A laRoyne

Madrid, 12 février 1572.

Madame, Il n'y a pas eu faulte de parleurs en ceste court qui ont dict leur advis de quoy le cardinal Alexandrin n'avoit trouvé quelque seigneur à Bayonne pour le recevoir de la part du Roy; et là dessus se sont dictes des plus grandes sotizes du monde. Mais à la fm on a sceu que Mons' de Saint Supplice y estoit arrivé et que led. cardinal a esté honnorablement receu en la ville de Bourdeaux.

J'ay, Madame, à vous dire pour le regard de Mesdames les Infantes que elles sont en bonne santé; mais l'aisnée a gardé six ou sept jours le lict à cause d'une petite fiebvre.

Et ne veulx faillir de dire à Votre Majesté que je fuz, lexxiiij du mois passé , me conjouyr avecques la Royne d'Espaigne , de la part de toutes Voz Majestez, pour l'enfant que Dieu luy a donné. Il me fust ainsi enjoinct par voz lettres du xxvj de décembre, en attendant d'envoyer ung gentilhomme exprès qui sera Mons' de S* Gouard, à ce que le secrétaire Aguilon leur a escript de plusieurs jours. J'avois desja faict cest office envers le Roy Catholique que, comme j'escrivis à Voz Majestez du xxij dud. janvier et l'eusse faict dès lors à l'endroict de lad. Dame Royne, ne fust que une collique me surprint qui m'en garda. Il m'est advis. Madame, que led. de S' Gouard tarde beaucoup à venir; car Portugal, Venize, Savoye, Florence et autres potentatz d'Itallie ont envoyé des leurs pour led. effect, et les anciens s'en sont desja retournez.

Au restant. Madame, je suis d'opinion qu'il seroit bon de faire prendre garde, si le roy d'Escosse est en lieu et au pouvoir de telz d'où Espaignolz ou Flamengz le puissent enlever; car je me doubte que ce seroit gens pour y essayer quant qu'il tarde non sans consentement d'aucuns des siens, et de le mener en Espai*

gne pour esirc nourry en ceste court et maryé à une de voz petites filles.C'estung discours que la feu Royne votre fille me feist quelque temps devant son trespas. Et suis adverty qu'on faict des AUemans pour Flandres, partie desquelz entrera à la garde des places dud. païs, en intention d'en tirer le plus d'Espagnolz qu'il sera possible, en lieu desquelz entreront aultant d' AUemans; de sorte que les présides seront moytié de Tune dcsd. deux nations et moytié de l'autre. Le semblable sefera en Piémont et Lombardie. Il fault croire que telle provision se faict ou pour assaillir ou pour se défendre en campaigne, et m'a esté dict que le duc de Medine Cely embarquera les vieulx soldatz de Navarre avecques luy, en lieu desquelz entreront quatre bendes qui se sont levées à Segovye.TIiomasStuely, anglois, est venu despuis quatre jours en ce lieu et partira avec le duc de Montalto, beau filz du duc de Medine qui s'en rêva trouver sond. beau père à Laredo. Il est impossible qu'ilz n'ayent quelque entreprinze au dommage de la royne d'Angleterre ; et peu de personnes ont opinion qu'il aille succéder au duc d'Alve que plustost le monde ne soit plus serain et asseuré qu'il n'est; car se défient d'avoir la guerre du cousté de France, ou à laquelle les François tiendront la main; et à toutes adventures, Sad. Majesté Catholique faict grandes provisions de finances, qu'il ne scauroit avoir faulte quelque besoing qui luy puisse survenir, cest an présent, par mer ny par terre, estant si bien servy que son grand trésorier Melchior de Herrera luy a gaigné ou sceu espargner en ceste dernière foire de Medine del Camp la somme de huict cens mil escuz et deniers bons et revenantz. Le voiage pour Mousson tient tout rezoUu à ce mois qui vient. Et m'a ung certain personnage voulu faire croire que le s' don Jehan d'Austrie viendra à Barcelonne pour traicter des afi'aires avec Sad. Majesté devant que rien exécuter. Jehan André Dorie vient arriver en ceste court parla poste. De Madrid, le xij-* février 1572.