille, si cela est véritable, n'en seront pas contentz. On luy envoyé quatre compagnies nouvelles qui sont esté levées en la ville de Segovie. Don Pedro Faxardo, filz du marquis de Vêles, partira en bref pour aller vers l'Empereur. C'est afin de le persuader d'entrer en la ligue et luy offrir unze mil hommes payez tant que la guerre durera ou qu'il sera guerroyé du Turc. Je suis adverty qu'il luy sera parlé défaire eslire ung Roy des Romains, car doubtent qu'il ne vivra guère, et icy le tenoient pour mort de la dernière malladie qu'il a heu. Je ne vouldrois pas asseurer que ccsted. Majesté Catholique prétende à l'empire. Toutesfois scay jebienqueTEmpereur son père fist ses effortz envers son frère le Roy Ferdinand qu'il cedast son estât de Roy des Romains à ced. S' Roy d'Espaigne, et le S' Empereur Charles eust transporté l'empire à sond. frère; et n'y restoit sinon le consentement de l'Empereur votre beau père, pour lors Roy de Bohême, vers lequel je fuz depesché en l'an mil v' cinquante par la glorieuze mémoire du Roy Henry votre père, afin de le divertir et dissuader de consentir à lad. cession, car il n'y avoit autre empeschement. Et comme le Prince don Ridolfe est encore trop jeune pour le charger de tel faix, ne seront pas hors de propoz de vouloir faire eslire cested. Majesté Catholique en Roy des Romains pour tousjours continuer led. empire en leur maison.

Au reste, Sire, ilz ont mandé à don Diego de Suniga, lequel est encores en sa maison à Salemanque, qu'il s'en vienne incontinent par la poste pour partir aussitost d'icy et aller rezider

ambassadeur vers Votre Majesté ; ce qu'il fera ; et sa femme le suivra au bon temps. Autre expédient se faict d'infanterie en plusieurs villes d'Espaigne. Je suis après pour scavoir combien de compagnies et à quelle On, s'il sera possible. De Madrid, le xij"' de février 1572.